Satara : साताऱ्यातून (Satara ) आणखी एक धक्कादायक बातमी समोर येत आहे. सिनेस्टाईलने पाठलाग करत एकाचा खून करण्यात आला आहे. कराडला पूर्व वैमनस्यातून एकाचा खून झाल्याची घटन घडली आहे. जखिनवाडी येथील एकाचा खून झाला असून, हल्लेखोर फरार आहेत. दरम्यान, याप्रकरणी पोलिसांनी तपास सुरु केला आहे.
पूर्वीच्या भांडणाचा राग मनात धरुन केली हत्या
साताऱ्यातील कराड तालुक्यात नांदलापूर गावच्या हद्दीत पूर्वीच्या भांडणाचा राग मनात धरून दोन दुचाकीवरून आलेल्या तिघांनी सिनेस्टाईल एकाचा पाठलाग करून कोयत्याने सपासप वार केले. यामध्ये जखिणवाडी येथील प्रवीण बोडरे यांचा मृत्यू झाला आहे. पूर्वीच्या भांडणाचा राग मनात धरून दोन दुचाकीवरून आलेल्या हल्लेखोरांनी प्रवीण बोडरे यांच्या दुचाकीला धडक दिली. त्यानंतर प्रवीण बोडरे हा मुख्य रस्त्यावर दुचाकी सोडून एका बोळात पळाला. मात्र त्या बोळात पुढील बाजूने आणि मागील बाजूने हल्लेखोरांनी त्याला घेरले आणि त्याच्यावर कोयत्याने हल्ला केला.
पोलिसांकडून संशयताचा शोध सुरू
या घटनेची माहिती मिळताच घटनास्थळी डीवायएसपी राजश्री पाटील, वरिष्ठ पोलीस निरीक्षक राजू ताशिलदार, गुन्हे प्रकटीकरण शाखेचे सहाय्यक पोलीस निरीक्षक अशोक भापकर यांच्या कर्मचाऱ्यांनी घटनास्थळी तात्काळ धाव घेतली. दरम्यान, पूर्वीच्या भांडणाचा राग मनात धरुन ही हत्या झाल्याची माहिती मिळाली आहे. दरम्यान, याप्रकरणी पोलिसांकडून संशयताचा शोध सुरू आहे.
बुलढाणा जिल्ह्यातही एक धक्कादायक घटना, शेगावमध्ये एका भोकसून हत्या
बुलढाणा जिल्ह्यात एक धक्कादायक घटना घडली आहे. शेगाव शहरातील चिंच परिसरात थोड्याच वेळापूर्वी युवकाची भोसकून हत्या करण्यात आल्याची घटना घडली आहे. नितीन गायकवाड असं या हत्या करण्यात आलेल्या युवकाच नावं आहे. तो मूळचा वाशीम येथील रहिवासी असल्याची माहिती पोलिसांनी दिली आहे. मात्र त्याची हत्या कुणी व कशासाठी केली याचा शोध आता शेगाव शहर पोलीस घेत आहेत. शेगाव शहरात धक्कादायक घटना घडली आहे. शहरात एका युवकाची हत्आ करण्यात आली आहे. दिवाळीच्या सुट्यामुळे लाखो भविकांची शेगावमध्ये गर्दी असल्याने भविकांमध्ये भीतीच वातावरण पसरलं आहे. दरम्यान, या युवकाची हत्या नेमकी का झाली? कोणी केली? याबाबतची माहिती अद्याप मिळालेली नाही. दरम्यान, पुढील तपास शेगाव शहर पोलीस करत आहेत.
महत्वाच्या बातम्या :