Sanjay Raut on Devendra Fadnavis: फडणवीस आणि शिंदे यांच केंद्रात वजन आहे, अमित शहा यांच्याकडे वजन आहे. समाजाचं नेतृत्व करणारे फडणवीस यांचे चेले आहेत. हा विषय जर केंद्रात असेल तर केंद्र तुमचंच आहे, मागण्या मान्य करु हे सांगणारे तुम्हीच होतात विरोधी पक्षात असताना, त्यामुळे आरक्षणासाठी संविधानात बदल का करत नाही? अशी विचारणा शिवसेना खासदार संजय राऊत यांनी केली. आजचे सत्ताधारी पक्ष एकत्रित राजकीय पोळी भाजून घेत आहेत. आज समाज रस्त्यावर, चिखलात आहे पण यांना समाजाविषयी कोणतीच सहानभूती दिसत नाही.
दोन समाजात आग लावण्याचं काम करत आहेत
संजय राऊत म्हणाले की, फडणवीस सरकारने मराठा आंदोलनाला एक दिवसाची मुदतवाढ दिली म्हणजे मेहरबाणी केली म्हणावं लागेल. मोठ्या संख्येने आंदोलक येत आहेत, पण ते कोणाला त्रास देत नाही आहेत. फडणवीस म्हणतात आंदोलनावर कोणी पोळी भाजू नये, पण कोण भाजतंय? आपली राजकीय इच्छा शक्ती असती तर एक दिवसात आरक्षण देऊ शकला असता. आपली राजकीय इच्छाशक्ती अरबी समुद्रात बुडाली आहे, आपण राजकीय इच्छाशक्तीचे महामेरू आहात. दोन समाजात आग लावण्याचं आणि तेढ निर्माण करण्याच काम आपण करत आहात, आपण सत्तेत आहात.
मुख्यमंत्र्यांनी सर्व विरोधी पक्ष नेत्यांशी चर्चा करायला हवी
संजय राऊत यांनी सांगितले की, यांनी आम्हाला संविधान सांगू नये, संविधान बदलायला तुम्ही निघाले होते. महाराष्ट्रातील मराठा समाज आर्थिक आणि सामाजिक मागण्यांसाठी रस्त्यावर उतरला आहे, मग त्यासाठी संविधान बदलायला काय हरकत आहे? राज्याच्या मुख्यमंत्र्यांनी सर्व विरोधी पक्ष नेत्यांशी चर्चा करायला हवी, सर्वांना एकत्रित घेऊन जरागे पाटील यांची भेट घायला हवी. शिंदे आंदोलकांना मदत करत आहेत, फडणवीस यांना अडचणीत आणण्यासाठी आणि अजित पवार चीनच्या भिंती प्रमाणे तटस्थ आहेत, ही आहे का राजकीय ईच्छाशक्ती? अशी विचारणा त्यांनी केली.
फडणवीस यांना शाह आणि मोदींकडे जावं लागेल
ते म्हणाले की, न्यायालयाने आरक्षण नाकारलं ते संविधानामुळे या मूर्ख नेत्यांना कळत नाही. संविधानाची चौकट पाळून जे करायचं आहे ते करा, मोदींना सांगा आणि तुमच्या बरोबर आहे. फडणवीस यांना अमित शाह आणि मोदींकडे जावं लागेल, ते जाणार आहात का सांगा? शाह यांनी गणपतीला जाण्याआधी जरांगे पाटील भेटायला हवं, फडणवीस यांनी त्यांना न्यायला हवं होत. तुम्ही फक्त राजकारण आणि चमकोगिरी करायला येता, असा हल्लाबोल त्यांनी केला.
इतर महत्वाच्या बातम्या