Raigad Building Collapse Live | रायगडमधील इमारत दुर्घटनेतील मृतांचा आकडा वाढला, आतापर्यंत 12 जणांचा मृत्यू
Maharashtra Raigarh Buidling Collapse Live :रायगड जिल्ह्यातील महाडमध्ये पाच मजली इमारत संध्याकाळी सव्वा सहा वाजताच्या दरम्यान पत्त्यासारखी कोसळली आहे.
एबीपी माझा वेब टीम
Last Updated:
25 Aug 2020 07:32 PM
रायगडमधील इमारत दुर्घटनेतील मृतांचा आकडा वाढला, आतापर्यंत 12 जणांचा मृत्यू
#महाडइमारतदुर्घटना, रायगडमधील इमारत दुर्घटनेतील मृतांचा आकडा वाढला, आतापर्यंत 9 जणांचा मृत्यू
रायगडमधील इमारत दुर्घटनेत बचावकार्य युद्ध पातळईवर सुरु असून ढिगाऱ्याखालून एका बाळाला सुखरूप बाहेर काढण्यात आलं आहे. साडेतीन वर्षाचा मोहम्मद बांगी हा मुलगा सापडला असून त्याला ढिगाऱ्याखालून सुखरूप बाहेर काढण्यात आलं आहे. बाळाला बाहेर काढताच जल्लोष करण्यात आला. तसेच गणपत्ती बप्पा मोरयाच्या घोषणाही देण्यात आल्या.
रायगडमधील इमारत दुर्घटनेत आतापर्यंत पाच जणांचा मृत्यू झाल्याची माहिती राज्याचे मदत व पुनर्वसन मंत्री विजय वडेट्टीवार यांनी दिली. कालचा एक आणि आज चार मृतदेह दिसत आहेत. ढिगाऱ्याखाली 18 ते 19 लोक अडकल्याची शक्यता आहे. मृतांच्या कुटुंबीयांना चार लाखांची नुकसानभरपाई दिली जाईल. तर या दुर्घटनेत जखमी झालेल्या 50 हजार रुपये दिले जातील. इमारतीमधील रहिवाशांच्या राहण्याची आणि जेवण्याची व्यवस्था करण्यात आली आहे, असं विजय वडेट्टीवार यांनी सांगितलं.
दुर्घटनाग्रस्त इमारतीचा बिल्डर पसार झाला असून ज्या दिवशी सापडेल त्या दिवशी त्याच्यावर मनुष्यवधाचा गुन्हा दाखल होईल, स्थानिक आमदार भरतशेठ गोगावले यांची माहिती
रायगड जिल्ह्यात महाड येथे इमारत कोसळून दुर्दैवी घटना घडली आहे. याप्रकरणी आता पाच जणांवर गुन्हा दाखल करण्यात येणार आहे. यामध्ये बिल्डर, वास्तुविशारद, आरसीसी सल्लागार, मुख्याधिकारी आणि इंजिनीअर यांचा समावेश आहे.
रायगड जिल्ह्यात महाड येथे इमारत कोसळून दुर्दैवी घटना घडली आहे. याप्रकरणी आता पाच जणांवर गुन्हा दाखल करण्यात येणार आहे. यामध्ये बिल्डर, वास्तुविशारद, आरसीसी सल्लागार, मुख्याधिकारी आणि इंजिनीअर यांचा समावेश आहे.
रायगडमधील इमारत दुर्घटनेची केंद्रीय गृहमंत्री अमित शाह यांच्याकडून दखल, रायगडमधील इमारत दुर्घटना अतिशय दुर्दैवी आहे. आवश्यक ती सर्व मदत पुरवण्याबाबत एनडीआरएफच्या महासंचालकांशी बातचीत केली आहे. सगळ्यांच्या सुरक्षेसाठी प्रार्थना करतो, असं ट्वीट अमित शाह यांनी केलं आहे.
या इमारतीत एकूण 94 रहिवासी राहत होते. त्यापैकी 75 जण सुरक्षित असून अजूनही 19 ते 20 रहिवासी अडकले आहेत. या दुर्घटनेत समीर सय्यद नावाच्या व्यक्तीचा मृत्यू झाला, अशी माहिती पोलीस अधीक्षकांनी दिली.
रायगड जिल्ह्यात महाड येथे इमारत कोसळून उद्भवलेली आपत्ती दुर्दैवी आहे. एनडीआरएफची दोन पथके घटनास्थळी दाखल झाली आहेत. स्थानिक प्रशासनानेही युद्धपातळीवर मदतकार्य सुरू केले आहे. जिल्हाधिकारी निधी चौधरी यांच्यासह प्रांताधिकारी, तहसीलदार यांच्याकडून मी सातत्याने आढावा घेतो आहे. शासनाचे आवश्यक ते सर्व सहकार्य मिळेल याचीही ग्वाही मी प्रशासनाला दिली आहे. काँग्रेसचे जिल्हाध्यक्ष माणिक जगताप घटनास्थळी असून त्यांच्याकडूनही मी मदतकार्या बाबतीतल्या नोंदी घेतो आहे : महसूलमंत्री बाळासाहेब थोरात
मुख्यमंत्री उद्धव बाळासाहेब ठाकरे यांनी महाडमध्ये इमारत कोसळली, त्याबाबत आमदार भरत गोगावले व जिल्हाधिकारी निधी चौधरी यांच्यासोबत चर्चा केली. या ठिकाणी जलदगतीने बचावकार्य आणि मदतकार्यासाठी शासनातर्फे सर्वतोपरी सहकार्य करण्यात येईल, असे मुख्यंमंत्र्यांनी आश्वासन दिले.
महाडमध्ये एक पाच मजली इमारत कोसळली आहे. आज सायंकाळी ही दुर्देवी घटना घडली असून ढिगाऱ्याखाली अनेक जण अडकल्याची भीती व्यक्त करण्यात येत असून अग्निशमन दलाने घटनास्थळी धाव घेऊन ढिगारा उपसण्याचं काम युद्धपातळीवर सुरू करण्यात आलं आहे.
महाडमध्ये एक पाच मजली इमारत कोसळली आहे. आज सायंकाळी ही दुर्देवी घटना घडली असून ढिगाऱ्याखाली अनेक जण अडकल्याची भीती व्यक्त करण्यात येत असून अग्निशमन दलाने घटनास्थळी धाव घेऊन ढिगारा उपसण्याचं काम युद्धपातळीवर सुरू करण्यात आलं आहे.
पार्श्वभूमी
रायगड : रायगड जिल्ह्यातील महाडमध्ये पाच मजली इमारत सोमवारी (24 ऑगस्ट) संध्याकाळी सव्वा सहा वाजताच्या दरम्यान पत्त्यासारखी कोसळली. ढिगाऱ्याखाली अनेक जण अडकले होते. या इमारतीत एकूण 94 रहिवासी राहत होते. त्यापैकी 75 जण सुरक्षित असून अजूनही 19 ते 20 रहिवासी अडकले आहेत. या दुर्घटनेत समीर सय्यद नावाच्या व्यक्तीचा मृत्यू झाला, अशी माहिती आमदार अवधूत तटकरे यांनी दिली. दरम्यान एनडीआरएफची टीम घटनास्थळी दाखल झाली असून मदत आणि बचावकार्य युद्ध पातळीवर सुरु आहे.
- - - - - - - - - Advertisement - - - - - - - - -