पुणे : पुण्यात प्रेमप्रकरणातून एका 20 वर्षीय तरुणाने आत्महत्या केली आहे. हडपसरच्या सत्यपुरम सोसायटीमध्ये सोमवारी रात्री ही घटना घडली.   शुभम टिळेकर असं मृत तरुणाचं नाव आहे. शुभमचे आई-वडील पुण्यातीलच दुसऱ्या घरात गेले होते. घरात कोणीही नसल्याचं पाहून शुभमने गळफास घेऊन आयुष्य संपवलं.   दरम्यान, पोलिसांना शुभमच्या मृतदेहाशेजारी सुसाईड नोटही सापडली आहे. शुभमने प्रेमप्रकरणातून आत्महत्या केल्याचा प्राथमिक अंदाज पोलिसांनी वर्तवला आहे. पोलिस पुढील तपास करत आहेत.