तक्रारदार सुरेश ढमाले यांनी 2012 मध्ये फ्लॅट आणि दुकान खरेदी केलं होतं. पण त्यांनी खरेदी केलेल्या दुकानाच्या दरात रेडी रेकनर आणि खरेदी किंमतीमध्ये 35 लाखांची तफावत येत होती. यावरुन आयकर विभागाचा अधिकारी राजेंद्र दोंड त्यांची अडवणूक करत होता. शिवाय या प्रकणातून सुटण्यासाठी ढमाले यांच्याकडून 2 लाखांची लाच मागत होतं.
राजेंद्र दोंड सातत्याने लाचेची मागणी करत असल्यामुळे सुरेश ढमाले यांनी सीबीआयच्या अँटी करप्शन ब्युरोकडे याबाबत तक्रार केली. ढमालेंच्या तक्रारीची पडताळणी केली. त्यानंतर सापळा रचून, गुरुवारी संध्याकाळी राजेंद्र दोंड यांना लाचेचा पहिला हफ्ता म्हणून एक लाख रुपये घेताना रंगेहाथ पकडलं.