सोलापूर/ सांगली : ऊस दराबाबत सरकारशी बोलणी फिस्कटल्यानंतर आता राज्यभर ऊस आंदोलन चिघळत आहे. आज सकाळी आंदोलकांनी सोलापूरमध्ये ऊस वाहतूक करणाऱ्या ट्रॅक्टरचे टायर फोडले, तर सांगलीत म्हैसाळमध्ये ऊस वाहतूक करणाऱ्या ट्रॅक्टरच्या ट्रॉलीचे टायरच आंदोलकांनी पळवले.

ऊस दराबाबत सरकार आणि शेतकरी संघटनांमधील सुरु असलेली बोलणी गुरुवारी फिस्कटल्यानंतर, शेतकरी संघटनांनी आक्रमक पवित्रा घेतला. आज सकाळी स्वाभिमानी शेतकरी संघटनेच्या कार्यकर्त्यांनी पंढरपूर-पुणे रोडवर ऊस वाहतूक करणाऱ्या ट्रॅक्टरचे टायर फोडले. फॅबकेट शुगर फॅक्टरीकडे हा ट्रॅक्टर ऊस घेऊन निघाला होता.

तर दुसरीकडे सांगलीमध्ये ऊस आंदोलन चिघळलं आहे. म्हैसाळमध्ये शेतकरी संघटनेच्या कार्यकर्त्यांनी ऊस वाहतूक करणाऱ्या ट्रॅक्टरच्या ट्रॉलीचे टायर पळवले.काल मध्यरात्री हा प्रकार करण्यात आला.

दरम्यान, जोपर्यंत ऊसाला टनामागं 3 हजार 500 रुपयांचा दर मिळत नाही, तोपर्यंत हे आंदोलन असंच सुरु राहणार असल्याचं शेतकरी संघटनेकडून सांगण्यात आलं आहे.

संबंधित बातम्या

ऊस दरासंदर्भातली शेतकरी संघटना आणि सरकारमधली बैठक फिस्कटली