शहरात कोल्हापुरी स्टाईलने बॅनर लागले आहेत. यात कोल्हापुरी बाण्यात मोर्चात सहभागी होण्यासाठी आमत्रंण दिलं आहे. "मोर्चाला याला लागतंय", "अहं!! या नाही यायचंच" अशी वाक्यं वाहनांवर, टी-शर्टवर, डिजिटल बोर्डवर दिसत आहेत.
कोल्हापुरातील फ्लेक्सची सध्या महाराष्ट्रभर चांगलीच चर्चा सुरु आहेत. हे फ्लेक्स सोशल मीडियातही मोठ्या प्रमाणात व्हायरल झाले आहे. या फ्लेक्ससोबतच विविध समाजांच्या समर्थनाचे फ्लेक्सही कोल्हापुरात झळकत आहेत.
दरम्यान, कोल्हापुरातील मराठा क्रांती मोर्चाच्या आयोजकांनी मोर्चाची जोरदार तयारी केली आहे. मोर्चाचा मार्ग तसेच पार्किंगची ठिकाणं सोशल मीडियावरुन नागरिकांना कळवण्यात आली आहेत.
दुसरीकडे पोलिसांनीही चोख बंदोबस्तासाठी कंबर कसली आहे.