राष्ट्रवादी काँग्रेसने बदलापुरात कामगार महिलांना सॅनिटरी नॅपकीन वाटत सरकारचा निषेध केला.
सरकारनं लवकरात लवकर सॅनिटरी नॅपकिन जीएसटीतून वगळावे, अशी मागणी यावेळी करण्यात आली.
दरम्यान, केंद्र सरकार आज मध्यरात्रीपासून जीएसटी कर लागू करणार असून, या करातून महिलांना अत्यावश्यक असलेल्या सॅनिटरी नॅपकिनला वगळण्यात आलेलं नाही. त्यामुळं महिलांना आणि विशेषत: ग्रामीण भागातील महिलावर्गाला याचा मोठा आर्थिक फटका बसणार आहे. त्यामुळं सॅनिटरी नॅपकिन जीएसटीतून वगळण्याची मागणी राष्ट्रवादी काँग्रेसने लावून धरली आहे.