आज (28 नोव्हेंबर) या निवडणुकांचा निकाल जाहीर होणार आहे. त्यामुळे कुठला पक्ष या निवडणुकीत बाजी मारतो, हे चित्र स्पष्ट होण्यासाठी अवघे काही तास उरले आहेत.
यावेळी थेट जनतेमधून नगराध्यक्षाची निवड होणार आहे. त्यामुळे ग्रामीण भागात सध्या चुरस रंगली आहे. राज्यातील प्रमुख पक्ष शिवसेना, भाजप, काँग्रेस आणि राष्ट्रवादीचा या निवडणुकीमध्ये कस लागणार आहे.
या निवडणुकांकडे मिनी विधानसभा या दृष्टीकोनातून पाहिलं जातं. त्यामुळे फडणवीस सरकारचीही चाचणी घेणारी ही निवडणूक मानली जात आहे.
नगरपालिका निवडणुकांची संपूर्ण आकडेवारी :
- थेट नगराध्यक्षपदांच्या जागा- 147
- सदस्यपदांच्या जागा- 3,705
- सदस्यपदांसाठी उमेदवार- 15,826
- बिनविरोध विजयी सदस्य- 28
- थेट नगराध्यक्ष पदांसाठीचे उमेदवार- 1,013
- एकूण प्रभाग- 1,967
- एकूण मतदान केंद्रे- 7,641
- एकूण मतदार- 58,49,171
- पुरुष मतदार- 30,20,683
- स्त्री मतदार- 28,28,263
- इतर मतदार- 225
निवडणुकीतल्या ठळक नोंदी :
- रोकड जप्त- 26,04,47,250 रुपये
- अवैध दारु जप्त- 1,24,336 लीटर
- अवैध शस्त्रे जप्त- 9
- आचारसंहिता भंगांच्या तक्रारी- 69
- मालमत्ता विद्रुपीकरण तक्रारी- 30
- संशयित व्यक्तिंविरुद्ध कार्यवाही- 16,810
- शांततेसाठी जामीनपत्रे घेतलेल्या व्यक्ती- 8,741
- प्रतिबंधात्मक कार्यवाही- 3,173
- नाकाबंदी- 4,718