Maharashtra Mumbai Rains LIVE : मुंबईत पुढील 5 दिवसांसाठी ऑरेंज अलर्ट जारी, कुंभार्ली घाटात दरड कोसळली
Maharashtra Mumbai Rains Update Today : मुंबईसह, उपनगर आणि कोकणात पावसानं जोरदार हजेरी लावली. मुंबईत अनेक ठिकाणी रस्त्यावर पाणी साचल्याचं पाहायला मिळालं.
पार्श्वभूमी
Maharashtra Mumbai Rains LIVE : सध्या मुंबईसह, उपनगर आणि कोकणात पावसानं जोरदार हजेरी लावली. मुंबईत अनेक ठिकाणी रस्त्यावर पाणी साचल्याचं पाहायला मिळालं. यामुळं काही ठिकाणी वाहतुकीवरही परिणाम झाला. मुंबई आणि...More
मुंबईच्या कुर्ला नेहरूनगर विभागात तीन ते चार फूट पाणी भरले आहे. नेहरूनगर मधील वालावलकर स्कूलच्या बाहेर रस्त्याला नदीचे स्वरूप आले आहे. वालावलकर शाळेतही तीन ते चार फूट पाणी भरले आहे
Kolhapur Rain update : पंचगंगा नदीची पाणी पातळी 25 फूट 8 इंचावर पोहोचली आहे. जिल्ह्यातील एकूण 15 बंधारे पाण्याखाली गेले आहेत. दरम्यान, कोल्हापूर जिल्ह्यासाठी एनडीआरएफच्या दोन तुकड्या पुण्याहून रवाना झाल्या आहेत.
कुंभार्ली घाटात दरड कोसळल्याची घटना घडली आहे. कुंभार्ली घाट हा कोकण आणि पश्चिम महाराष्ट्राला जोडणाराघाट आहे. कोकणातील येणाऱ्याची वाट बिकट झाली आहे. कोकणाला जोडणारे दोन प्रमुख मार्गावरील घाट वाहतुकीसाठी बंद झाले आहेत. एक परशुराम घाट आणि दुसरा कुंभार्ली घाट.
रायगड जिल्ह्यातील महाड-पोलादपूर येथे अतिवृष्टीमुळे पूर परिस्थिती निर्माण झाली आहे. यामुळं विधानपरिषदेचे विरोधी पक्ष नेते प्रविण दरेकर यांनी तातडीने आज सकाळी महाड येथे धाव घेतली.अतिवृष्टीमुळे निर्माण झालेल्या परिस्थितीची पाहणी केली. महाड तालुक्यातील दासगाव येथे भली मोठी संरक्षक भिंत मोठ्या प्रमाणात खचली आहे. त्या संरक्षक भिंतीच्या खाली नागरी वस्ती आहे. त्यामुळे प्रविण दरेकर यांनी तातडीने येथे योग्य मदत कार्य करण्याच्यादृष्टीने तहसिलदार काशिद व अन्य अधिका-यांच्यासमेवत त्या भागाची पाहणी केली. तेथील लोकांना तातडीने अन्य सुरक्षित स्थळी हलविण्याचे निर्देश दिले आहेत.
मुंबई मध्ये सुरु असलेल्या जोरदार पावसामुळं मुंबईच्या सखल वस्तीत मोठ्या प्रमाणत पाणी भरले आहे. चेंबूर येथील पोस्टल कॉलनी परिसरात तीन ते चार फूट पाणी भरले आहे. पाणी इथल्या घरांमध्ये शिरल्यानं रहिवासी घरे सोडून निघून गेले आहेत. इथल्या रस्त्यांना नदीचे स्वरुप आलं आहे. दरवर्षी या ठिकाणी अशीच स्थिती होत असते.
चेंबूरची पोस्टल कॉलनी जलमय झाली आहे. अनेक घरात पाणी शिरलं आहे. त्यामुळं नागरिकांनी घरे सोडली आहेत.
कर्जत आणि बदलापूर शहरातून वाहणाऱ्या उल्हास नदीच्या पाण्याची पातळीत मुसळधार पावसामुळं वाढ झाली आहे. कर्जत आणि ग्रामीण भागात अजूनही पावसाची संततधार सुरुच असल्यानं नदीच्या पाण्यात सातत्याने वाढ होत आहे. त्यामुळं आजूबाजूच्या गावांना आणि गृहसंकुलांना प्रशासनाकडून सतर्क राहण्याचं आवाहन करण्यात येत आहे. 2019 साली एकाच आठवड्यात दोन वेळा आणि 2021 साली एकदा या नदीला आलेल्या महापुराचा फटका शेकडो बदलापूरकरांना बसला होता. असे असताना प्रशासनानं अजूनही पूर नियंत्रण रेषेसंबंधी अजून ठोस निर्णय घेतलेला नाही. उल्हास नदीमुळे दरवर्षी बदलापूरकरांना महापुराचा सामना करावा लागतो.
कोल्हापूरमध्ये मुसळधार पाऊस सुरु आहे. या पावसामुळं पंचगंगा नदीच्या पाणी पातळीत सातत्यानं वाढ होत आहे. पंचगंगा नदीचा पातळी 25 फूट 8 इंचावर पोहोचली आहे. कोल्हापूर जिल्ह्यातील एकूण 15 बंधारे पाण्याखाली गेले आहे. धोकादायक मार्गावरुन वाहतूक करु नये असं जिल्हा प्रशासनानं आवाहन केलं आहे. कोल्हापूर जिल्ह्यासाठी NDRF च्या दोन तुकड्या रवाना झाल्या आहे.
Mumbai Rains Hindmata Water Logging : मुंबईत मुसळधार पाऊस कोसळत असताना हिंदमाता परिसरात यंदा पाण्याचा निचरा वेगाने झाला. यासाठी मुंबई महापालिकेची मागील वर्षीची तयारी महत्त्वाची ठरली.
मानखुर्द रेल्वे उड्डाणपुलावरील वाहतूक मंदावली आहे. मानखुर्द रेल्वे उड्डाणपूल इथं झालेल्या अपघाताने दक्षिणेकडे जाणाऱ्या वाहतुकीची गती मंदावली आहे. वाहतूक पोलीस घटनास्थळी पोहोचले असून वाहतूक सुरळीत करण्यासाठी प्रयत्नशील आहेत.
मुंबईत पावसाने (Mumbai Rains) दमदार हजेरी लावली आहे. पावसामुळे ठिकठिकाणी वाहतूक कोडी झाल्याचे चित्र आहे. तर लोकल वाहतूक धीम्या गतीने सुरू आहे.
Mumbai Rain Updates : मुंबईत पुढील 5 दिवसांसाठी ऑरेंज अलर्ट जारी, आज काही ठिकाणी 200 मिमीहून अधिक पावसाचा अंदाज
7 जुलै आणि 8 जुलै रोजी मुंबईत अतिवृष्टीचा अंदाज
रायगड, रत्नागिरीत पुढील 4 दिवस अतिवृष्टीची शक्यता, चारही दिवस रेड अलर्ट
कोल्हापूर जिल्ह्यासाठी एनडीआरएफच्या दोन तुकड्या थोड्याच वेळात रवाना होणार आहे. कोल्हापूरमध्ये मुसळधार पावसामुळं पूरस्थिती निर्माण झाली आहे. पंचगंगा नदीच्या पाणी पातळीत मोठी वाढ झाली आहे. NDRF च्या एका तुकडीत 25 जवान असे 50 जवान कोल्हापूर जिल्ह्यात पोहोचणार आहेत. NDRF ची एक तुकडी शहरी भागात तर दुसरी ग्रामीण भागात काम करणार आहे. पुण्यातून दोन्ही टीम थोड्याच वेळात कोल्हापूरसाठी बाहेर पडतील.
मुंबईत कालपासून मुसळधार पाऊस सुरु आहे. या पावसामुळं ठिकठिकाणी पाणी साचलं आहे. पावसामुळं अंधेरी सब वे वर पाणी साचलं आहे. त्यामुळं वाहतूक बंद करण्यात आली आहे.
गेल्या 12 तासापासून मुंबईसह उपनगरात मुसळधार पाऊस सुरु आहे. मागच्या 12 तासात सायन परिसरात 120 मिमीहून अधिक पाऊस झाला आहे. मुंबई विमानतळ परिसरात 94 मिमी पाऊस झाला आहे. नवी मुंबईतील वाशीत 155 मिमीहून अधिक पाऊस सुरु आहे. दुपारनंतर पुन्हा मुंबईत पावसाचा जोर वाढणार असल्याचा इशारा देण्यात आला आहे.
Raigad Rain : रायगड जिल्ह्यात गेल्या 24 तासात 143 मिलीमीटर पावसाची नोंद झाली आहे. तसेच 1 जूनपासून आजपर्यंत एकूण सरासरी 696.64 मिलीमीटर पावसाची नोंद झाली आहे.
Raigad Rain : रायगड जिल्ह्यात गेल्या 24 तासात 143 मिलीमीटर पावसाची नोंद झाली आहे. तसेच 1 जूनपासून आजपर्यंत एकूण सरासरी 696.64 मिलीमीटर पावसाची नोंद झाली आहे.
Ratnagiri Rain : सध्या रत्नागिरी जिल्ह्यात मुसळधार पाऊस कोसळत आहेत. या मुसळधार पावसामुळं जिल्ह्यातील नदी नाले दुथडी भरुन वाहत आहेत. दरम्यान, मुंबई-गोवा महामार्गावरील परशुराम घाट सध्या वाहतुकीसाठी बंद करण्यात आला आहे. मुसळधार पावसामुळं या घाटातील दरड खाली कोसळली आहे. हा घाट धोकादायक स्थितीत असल्यानं प्रशासनाने योग्य ती खबदारी घेतली असून, घाट बंद ठेवण्याचा निर्णय घेतला आहे. दरम्यान, या घाटाची पाहणी शिवसेनेचे खासदार विनायक राऊत यांनी केली आहे.
पनवेलमधील पाताळगंगा नदीच्या पाणी पातळीत मोठी वाढ झाली आहे. सध्या त्या ठिकाणी मुसळधार पाऊस सुरु आहे. दरम्यान, सखल भागातील नागरिकांना सुरक्षित स्थळी हलवण्यात आले आहे. अद्याप कोणतेही नुकसान नाही.
रत्नागिरी जिल्ह्याला मुसळधार पावसानं चांगलचं झोडपून काढलं आहे. त्यामुळं नद्या नाले दुथडी भरुन वाहत आहेत. पावसाचा जोर कालपेक्षा कमी असला तरी 7 जुलैपर्यंत मुसळधार पाऊस कोसळेल असा इशारा हवामान खात्याने दिला आहे. त्यामुळं जिल्ह्यात ऑरेंज अलर्ट देण्यात आला आहे. दुसरीकडे मागील 24 तासात सरासरी 157 मिलिमीटर पाऊस जिल्ह्यात पडला आहे. विशेष म्हणजे लांजा तालुक्यात 342 मिलिमीटर पाऊस कोसळला आहे. कालच्या पावसामुळं परशुराम घाट अजूनही बंद आहे त्यामुळं अवजड वाहतूक मुंबई-गोवा महामार्गावर पूर्ण पणे बंद ठेवण्यात आली आहे.
खेडमधील जगबुडी नदीची पाणी पातळी इशारा पातळीच्या वर गेली आहे. डगबुडीची पाणी पातळी 5.75 मिटरवर गेली आहे. लांजामधील काळजी नदी आणि राजापूरमधील कोदवली नदी इशारा पातळीवरुन वाहत आहेत.
धुळे जिल्ह्यात जून महिन्यात अपेक्षित पाऊस झाला नाही. जुलैमध्ये काही ठिकाणी कमी अधिक प्रमाणात पाऊस झाला आहे. त्यामुळं 100 मिलिमीटर पर्यंत पाऊस होत नाही तोपर्यंत पेरण्यात न करण्याचे आवाहन कृषी विभागाच्या वतीनं करण्यात आलं आहे. गेल्या आठवड्यापासून जिल्ह्यातील काही भागात पावसाने कमी अधिक प्रमाणात हजेरी लावली आहे. यामुळे शेतकऱ्यांनी पेरणीच्या कामाला वेग दिला आहे. आत्तापर्यंत जिल्ह्यात 50 टक्क्याहून अधिक पेरण्या झाल्या आहेत. तसेच शिरपूर तालुक्यात देखील पावसाने काही प्रमाणात आघाडी घेतली असली तरी अद्यापही शेतकऱ्यांना दमदार पावसाची प्रतीक्षा कायम आहे.
अमरावती जिल्ह्यात रात्रीपासून सर्वदुर पावसाची हजेरी लावली आहे. सध्याही पाऊस सुरु आहे. या पावसामुळं शेतकऱ्यांच्या चेहऱ्यावर आनंद पाहायला मिळत आहे.
हवामान खात्यानं पुढील काही दिवस मुसळधार पावसाचा इशारा दिला आहे. तसेच सध्या देखील पावसाचा जोर वाढल्यानं काही ठिकाणी पूरस्थिती निर्माण झाली आहे. या स्थितीत जीवित आणि मालमत्तेची हानी होऊ नये, म्हणून मुख्यमंत्री एकनाथ शिंदे हे स्वतः कोकणातील सर्व जिल्ह्यातील जिल्हाधिकाऱ्यांच्या संपर्कात आहेत. तसेच NDRF च्या जवानांना तसेच इतर पथकांना सज्ज राहण्याचे निर्देशही मुख्यमंत्र्यांनी दिले आहेत.
Sindhudurg Rain : सिंधुदुर्गमध्ये मुसळधार पाऊस सुरु आहेय या पावसामुळं निर्मला नदीला पूर आला आहे. या पुरामुळं 27 गावांचा संपर्क तुटला आहे.
मुंबईत गेल्या 12 तासात 95.81 मिलीमीटर पावसाची नोंद झाली आहे. पूर्व उपनगरात 115.09 मिलीमीटर तर पश्चिम उपनगरात 116.73 मिलीमीटर पावसाची नोंद झाली आहे.
यवतमाळ जिल्ह्यात रात्रभर सर्वदूर दमदार पाऊस झाला. तसेच अनेक भागात पहाटेपासून पावसानं जोरदार हजेरी लावली आहे. सध्या जिल्ह्यात ढगाळ वातावरण आहे. दिवसभर पाऊस पडण्याची शक्यता आहे. रखडलेल्या पेरण्यांना आला वेग
आला आहे. दोन दिवसात तीन लाख हेक्टर वर कपाशी, सोयाबीन, तूर पिकांची लागवड झाली आहे. पांढरकवडा, वणी, झरीजामनी, मारेगाव या तालुक्यात 40 मीलीपेक्षा जास्त पाऊस झाला. तर इतर तालुक्यातही पावसानं जोरदार हजेरी लावली.
सध्या कोकणात मुसळदार पाऊस सुरु आहे. त्यामुळं कोकणातील जगबुडी आणि वाशिष्ठी या नद्यांच्या पाणी पातळीत वाढ झाली आहे. त्यामुळं पुराचा धोका वाढला आहे. प्रशानसानं नागरिकांना सतर्कतेचा इशारा दिला आहे.
कोल्हापूरमध्ये देखील कालपासून मुसळधार पाऊस कोसळत आहे. या पावसामुळं पंचगंगेच्या पाणी पातळीत मोठी वाढ झाली आहे. एका रात्रीत पंचगंगेची पाणी पाचळी 7 फुटांनी वाढली आहे. सध्या पंचगंगा नदीची पाणी पातळी ही 24 फुटांवर गेली आहे.
कोयना पाणलोट क्षेत्रात पाऊसाचा जोर वाढला आहे. गेल्या 24 तासात कोयना धरणात 2 टीएमसी पाणी वाढले आहे. गेल्या 24 तासात महाबळेश्वरमध्ये 118 मिलिमीटर पाऊसाची नोंद झाली आहे. तर कोयनेत 74 मिलिमीटर पाऊसाची नोंद झाली आहे. कोयना धरणात प्रतिसेकंद 14 हजार क्युसेक्सने पाण्याची आवक सुरु आहे. सध्या कोयनेत 16 टिएमसी पाणीसाठा आहे.
पालघर जिल्ह्यात रात्रभर मुसळधार पाऊस सुरु आहे. सध्याही संततधार सुरुच आहे. किनारपट्टी भागातही पावसाचा जोर कायम आहे.
- मुख्यपृष्ठ
- बातम्या
- महाराष्ट्र
- Maharashtra Mumbai Rains LIVE : मुंबईत पुढील 5 दिवसांसाठी ऑरेंज अलर्ट जारी, कुंभार्ली घाटात दरड कोसळली