भेगडेंच्या सभेत मावळ तालुक्यातील आरपीआयचे नेते सूर्यकांत वाघमारे हे भाषण करत होते. त्याचवेळी या माकडाची एंट्री झाली. राज्यमंत्री आणि भाजपचे उमेदवार बाळा भेगडे यांच्यावर प्राणी ही किती प्रेम करतात हे माकडाच्या उपस्थितीने स्पष्ट झाला, असा डायलॉग यावेळी वाघमारेंनी मारला. आता विरोधक म्हणतील या माकडाला 50 हजार रुपये देऊन आणलं असेल, असंही ते म्हणाले.
भाषण सुरु असतानाच हे माकड थेट वाघमारेंच्या दिशेने गेलं आणि थेट माईकचा ताबा घेण्याचा प्रयत्न केला. तेंव्हा मंचावरील एका सुरक्षा रक्षकाने माकडाला हुसकवण्यासाठी बंदूकच रोखली. तरीही माकड मंडपातून हलायचं नाव घेत नव्हतं. शेवटी पोलिसांनी मंचालगतचे कापड फाडून त्या माकडाला हुसकावून लावले. त्यानंतर अवघ्या पाच मिनिटांत योगी आदित्यनाथ मंचावर पोहोचले.