मनोज जरांगेंच्या उपोषणाचा आठवा दिवस, आज सर्वपक्षीय बैठक, आरक्षणावर तोडगा काढण्यासाठी प्रयत्न

01/11/2023 12:50:05

Pune Maratha Protest: पुण्यातील गुलटेकडी मार्केटयार्डची बंदची हाक, सर्व व्यापारी सहभागी

Pune Maratha Protest: पुण्यातील महात्मा फुले मंडई आज मनोज जरांगे पाटील आणि मराठा आरक्षणाच्या मुद्द्याला पाठिंबा देण्यासाठी बंद ठेवण्यात आलेली आहे. तर मोर्चा काढत मामलेदार कचेरी इथे जाऊन निवेदन देण्यात येणार आहे. मराठा आरक्षण मिळाले तर आमच्या पोरा बाळांच्या शिक्षणाचा, नोकरीचा प्रश्न सुटेल अशी भावना व्यावसायिकांकडून व्यक्त करण्यात आली आहे. मात्र आता या आंदोलनाचा फटका हा सर्व सामान्य लोकांना बसताना दिसतोय कारण महात्मा फुले मंडई ही गजबजलेली असते मात्र आज ती बंद ठेवण्यात आली आहे.

01/11/2023 12:46:46

Pawai Maratha Protest: पवईमध्ये मराठा समाजाचे आंदोलन

Pawai Maratha Protest: मुंबईच्या पवई परिसरातील सकल मराठा समाजाने आज पवई प्लाझा जोगेश्वरी लिंक रोड परिसरात ठिय्या आंदोलन केलं. यावेळी सकल मराठा समाजाकडून जरांगे पाटील यांच्या उपोषणाला पाठिंबा देत जर जरांगे पाटलांचा काही बरं वाईट झालं तर मराठा समाज हा आक्रमक होऊन रस्त्यावर उतरेल अशी भूमिका मांडण्यात आली तसेच पवईतील जनप्रतिनिधींना कुठलेही राजकीय कार्यक्रम जोपर्यंत मराठा आरक्षण मिळत नाही तोपर्यंत घेऊ नका असं आवाहन देखील पवई मराठा सकल समाजाकडून करण्यात आलं यावेळी मोठ्या प्रमाणात पोलीस बंदोबस्त तैनात करण्यात आला होता

01/11/2023 12:29:47

Dharashiv Maratha Protest : आज सायंकाळी 5 वाजेपासून धाराशिव जिल्ह्यातील संचारबंदी शिथिल करण्यात आलेली आहे. तथापि जमावबंदी व शस्त्रबंदी लागू असणार

Maratha Reservation Protest : आज सायंकाळी 5 वाजेपासून धाराशिव जिल्ह्यातील संचारबंदी शिथिल करण्यात आलेली आहे. तथापि जमावबंदी व शस्त्रबंदी लागू असणार असल्याची माहिती प्रशासनाने दिली आहे.

01/11/2023 12:29:06

Maratha Reservation Protest: विधानभवनाच्या पायऱ्यांवर ठाकरे, शरद पवार गटाचं आंदोलन; सुप्रीया सुळेही सहभागी

Mumbai Maratha Reservation Protest: विधानभवनाच्या पायऱ्यांवर ठाकरे आणि शरद पवार गटाच्या वतीनं आंदोलन सुरू आहे. या आंदोलनात राष्ट्रवादी (शरद पवार गट) खासदार सुप्रीया सुळे यादेखील उपस्थित असून आंदोलनात सहभागी झाल्या आहेत.

01/11/2023 12:26:07

Chhatrapati Sambhajinagar Maratha Protest : छत्रपती संभाजीनगर ग्रामीण भागातील इंटरनेट बंद करण्याचे गृह विभागाचे आदेश

Maratha Reservation Protest : छत्रपती संभाजीनगर ग्रामीण भागातील इंटरनेट बंद करण्याचे गृह विभागाने आदेश दिले आहेत. जिल्हाधिकाऱ्यांनी सर्व टेलिकॉम कंपन्यांना या आदेशाचे पालन करण्याची सूचना केली आहे.

01/11/2023 12:24:12

Maratha Reservation : राज्यभरातील मराठा आंदोलन आणि सर्व पक्षीय बैठकीचे सर्व अपडेट्स

राज्यभरातील मराठा आंदोलन आणि सर्व पक्षीय बैठकीचे सर्व अपडेट्स पाहा लाईव्ह...

01/11/2023 12:20:50

Nagpur News: नागपूरच्या आरक्षणासाठी मराठा संघटनेकडून साखळी उपोषण

Maratha Reservation: नागपूरच्या महाल भागात आरक्षणाला घेऊन मराठा संघटनेकडून साखळी उपोषण सुरु आहे. आज दुसऱ्या दिवशी मनोज जरांगे याच्या आंदोलनाच्या समर्थानात मुंडन आंदोलन केले जाते आहे.

01/11/2023 12:17:34

Maratha Reservation : नाशिकच्या येवल्यात रास्ता- रोको आंदोलन

Nashik News: मराठा आरक्षणाच्या मागणीची तीव्रता आता वाढू लागली असून नाशिकच्या येवला तालुक्यात त्याचे तीव्र पडसाद उमटत आहे. छत्रपती संभाजी नगर - नाशिक महामार्गावर आंगणगाव येथील सकल मराठा समाज आंदोलकांनी रास्ता- रोको आंदोलन सुरू केले आहे. या आंदोलनामुळे महामार्गावरची वाहतूक पूर्ण विस्कळीत झाली असून दुतर्फा वाहनांच्या रांगा लागल्या आहेत. मंत्री छगन भुजबळ यांनी विरोध केल्याने येवला तालुक्यात ठिकठिकाणी मराठा समाजा तर्फे तीव्र स्वरूपाचे आंदोलन होत असल्याचे पहावयास मिळत आहे.

01/11/2023 12:15:44

Marathi Reservation: परभणीच्या पूर्णा तहसील कार्यालयावर पेट्रोलची बॅग टाकून आग लावण्याचा प्रयत्न

Parbhani News : परभणी जिल्ह्यात आता मराठा आरक्षण आंदोलन तीव्र होताना दिसून येत आहे. परभणीच्या पूर्णा तालुक्यातील तहसील कार्यालयावर पेट्रोलची बॅग टाकून पेटवण्याचा प्रयत्न करण्यात आलेला आहे मात्र कर्तव्यावर असलेल्या नायब तहसीलदार आणि तहसीलच्या इतर कर्मचाऱ्यांनी तात्काळ आग विरोधक यंत्राच्या माध्यमातून ही आग विझवली असून पेट्रोलची बॅग टाकून पेटवून देणारे दोन जण पळून गेले आहेत या घटनेनंतर तहसील परिसरात मोठी गर्दी जमली असून पोलीस पंचनामा करण्यासाठी तहसील कार्यालयात दाखल होत आहेत.

01/11/2023 12:13:31

Maratha Reservation Protest: सांगोल्यात मराठा आंदोलक आक्रमक; मुख्यमंत्री, उपमुख्यमंत्र्यांची प्रेतयात्रा

Maratha Reservation Protest: सांगोला तालुक्यातील एकतपूर येथे संतप्त मराठा आंदोलकांनी मुख्यमंत्री शिंदे आणि उपमुख्यमंत्र्यांची प्रतीकात्मक प्रेतयात्रा काढून अंत्यसंस्कार केले.

01/11/2023 12:11:32

पलूस तालुक्यातील अंकलखोप येथे मराठा समाजाला आरक्षण मिळण्यासाठी होम

Sangli News : सांगलीच्या पलूस तालुक्यातील अंकलखोप येथे मराठा समाजाला आरक्षण मिळावं यासाठी बेमुदत साखळी उपोषण सुरू आहे. यासाठी आज सरकारला आरक्षण देण्याची सुबुद्धी लवकर यावी यासाठी होम घालण्यात आला. औदुंबर येथील दत्त महाराजांना यावेळी साकडे घालण्यात आले. दिगंबरा दिगंबरा श्रीपाद वल्लभ दिगंबरा या गजरात उपोषण करत्यानी अगदी देवाला सुध्दा साकडे घातले आहे. या सरकारला जाग येणार कधी असा प्रश्नच आता जणू काही देवालाच विचारला जात आहे. मराठा समाजाला योग्य न्याय आता देव तरी देईल का? असा प्रश्न या निमित्ताने पडला आहे. कारण सद्या राजकीय नेते आणि सरकारला राजकारणातून समाजाला लक्ष द्यायला वेळच नाही मतदान आले की फक्त समाज दिसतो. परंतु समाजावरील अन्याय त्यांना दिसत नाही अशी संतप्त प्रतिक्रिया समाज बांधवांच्या कडून उमटत आहे.

01/11/2023 12:09:37

Yavatmal News: मुख्यमंत्र्यांच्या दिशेनं बूट भिरकावणाऱ्यांविरुद्ध गुन्हा दाखल

Yavatmal News: शासन आपल्या दारी कार्यक्रमात मुख्यमंत्र्याच्या दिशेने बुट भिरकावनाऱ्याला ताब्यात घेवून त्याच्याविरुद्ध यवतमाळ ग्रामीण पोलीस ठाण्यात गुन्हे दाखल करण्यात आला. संतोष नथ्थूजी गदई (40), रा. जामडोह) असे या इस्माचे व्यक्तीचे नाव आहे. शहरालगतच्या किन्ही येथे सोमवार ऑक्टोबरला मुख्यमंत्री एकनाथ शिंदे यांच्या उपस्थितीत शासन आपल्या दारी कार्यक्रमाचे आयोजन करण्यात आले होते. कार्यक्रमस्थळी मुख्यमंत्री एकनाथ शिंदे दाखल झाल्यानंतर संतोष गदई याने बुट भिरकावीत मानवी जीवितास व लोकांच्या सुरक्षीततेस धोका निर्माण होईल, असे कृत्य केले. ही बाब शिंदे गटाच्या कार्यकर्त्यांच्या लक्षात येताच त्यांनी संतोष गदई याला चोप देऊन ग्रामीण पोलिस ठाण्यात आणण्यात आले. या प्रकरणी पोलिस कर्मचारी प्रवीण वैद्य यांनी दिलेल्या तक्रारीवरून ग्रामीण पोलिस ठाण्यात संतोष गदई याच्याविरोधात गुन्हा दाखल करण्यात आला. पुढील तपास ठाणेदार प्रकाश तुनकलवार करीत आहे

01/11/2023 12:07:40

Maratha Reservation : मराठा आरक्षण आंदोलनामुळे शंभराव्या नाट्य संमेलनाचा मुहूर्तमेढ कार्यक्रम रद्द

Sangli News: मराठा आरक्षण आंदोलनामुळे शंभराव्या नाट्य संमेलनाचा सांगलीत होणार मुहूर्तमेढ कार्यक्रम तूर्तास रद्द करण्यात आले आहेत. 4 आणि 5 नोव्हेंबर रोजी रंगभूमी दिनी सांगलीत पार पडणार होता मुहूर्तमेढचा कार्यक्रम. सांस्कृतिक मंत्री सुधीर मुनगंटीवार आणि मंत्री उदय सामंतसह नाट्य क्षेत्रातले दिग्गज कलाकार उपस्थित राहणार होते. यंदाचे शताब्दी वर्ष असल्यानं रंगभूमी असणाऱ्या मुहूर्तमेढ सोहळ्याचं आयोजन सांगलीत करण्यात आलं होतं.

01/11/2023 12:04:05

Maratha Reservation: मंत्रालय परिसरात सर्वपक्षीय आमदारांचं आंदोलन, मंत्रालयाच्या गेटला ठोकलं टाळं, पोलिसांकडून आमदारंची धरपकड

Mumbai News: मुंबईत मंत्रालय परिसरात सर्वपक्षीय आमदारांनी आंदोलन केलं. काही वेळापूर्वी आमदारांनी मंत्रालयाच्या गेटला टाळंही लावलं होतं. सत्ताधारी आमदारांचाही आंदोलनात सहभाग होता. मराठा आरक्षणासाठी विशेष अधिवेशन बोलावण्याची आमदारांची मागणी होती. अखेर पोलिसांनी आमदारांना ताब्यात घेण्यास सुरू केली.

01/11/2023 12:04:01

Maratha Reservation: मंत्रालय परिसरात सर्वपक्षीय आमदारांचं आंदोलन, मंत्रालयाच्या गेटला ठोकलं टाळं, पोलिसांकडून आमदारंची धरपकड

Mumbai News: मुंबईत मंत्रालय परिसरात सर्वपक्षीय आमदारांनी आंदोलन केलं. काही वेळापूर्वी आमदारांनी मंत्रालयाच्या गेटला टाळंही लावलं होतं. सत्ताधारी आमदारांचाही आंदोलनात सहभाग होता. मराठा आरक्षणासाठी विशेष अधिवेशन बोलावण्याची आमदारांची मागणी होती. अखेर पोलिसांनी आमदारांना ताब्यात घेण्यास सुरू केली.

01/11/2023 12:00:31

Maratha Reservation : कुलाब्यातील ससूनडॉक बंद, मराठा आरक्षणाला पाठिंबा देण्यासाठी उचललं पाऊल

Mumbai News : ससूनडॉक कुलाबा येथील सखल मराठा समाजाच्या वतीनं रमेश जरांगे पाटील हे मराठ्यांच्या आरक्षणासाठी आमरण उपोषाण करत असलेल्या आंदोलनाला ससून डॉक येथील सर्व मराठी व्यवसायिकांच्या वतीनं कृष्णा दादा पवळे यांच्या नेतृत्वाखाली सर्वांनी आपला व्यवसाय ऐक दिवस बंद ठेवून मराठ्यांचे दैवत छत्रपती शिवाजी महाराजांच्या स्मृतीचे पूजन करून मोठ्या संख्येने जरांगे पाटलाच्या आंदोलनाला पाठिंबा दर्शविला.

01/11/2023 11:56:11

Maratha Reservation : मराठा समाजाला आरक्षणासाठी धाराशिव खेड गावातील तरुणांचं BSNL टॉवरवर चढून आंदोलन

Dharashiv News: मराठा समाजाला आरक्षण मिळावं, या मागणीसाठी धाराशिव तालुक्यातील खेड गावातील तरुणांनी बीएसएनएल टॉवरवर चढून आंदोलन सुरू केलं आहे.

01/11/2023 11:54:50

Maratha Reservation : पुण्यातील नवले पूल जाळपोळ प्रकरणी 400 ते 500 जणांवर गुन्हे दाखल

Pune News : पुण्यातील नवले पूल जाळपोळ प्रकरणी 400 ते 500 जणांवर गुन्हे दाखल करण्यात आले आहेत. सार्वजनिक मालमत्तेचे नुकसान करून गर्दी जमा केल्याप्रकरणी सिंहगड रोड पोलीस ठाण्यात गुन्हा दाखल करण्यात आला आहे.

सिंहगड रोड पोलीस ठाण्यात कलम 336 आणि कलम 441 अंतर्गत गुन्हा दाखल करण्यात आला आहे. जवळपास 400 ते 500 जणांवर हे गुन्हे दाखल करण्यात आले आहेत. पुण्यातील नवले पुलावर काल दुपारी मराठा समाजाला आरक्षण मिळावं यासाठी काही तरुणांनी नवले पुलावर आंदोलन केलं होतं. या आंदोलनावेळी मुंबई बंगळुरू महामार्गावर टायर जाळण्यात आले होते.

01/11/2023 11:52:56

Solapur News : मराठा समाजातर्फे शेकडो महिलांचा 'कॅन्डल मार्च'

Solapur News : सोलापूर : मराठा आरक्षणाच्या मागणीसाठी तसेच मनोज जरांगे पाटील यांच्या समर्थनार्थ सोलापुरात शेकडो महिलांचा कॅन्डल मार्च काढण्यात आला. गवळी वस्ती तालीम संघाच्यावतीने हा कॅण्डल मार्च काढण्यात आला. एक मराठा, लाख मराठाचा घोषणा देत हा मार्च काढत संपूर्ण परिसर दणाणून सोडला.

01/11/2023 11:51:41

Maratha Reservation : मराठा आंदोलनाच्या पार्श्वभूमीवर रत्नागिरी एसटी विभागा मोठा निर्णय, मराठवड्यात जाणाऱ्या 25 फेऱ्या रद्द

ST Bus : राज्यातील मराठा आंदोलनाच्या पार्श्वभूमीवर रत्नागिरी एसटी विभागाच्या वतीनं महत्वाचा निर्णय घेण्यात आला आहे. सोलापूर, बीड, अक्कलकोट, नांदेड, लातूर आंबेजोगाईला जाणाऱ्या एसटीच्या 25 फेऱ्या रद्द करण्यात आलेल्या आहेत. वातावरण पूर्ववत झाल्यानंतर सेवा नियमित करणार असल्याचं रत्नागिरी विभाग नियंत्रकांनी सांगितलं आहे.

01/11/2023 11:43:59

Maratha Reservation : मराठा समाज आरक्षणासाठी नाशिकमध्ये सकल मराठा समजाकडून 'कॅन्डल मार्च'

Nashik News : मराठा समाज आरक्षणासाठी नाशिकच्या सटाणा येथे सकल मराठा समजाच्या वतीने 'कॅन्डल मार्च' काढण्यात आला. या कॅन्डल मार्च मध्ये सटाणा शहरातील मराठा बांधवांसह महिला मोठ्या संख्येने सहभागी झाल्या होत्या. मराठा समाजाला सरसकट कुणबी प्रमाणपत्र द्या या प्रमुख मागणीसाठी सुरू असलेल्या आंतरवाली सराटी येथील मनोज जरांगे पाटील यांच्या अमरण उपोषण समर्थनार्थ सटाणा शहरात साखळी उपोषण देखील सुरू आहे.

01/11/2023 11:42:39

Maratha Rreservation Protest : मराठा आंदोलक आक्रमक, तळे हिप्परगा येथे प्रतिकात्मक प्रेतयात्रा काढून आंदोलन

Solapur News : सोलापुरात काल मराठा आंदोलकानी आक्रमक भूमिका घेतं ठिकठिकाणी आंदोलन केले. आज देखील सोलापुरात मोठ्या प्रमाणात आंदोलन होण्याची शक्यता आहे. सोलापुरातल्या कोंडी गावात मागील 7 दिवसापासून आमरण उपोषण सुरु आहे.. यापूढे जाऊन आज गावात चूलबंद करण्याचा निर्णय घेण्यात आलाय. त्यामुळे आज कोंडी ग्रामस्थ एक दिवसाचे लाक्षणिक उपोषण करणार आहेत.

सकाळी 10.30 वाजता सोलापुरातील तळे हिप्परगा येथे प्रतिकात्मक प्रेतयात्रा काढून आंदोलन करण्यात येणार आहे. गावातील तरुणाची प्रतिकात्मक अंत्य यात्रा काढून स्म्शानभूमीत सरणावर झोपून आंदोलन केलं जाणार आहे.

सत्ताधारी असलेल्या शिंदे गटाचे सोलापूर जिल्हाप्रमुख अमोल शिंदे यांनी जोपर्यंत मराठा आरक्षण मिळत नाही तोपर्यंत पक्षीय भूमिका बाजूला ठेवण्याचा निर्णय घेतलाय. त्यामुळे सोलापूर शहरातील छत्रपती शिवाजी महाराज चौक येथे असलेल्या शिवसेना शिंदे गटाच्या मुख्य कार्यालयावरील होर्डिंग काढून मराठा क्रांती मोर्चा चे होर्डिंग लावण्यात येणार आहे.

01/11/2023 11:41:23

Maratha Reservation : मराठा आरक्षणासाठी सर्वपक्षीय बैठक, काय होणार?

Mumbai News : मराठा आरक्षणाच्या मागणीसाठी राज्य सरकारकडून सर्वपक्षीय बैठक बोलावण्यात आलीय. बैठकीसाठी सर्व पक्षांमधून काही नेत्यांनी निमंत्रण देण्यात आलं आहे.

सर्वपक्षीय बैठकीत काय होणार ?

मुख्यमंत्री एकनाथ शिंदे यांनी मराठा आरक्षणाबाबत बोलवलेल्या सर्व पक्षीय बैठकीत आरक्षणाबाबत विविध पक्षांची आरक्षणाबाबत मतं जाणून घेतली जाणार

निवृत्त न्यायमूर्ती संदीप शिंदे यांच्या समितीने सादर केलेला अहवाल सर्व पक्षीय बैठकित मांडून त्यावर सर्व पक्षीय नेत्यांशी बैठकित चर्चा करणार

मराठा आरक्षणाला कायद्याच्या चौकटीत राहून आरक्षण मिळावं, यासाठी अन्य काही कायदेशीर उपाय योजना करणं गरजेचं आहे का ? याबाबत निमंत्रीत सर्व पक्षांच्या नेत्यांकडून माहिती घेणार

तसेच सर्वच पक्षांकडून राज्यात उद्भवलेल्या कायदा व सुव्यवस्थेची परिस्थिती नियंत्रणात ठेवण्याबाबत राज्य सरकारला सहकार्य करण्याचे आवाहन केले जाणार

01/11/2023 11:39:38

मनोज जरांगे यांचं आज संध्याकाळ पर्यंतचं अल्टीमेटम, नाहीतर पाणी सोडणार

Manoj Jarange Patil : जालना : मनोज जरांगे यांनी सरकार काल दिलेल्या अलटीमेटमनुसार, आज संध्याकाळपर्यंत सरकारने विशेष अधिवेशन बोलवून कुणबी प्रमाणपत्र देऊन ओबीसीमध्ये समावेश न केल्यास आपण आज संध्याकाळपासून पाण्याचा त्याग करणार असल्याचा इशारा दिला आहे. त्यामुळे सरकार पुढे आणखी पेच वाढलाय.

01/11/2023 11:35:53

Maratha Reservation: आज परभणी जिल्हा बंदची हाक, मराठा आरक्षण आणि मनोज जरांगे पाटलांच्या उपोषणाला पाठींबा

Maharashtra Parbhani News : आज परभणीत जिल्हा बंदची हाक देण्यात आली असून मराठा आरक्षण आणि मनोज जरांगे पाटलांच्या उपोषणाला पाठिंबा म्हणून जिल्हा बंद राहणार आहे. झरी बोरी आणि शिंगणापूर फाट्यावर रास्ता रोको करण्यात येणार आहे.

परभणी जिल्ह्यात मराठा आरक्षणाचा लढा तीव्र होताना दिसून येत आहे परभणीच्या सावली विश्रामगृहावर सकल मराठा समाजाचे शेतकरी पुत्रांची बैठक झाली यामध्ये तीन दिवसांचे वेगवेगळे आंदोलन ठरवण्यात आले काल जिल्ह्यातील वेगवेगळ्या ठिकाणी रास्ता रोको नंतर आज परभणी जिल्हा बंदची हाक देण्यात आलेली आहे त्याचप्रमाणे उद्याच्याला सर्व शेतमाल वाहतूक जी आहे ती बंद केली जाणार आहे. मराठा आरक्षण अन मनोज जरांगे पाटील यांच्या उपोषणाला पाठिंबा म्हणून हे आंदोलन केले जात आहे एकीकडे साखळी उपोषण आणि दुसरीकडे रस्त्यावर उतरून आंदोलन केले जात आहे. या बंद बरोबरच झरी बोरी आणि सिंगणापूर या तीन ठिकाणी रास्ता रोको आंदोलन केले जाणार आहे.

01/11/2023 11:33:52

Maratha Reservation : बीडमध्ये संचारबंदी शिथील, जमावबंदी कायम

Maharashtra Beed News Updates: बीड : मराठा आंदोलनाला बीड जिल्ह्यात सोमवारी गालबोट लागल्यानंतर रात्री उशिरा संचारबंदी लागू करण्यात आली. मंगळवारी पोलिसांकडून तोडफोड करणाऱ्या आंदोलकांची धरपकड सुरू करण्यात आली आहे.

संचारबंदीच्या पहिल्या दिवशी केवळ आंदोलकांना अटक करणे हेच टार्गेट ठेवण्यात आले आहे. अटक करण्यात आलेल्या आरोपींकडून नुकसानीची वसूली करण्याची प्रक्रिया सुरू करणार असल्याची माहिती पोलिस अधिक्षक नंदकुमार ठाकुर यांनी दिली. तसा आदेश यापुर्वीच्या खंडपीठाच्या निवाड्यात आला आहे आहे.

सोमवारी बीड शहर, माजलगाव येथे आंदोलकांविरोधात कारवाई सुरू करण्यात आली. यावेळी दुपारपर्यंत जिल्ह्यात 84 जणांना अटक करण्यात आली होती. त्यांच्या विरुद्ध भादंवि 307, 308 आणि इतर संदर्भातील गुन्हे दाखल करण्यात आल्याचेही यावेळी ठाकुर यांनी सांगितले. सरकारी मालमत्तांच्या नुकसानीबाबत निवासी उपजिल्हाधिकारी शिवकुमार स्वामी म्हणाले की, सरकारी मालमत्तांचे पंचनामे सुरु आहेत.

Maratha Reservation Protest LIVE: छत्रपती संभाजीनगर ग्रामीण भागातील इंटरनेट बंद करण्याचे गृह विभागाचे आदेश

पार्श्वभूमी

राज्यभरातील मराठा आंदोलन आणि सर्व पक्षीय बैठकीचे सर्व अपडेट्स पाहा लाईव्ह...