Maharashtra Protest Live UPDATES : अमरावतीत संचारबंदी : नागपूर ग्रामीण पोलिसांचे 100 जवान अमरावतीकडे रवाना

Maharashtra Tripura violence Update : त्रिपुरातील घटनेचे पडसाद महाराष्ट्राच्या काही भागात उमटले आहेत.

पार्श्वभूमी

Maharashtra Tripura violence Update : त्रिपुरातील घटनेचे पडसाद महाराष्ट्राच्या काही भागात उमटले आहेत. मालेगाव, नांदेड, अमरावती, भिवंडी येथे मुस्लिम समाजानं मोर्चे काढले.  ठिकठिकाणी निघालेल्या मोर्चांना हिंसक वळण लागल्याचं पाहायला मिळालं. मोर्चादरम्यान मालेगाव, नांदेड, अमरावतीत झालेली तोडफोड कॅमेऱ्यात कैद झाली असून सध्या तणावपूर्ण शांतता आहे. राज्यात काही ठिकाणी जाळपोळ, दगडफेकीच्या घटना घडल्या आहेत. या घटनेच्या निषेधार्थ काही ठिकाणी बंद पुकारण्यात आला आहे. त्रिपुरा राज्यात मुस्लिम समाजावर होत असलेल्या कथित अत्याचाराच्या विरोधात काढण्यात आलेल्या रॅलीला हिंसक वळण लागलं आहे. नांदेड शहरात काल मुस्लिम समाजानं काढलेल्या मोर्च्याला हिंसक वळण लागलं. शहरातल्या शिवाजीनगर, केळी मार्केट, देगलूर नाका परिसरात तुफान दगडफेक झाली. दगडफेकीत 2 पोलीस कर्मचारी गंभीर जखमी झालेत.  त्रिपुरातील कथीत हिंसाचाराचा निषेधार्थ काल यवतमाळ जिल्ह्यातल्या पुसदमध्ये मोर्चा काढण्यात आला. या मोर्चाच्या वेळी एका युवकाला मारहाण करण्यात आली. तसंच आंदोलकांकडून एका दुकानातही मारहाणीची घटना घडली. ही सर्व घटना सीसीटीव्हीत कैद झाली.दरम्यान मालेगावातही त्रिपुरातल्या घटनेच्या निषेधार्थ मुस्लिम समाजानं बंद पाळला होता. या बंदलाही गालबोट लागलं आहे. प्रशासकीय अधिकाऱ्यांना निवेदन देण्यासाठी मोठा जनसमुदाय निघाला होता. यावेळी काही ठिकाणी जमावानं दगडफेक केली.भिवंडीतही काल मुस्लिम समाजानं बंद पुकारला होता. मात्र शहरातील प्रभुआळी मंडई, बाजारपेठ या भागात दुकान बंद न झाल्याने एका मोटारसायकलवर आलेल्या टोळीने व्यापाऱ्यांची जबरदस्ती दुकान बंद करण्याचा प्रयत्न केला त्यामुळे व्यापाऱ्यांनी विरोध करून पोलिसांना माहिती देताच या टोळीने घटनास्थळावरून पळ काढला.त्रिपुरातील कथित घटनांचं भांडवल करुन अमरावती, नांदेड, मालेगावमध्ये निघालेले मोर्चे आणि त्यातून झालेली दगडफेक चिंताजनक आहे. राज्य सरकारनं त्वरीत परिस्थिती नियंत्रणात आणावी असं ट्वीट देवेंद्र फडणीसांनी केलं आहे. दरम्यान त्रिपुरात झालेल्या घटनेचा औरंगाबादचे खासदार इम्तियाज जलील यांनी निषेध केलाय. महाराष्ट्रात झालेल्या दगडफेकीच्या घटनेचाही निषेध करत असल्याचं खासदार जलील यांनी म्हटलंय..मालेगावमध्ये पोलीस परवानगी नसताना काल मोर्चा काढण्यात आला. यावेळी दगडफेकही करण्यात आली. हिंदुना घाबरवलं जात आहे. तरीही महाराष्ट्र सरकार गप्प का असं ट्वीट नितेश राणेंनी केलंय. अशोक चव्हाण यांचे शांततेचे आवाहनत्रिपुरा घटनेच्या निषेधार्थ आंदोलनात महाराष्ट्रात काही ठिकाणी तोडफोड झाल्याच्या पार्श्वभूमिवर सार्वजनिक बांधकाम मंत्री अशोक चव्हाण यांनी खंत व्यक्त करून शांततेचे आवाहन केले आहे. याबाबत प्रतिक्रिया व्यक्त करताना ते म्हणाले की, त्रिपुरातील घटनेच्या निषेधार्थ आज देशभरात अनेक ठिकाणी आंदोलन करण्यात आले. महाराष्ट्रात काही ठिकाणी दगडफेक, वाहनांची तोडफोड असे प्रकार घडले आहेत. निषेध नोंदवण्याचा अधिकार सर्वांना आहे. मात्र त्यासाठी हिंसाचाराचा अवलंब करणे चुकीचे आहे. या घटनांची चौकशी करून दोषींवर कारवाई केली जाईल. नागरिकांनी कोणत्याही अफवांवर विश्वास ठेवू नये व शांततेचे पालन करावे, असेही आवाहन अशोक चव्हाण यांनी केले.बांग्लादेशमध्ये काय घडलं?ऑक्टोबरच्या दुसऱ्या आठवड्यात दुर्गापूजेदरम्यान बांग्लादेशात हिंसाचार झाला. बांग्लादेशातील चांदपूर, कमिला जिल्ह्यांमध्ये दुर्गापूजेदरम्यान तोडफोड करण्यात आली. दुर्गापूजा स्थळावर कुराण आढळल्याच्या आणि कुराणाचा अपमान झाल्याच्या कथित प्रकरणानंतर हिंसाचार सुरु झाला. त्यानंतर चांदपूरमधील हाजीगंज, चट्टोग्राममधील बंशखली, चपैनवाबगंज, काक्स बाजार या परिसरात घरांची, मंदिरांची तोडफोड करण्यात आली. या हिंसाचारात काही जणांचा मृत्यू झाला. अनेक नागरिक जखमी झाले.  बांग्लादेशातील घटनेच्या निषेधार्थ त्रिपुरामध्ये मोर्चेबांग्लादेशातील घटनेच्या निषेधार्थ त्रिपुरामध्ये विविध ठिकाणी विश्व हिंदू परिषदेनं मोर्चे काढले. या मोर्चांना हिंसक वळण लागलं आणि घरांची, दुकानांची तोडफोड करण्यात आली.  त्यानंतर सोशल मिडीयावर या तोडफोडीचे व्हिडीओ काही समाजकंटकांकडून व्हायरल करण्यात आले. या हिंसेप्रकरणी 102 सोशल मिडीया यूजर्स विरोधात गुन्हा दाखल करण्यात आला.

13/11/2021 15:05:40

अमरावतीत संचारबंदी : नागपूर ग्रामीण पोलिसांचे 100 जवान अमरावतीकडे रवाना

अमरावतीत हिंसाचारानंतर संचारबंदी लागू करण्यात आली आहे. अमरावतीत बंदोबस्तासाठी नागपूर ग्रामीण पोलिसांचे 100 जवान अमरावतीकडे रवाना झाले आहेत. 

13/11/2021 13:36:31

अमरावती शहरात आंदोलकांवर पोलिसांचा अश्रू धुराच्या कांड्या आणि पाण्याचे फवारे

अमरावती : अमरावती शहरात आंदोलकांवर पोलिसांचा अश्रू धुराच्या कांड्या आणि पाण्याचे फवारे...

आता राजकमल चौक पोलिसांच्या नियंत्रनात असून सध्या तणावपूर्ण शांतता आहे...

अमरावतीच्या जिल्हाधिकारी पवणीत कौर यांनी जमावबंदीचे आदेश काढले...

13/11/2021 13:09:42

अमरावतीतील घटनाक्रम अस्वस्थ करणारा- देवेंद्र फडणवीस

अमरावतीतील घटनाक्रम अस्वस्थ करणारा.. सर्वांना विनंती शांतता राखावी, हिंसाचार करु नये. मात्र महाराष्ट्रातील मोर्चे हे सुनियोजित षडयंत्र वाटतंय, त्रिपुरात जी घटना घडलीच नाही त्यावरुन मोर्चे काढणे चुकीचं आहे. त्रिपुरात मशीद जाळली म्हणून ही आंदोलनं होत आहे, त्याचे फोटो सोशल मीडियावर टाकले आहेत, शिवाय हे फोटो कसे खोटे आहेत ते सुद्धा आहेत. कुठलीही मशीद त्रिपुरात जाळलीच नाही, असं असताना महाराष्ट्रात मोर्चे काढायचे आणि हिंदूंची दुकानं जाळायची हे योग्य नाही. सरकारी पक्षाचे नेते स्टेजवर जाऊन भडकवणारी भाषणं करणार असतील तर याची जबाबदारी सरकारची असेल, असे मोर्चे काढून हिंदूंची दुकानं टार्गेट करणं बंद करावं, दोन्ही समाजाने शांतता पाळावी असं आमचं आवाहन आहे, असं देवेंद्र फडणवीस म्हणाले.

13/11/2021 13:09:08

शरद पवार यांनी सुचवलेल्या पर्यायासह नवीन सुधारित प्रस्ताव

परीवहन मंत्री अनिल परब यांनी तयार केलेल्या नवीन सुधारित प्रस्तावावर थोड्याच त्यांच्या उपस्थितीत वेळात ST कर्मचारी संघटनांचे प्रतिनिधी, भाजप नेते सदाभाऊ खोत, गोपिचंद पडळकर यांच्यासह सह्याद्री अतिथिगृहात महत्वाची बैठक होत आहे. या बैठकीत राष्ट्रवादी काँग्रेसचे अध्यक्ष शरद पवार यांनी सुचवलेल्या पर्यायासह नवीन सुधारित प्रस्ताव तयार करण्यात आलांय. त्यावर प्रामुख्याने चर्चा होणार आहे. हा प्रस्ताव ST कर्मचारी संघटनांनी स्विकारला तर ST चा सुरू असलेला संप तात्काळ संपेल अशी शक्यता निर्माण झालीय.

13/11/2021 13:05:26

काही विघ्न संतोषी लोकांमुळे समाजात दंगल पसरते...यात सामान्य माणसाचे नुकसान होत त्यामुळे अफवा पसरवू नका- अजित पवार

काही विघ्न संतोषी लोकांमुळे समाजात दंगल पसरते...यात सामान्य माणसाचे नुकसान होत त्यामुळे अफवा पसरवू नका- अजित पवार  

13/11/2021 12:46:25

रझा अकादमीच्या मुख्य सुत्रधारांना कधी अटक करताय ते सांगावं- नितेश राणे

महाराष्ट्राच्या गृहमंत्र्यांनी माझ्यावर कारवाईची भाषा करण्यापेक्षा दंगल भडकवणाऱ्या रझा अकादमीच्या मुख्य सुत्रधारांना कधी अटक करताय ते सांगावं..

नाहीतर येणाऱ्या दिवसांत रझा अकादमीच्या मुंबई कार्यालयावर आम्ही मोर्चा काढणार आहोत..

13/11/2021 12:04:00

मराठा समाजाचे 58 मोर्चे निघाले, पण कोणालाही त्रास झाला नाही - नितेश राणे

मराठा समाजाचे 58 मोर्चे निघाले, पण कोणाला ही त्रास झाला नाही- नितेश राणे

13/11/2021 11:58:47

त्रिपुरातील घटनेला घेऊन काही लोकांनी निवेदन देण्याचे ठरवले - दिलीप वळसे पाटील

त्रिपुरातील घटनेला घेऊन काही लोकांनी निवेदन देण्याचे ठरवले होते

आज भाजपने अमरावती बंदची हाक दिली

शांततेत होईल अशी अपेक्षा होती 

परिस्थिती नियंत्रणात आणली जात आहे

विरोधी पक्ष नेत्यांशीही मी बोलतो आहे

कोणी चिथावणी देत असेल तर त्यांच्यावर कारवाई होईल

13/11/2021 11:56:52

समाजात तेढ निर्माण करणाऱ्यांवर कारवाई होणारच, अमरावतीत शांतता प्रस्थापित करण्यासाठी प्रयत्न सुरु- गृहमंत्री वळसे पाटील

Maharashtra Protest Live UPDATES : समाजात तेढ निर्माण करणाऱ्यांवर कारवाई होणारच, अमरावतीत शांतता प्रस्थापित करण्यासाठी प्रयत्न सुरु- गृहमंत्री वळसे पाटील 

13/11/2021 11:34:57

मालेगाव हिंसाचार प्रकरणी 3 गुन्हे दाखल, 10 जणांना पोलिसांनी घेतले ताब्यात

मालेगाव हिंसाचार प्रकरणी 3 गुन्हे दाखल

10 जणांना पोलिसांनी घेतले ताब्यात

मालेगाव शहरात पोलीस थोड्याच वेळात रुटमार्च काढणार

समाजकटकांना जरब बसविण्यासाठी
कायदा सुव्यवस्था अबाधित असल्याचा संदेश देण्यासाठी पोलिसांचा रुटमार्च होणार

13/11/2021 10:53:52

कोण काय मागणी करेल हा त्यांचा प्रश्न आहे, पण योग्य ती सरकार कारवाई करेल- - नवाब मलिक

यापुढे हिंसा होणार नाही याची दक्षता लोकांनी घेतली पाहिजे, ही शांती भंग करण्यासाठी काही लोक प्रयत्न करत आहेत, कोण काय मागणी करेल हा त्यांचा प्रश्न आहे, पण योग्य ती सरकार कारवाई करेल- - नवाब मलिक

13/11/2021 10:50:51

आंदोलन करणे हा तुमचा अधिकार आहे, पण हिंसक आंदोलन करू नये- नवाब मलिक

Maharashtra Protest Live UPDATES : जे काल घडले ते योग्य नाही, ज्यांनी नियमभंग केलाय त्यांच्यावर कारवाई होणारच, आंदोलन करणे हा तुमचा अधिकार आहे, पण हिंसक आंदोलन करू नये. नियोजित पद्धतीने देशाचे वातावरण कसे बिघडेल हे वसीम रिझवी करत आहेत- नवाब मलिक

13/11/2021 10:49:16

नागरिकांनी शांतता राखावी, अमरावती वगळता सर्व ठिकाणी परिस्थिती नियंत्रणात आहे.- गृहमंत्री दिलीप वळसे पाटील

नागरिकांनी शांतता राखावी, अमरावती वगळता सर्व ठिकाणी परिस्थिती नियंत्रणात आहे.- गृहमंत्री दिलीप वळसे पाटील

13/11/2021 10:46:37

अमरावतीत मोठा पोलिस बंदोबस्त

13/11/2021 10:41:48

भाजपकडून आता दंगली घडवून सरकार अस्थिर करण्याचा डाव, संजय राऊतांचा हल्लाबोल

संजय राऊत नेमकं काय म्हणाले? 
भाजप जातीय दंगली, धार्मिक दंगलीशिवाय राजकारण करुच शकत नाही, 
भाजपच्या माध्यमातून दंगली घडवल्या जात असतील तर गृह मंत्रालय सक्षम आहे, सरकार सक्षम आहे
महाराष्ट्र अस्थिर करण्याचं मोठं कारस्थान आहे, 

13/11/2021 10:41:24

अमरावतीत बंदला हिंसक वळण, पोलिसांचा लाठिचार्ज

Maharashtra Protest Live UPDATES : अमरावतीत बंदला हिंसक वळण, पोलिसांचा लाठिचार्ज, आंदोलकांकडून जोरदार घोषणाबाजी

 

13/11/2021 10:39:11

अमरावतीत राडा, दगडफेकीनंतर मोठ्या संख्येनं मोर्चा निघाला

13/11/2021 10:37:51

अमरावती शहरात हिंदू संघटनेच्या वतीने मोठ्या घोषणाबाजी सुरू...

अमरावती शहरात हिंदू संघटनेच्या वतीने मोठ्या घोषणाबाजी सुरू...

अमरावती शहरात नागपूरचे पोलीस महानिरीक्षक संदीप पाटील दाखल..