Mahashivratri 2023 Live Updates : महाशिरात्रीनिमित्त शेगावात 12 ज्योतिर्लिंगांचे प्रदर्शन, भाविकांची मोठी गर्दी

Mahashivratri 2023 Live Updates : आज राज्यासह देशभरात महाशिवरात्रीचा उत्साह आहे. भगवान शंकराची कृपा लाभावी यासाठी शिवभक्त आज मनोभावे पूजा करतात.

पार्श्वभूमी

Mahashivratri 2023 Live Updates  : आज राज्यासह देशभरात महाशिवरात्रीचा उत्साह असणार आहे. भगवान शंकराची कृपा लाभावी यासाठी शिवभक्त मनोभावे पूजा करून यादिवशी उपवास करतात. महाशिवरात्रीचे व्रत केल्याने महादेवाच्या आशीर्वादासोबत सुख संपत्ती धन लाभते असे सांगितले जाते. आज देशभरात महाशिवरात्रीनिमित्त विविध धार्मिक व सांस्कृतिक कार्यक्रमांचे आयोजन मोठ्या प्रमाणात केले जाते. बुलढाणा जिल्ह्यातील पळशी इथं मोठी यात्रा आज बुलढाणा जिल्ह्यातील पळशी झाली येथे महाशिवरत्रीनिमित्त आज श्री. शंकरगिरी महाराज महादेव मंदिरात मोठी यात्रा भरते. याठिकाणी सव्वा क्विंटलचा अनोखा रोडगा बनविण्याची 350 वर्षापासूनची प्रथा आहे. गव्हाचं पीठ,  ड्राय फ्रूट , दूध इत्यादी पदार्थांपासून बनविण्यात आलेल्या या मोठ्या रोडग्याला जमिनीत गाडून आग न लावता भाजतात व दुसऱ्या दिवशी या रोडग्याचा महाप्रसाद भाविकांना दिल्या जातो. हा रोडगा बनविताना बघण्यासाठी हजारो भाविक या ठिकाणी येतात. ही 350 वर्षांपासूनची परंपरा कोरोनामुळे गेल्या तीन वर्षांपासून खंडित झाली होती. त्यामुळे यावेळी या यात्रेत मोठी गर्दी उसळेल.  त्रंबकेश्वरमध्ये भाविकांची गर्दी होणारमहाशिवरात्री निमित्ताने बारा ज्योतिर्लिंगांपैकी एक असणाऱ्या त्रंबकेश्वरच्या दर्शनासाठी भाविकांची गर्दी होणार आहे, आज रात्रभर मंदिर भाविकांसाठी खुले रहाणार सकाळ पासून गर्दी वाढणार. महाशिवरात्री निमित्ताने उद्या जळगाव जिल्ह्यातील मुक्ताई नगर तालुक्यातील कोथळी येथील संत मुक्ताई ची यात्रा होत असते. यावेळी संत मुक्ताई मंदिर ते चांगदेव मंदिर अशी पालखी काढण्याची परंपरा आहे. लाखो भाविक या निमित्ताने दर्शन घेण्यासाठी गर्दी करत असतातमहाशिवरात्री निमित्ताने अहमदनगरच्या डोंगरगण येथे महादेव मंदिरात मोठ्या संख्येने भाविकांची गर्दी होत असते. हजारोंच्या संख्येने भाविक या ठिकाणी दर्शनासाठी येत असतात. या मंदिराच्या बाजूलाच सीता मातेचे स्नानगृह आहे. वनवासाच्या काळात श्रीरामांनी सीता मातेसाठी बाण मारून इथे स्नानगृह बनविल्याची आख्यायिका आहे. तिथेही भाविक गर्दी करत असतात.महाशिवरात्रीनिमित्त बीड येथील ज्योतिर्लिंग वैद्यनाथ मंदिरात मोठी गर्दी होते. महाशिवरात्रीच्या निमित्ताने देशातील पाचवे ज्योतिर्लिंग असलेल्या परळीतल्या वैद्यनाथ ज्योतिर्लिंगाच्या मंदिरात मोठी गर्दी होत आहे.. महाशिवरात्रीला दर्शन घेण्यासाठी राज्यभरातून आणि राज्या बाहेरून सुद्धा भाविक परळी मध्ये येत आहेत रात्रीपासूनच दर्शनासाठी लोक रांगेमध्ये लागल्याचे चित्र पाहायला मिळत आहे.  

18/02/2023 17:31:40

Mahashivratri 2023 : शिर्डी साईप्रसादलयात भक्तांसाठी महाशिवरात्रीनिमित्त साडे पाच टन साबुदाणा खिचडीचा प्रसाद

Mahashivratri 2023 : महाशिवरात्रीनिमित्त साईबाबांच्या शिर्डीत येणाऱ्या साई भक्तांसाठी साबुदाणा खिचडी आणि झिरकचा महाप्रसाद ठेवण्यात आला आहे. आज महाशिवरात्रीनिमित्त शिर्डीच्या साईप्रसादालयात तब्बल साडेपाच हजार किलो साबुदाणा वापरून साबुदाणा खिचडी तयार करण्यात आली आहे. आषाढी एकादशी आणि महाशिवरात्र या दोन दिवशी साईप्रसादालयात साबुदाणा खिचडीचा प्रसाद देण्यात येत असतो. आज खिचडी सोबतच शेंगदाणा झिरकसुद्धा भक्तांना प्रसाद म्हणून देण्यात आला आहे. महाशिवरात्रीनिमित्त येणाऱ्या साई भक्तांना असणारा उपवास लक्षात घेता साई संस्थानाकडून ही जय्यत तयारी करण्यात आली असून आज दिवसभरात जवळपास 50 ते 60 हजार भाविक साईप्रसादाला येतील अशी शक्यता गृहीत धरून साई प्रसादालयात हा साडेपाच हजार किलोंचा साबुदाणा वापरून खिचडी तयार करण्यात आली आहे. आज साईबाबांच्या समाधीवर सुद्धा याच खिचडीचा प्रसाद दाखवण्यात येतो.

 

18/02/2023 15:07:04

Mahashivratri 2023 : महाशिरात्रीनिमित्त शेगावात अनोखं 12 ज्योति्लिंगांच प्रदर्शन, भाविकांची मोठी गर्दी

Mahashivratri 2023 : आज महाशिरात्रीनिमित्त शेगाव शहरात प्रजापिता ईश्वरीय विश्वविद्यलयाच्या माध्यमातून बारा ज्योति्लिंगांच प्रदर्शन आयोजित करण्यात आल आहे. महाशिरात्रीनिमित्त एकाच ठिकाणी बारा ज्योति्लिंगांच दर्शन होत असल्याने या प्रदर्शनाला भाविकांची मोठी गर्दी उसळली आहे. बारा ज्योति्लिंगांच दर्शन घेऊन याठिकाणी ध्यान केंद्र उभारण्यात आल आहे ,भाविक ध्यान केंद्रात भेट देऊन मोठा आनंद घेताना दिसत आहे.

18/02/2023 15:00:44

Mahashivratri 2023 : महाशिवरात्रीनिमित्त मुख्यमंत्री एकनाथ शिंदे यांच्याहस्ते शंकराची मनोभावे पूजा

Mahashivratri 2023 : आज महाशिवरात्रीनिमित्त मुख्यमंत्री एकनाथ शिंदे यांनी ठाणे शहरातील किसान नगर येथील शिव मंदिराला भेट देऊन भगवान शंकराची मनोभावे पूजा केली. राज्यातील सर्व जनतेला सुखी समाधानी ठेवण्याचे मागणे यावेळी त्यांनी शिवशंकराकडे मागितले. 

    

 

18/02/2023 14:46:56

Mahashivratri 2023 : महाशिवरात्रीनिमित्त भीमाशंकर ज्योर्तिलिंग परिसरात माजी गृहमंत्री दिलीप वळसे पाटील यांच्याहस्ते महापूजा पार पडली

Mahashivratri 2023 : हर हर, महादेवाच्या गजरात पुणे जिल्हयातील भीमाशंकर परिसर दुमदुमत आहे. महाशिवरात्रीनिमित्त माजी गृहमंत्री दिलीप वळसे पाटील यांच्या उपस्थितीत शासकीय महापूजा पार पडली. बारा ज्योर्तिलिंगापैकी सहावे ज्योर्तिलिंग म्हणून भीमाशंकर येथे भाविक मोठया संख्येने येत असतात. रात्री बाराच्या सुमारास दिलीप वळसे पाटील यांच्या हस्ते ही महापूजा पार पडली. मंदिरातील गुरवाच्या हस्ते पहिली पूजा केल्यानतंर मुख्य महापूजेला सुरूवात होते. मंत्राच्या घोषात महादेवाच्या पिंडीवर दुध, दही, मध, साखर यांचा अभिषेक केल्यानतंर बेल वाहून आरती यावेळी करण्यात आली. यानंतर मंदिर भाविकांसाठी खुले करण्यात आले.

18/02/2023 14:38:59

Mahashivratri 2023 : विदर्भाची काशी गडचिरोलीच्या मार्कंडेश्वर मंदिरात 'हर हर महादेव'चा गजर

Mahashivratri 2023 : गडचिरोली जिल्ह्यातील विदर्भाची काशी म्हणून ओळख असलेल्या चामोर्शी तालुक्यातील मार्कंडा येथील पुरातन हेमाडपंती मंदिरात आज महाशिवरात्रीनिमित्त 'हर हर महादेव'चा गजर ऐकायला मिळाला. 15 दिवस भरणारी ही यात्रा कोरोनामुळे गेली 3 वर्ष भरली नाही. यावर्षी यात्रेला परवानगी मिळाली. 'हर हर महादेव'चा गजर करीत दर्शनासाठी मात्र मोठी गर्दी आज दिसून आली. चामोर्शी तालुक्यातील मार्कंडा येथे प्रसिद्ध पुरातन हेमाडपंती मंदिर आहे. विशेष म्हणजे, वैनगंगा नदी तीरावर हे मंदिर वसलेले असून दक्षिणवाहिनी वैनगंगा नदी मार्कंडेश्वर मंदिरापासून उत्तरवाहिनी झाली आहे. त्यामुळे या मंदिराला विशेष महत्त्व आहे. महाशिवरात्रीनिमित्त जवळपास पंधरा दिवस येथे मोठी यात्रा भरत असते. यात्रेदरम्यान लहान-मोठ्या दुकानांसह अनेक मनोरंजनाची साधने येथे लावली जातात. त्यामुळे या यात्रेदरम्यान करोडो रुपयांची उलाढाल होत असते. मात्र गेली 3 वर्ष कोरोनामुळे यात्रा भरलीच नाही. चामोर्शी पोलिसांकडून मंदिर परिसरात मोठा बंदोबस्त लावण्यात आला आहे. नदीत अनेक भाविक पवित्र स्नान करतात. त्यामुळे कोणतीही अनुचित घटना घडू नये म्हणून आपत्ती व्यवस्थापन विभागाकडून बोटींची व्यवस्था करण्यात आली आहे. 

18/02/2023 14:33:36

Mahashivratri 2023 : सोमेश्वरांच्या पालखी यात्रेत धनंजय मुंडे यांचा सहभाग; स्वतः खांद्यावरून वाहिली सोमेश्वरांची पालखी

Mahashivratri 2023 : राष्ट्रवादीचे नेते धनंजय मुंडे यांनी परळी तालुक्यातल्या जिरेवाडी येथील श्री सोमेश्वरांच्या पालखी सोहळ्यात उपस्थिती लावली. यावेळी स्वतः धनंजय मुंडे यांनी पालखी खांद्यावर घेऊन ते पालखी मिरवणुकीमध्ये सहभागी झाले होते. दरवर्षी महाशिवरात्रीच्या निमित्ताने श्री सोमेश्वरांची पालखी जिरेवाडीतून परळीतल्या वैजनाथ मंदिरात येत असते. यावेळी मोठ्या प्रमाणात या परिसरातील नागरिक या पालखी यात्रेमध्ये सहभागी होतात आणि आज आमदार धनंजय मुंडे हे देखील या पालखी मिरवणूक सोहळ्यामध्ये सहभागी झाले होते.

18/02/2023 14:24:50

Mahashivratri 2023 : महाशिवरात्रीनिमित्त वैद्यनाथ ज्योतिर्लिंग मंदिरात भाविकांची मोठी गर्दी

Mahashivratri 2023 : महाशिवरात्रीनिमित्त बारा ज्योतिर्लिंगापैकी एक असलेल्या वैद्यनाथ ज्योतिर्लिंग मंदिरात सुद्धा भाविकांची मोठी गर्दी पाहायला मिळते रात्री बारा वाजल्यापासूनच दर्शनाला सुरुवात झाली रांगेमध्ये लागलेल्या भक्तांना दर्शनासाठी पाच तासापेक्षा जास्त आवदही लागत आहेत. महाशिवराञीचा महापर्वकाळ असून त्यात तब्बल अकरा वर्षांनी प्रदोष आणि महाशिवराञ असा दुर्मिळ योग यावर्षी जुळून आला आहे.

18/02/2023 14:23:55

महाशिवरात्री निमित्त वाशीमच्या पद्मेश्वर संस्थेत महादेव पार्वती विवाह सोहळा पार पडणार

Mahashivratri 2023 : महाशिवरात्री निमित्त वाशीमच्या पद्मेश्वर संस्थेत महादेव पार्वती विवाह आज पार पडणार आहे. या विवाह सोहळ्यापूर्वी काल  रात्री हळद  सोहळा पार पडला.  याच निमित्ताने वाशीम शहरातील  मोठ्या संखेने  स्त्री पुरुषाने  या सोहळ्यात सहभाग घेतला. पद्मेश्वर संस्थेत आकर्षक मंडप सजावट करण्यात आली होती तर यामध्ये एखाद्या माणसा प्रमाणे   या मध्ये सोहळ्यात शामिल लोकानी एकमेकांना हळद लावत  डफा च्या वाद्यावर चांगलाच ठेका धरला होता.  तर आज लग्न सोहळा  पार पडणार आहे. संध्याकाळी वरात आणि रात्री लग्न सोहळा पार पडणार 

 

 

18/02/2023 14:22:02

Mahashivratri 2023 : महाशिवरात्री निमित्त सोलापुरातील प्राचीन कपिलसिद्ध मल्लिकार्जुन मंदिरात भाविकांची गर्दी

Mahashivratri 2023 :  महाशिवरात्री निमित्त सोलापुरातील प्राचीन कपिलसिद्ध मल्लिकार्जुन मंदिरात भाविकांची मांदियाळी दिसुन येतेय. पहाटे पासून भाविकांनी दर्शनासाठी रांगा लावल्या आहेत. दरवर्षी या मंदिरात आंध्र, कर्नाटक इत्यादी राज्यातून देखील भाविक दर्शनासाठी येत असतात. आज पहाटे सुरुवातीला अभिषेक करण्यात आलं त्यानंतर पहाटे 5 च्या सुमारास काकड आरती करण्यात आली. काकड आरती नंतर रुद्राभिषेक सोहळा पार पडला. दरम्यान आज रात्री कपिलसिद्ध मल्लिकार्जुन मंदिरात  महापूजा करण्यात येणार आहे. सोलापूरचे ग्रामदैवत सिद्धरामेश्वर महाराजांनी स्थापन केलेल्या 68 शिवलिंगापैकी मल्लिकार्जून, आयलेश्वर, आनंदेश्वर, समाश्रेत्रेश्वर हे चार शिवलिंग या मंदीर परीसरात आहेत. दक्षिणेतल्या श्रीशैलम मंदिराच्या धर्तीवर या मंदिराची निर्मिती करण्यात आली आहे. त्यामुळे असलेल्या या मंदिरात दरवर्षी मोठ्या प्रमाणात भाविकांची रीघ पाहायला मिळते.

 

 

 

18/02/2023 13:22:20

Mahashivratri 2023 : बाबुलनाथ मंदीर येथे भाविकांची मोठी गर्दी, बँडस्टँड ते आरटीआय येथे वाहतूक संथ

Mahashivratri 2023 :  मुंबईतील बाबुलनाथ मंदीर येथे भाविकांची मोठी गर्दी झाली आहे. त्यामुळं बँडस्टँड ते आरटीआय येथे वाहतूक संथ आहे. त्यामुळं वाहनचालकांना पर्यायी रस्त्यांचा वापर करावा, अशी विनंती करण्यात येत आहे. 

18/02/2023 12:33:29

Mahashivratri 2023 : महाशिवरात्रीनिमित्त संत मुक्ताई समाधी स्थळी लाखो भाविकांची गर्दी

Maharashtra Jalgaon Mahashivratri 2023 : माघ महिन्यातील एकादशी आणि महाशिवरात्री निमित्ताने जळगाव जिल्ह्यातील मुक्ताईनगर तालुक्यातील कोथळी गावातील संत मुक्ताई समाधी स्थळी मोठी यात्रा भरत असते. या यात्रेच्या निमित्ताने चांगदेव आणि कोथळी या दोन्ही ठिकाणी लाखो भाविकांनी दर्शन घेण्यासाठी गर्दी केल्याचं पाहायला मिळत आहे. माघ वारी एकादशी आणि महाशिवरात्री निमित्ताने संत मुक्ताबाईंच्या पादुकांची चांगदेव महाराज मंदिर येथे पालखी काढण्याची सातशे तीस वर्षांची अखंड परंपरा आहे.

18/02/2023 10:31:14

गोंदिया जिल्ह्यातील नागरा येथील प्राचीन पंचमुखी मंदिरामध्ये भाविकांची गर्दी

Mahashivratri 2023 :  गोंदिया जिल्ह्यातील नागरा येथील प्रसिध्द असलेले प्राचीन पंचमुखी मंदिरामध्ये महाशिवरात्री निमित्त रात्री 12 वाजल्यापासून भक्तांनी नागरा येथील पंचमुखी शिवलिंगचे दर्शनासाठी रांगा लावल्या आहेत. भाविक दर्शन घेण्यासाठी रांगेत लागून दर्शन घेत आहेत. मंदिराचे गाभारे आज रात्री 12 वाजेपासूनच भक्तांसाठी खुले करण्यात आले आहेत. मात्र, गाभाऱ्यात भाविकांना प्रवेश नाकारण्यात आला असून भाविक दुरूनच पंचमुखी शिवलिंगाचे दर्शन घेत आहेत. दरवर्षी महाशिवरात्री निमित्त या नागराधाम मंदिरात महाराष्ट्रासह मध्यप्रदेश, छत्तीसगड आणि विविध भागातील भाविक मोठ्या प्रमाणात या मंदिराच्या गाभ्याऱ्यातील शिव लिंगाचे दर्शन घेण्यासाठी येतात. तसेच संपूर्ण परिसर 'बम बम भोले' च्या गजराने दुमदूमन निघत असतो. मात्र या वर्षी कोरोनाचा प्रादुर्भाव कमी असले तरी भाविकांनी कोरोनाचे नियम पाळत च भाविक दर्शन घेण्यासाठी रांगेत लागून दर्शन घेत आहेत. मंदिराचे गाभारे रात्री १२ वाजेपासूनच भक्तांसाठी खुले करण्यात आले आहेत. मात्र गाभाऱ्यात भाविकांना प्रवेश नाकारण्यात आला असून भाविक दुरूनच पंचमुखी शिवलिंगाचे दर्शन घेत आहे.

18/02/2023 09:19:08

पुणे कस्टमच्या नार्कोटिक्स टीमकडून अमली पदार्थांची तस्करी करणाऱ्या रॅकेटचा पर्दाफाश, दोन महिलांसह पाच जण अटकेत

Pune News : पुणे कस्टमच्या नार्कोटिक्स टीमने अमली पदार्थांची तस्करी करणाऱ्या रॅकेटचा पर्दाफाश केला. या प्रकरणी पाच जणांना अटक करण्यात आली. ओदिशातून अमली पदार्थांची तस्करी करणाऱ्या सिंडिकेटद्वारे मोठ्या प्रमाणात गांजा तस्करी होत असल्याची माहिती मिळाली. 14 फेब्रुवारीला मिळालेल्या माहितीनुसार सोलापूरजवळ दोन संशयित वाहने अडवली असता एका वाहनाच्या झडतीदरम्यान 54 किलो गांजा आढळून आला. नार्कोटिक ड्रग्स अँड सायकोट्रापिक सबस्टन्स अंतर्गत गांजा जप्त करण्यात आला असून दोन महिलांसह पाच आरोपींना अटक करण्यात आली आहे. अटक करण्यात आलेल्या आरोपी हे पुणे जिल्ह्यातील शिरुर तसेच अहमदनगर येथील आहेत. या प्रकरणाचा पुढील तपास सध्या सुरु आहे.

18/02/2023 09:06:27

Mahashivratri 2023 : गुप्तलिंगाच्या दर्शनासाठी जेजुरीत भाविकांची गर्दी

Mahashivratri 2023 : उभ्या महाराष्ट्राच कुलदैवत असणाऱ्या खंडेरायाच्या गडावर महाशिवरात्री साजरी करण्यात आली. मंदिरात असणारी तीन गुप्तलिंग वर्षातून फक्त एकदाच महाशिवरात्रीला दर्शनासाठी खुले केले जातात. सकाळपासून गुप्तलिंगाच्या दर्शनासाठी भाविकांनी मोठी गर्दी केली आहे. खंडेरायाच्या मंदिराच्या गाभाऱ्यात आणि शिखरामध्ये गुप्तलिंग आहे. गुप्तलिंग वर्षात फक्त एकच दिवस उघडले जाते. म्हणून तर भूलोक, पाताळलोक, स्वर्गलोक अशा तिन्ही लोकांचं एकाच दिवशी महाशिवरात्रीला दर्शन होत असल्याची भाविकांची श्रद्धा आहे. महाशिवरात्रीला गडावर लाखो भाविक गुप्तलिंगाच्या आणि खंडेरायाच्या दर्शनासाठी गर्दी करत असतात. 

18/02/2023 08:52:20

Bhimashankar Jyotirlinga : हर हर महादेवच्या गजरात भीमाशंकर परिसर दुमदुमला, दिलीप वळसे पाटलांच्या उपस्थितीत शासकीय महापुजा संपन्न

Bhimashankar Jyotirlinga : हर हर महादेवच्या गजरात पुणे जिल्ह्यातील भीमाशंकर परिसर दुमदुमत आहे. महाशिवरात्री निमित्त माजी गृहमंत्री दिलीप वळसे पाटील यांच्या उपस्थितीत शासकीय महापुजा पार पडली. बारा ज्योर्तिलिंगापैकी सहावे ज्योर्तिलिंग म्हणुन भीमाशंकर येथे भाविक मोठया संख्येने येत असतात. रात्री 12 वाजता दिलीप वळसे पाटील यांच्या हस्ते ही महापुजा पार पडली. मंदिरातील गुरवाच्या हस्ते पहिली पुजा केल्यानतंर मुख्य महापुजेला सुरुवात होते. मंत्राच्या घोषात महादेवाच्या पिंडीवर दुध, दही ,मध, साखर यांच्या अभिषेक केल्यानंतर बेल वाहुन आरती यावेळी करण्यात आली. यांनतर मंदिर भाविकांसाठी खुले करण्यात आले.

18/02/2023 08:10:58

आमदार नितेश राणेंनी केली कुणकेश्वराची पहिली पूजा

Mahashivratri 2023 : दक्षिण कोकणची काशी म्हणून प्रसिद्ध असलेल्या श्री क्षेत्र कुणकेश्वराची महाशिवरात्री यात्रा आजपासून तीन दिवस आहे. कोरोनानंतर प्रथमच खुल्या स्वरुपात ही यात्रा होत आहे. यावर्षी 10 ते 12 लाख भाविक या यात्रोत्सवाला येतील असा अंदाज वर्तवण्यात येत आहे. स्थानिक आमदार नितेश राणे यांनी रात्री पहिल्या पूजेचा मान मिळाला असून त्यांनी रात्री कुणकेश्वराची पूजा केली. लाखो भाविक रात्रीपासूनच दर्शनासाठी रांगांमध्ये उभे आहेत.

18/02/2023 08:00:16

Mahashivratri 2023 : अंबरनाथच्या प्राचीन शिवमंदिरात भाविकांची अलोट गर्दी

Mahashivratri 2023 : अंबरनाथच्या प्राचीन शिवमंदिरात महाशिवरात्रीनिमित्त दर्शनासाठी भाविकांनी अलोट गर्दी केली आहे. 24  तासात या मंदिरात तब्बल दीड ते दोन लाख भाविक दर्शन घेतील, अशी शक्यता आहे. अंबरनाथचं प्राचीन शिवमंदिर हे तब्बल 963 वर्ष जुनं असून शंकराचं हे अतिशय जागृत देवस्थान समजलं जातं. त्यामुळेच या मंदिरात दरवर्षी महाशिवरात्रीला लाखो लोक दर्शनासाठी येत असतात. रात्री 12 वाजता जुन्या अंबरनाथ गावातील मंदिराचे परंपरागत पुजारी असलेल्या पाटील कुटुंबीयांनी महादेवाचा अभिषेक आणि आरती केली. यानंतर मंदिर भाविकांसाठी खुलं करण्यात आलं.

18/02/2023 07:44:34

Mahashivratri 2023 Hingoli : औंढा नागनाथमधील मंदिरामध्ये महाशिवरात्रीनिमित्त दर्शनासाठी भाविकांची मोठी गर्दी

Mahashivratri 2023 Hingoli : देशातील बारा ज्योतिर्लिंगापैकी आठव्या स्थानी असलेल्या औंढा नागनाथ येथील नागनाथ मंदिरामध्ये महाशिवरात्रीच्या निमित्ताने दर्शनासाठी भक्तांनी लांबच लांब रांगा लावल्या आहेत. मध्यरात्री साडेबारा वाजताच्या सुमारास पदसिद्ध अध्यक्ष तहसीलदार आणि कळमनुरीचे आमदार संतोष बांगर यांच्या हस्ते शासकीय पूजा झाली आहे. त्यानंतर दर्शनासाठी नागनाथ मंदिराचे दरवाजे खुले करण्यात आले आहेत. महाशिवरात्रीच्या पार्श्वभूमीवर मंदिरात सुद्धा आकर्षक फुलांनी सजावट करण्यात आली आहे. 

18/02/2023 07:44:21

औंढा नागनाथमधील मंदिरामध्ये महाशिवरात्रीनिमित्त दर्शनासाठी भाविकांची मोठ

Mahashivratri 2023 Hingoli : देशातील बारा ज्योतिर्लिंगापैकी आठव्या स्थानी असलेल्या औंढा नागनाथ येथील नागनाथ मंदिरामध्ये महाशिवरात्रीच्या निमित्ताने दर्शनासाठी भक्तांनी लांबच लांब रांगा लावल्या आहेत. मध्यरात्री साडेबारा वाजताच्या सुमारास पदसिद्ध अध्यक्ष तहसीलदार आणि कळमनुरीचे आमदार संतोष बांगर यांच्या हस्ते शासकीय पूजा झाली आहे. त्यानंतर दर्शनासाठी नागनाथ मंदिराचे दरवाजे खुले करण्यात आले आहेत. महाशिवरात्रीच्या पार्श्वभूमीवर मंदिरात सुद्धा आकर्षक फुलांनी सजावट करण्यात आली आहे. 

18/02/2023 07:07:32

Mahashivratri 2023 Aurangabad : महाशिवरात्रीनिमित्त औरंगाबादमधील घृष्णश्वेर मंदिरात भाविकांची गर्दी

Mahashivratri 2023 Aurangabad : आज महाशिवरात्रीनिमित्त औरंगाबादेत बारा ज्योतिर्लिंगापैकी शेवटचे ज्योतिर्लिंग असलेल्या घृष्णश्वेर मंदिरात भाविकांनी दर्शनासाठी गर्दी केलीय. घृष्णेश्वर ज्योतिर्लिंगाची जलधारा पूर्व दिशेला असल्यानं या मंदिराला पूर्ण प्रदक्षणा घातली जाते. महाशिवरात्रीच्या पावन पर्वानिमित्त या ठिकाणी हजारो भाविक अगदी  मध्यरात्रीपासून दाखल झालेत. महाशिवरात्रिला शिवाचे दर्शन व्हावे ही प्रतेकाचीच इच्छा असते त्यामुळे  गुजरात, मध्यप्रदेशसह इतर राज्यातील विविध भागातील भाविक शिवाला बेलफुल वाहण्यासाठी दाखल झालेत. 

18/02/2023 07:01:18

Nashik : महाशिवरात्रीनिमित्त नाशिकचे त्र्यंबकेश्वर जोतिर्लिंग मंदिर 41 तास दर्शनासाठी खुले

Nashik : महाशिवरात्रीनिमित्त भाविकांची गर्दी लक्षात घेता नाशिकच्या (Nashik) त्र्यंबकेश्वर जोतिर्लिंग मंदिर समितिने महत्वाचा निर्णय घेतला आहे. जोतिर्लिंग ट्रस्टने सलग 41 तास मंदिर दर्शनासाठी खुले ठेवण्यात येणार आहे. तसेच भाविकांसाठी दोन दिवस महाशिवरात्रीनिमित्त भरगच्च कार्यक्रमाचे आयोजन करण्यात आला आहे.