मुंबई : महाराष्ट्र नवनिर्माण सेनेची विधानसभा निवडणुकीसाठीच्या उमेदवारांची तिसरी यादी जाहीर करण्यात आली आहे. पहिल्या टप्प्यात मनसेकडून 27 उमेदवारांची नावे घोषित केली होती. दुसऱ्या टप्प्यात मनसेने 45 उमेदवारांची यादी जाहीर केली. आता तिसऱ्या यादीत मनसेने 32 उमेदवार जाहीर केले आहेत. तीनही याद्या मिळून मनसेने आतापर्यंत 104 जणांना निवडणुकीच्या रिंगणात उतरवले आहे.


दरम्यान, मनसेने 104 उमेदवार घोषित केले असले तरी अद्याप वरळी मतदारसंघातून आपला उमेदवार जाहीर केलेला नाही. मनसे युवासेनाप्रमुख आदित्य ठाकरे यांच्या विरोधात उमेदवार देणार नसल्याची शक्यता वर्तवण्यात येत आहे.

मनसेचा मोठा चेहरा असलेले मनसे नेते बाळा नांदगावकर यांचं नाव तीनही याद्यांमध्ये नसल्याचे पाहून अनेकांच्या भुवया उंचावल्या आहेत. राज ठाकरे यांनी नांदगावकर यांना निवडणुकीच्या रिंगणात उतरुन केवळ एका मतदारसंघापुरतं मर्यादित न राहता संपूर्ण राज्यभर पक्षाच्या प्रचारासाठी काम करण्याचे आदेश दिले आहेत.

मनसे उमेदवारांची यादी पाहा