Maharashtra School Reopen LIVE Updates: एकदा उघडलेली शाळा पुन्हा बंद करायला नको असा निर्धार करा: उद्धव ठाकरे

आज सोमवार 4 ऑक्टोबर राज्यातील शाळा सुरू झाल्या आहेत. या निमित्ताने दुपारी 12 नंतर मुख्यमंत्री उद्धव ठाकरे हे 'माझे विद्यार्थी माझी जबाबदारी' या कार्यक्रमांतर्गत ऑनलाइन संवाद साधणार आहेत.

पार्श्वभूमी

मुंबई : आज(सोमवार 4 ऑक्टोबर) राज्यातील शाळा सुरू होणार आहे. या निमित्ताने दुपारी 12 नंतर मुख्यमंत्री उद्धव ठाकरे हे 'माझे विद्यार्थी माझी जबाबदारी' या कार्यक्रमांतर्गत सर्व शाळा, शिक्षक, मुख्याध्यापक यांच्याशी ऑनलाइन संवाद साधणार आहेत. विद्यार्थ्यांना सुद्धा हा कार्यक्रम दखविण्यात यावा अशा सूचना करण्यात आल्या आहेत.शिक्षणोत्सव साजरा केला जाणार : आज शाळेच्या पहिल्या दिवशी शैक्षणिक वातावरण निर्माण व्हावे यासाठी शिक्षणोत्सव साजरा केला जाणार आहे. यामध्ये विद्यार्थ्यांचा अनौपचारिक स्वागत केले जाणार आहे. आज उपसंचालक, शिक्षणाधिकारी, प्राचार्य हे शाळांना भेटी देणार आहेत. सोबतच पहिल्या दिवशी विद्यार्थ्यांचे केलेले स्वागत, नियोजनाचे फोटो समाजमाध्यमावर पोस्ट करण्यास सांगितले आहे. #शिक्षणोत्सव या नावाने फेसबुक, इंस्टा, ट्विटर हे फोटो पोस्ट करण्यात यावेत. TET Exam : टीईटी परीक्षेची तारीख बदलली, आता 'या' तारखेला होणार परीक्षाशाळांना दिलेल्या सूचना..विद्यार्थ्यांना लवकरात लवकर गणवेश वाटप करण्यात यावे. सर्व शिक्षक शिक्षकेत्तर कर्मचाऱ्यांचे प्राधान्याने लसीकरण करावे, ज्या शिक्षकांची लसीकरण झालेले नाही त्या शिक्षकांना लसीकरणासाठी प्रवृत्त करावे.सर्व शाळांनी शिक्षक शिक्षकेतर कर्मचाऱ्यांचे 100% लसीकरण करावे.लसीकरण झाले नाही म्हणून हे कारण देत शिक्षक शिक्षकेतर कर्मचाऱ्यांना  अनुपस्थित राहता येणार नाही.राज्यातील बोगस विद्यार्थी होणार उघड, परभणीत आढळले 14 हजार बोगस विद्यार्थीमुंबईतील इयत्ता आठवी ते बारावीच्या शाळा 4 ऑक्टोबरपासून  सुरू होणारदीड वर्षांपासून बंद असलेल्या मुंबईतील शाळा आता 4 ऑक्टोबरपासून सुरु करण्याचा मार्ग मोकळा झाला आहे. शहरातील महानगरपालिका शाळा, खाजगी व्यवस्थापन, इतर सर्व मंडळाच्या शाळांना आठवी ते बारावी चे वर्ग सुरु करण्यास परवानगी मिळाली आहे. 4 ऑक्टोबरपासून शाळा सुरु करण्यासाठीचा प्रस्ताव शिक्षण विभागाकडून आयुक्तांपुढे मांडण्यात आला होता. त्याला बीएमसी आयुक्त इकबाल सिंग चहल यांची  मंजुरी मिळाली आहे. मुंबई परिक्षेत्रातील आठवी ते बारावीचे वर्ग असणाऱ्या सर्व माध्यमाच्या सर्व बोर्डाच्या एकूण शाळा 2553 आहेत व त्यात एकूण विद्यार्थी 5, 13, 502 विद्यार्थी शिक्षण घेतात.

04/10/2021 13:16:26

एकदा उघडलेली शाळा पुन्हा बंद करायला नको असा निर्धार करा: उद्धव ठाकरे

गेल्या दीड वर्षानंतर आपल्या शाळा उघडल्या आहेत. आता त्या पुन्हा बंद करायला नको असा निर्धार करुयात असं राज्याचे मुख्यमंत्री उद्धव ठाकरे म्हणाले.
सध्याचा काळ कठीण आहे, त्यामुळे कोरोनाचे नियम पाळून राज्यातील शाळा सुरु करण्याचा निर्णय घेतला आहे. पालकांनी आपल्या पाल्याची काळजी घ्यावी असं आवाहन मुख्यमंत्री उद्धव ठाकरे यांनी केलं आहे. 

04/10/2021 13:12:49

कोरोनाचे नियम पाळून शाळा सुरु, सर्वांनी काळजी घ्यावी: मुख्यमंत्री

सध्याचा काळ कठीण आहे, त्यामुळे कोरोनाचे नियम पाळून राज्यातील शाळा सुरु करण्याचा निर्णय घेतला आहे. पालकांनी आपल्या पाल्याची काळजी घ्यावी असं आवाहन मुख्यमंत्री उद्धव ठाकरे यांनी केलं आहे. 

 

04/10/2021 10:44:45

हिंजवडी येथील जिल्हा परिषद शाळेत राष्ट्रवादी खासदार सुप्रिया सुळे पोहोचल्या

हिंजवडी येथील जिल्हा परिषद शाळेत राष्ट्रवादी खासदार सुप्रिया सुळे पोहोचल्या. दीड वर्षानंतर शाळा खुल्या झाल्याने विद्यार्थ्यांना त्या प्रोत्साहित करत आहेत. त्यानंतर विध्यार्थ्यांना गणवेश आणि शालेय साहित्याचे त्या वाटप करतील.

04/10/2021 09:14:52

विद्यार्थ्यांचे विदूषकांच्या हस्ते पुष्प आणि चॉकलेट देऊन स्वागत

कोरोनाच्या प्रादुर्भावामुळे सुमारे दीड वर्ष बंद असलेल्या शाळा आजपासून सुरू होत आहेत या निमित्ताने पुण्यातील राजीव गांधी इ लर्निंग स्कूलमधील विद्यार्थ्यांचे विदूषकांच्या हस्ते पुष्प आणि चॉकलेट देऊन स्वागत करण्यात आले तर पालकांना मास्कचे वाटप करीत  कोरोना विषयक काळजी घेण्याची आवाहन शिक्षकांकडून करण्यात येत होते  

04/10/2021 09:03:42

कोरोना नियमाचे पालन करत कल्याण डोंबिवलीत शाळा सुरू,शिक्षकांसह विद्यार्थ्यांमध्ये आनंदाचे वातावरण

राज्यभरात  तब्बल दीड वर्ष बंद असलेल्या शाळा आजपासून सुरू झाल्यात .कल्याण डोंबिवली मध्ये देखील शाळांचे 8 वी ते 10 वी व कनिष्ठ महाविद्यालयाचे 11 व 12 वी पर्यन्त चे वर्ग सुरू करण्यात आले .कल्याण पूर्वेकडील सम्राट अशोक विद्यालयात मुलांचं स्वागत करण्यासाठी तयारी करण्यात आली आहे, शाळेत येणाऱ्या मुलांच्या स्वागतासाठी आरती, ढोल ,रांगोळ्या अशी तयारी करण्यात आली आहे ,विद्यार्थ्यांनी सकाळी आठ वाजताच शाळेत हजेरी लावली आहे .शाळेकडून मुलांना ओवाळून मुलांवर पुष्पवृष्टी केली जात आहे .मुलांना शाळेत आज शिक्षणाबरोबरच कोरोना बाबत जनजागृती केली जाणार आहे आहे 

04/10/2021 08:36:11

शिवाजी शिक्षण संस्थेच्या शाळेत विद्यार्थ्यांचा पहिल्याच दिवशी प्रतिसाद

गेले अनेक दिवस शिक्षक, पालक आणि विद्यार्थी ज्या दिवसाची वाट पाहत होते तो आज दिवस आला आहे.आज राज्यात शहरी भागात 8 ते 12 वी आणि ग्रामीण भागात 5 वी ते 12 वी शाळा सुरू होत आहेत.मुंबईत देखील आज शाळा आणि कनिष्ठ महाविद्यालय सुरू झाले आहेत.आज सकाळपासून विद्यार्थ्यांनी शाळेत येण्यास सुरुवात केली आहे.घाटकोपर मधील शिवाजी शिक्षण संस्थेची शाळा आणि कनिष्ठ महाविद्यालय सुरू झाले आहे.सर्व विद्यार्थ्यांच्या पालकांची संमतीपत्र घेऊनच विद्यार्थ्यांना शाळेत प्रवेश दिला जात आहे.विद्यार्थ्यांची स्क्रीनिंग केली जात आहे.तसेच आज पहिला दिवस असल्याने विद्यार्थ्यांमध्ये शैक्षणिक वातावरण पुन्हा निर्माण करण्यासाठी त्यांना शाळेत आज गाण्यांच्या भेंड्या, कथा कथन, गीत गायन अश्या पद्धतीने   शाळेच्या पहिल्या दिवसाची सुरुवात होत आहे.

04/10/2021 08:35:12

तळकोकणात आजपासून पुन्हा शाळा गजबजू लागल्या, विद्यार्थ्यांमध्ये उत्साह

कोरोनामुळे गेल्या दोन वर्षांपासून बंद असलेल्या शाळा कनिष्ट महाविद्यालय आजपासून पुन्हा गजबजू लागले आहेत. पाचवी ते बारावी पर्यंतचे वर्ग आजपासून सुरू होत आहेत. सिंधुदुर्ग जिल्ह्यात सुमारे ४० हजार विद्यार्थी आजपासून पुन्हा शाळेत जाणार आहेत असा अंदाज शिक्षण विभागाने वर्तवला आहे. यात ७३८ शाळा तर २४७ माध्यमिक शाळाचा समावेश आहे. गेली वर्षभर मुलांना ऑनलाइन पद्धतीने वर्ग सुरू होते. मात्र या वर्षी शैक्षणिक वर्ष ऑनलाईन पद्धतीने सुरू झाले परंतु आता कोरोनाचा प्रादुर्भाव कमी झाल्यामुळे शाळा, कनिष्ठ महाविद्यालय सुरू करण्यास राज्य सरकारने परवानगी दिल्यामुळे आजपासून शाळा सुरू होत आहेत. काही ठिकाणी मुलांचे पुष्पगुच्छ देऊन स्वागत केलं जात आहे. त्यामुळे मुलं सुद्धा आनंदाने शाळेत जात आहेत. आज सिंधुदुर्ग जिल्ह्यातील शाळा गजबजून गेल्याचे चित्र जिल्ह्यात सर्वत्र पहायला मिळत आहे.