Maharashtra Rain Updates Live : मुंबईसह परिसरात पावसाची जोरदार हजेरी, जाणून घ्या पावसाचे अपडेट्स एका क्लिकवर...

Maharashtra Rain Updates Live : मुंबईसह परिसरात पावसाने जोरदार हजेरी लावली आहे. तसेच कोल्हापूर जिल्ह्यातही काही ठिकाणी पाऊस झाला आहे.

पार्श्वभूमी

Maharashtra Rain Updates Live : सध्या राज्यात पावसाचा (Rain) जोर ओसरला आहे. काही ठिकाणी हलका ते मध्यम स्वरुपाच्या पावसानं हजेरी लावली आहे. मुंबईसह ठाणे परिसरात रात्रभर जोरदार पावसाने हजेरी लावली. तसेच कोल्हापूर जिल्ह्यातही काही ठिकाणी हलका ते मध्यम स्वरुपाचा पाऊस पडला आहे. अन्य ठिकाणी मात्र पावसानं उघडीप दिली आहे. दरम्यान, आजपासून राज्यात पावसाची स्थिती काय असू शकते याबाबतचा अंदाज ज्येष्ठ हवामान तज्ज्ञ माणिकराव खुळे (Meteorologist Manikrao Khule) यांनी सांगितला आहे. आजपासून राज्यात पावसाची काहीशी उघडीप मिळू शकते असा अंदाज खुळे यांनी व्यक्त केला आहे. राज्यात तुरळक ठिकाणी हलका पाऊस पडण्याचा अंदाज त्यांनी वर्तवला आहे.दरम्यान, राज्यात आत्तापर्यंत पावसाचे प्रमाण समाधनाकारक राहिले आहे. जूनपासून आत्तापर्यंत राज्यात सरासरीपेक्षा अधिक पावसाची नोंद झाली आहे. नदी आणि धरणांच्या पाणी साठ्यात देखील मोठी वाढ झाली आहे. जून महिन्यात पावसानं दडी मारली होती. मात्र, जुलै आणि ऑगस्टमध्ये राज्यात सर्वत्र पावसाने जोरदार हजेरी लावली होती. दरम्यान, मराठवाडा, विदर्भ आणि कोकणात मुसळधार पावसामुळं काही ठिकाणी जनजीवन विस्कळीत झालं होतं. अनेक ठिकाणी नदी नाल्यांना पूर आल्यानं वाहतुकीवरही परिणाम झाला होता. तसेच शेतीचंही मोठं नुकसान झालं आहे.    कोल्हापूर पाऊसकोल्हापूर शहरासह जिल्ह्यात हलक्या सरींनी हजेरी लावली आहे. धरणांच्या पाणलोट क्षेत्रामध्ये दमदार पावसाने हजेरी लावल्याने राधानगरी धरणाचा स्वयंचलित 6 व्या क्रमांकाचा दरवाजा उघडला आहे. राधानगरी धरणातून एकूण 3 हजार 28 क्‍युसेक पाण्याचा विसर्ग सुरु आहे. राजाराम बंधारा येथे पंचगंगा नदीची पातळी 18  फूट 11 इंचापर्यंत खाली आली आहे. जिल्ह्यातील अजूनही 12 बंधारे पाण्याखाली आहेत. दरम्यान, राधानगरी, शाहूवाडी, गगनबावडा या पावसाचे आगार असणाऱ्या तालुके सोडून जिल्ह्यात पावसाचे प्रमाण कमी झाले आहे. त्यामुळं जिल्ह्यातील पुराचे संकट टळले आहे. पावसाचा अंदाज काय संपूर्ण मराठवाड्यातील 8 जिल्ह्यात अगदीच तुरळक ठिकाणी किरकोळ पाऊस पडण्याचा अंदाज माणिकराव खुळे यांनी व्यक्त केला आहे. याव्यतिरिक्त पुढील आठवडाभर म्हणजे सोमवारपर्यंत (29 ऑगस्ट) पावसाची उघडीप मिळू शकते असा अंदाज त्यांनी  वर्तवला आहे. तर मध्य महाराष्ट्रातील खान्देश ते सोलापूर पर्यंतच्या 10 जिल्ह्यात आजपासून (23 ऑगस्ट) तुरळक ठिकाणी किरकोळ पावसा व्यतिरिक्त उघडीपच जाणवेल अशी माहिती ही खुळे यांनी दिली आहे. 

24/08/2022 10:53:36

पवना धरणाच्या पाणलाेट क्षेत्रात चांगला पाऊस, धरणातून पाण्याचा विसर्ग वाढवला

पवना धरणाच्या पाणलाेट क्षेत्रात चांगला पाऊस पडत आहे. सतत पडणाऱ्या पावसाच्या प्रमाणात वाढ झाल्यामुळं पवना धरणातून चालू असलेला विसर्ग वाढवण्यात आला आहे. आज सकाळी साडेअकरा वाजता 3 हजार 500 क्युसेकने विसर्ग करण्यात येणार आहे.