Pandhapur News : 100 कोटींच्या वसूली प्रकरणात जेलमध्ये असलेले राज्याचे माजी गृहमंत्री अनिल देशमुख (Anil Deshmukh) यांच्या समर्थनार्थ आता राज्याचे मंत्री छगन भुजबळ उतरले आहेत. पंढरपुरात बोलताना त्यांनी गृहमंत्र्यांना कोण देतंय 100 कोटी? मीही गृहमंत्री होतो अशा शब्दात अनिल देशमुख यांची पाठराखण केली. भुजबळ म्हणाले की, अनिल देशमुख आणि दुसरी व्यक्ती म्हणे असे बोलले हे तिसरा चौथ्याला सांगतोय. अनिल देशमुख कोणाला बोलले. आपण लांबून ऐकले पण आपणास बोलले नसल्याचे सचिन वाझे याने चांदीवाल कमिशनला सांगितले होते.पण काही करून त्यांच्यावर मोठ्या रकमांचे आरोप ठेवायचे मग ईडीची केस करायची आणि जास्तीत जास्त दिवस जेलमध्ये ठेवायचा हा सर्व ईडीचा प्रकार असल्याची टीका छगन भुजबळ यांनी केली.
यामुळे न्यायालयाचाही नाईलाज होतो असे सांगताना कुठे गेले पैसे? कोणी वसूल केले? काही सापडले का तुम्हाला? असा सवालही भुजबळ यांनी केला. असे सांगोपांगीवर केस उभी राहते आणि त्यानंतर अटक होते. हे आपण यापूर्वी 50 वर्षात कधी पहिले नसल्याचे भुजबळ यांनी सांगितले.
राजू शेट्टी यांनी महाविकास आघाडीची साथ सोडल्याच्या संदर्भात विचारलं असता भुजबळ म्हणाले की, स्वाभिमानी शेतकरी संघटना जरी आघाडीमधून बाहेर पडली असली तरी याचा कोणताही परिणाम कोल्हापूर निवडणुकीवर होणार नाही. कोल्हापुरात तीनही पक्ष मजबुतीने काम करीत असून शिवसेनेतील मतभेद देखील दूर झाल्याचे भुजबळ यांनी सांगितले.
अनिल देशमुख हेच या कटामागेच 'मास्टर माईंड'- ED
मनी लाँड्रिंग प्रकरणात अटक करण्यात आलेले राज्याचे माजी गृहमंत्री अनिल देशमुख हेच या कटामागेच 'मास्टर माईंड' आहेत,असं ईडीनं आपल्या प्रतिज्ञापत्रात म्हटलंय. देशमुखांच्या जामीन अर्जाला विरोध करत हायकोर्टात दाखल केलेल्या प्रतिज्ञापत्रातून केला आहे. न्यायमूर्ती अनुजा प्रभूदेसाई यांच्यापुढे देशमुखांच्या जामीन अर्जावर आज सुनावणी होणार आहे. देशमुखांची सुटका झाल्यास साक्षीपुराव्यांशी छेडछाड करु शकतात, असं ईडीनं म्हटलं आहे. भ्रष्टाचाराच्या पैशातून देशमुखांनी कुटुंबियांच्या नावे संपत्ती खरेदी केली, असा आरोपही ईडीनं केला आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha