Maharashtra Political Crisis Eknath Shinde LIVE : आमदार दीपक केसरकर यांच्या सावंतवाडीतील निवासस्थानावर दगडफेक

Maharashtra Political Crisis Eknath Shinde Live Updates : महाराष्ट्रातील राजकीय सत्तासंघर्षाचा आज पाचवा दिवस आहे. प्रत्येक अपडेट्ससाठी क्लिक करा...

पार्श्वभूमी

Maharashtra Political Crisis Eknath Shinde Timeline : महाराष्ट्राच्या राजकारणात एकनाथ शिंदेंच्या बंडानंतर आता अभूतपूर्व परिस्थिती निर्माण झाली आहे. विधान परिषद निवडणुकीच्या निकालानंतर एकनाथ शिंदेंचं नाराजीनाट्य सुरु झालं. आधी समर्थक आमदारांसह शिंदे 21 तारखेला सुरतला पोहोचले. एकनाथ शिंदे आणि आमदारांनी सूरतमधील मेरिडियन हॉटेलमध्ये मुक्काम ठोकला. शिवसेनेकडून शिंदेंची समजूत काढण्याचा प्रयत्न करण्यात आला. पण, आपल्या भूमिकेवर ठाम असल्याचं एकनाथ शिंदेंच्या वतींन सांगण्यात आलं. यासर्व प्रकारात अनेक नाट्यमय घडामोडी घडल्याचं पाहायला मिळाल्या. एकनाथ शिंदेंसोबतच्या काही आमदारांनी आपल्याला दमदाटी करुन, धमक्या देऊन सूरतमध्ये नेल्याचं सांगितलं. काहींनी मातोश्रीवर निरोप धाडले तर काहींनी एकनाथ शिंदेंच्या हातावर तुरी देत चक्क मुंबई गाठली. यासर्व घडामोडींमध्ये तो दिवस मावळला. पण घडामोडी काही थांबल्या नाहीत.  शिवसेनेचे प्रबळ नेते आणि महाविकास आघाडी सरकारमधील नगरविकास मंत्री एकनाथ शिंदे यांनी पक्षाविरोधात बंड पुकारला आणि संबंध महाराष्ट्र हादरला. सूरतमध्ये आपल्या आमदारांसह एकनाथ शिंदेंनी भाजप नेत्यांशी भेटीगाठी घेतल्या. त्यानंतर शिवसेनेकडून मन वळवण्याचा प्रयत्न सुरु झाला. पण एकनाथ शिंदेंनी आपण आपल्या भूमिकेवर ठाम असल्याचं स्पष्ट केलं. त्यानंतर सूरतमधून एकनाथ शिंदे आणि त्यांच्या गटातील आमदारांना एअरलिफ्ट करण्याचा निर्णय घेण्यात आला आणि सगळे आमदार गुवाहाटीच्या दिशेनं रवाना झाले.  मग तिथून ते हे सगळे आमदार आसाममधल्या गुवाहाटीत पोहोचले.  22 जून 2022एकनाथ शिंदेंचं बंड तीव्र...शिंदेंसोबतचे सर्व आमदार सुरतमधून गुवाहाटीला निघण्याच्या तयारीत...कार आणि बसमधून शिंदे समर्थक आमदार विमानतळाकडे रवाना...शिवसेना आमदारांनी कोणतही बंड केलेलं नाही, एकनाथ शिंदेंचं स्पष्टीकरणगुवाहाटीला रवाना होण्यासाठी शिंदेंसह समर्थक आमदार सुरत विमानतळावर दाखलशिदेंसोबत शिवसेनेचे ३३ तर इतर दोन आमदारएकनाथ शिंदेंसह सर्व आमदार गुवाहाटी विमानतळावर दाखलविमानतळावरुन सर्व आमदार गुवाहाटीच्या ब्ल्यू रेडिसन हॉटेलमध्येशिवसेना समर्थक राज्यमंत्री बच्चू कडू  शिंदेंसोबत गुवाहाटीत गुवाहाटीमध्ये पोहचताच एकनाथ शिंदे पुन्हा कॅमेऱ्यासमोरआपल्याबरोबर 40 आमदार असल्याचा दावा करून शिंदेंचं शिवसेनेला आव्हानएकनाथ शिंदेंना जवळपास 50 अपक्ष आमदारांचा पाठिंबा असल्याचं बच्चू कडूंचं वक्तव्य, बच्चू कडू शिंदेंसह गुवाहाटीतील रेडिसन हॉटेलमध्येमहाराष्ट्राचे राज्यपाल भगतसिंह कोश्यारींना कोरोनाची लागण झाल्याची माहिती ठाण्यातले 5 आजी माजी नगरसेवक एकनाथ शिंदेंच्या सोबत  ठाण्यात आणखीन काही नगरसेवक स्टँड बाय मोड वर असल्याचीही माहितीदेवेंद्र फडणवीसांच्या सागर बंगल्यावर भाजप नेत्यांची बैठक... शरद पवार सिल्व्हर ओकवरील बैठक आटोपून वाय. बी. चव्हाण सेंटरला महाराष्ट्रातील राजकीय पेचावर खासदार संजय राऊतांचं ट्विट, 'राजकीय घडामोडींचा प्रवास विधानसभा, बरखास्तीच्या दिशेनं', असं म्हणत उद्धव ठाकरेंच्या राजीनाम्याचे एकप्रकारे राऊतांकडून संकेत, दुसरीकडे राष्ट्रवादीचे आमदार अजित पवार यांच्या कार्यालयात  मुख्यमंत्री उद्धव ठाकरे कोरोना पॉझिटिव्ह... मंत्रिमंडळ बैठकीत मुख्यमंत्री ऑनलाईन उपस्थितीदरम्यान शिंदेंच्या बंडानंतर शिवसेना आमदार दीपक केसरकरांचं मोठं वक्तव्य, शिवसेना आणि भाजपनं एकत्र राहायला हवं असं केसरकर म्हणाले."मला उमेदवारी दिली असती तर असं घडलं नसतं" शिवसेनेतील बंडावर संभाजीराजे छत्रपती यांचं वक्तव्यदुसरीकडे देवेंद्र फडणवीसांच्या सागर बंगल्यावर  नारायण राणे दाखल शिवसेनेच्या विधिमंडळ मुख्य प्रतोदपदी भरत गोगावले शिदेंकडून सुनील प्रभूंची प्रतोद पदावरुन  उचलबांगडीराज्यात राजकीय घडामोडींना वेग अपक्ष आमदार गीता जैन आणि बविआचे क्षितीज ठाकूर फडणवीसांच्या भेटीला तर राष्ट्रवादीच्या आमदारांना मुंबईत पोहोचण्याचे आदेशमुख्यमंत्री उद्धव ठाकरेंचा जनतेशी संवाद,  मी मुख्यमंत्रीपद सोडायला तयार आहे... उद्धव ठाकरेंचं वक्तव्य. "मी राजीनामा तयार करुन ठेवलाय, उद्धव ठाकरे मुख्यमंत्री नको हे समोर येऊन सांगा" उद्धव ठाकरेंचं एकनाथ शिंदेंना समोर येण्याचं आव्हान मुख्यमंत्र्यांच्या पत्रकार परिषदेनंतर राऊतांचं ट्विट,  "होय, संघर्ष करणार" राऊतांचा ट्विटमधून विरोधकांना टोलागुवाहाटीला गेलेले बाळापूरचे  शिवसेना आमदार नितीन देशमुख महाराष्ट्रात परत आले. त्यांनी माध्यमांसमोर येत आपल्याला मारहाण झाल्याचं आणि जबरदस्ती नेल्याचं सांगत हे सगळं भाजपचं षडयंत्र असल्याचा दावा केला. 23 जून 2022एकनाथ शिंदेंच्या बंडखोरीची तयारी मागील 6 महिन्यांपासून, गृहखात्याकडून मुख्यमंत्र्यांना माहिती दिल्यानंतरही दुर्लक्ष : सूत्र शिवसेनेचे आणखी सहा आमदार नॉट रिचेबल असल्याची माहिती समोर आली, मातोश्रीवर बैठकांचं सत्र सुरु झालंकोणाला ठेवायचं, कोणाला काढायचं, हे तुम्ही ठरवा, सुरुवात सुनील प्रभूंपासून करा; सरनाईक-गोगावले यांच्यातील संभाषण व्हायरल झालंराज्यातील सत्ता पेच आणखी गडद, प्रियंका गांधी मुंबईत; विमानतळावरच काँग्रेस नेत्यांशी खलबतंगुवाहाटीमध्ये शिवसेना आमदार असलेल्या हॉटेलबाहेर तृणमूल काँग्रेसचे जोरदार आंदोलन केलंआमदारांना डांबून ठेवण्यामागेही भाजपचाच हात असल्याचंही संजय राऊत  राऊतांनी सांगितलं. शिवसेनेचे 17 ते 18 आमदार भाजपच्या ताब्यात असल्याचा नवा दावा केला 'ही आहे आमदारांची भावना'; एकनाथ शिंदेंचं नव्या पत्रासह नवं ट्वीट केलं. हे पत्र आमदार संजय शिरसाट यांनी लिहिलेलं ज्यात बडव्यांचा उल्लेख करत मुख्यमंत्री भेटत नसल्याची तक्रार होतीपक्षप्रमुखानं गटनेता नेमायचा असतो, मुख्यमंत्र्यांनी अजय चौधरींची नेमणूक केलीय, ते पत्र मी स्वीकारलंय असं विधानसभा उपाध्यक्ष नरहरी झिरवाळ यांनी सांगितलंएक दिवस आधी एकनाथ शिंदेंविरुद्ध आंदोलन करणारे सदा सरवणकर यांच्यासह काही आमदार शिंदे गटात गेले, यानंतर सदा सरवणकर गद्दार म्हणत शिवसैनिक आक्रमक, मुंबईत बॅनरला काळं फासलंगुवाहाटीमध्ये एकनाथ शिंदेचे शक्तिप्रदर्शन; नवा व्हिडिओ समोर आलाकृषीमंत्री दादा भुसेही एकनाथ शिंदे गटात जाऊन पोहोचलेशिवसेनेने महाविकास आघाडीतून बाहेर पडावे अशी आमदारांची इच्छा असेल तर आमदारांनी 24 तासांत मुख्यमंत्री आणि शिवसेना पक्षप्रमुख उद्धव ठाकरे यांच्यासमोर उपस्थित राहून चर्चा करावी असे आवाहन शिवसेना नेते संजय राऊत यांनी केले शिंदे यांच्याकडूनच त्यांच्यासोबत असलेल्या यादीची घोषणा केली. शिंदे यांच्यासोबत शिवसेनेचे 37 आमदार असल्याचा दावा केला तर 9 अपक्ष आमदार सोबत असल्याचा देखील दावा केला पृथ्वीराज चव्हाण म्हणाले, "आमच्या हातात काहीच नाही, उद्धव ठाकरे यू टर्न घेतील वाटत नाही"सुटका करून पळून आल्याचा नितीन देशमुखांचा दावा खोटा; शिंदे गटाकडून फोटो जारी करत दिला पुरावानाना पटोले म्हणाले...अजित पवार शिवसेनेप्रमाणे काँग्रेसच्या आमदारांनाही त्रास द्यायचे, निधी देत नसतएवढे मंत्री रातोरात निघून गेल्याचं कसं कळलं नाही?, शरद पवार गृहखात्यावर नाराजका उगाच वण वण भटकताय? घरचे दरवाजे उघडे आहेत, संजय राऊतांचं बंडवीरांना चर्चेचं आमंत्रणआसाममधील शिवसेनेच्या आमदारांना बंगालला पाठवा, त्यांचा योग्य पाहुणचार करू; ममता बॅनर्जी यांचा भाजपला टोलाबंडखोरी करणाऱ्यांना किंमत मोजावी लागेल; शरद पवारांचा इशारा तर सरकार टिकवण्यासाठी उद्धव ठाकरेंना राष्ट्रवादीचा पाठींबा असल्याचं अजित पवार यांनी सांगितलं पण अजित पवारांकडून भाजपला क्लीन चिट!भाजपचा पाठिंबा असल्याचं एकनाथ शिंदेंनी केलं मान्य, तर शिंदेंच्या मागे भाजपच, अजित पवारांना त्याची माहिती नाही, बंडखोरांना इकडे यावंच लागेल असं शरद पवार म्हणाले एकनाथ शिंदेंच्या मनधरणीसाठी नार्वेकरांसोबत सूरतला गेलेले फाटकही शिंदेंच्या गटात, गुवाहाटीत दाखलबंडखोरांच्या केसालाही धक्का लागल्यास घर गाठणे कठिण होईल; नारायण राणेंची थेट शरद पवारांना धमकी12 आमदारांचं सदस्यत्व रद्द करा, शिवसेनेची विधानसभा उपाध्यक्षांकडे मागणी केली तर आम्ही तुमच्या धमक्यांना भीक घालत नाही, खरी शिवसेना आमचीच; कारवाईसंबंधी शिवसेनेच्या पत्रानंतर एकनाथ शिंदेंचा इशाराजे गेलेत त्यांचा विचार करु नका, मेळावे लावा, शाखा पिंजून काढा; उद्धव ठाकरे यांचे विभागप्रमुखांना आदेश 24 जून 2022बहुमतासाठी आवश्यक असणारा आकडा पूर्ण झाला आहे. मात्र अद्याप सरकारचा पाठिंबा काढण्याचा निर्णय झालेला नाही, अशी प्रतिक्रिया शिवसेनेचे बंडखोर नेते एकनाथ शिंदे  यांनी एबीपी माझाशी  बोलताना दिलीएकनाथ शिंदेंकडून कोणताही प्रस्ताव नाही, राज्यातील घडामोडींशी भाजपचा संबंध नाही : चंद्रकांत पाटीलअजय चौधरी, सुनील प्रभूंच्या नियुक्तीविरोधात एकनाथ शिंदे हायकोर्टात जाणार असल्याचं सांगितलंशिवसेनेकडून शिंदे गटातील आणखी चार आमदारांच्या अपात्रतेची मागणी; एकूण 16 आमदार लिस्टमध्ये...आपल्यासोबत कोणी नाही असं समजून नवी शिवसेना उभी करा; उद्धव ठाकरे यांचं आवाहन,  उद्धव ठाकरेंचे एकनाथ शिंदे गटाला थेट आव्हान... हीच वीट आता तुमच्या डोक्यात हाणणारनरहरी झिरवाळ यांच्याविरोधात दोन दिवसांपूर्वीच अविश्वास प्रस्ताव, आमदारांच्या अपात्रतेचा निर्णय घेण्याचा अधिकार नसल्याचा दावा; अपक्ष आमदारांचे पत्रशिवसैनिक होऊ शकतात आक्रमक, राज्यातील सर्व पोलीस ठाण्यांना हाय अलर्ट राहण्याचे आदेशशरद पवार आणि उद्धव ठाकरे यांच्यात मातोश्रीवर बैठक, दोन तासांनी संपली बैठकबंड करण्यासाठी मुख्यमंत्री आजारी असतानाची वेळ निवडली, आता आपण लढायचं आणि जिंकायचं, आदित्य ठाकरेंचं कार्यकर्त्यांना आवाहनतुम्ही निवडून आलेल्यांना फोडून दाखवाल, पण निवडून देणाऱ्यांना फोडून दाखवा; उद्धव ठाकरेंचे शिंदे आणि भाजपला आव्हान

25/06/2022 20:23:52

आमदार दीपक केसरकर यांच्या सावंतवाडीतील निवासस्थानावर दगडफेक

शिवसेनेचे बंडखोर आमदार दीपक केसरकर यांच्या सावंतवाडीतील निवासस्थानावर दगडफेक झाल्याची घटना घडली आहे. गनिमीकाव्याने शिवसैनिकांकडून हल्ला करणाऱ्या शिवसैनिकाला दंगल नियंत्रण पथकाने ताब्यात घेतले आहे. शिवसेनेशी फारकत घेवून शिंदे गटाशी संधान साधणार्‍या आमदार दीपक केसरकर यांच्या सावंतवाडी येथील निवासस्थानावर एका शिवसैनिकांकडून दगड फेक झाल्याचं समजत आहे. अचानक झालेली दगड फेक लक्षात घेता त्या ठिकाणी असलेल्या दंगल नियंत्रण पथकाने एका शिवसैनीकाला ताब्यात घेतलं. 

25/06/2022 18:45:57

Sanjay Raut : शिवसेना हा एक ब्रँड

Sanjay Raut : शिवसेना हा एक ब्रँड आहे. अनेकांनी या अगोदर बंड केले. आम्हाला अशा बंडाची सवय आहे. आम्हाला अशा बंडाशी आम्ही लढलो आहे.

25/06/2022 18:41:41

Sanjay Raut On Sharad Pawar : पवार हे राजकरणातील भीष्म पितामह : संजय राऊत

शरद पवार हे ज्येष्ठ नेते आहेत. राजकारण ही शरद पवारांची ऊर्जा आहे. ते थकलेले नाहीत. पवार हे अनुभवी  आहेत म्हणून त्यांनी सूत्रे हातात घेतली.  महाविकासआघाडीतील प्रत्येक व्यक्ती हे सरकार टिकवण्यासाठी प्रयत्न करत आहेत.

25/06/2022 18:33:50

Sanjay Raut Majha katta Live : एकनाथ शिंदे, गुलाबराव पाटील गेल्याचे दु:ख : संजय राऊत

एकनाथ शिंदे, गुलाबराव पाटील गेल्याचे दु:ख झाले आहे. ज्यांनी वर्षानुवर्षे काम केले. त्यांचा जन्म शिवसेनेतच झाला आहे. एकत्र काम केलेले आमदार आज सोडून गेले याचे दु:ख झाले आहे.

25/06/2022 18:29:45

Sanjay Raut : कुत्रा सोडला तर बेईमानी कोणीही करू शकतो : संजय राऊत

कुत्रा सोडला तर बेईमानी कोणीही करू शकतो, हे बाळासाहेब ठाकरे म्हणायचे. मी बाळासाहेबांसोबत जवळून काम केले आहे.

25/06/2022 18:25:57

Sanjay Raut Majha Katta : सत्तेत असल्यावर नैतिकता आणि तत्त्व बाजूला ठेवावी लागतात : संजय राऊत

आत्मपरिक्षण हे सर्वांनी करणे गरजेचे आहे. सत्ताधाऱ्यांनी काळजीपूर्वक पाऊल टाकणे गरजेचे असते. सत्तेत असल्यावर नैतिकता आणि तत्त्व बाजूला ठेवावी लागतात.

25/06/2022 18:24:17

Sanjay Raut : सत्तेचा अमरपट्टा कोणीही बांधून आलेले नाही

सत्ता येते सत्ता जाते. कधीही सत्ता जाऊ शकते. सत्तेचा अमरपट्टा कोणीही बांधून आलेले नाही. केंद्रात देखील कधीही सत्तापालट होऊ शकते, असे संजय राऊत म्हणाले. 

25/06/2022 18:21:18

आनंद दिघेंचे नाव घेऊन राजकरण करू नये : संजय राऊत

एकनाथ शिंदे आनंद दिघेंचा अहवाला देतात. आनंद दिघेंचे नाव घेऊन राजकरण करू नये. आनंद दिघे हे बाळासाहेबांचे हनुमान होते.

25/06/2022 18:17:44

ईडीच्या केसेस 24 तासात क्लिअर : संजय राऊत

 

ज्या आमदारांविरुद्ध किरीट सोमय्या रोज पत्रकार परिषद आहे. ज्यांच्या ईडीच्या कारवाया झाल्या, ते शिवसना सोडून गेले. कारण 24 तासात फडणवीसांनी त्यांच्यावरील कारवाया  24 तासात क्लिअर केले आहे. 

25/06/2022 18:14:25

Sanjay Raut : ज्यांना शिवसेनेने घडवले त्यांनी बंड केले : संजय राऊत

जे आमदार शिवसेनेतून निवडुन आले त्यांनी बंड केले. शिवसेनेने मेहनतीने या आमदारांना मोठे केले आहे. आज त्यांनी बंड केले. आज जे शिवसेनेच्या विचाराने निवडणूक लढवली. पुन्हा जनता या आमदारांना मतं देणार नाही.

25/06/2022 18:12:13

Sanjay Raut : एकनाथ शिंदे मुख्यमंत्री न होण्यास भाजप जबाबदार : संजय राऊत

Sanjay Raut : एकनाथ शिंदे मुख्यमंत्री न होण्यास भाजप जबाबदार आहे. 2019 साली भाजपला एकनाथ शिंदे मुख्यमंत्री म्हणून नको होते. त्यामुळे त्यांनी युती तोडली. ही गोष्ट एकनाथ शिंदेना  माहित आहे. जर 2019 साली भाजपने रोखले नसते तर उद्धव ठाकरेंनी एकनाथ शिंदेंना मुख्यमंत्री केले असते.

25/06/2022 18:08:31

Sanjay Raut On Eknath Shinde : एकनाथ शिंदेंना मुख्यमंत्री व्हायचे : संजय राऊत

एकनाथ शिंदेंना मुख्यमंत्री व्हायचे आहे. हिंदुत्व या गोष्टी फक्त तोंडी लावायला आहे. मनाप्रमाणे गोष्टी घडाव्या म्हणून हे बंड करण्यात आले आहे. लालसा, महत्त्वकांक्षा, आमिष ही बंडाची सूत्र आहेत.

25/06/2022 17:26:52

Maharashtra Political Crisis : शिवसेनेचे माथेरान संपर्क प्रमुख प्रसाद सावंत यांना मारहाण

शिवसेनेचे माथेरान संपर्क प्रमुख प्रसाद सावंत यांना मारहाण झालीय. कर्जतचे आमदार महेंद्र थोरवेंच्या विरोधात आवाज उचलल्यामुळे मारहाण झाल्याचा आरोप करण्यात आला आहे. प्रसाद सावंत हे माथेरानचे गटनेतेही आहेत.  

25/06/2022 17:25:09

शिवसेनेच्या बंडखोर नेत्यांविरोधात उद्या नशिकमध्ये शिवसैनिकांचा मोर्चा

शिवसेनेच्या बंडखोर नेत्यांविरोधात उद्या नशिकमध्ये शिवसैनिक मोर्चा काढणार आहेत. शिवसेना पदाधिकाऱ्यांच्या बैठकीत याबाबत निर्णय घेण्यात आला. शिवसेना कार्यालयाच्या फलकावरील दादा भुसे, सुहास कांदे यांच्या नावाला शिवसैनिकांनी काळे फासले आहे.  

25/06/2022 17:04:07

एकनाथ शिंदेंच्या समर्थनार्थ ठाण्यात शक्तीप्रदर्शन, श्रीकांत शिंदेही उपस्थित

ठाण्यात मोठ्या संख्येने शिवसेनेचे बंडखोर नेते एकनाथ शिंदे यांच्या समर्थनार्थ कार्यकर्ते एकत्र आले आहेत. यामध्ये शिवसेनेचे खासदार श्रीकांत शिंदे उपस्थित आहे.

25/06/2022 16:50:19

नवी मुंबईतील शिवसैनिक एकनाथ शिंदे यांच्या विरोधात आक्रमक, फोटोला काळे फासले

Navi Mumbai Shivsena :  नवी मुंबईतील शिवसैनिक एकनाथ शिंदे यांच्या विरोधात आक्रमक झाले आहे.  शिवसेना कार्यालयावरील फलकावर असलेल्या एकनाथ शिंदे यांच्या फोटोला काळे फासले. शिवसेनेकडून एकनाथ शिंदे यांच्या विरोधात आंदोलन,  घोषणाबाजी करण्यात आली. 

25/06/2022 16:03:36

Eknath Shinde : गुवाहाटीत शिंदे गटाची महत्त्वाची बैठक

Eknath Shinde :  गुवाहाटीत शिंदे गटाची महत्त्वाची बैठक सुरू आहे. या बैठकीनंतर  शिंदे गटाची पत्रकार परिषद होणार आहे. 

25/06/2022 15:56:42

मी एकनाथ शिंदे यांचा पट्टा, पोस्टर फाडणाऱ्यांना सोडणार नाही; राजेश क्षीरसागर संतापले

"मी एकनाथ शिंदे यांचा पट्टा आहे. पोस्टर फाडणाऱ्यांना सोडणार नाही, असा इशारा माजी आमदार राजेश क्षीरसागर यांनी दिला आहे. शिवसेनेच्या पोस्टरवरील फोटो फाडल्याने राजेश क्षीरसागर संतापले आहेत. त्यामुळे राजेश क्षीरसागर यांनी माजी शहराध्यक्ष रविकिरण इंगवले यांना गुवाहाटीमधून इशारा दिलाय. राजेश क्षीरसागर एकनाथ शिंदे गटात सामील झाल्याने रविकिरण इंगवले आक्रमक झाले आहेत. इंगवले यांनी शिवसेनेच्या पोस्टरवरील राजेश क्षीरसागर यांचा फोटो फाडला. 

"मी सुशिक्षित गुंड असून बाहेर पडलो तर पळता भुई थोडी करेन. वैयक्तिक द्वेषातून पक्षाचं नुकसान करणाऱ्यांना पाठीशी घालू नका, असं आवाहन राजेश क्षीरसागर यांनी कोल्हापुरातील पदाधिकाऱ्यांना केले आहे. 

25/06/2022 15:26:51

शिवसेनेच्या 16 आमदारांना नोटीस पाठवली, अपात्रतेसंदर्भात 16 आमदारांना कायदेशीर नोटीस

शिवसेनेच्या 16 आमदारांना नोटीस पाठवली, अपात्रतेसंदर्भात 16 आमदारांना कायदेशीर नोटीस

25/06/2022 15:14:53

आ.संजय गायकवाड यांचा बुलढाण्यातील शिवसैनिकांशी फोनद्वारे संवाद

बुलढाण्यातील शिवसैनिकांशी आज दुपारी बुलढाण्याचे आ.संजय गायकवाड व मेहकरचे आ.संजय रायमूलकर यांनी फोनवरून संवाद साधला व आम्ही शिवसेनेतच आहोत व शिवसेनेतच राहू अस सांगितलं , फक्त काँग्रेस व राष्ट्रवादीशी असलेली आघाडी शिवसेनेने तोडावी अशी मागणी आमची असल्याचं आमदारांनी कार्यकार्याना सांगताच शिवसैनिकांनी रस्त्यावर उतरत दोन्ही आमदारांच्या समर्थनार्थ जोरदार घोषणाबाजी करत उद्धव ठाकरेंना आघाडी तोडण्याची विनंती केली आहे.

25/06/2022 15:14:08

उल्हासनगरात शिवसैनिक भडकले, खासदार श्रीकांत शिंदे यांचं कार्यालय फोडलं

राज्यात एकनाथ शिंदे यांनी शिवसेनेतून बंड केल्यानंतर राज्यभरात शिवसेना आक्रमक झाल्याचं पहायला मिळत आहेत. अनेक शिवसैनिकांकडून आमदारांच्या कार्यालयाची तोडफोड केली जात आहे. याच पार्श्वभूमीवर कल्याण लोकसभेचे खासदार श्रीकांत शिंदे यांच्या उल्हासनगरमधील कार्यालयाची काही शिवसैनिकांनी तोडफोड केली आहे. यामुळे सध्या परिसरात वातावरण तापलं आहे. तोडफोड करणाऱ्या शिवसैनिकांना पोलिसांनी ताब्यात घेतल्याची माहिती समोर आलीय. 

25/06/2022 15:12:03

Maharashtra Political Crisis : बाळासाहेब ठाकरे आणि शिवसेनेचं नाव कोणालाही वापरु देऊ नये, शिवसेनेचं निवडणूक आयोगाला पत्र

Maharashtra Political Crisis : बंडखोरी करणाऱ्या शिंदे गटाविरुद्ध शिवसेना आणि पक्षप्रमुख उद्धव ठाकरे यांनी शड्डू ठोकला आहे. शिवसेनेकडून तांत्रिक बाबींवरुन शिंदे गटाची कोंडी करण्यास सुरुवात केली आहे. बाळासाहेब ठाकरे आणि शिवसेनेचं नाव कोणालाही वापरु देऊ नये, अशा आशयाचं पत्र शिवसेनेने निवडणूक आयोगाला लिहिलं आहे. 

25/06/2022 15:05:18

Shiv Sena Meeting Update : शिवसेनेच्या कार्यकारिणीत पाच ठराव मंजूर

Shiv Sena Meeting Update : मुंबईतील शिवसेना भवनात पक्षप्रमुख उद्धव ठाकरे यांच्या नेतृत्त्वात कार्यकारिणीची बैठक होत आहे. शिवसेनेच्या कार्यकारिणीत पाच ठराव मंजूर करण्यात आले.
- शिवसेना ही बाळासाहेब ठाकरे यांची होती, आहे आणि कायम राहिल.
- उद्धव ठाकरेंच्या नेतृत्त्वावर कार्यकारिणीचा विश्वास, त्यांना पक्षात निर्णय घेण्याचे सर्वाधिकार
- शिवसेनेशी गद्दारी करणाऱ्यांवर कठोर कारवाईचे अधिकार पक्षप्रमुखांना
- बाळासाहेब ठाकरे आणि शिवसेना हे नाव अन्य कोणालाही वापरता येणार नाही.
- शिवसेनेचे मराठी अस्मितेशी आणि हिंदुत्त्वाशी बांधिलकी कायम राहिल.

25/06/2022 15:02:33

Shiv Sena Meeting Update : शिवसेना भवनला सर्वांना जमण्याचे आदेश, शिवसेना भवनजवळ शक्तीप्रदर्शन होणार

Shiv Sena Meeting Update : शिवसेना भवनला सर्वांना जमण्याचे आदेश, शिवसेना भवनजवळ शक्तीप्रदर्शन होणार

25/06/2022 14:54:47

Shiv Sena Meeting Update : हिंमत असेल तर स्वत:च्या बापाच्या नावानं मतं मागा, आधी नाथ होते आता दास झाले, मुख्यमंत्री उद्धव ठाकरेंचा हल्लाबोल

Shiv Sena Meeting Update :  हिंमत असेल तर स्वत:च्या बापाच्या नावानं मतं मागा, आधी नाथ होते आता दास झाले, मुख्यमंत्री उद्धव ठाकरेंचा हल्लाबोल

25/06/2022 14:49:10

Shiv Sena Meeting Update : बाळासाहेब ठाकरे आणि शिवसेना हे नाव कुणालाही वापरता येणार नाही, ठरावाला राष्ट्रीय कार्यकारिणीत मंजुरी

Shiv Sena Meeting Update : बाळासाहेब ठाकरे आणि शिवसेना हे नाव कुणालाही वापरता येणार नाही, ठरावाला राष्ट्रीय कार्यकारिणीत मंजुरी

25/06/2022 14:43:13

Shiv Sena Meeting Update : शिवसेनेशी बेईमानी करण्यावर कठोर कारवाई करण्याचे सर्वाधिकार ही राष्ट्रीय कार्यकरणी पक्ष प्रमुख उद्धव ठाकरेंना देत आहे, ठराव मंजूर, संजय राऊत यांनी ठराव मांडला

Shiv Sena Meeting Update :  शिवसेनेशी बेईमानी करण्यावर कठोर कारवाई करण्याचे सर्वाधिकार ही राष्ट्रीय कार्यकरणी पक्ष प्रमुख उद्धव ठाकरेंना देत आहे, ठराव मंजूर, संजय राऊत यांनी ठराव मांडला

25/06/2022 14:38:49

Shiv Sena Meeting Update : निर्णय घेण्याचे सर्वाधिकार पक्षप्रमुखांना, पहिला ठराव पारित, मुख्यमंत्र्यांच्या उपस्थितीत शिवसेनेच्या कार्यकारिणीची बैठक

Shiv Sena Meeting Update : निर्णय घेण्याचे सर्वाधिकार पक्षप्रमुखांना, पहिला ठराव पारित, मुख्यमंत्र्यांच्या उपस्थितीत शिवसेनेच्या कार्यकारिणीची बैठक

25/06/2022 14:35:23

पाध्यक्षांविरोधातील अविश्वास प्रस्तावावरच प्रश्नचिन्ह, बालदी, अग्रवाल यांनी दिलेला प्रस्ताव फेटाळला

झिरवाळ यांना विधानसभा उपाध्यक्षपदावरुन दूर करण्याचा प्रस्ताव, उपाध्यक्षांविरोधातील अविश्वास प्रस्तावावरच प्रश्नचिन्ह, बालदी, अग्रवाल यांनी दिलेला प्रस्ताव फेटाळला, प्रस्तावाचा ई-मेल, स्वाक्षऱ्यांची पडताळणी होणार

25/06/2022 14:22:47

Section 144 in Mumbai : राज्यातील राजकीय पेचप्रसंगाच्या पार्श्वभूमीवर मुंबईत 10 जुलैपर्यंत जमावबंदी

Section 144 in Mumbai : राज्यातील राजकीय पेचप्रसंगाच्या पार्श्वभूमीवर मुंबई पोलिसांनी मोठा निर्णय घेतला आहे. शहरात कायदा व व्यवस्था अबाधित राहावी यासाठी आजपासून 10 जुलैपर्यंत जमावबंदी लागू करण्यात आले आहेत. यासंदर्भात मुंबई पोलिसांनी परिपत्रक जारी केलं आहे.

25/06/2022 14:15:51

ठाण्यापाठोपाठ मुंबईतले काही नगरसेवक नॅाट रिचेबल,मुंबईतले नगरसेवक शिंदे गटात जाण्याची शक्यता

ठाण्यापाठोपाठ मुंबईतले काही नगरसेवक नॅाट रिचेबल, मुंबईतले नगरसेवक शिंदे गटात जाण्याची शक्यता , आमदार खासदारांपाठापाठ आता मुंबईतले नगरसेवकही शिंदे गटात जाणार

25/06/2022 14:02:15

शिवसैनिकांच्या आक्रमक पवित्र्यानंतर पोलीस यंत्रणा सतर्क

शिवसैनिकांच्या आक्रमक पवित्र्यानंतर पोलीस यंत्रणा सतर्क, शिंदेसेनेत दाखल झालेल्या सुहास कांदे यांच्या कार्यालयाबाहेर पोलीस बंदोबस्त, कॅनडा कॉर्नर परिसरातील कार्यालयाला दिला बंदोबस्त, शिवसैनिक आंदोलन करतील या शक्यतेने कार्यालयाला बंदोबस्त, कार्यालयाबाहेर कांदे समर्थकांची मोठी गर्दी, आम्ही शिवसेनेतच आहोत, सुहास कांदे यांचे समर्थक असल्यानं एकत्र आलो

25/06/2022 13:27:32

नवी मुंबई - एकनाथ शिंदे आणि रायगड मधील तीन आमदारांचे पुतळे जाळले

नवी मुंबई - एकनाथ शिंदे आणि रायगड मधील तीन आमदारांचे पुतळे जाळले, खारघर येथे शिवसेनेकडून आंदोलन, एकनाथ शिंदे, भरत गोगावले, महेंद्र दळवी , महेंद्र थोरवे यांचे पुतळे जाळले, शिंदे गटाविरोधात जोरदार घोषणाबाजी

25/06/2022 13:26:17

यवतमाळ : बंडखोर आमदार संजय राठोड यांच्या घरासमोर सुरक्षेत वाढ

यवतमाळ : बंडखोर आमदार संजय राठोड यांच्या घरासमोर सुरक्षेत वाढ. शिवसेनेतील बंडखोरी नंतर आमदारांच्या घरासमोरील बंदोबस्त वाढवला. आमदार संजय राठोड यांच्या निवस्थनावरील पोलीस बंदोबस्त वाढवला.   कुठलाही अनुचित प्रकार घडू नये म्हणून पोलिसांनी वाढवला बंदोबस्त. उपविभागीय पोलिस अधिकारी संपतराव भोसले यांनी घेतला सुरक्षेचा आढावा. अवधूतवाडी पोलीस ठाणे व मुख्यालयाचे सात कर्मचारी केलेत तैनात

25/06/2022 13:25:44

आज संध्याकाळी साडेपाच वाजता भाजप मुंबई कार्यकारिणीची बैठक

आज संध्याकाळी साडेपाच वाजता भाजप मुंबई कार्यकारिणीची बैठक होणार आहे. या कार्यकारिणीच्या बैठकीला मुंबईतील भाजपचे सर्व खासदार, आमदार आणि नगरसेवक उपस्थित राहतील. येणाऱ्या मुंबई महापालिका निवडणुकीत संदर्भातली रणनीती ठरविण्यासाठी ही बैठक आहे. मुंबई प्रदेश कार्यकारिणीच्या बैठकीला मुंबईतील सर्व  नगरसेवक येणार आहेत. दादर येथील वसंत स्मृती कार्यालयात संध्याकाळी साडेपाच वाजता ही बैठक होईल

25/06/2022 13:04:10

Eknath Shinde LIVE : विनापरवाना बाळासाहेब ठाकरेंचं नावं वापरता येणार नाही, शिवसेना नेत्यांची प्रतिक्रिया

Eknath Shinde LIVE : विनापरवाना बाळासाहेब ठाकरेंचं नावं वापरता येणार नाही, अशी प्रतिक्रिया शिवसेना आमदार सचिन अहिर यांनी दिली. तर बंडखोर आमदारांनी बाळासाहेब ठाकरे यांच्या विचारांना छेद देण्याचं काम केलं. त्यांना बाळासाहेबांचं नाव घेण्याचा अधिकार नाही, असं रविंद्र वायकर म्हणाले. दरम्यान एकनाथ शिंदे गटाने नवीन नाव ठरवलं आहे. शिवसेना-बाळासाहेब ठाकरे असं या गटाचं नाव असेल. त्याचा शिवसेना नेत्यांनी विरोध केला आहे.

25/06/2022 12:57:38

Maharashtra Political Crisis Eknath Shinde LIVE : महाराष्ट्राने निवडून दिलेले या आमदार आसाममध्ये काय करत आहेत? मतदारसंघातील काम कोण करणार? : सुप्रिया सुळे

Supriya Sule on Maharashtra Political Crisis : "आसाममध्ये पूर आलाय तिथे मदत करायला गेले आहेत असं वाटलं, परंतु तिथे जाऊन पंचतारांकित हॉटेलमध्ये राहत आहेत. पंचतारांकित हॉटेलमध्ये राहण्यापेक्षा तिथल्या लोकांना जाऊन मदत करावी. या आमदारांना महाराष्ट्राने निवडून दिले आहे. ते आसाममध्ये काय करत आहेत? मतदारसंघातील काम कोण करणार? पंचतारांकित हॉटेलमध्ये राहून कोट्यवधी रुपये खर्च करणं योग्य आहे का?" असं शब्दात राष्ट्रवादी काँग्रेसच्या खासदार सुप्रिया सुळे यांनी एकनाथ शिंदे आणि बंडखोर आमदारांवर निशाणा साधला आहे.

25/06/2022 12:41:13

Maharashtra Political Crisis Eknath Shinde LIVE : बंडखोर आमदारांच्या कुटुंबांला संरक्षण देण्याचा गृह विभागाचा महत्त्वाचा निर्णय

Maharashtra Political Crisis Eknath Shinde LIVE : राज्यातील शिवसैनिकांची वाढती नाराजी आणि त्यांच्या कार्यालयची होणारी तोडफोड पाहता बंडखोर आमदारांच्या कुटुंबांला संरक्षण देण्याचा गृह विभागाचा महत्त्वाचा निर्णय, बंडखोर आमदारांच्या कुटुंबीयांना संरक्षण देण्याचे आदेश , पोलिसांना गृह विभागाचे आदेश

25/06/2022 12:39:48

Eknath Shinde LIVE : 'शिवसेना-बाळासाहेब ठाकरे' असं शिंदे गटाचं नवं नाव, संध्याकाळी घोषणा होण्याची शक्यता

Eknath Shinde LIVE :  एकनाथ शिंदे गटाचं नावं ठरलं आहे. 'शिवसेना-बाळासाहेब ठाकरे' असं शिंदे गटाचं नवं नाव आहे. संध्याकाळी याबाबत अधिकृत घोषणा होण्याची शक्यता आहे.

25/06/2022 12:25:12

Eknath Shinde LIVE : पुण्यातील शिंदे समर्थकांच्या कार्यालयात घुसून शिवसैनिकांनी एकनाथ शिंदेंच्या फोटोला काळ फासलं

Eknath Shinde LIVE :  पुण्यातील सदाशिव पेठेतील एकनाथ शिंदे समर्थकांच्या कार्यालयात देखील शिवसैनिक घुसले आणि त्यांनी एकनाथ शिंदेंच्या फोटोला काळं फासलं. एकनाथ शिंदे समर्थकांकडून राजा भिलारे आणि मंगेश चिवटे यांच्याकडून पुण्यातील सदाशिव पेठेत हे वैद्यकीय सेवा केंद्र सुरु करण्यात आलं होतं. या केंद्रात घुसून शिंदेंच्या फोटोला काळं फासण्यात आलं. पुण्यातील कात्रज भागातील आमदार तानाजी सावंत यांच्या कार्यालयाची तोडफोड केल्यानंतर शिवसैनिकांकडून अशाप्रकारे एकनाथ शिंदे समर्थकांनाही टार्गेट करण्यात आलं

25/06/2022 12:21:41

Maharashtra Political Crisis : महाराष्ट्रात राष्ट्रपती राजवट लागू करा, बंडखोर आमदारांच्या कुटुंबियांना केंद्राची सुरक्षा द्या; खासदार नवनीत राणा यांची मागणी

Maharashtra Political Crisis : अमरावतीच्या खासदार नवनीत कौर राणा यांना महाराष्ट्रात राष्ट्रपती राजवट लागू करण्याची मागणी केली आहे. महाराष्ट्रातील सध्याची राजकीय परिस्थिती पाहता त्यांनी ही मागणी केली आहे. सोबतच शिवसेनेच्या बंडखोर आमदारांच्या कुटुंबीयांना केंद्राची सुरक्षा द्यावी, असंही त्यांनी म्हटलं आहे.

25/06/2022 11:40:00

बंडखोर आमदारांविरोधात शिवसैनिक आक्रमक, परभणीत शिवसैनिक रस्त्यावर उतरले, शिवाजी चौकात शिवसैनिकांची निदर्शनं

बंडखोर आमदारांविरोधात शिवसैनिक आक्रमक, परभणीत शिवसैनिक रस्त्यावर उतरले, शिवाजी चौकात शिवसैनिकांची निदर्शनं

25/06/2022 11:39:23

बंडखोर आमदार तानाजी सावंत यांच्या कार्यालयाची नाराज शिवसैनिकांकडून तोडफोड

शिंदे गटाच्या बंडखोर आमदारांचे घर आणि कार्यालयाबाहेरील सुरक्षेत वाढ करण्यात येणार असल्याचं बोललं जात आहे. मात्र नाराज शिवसैनिकांचे हल्ले सुरूच आहेत. पुण्यात बंडखोर आमदार तानाजी सावंत यांच्या कार्यालयाची नाराज शिवसैनिकांनी तोडफोड केलीय. सावंतांविरोधात घोषणाबाजी करत शिवसैनिक कार्यालयात घुसले आणि कार्यालयाची तोडफोड केलीय. 

25/06/2022 11:36:23

कोणत्याही आमदाराचे संरक्षण काढण्याचे आदेश मुख्यमंत्री वा गृहविभागाने दिलेले नाहीत- गृहमंत्री

25/06/2022 11:34:19

Sanjay Raut : शिवसेना कुणी हायजॅक करु शकत नाही, ते आमदार मुंबईत आले की आमच्याकडेच येतील : संजय राऊत

https://marathi.abplive.com/news/mumbai/maharashtra-political-crisis-sanjay-raut-live-updates-eknath-shinde-action-taken-against-shiv-sena-mla-1073100

25/06/2022 11:25:45

Sharad Pawar : राष्ट्रवादी काँग्रेसचे अध्यक्ष शरद पवार यांची कायदेतज्ज्ञांशी चर्चा

Sharad Pawar : राज्यातील अस्थिर राजकीय वातावरणाच्या पार्श्वभूमीवर राष्ट्रवादी काँग्रेसचे अध्यक्ष शरद पवार यांची कायदेतज्ज्ञांशी चर्चा सुरू आहे. 

25/06/2022 11:25:45

Sharad Pawar : राष्ट्रवादी काँग्रेसचे अध्यक्ष शरद पवार यांची कायदेतज्ज्ञांशी चर्चा

Sharad Pawar : राज्यातील अस्थिर राजकीय वातावरणाच्या पार्श्वभूमीवर राष्ट्रवादी काँग्रेसचे अध्यक्ष शरद पवार यांची कायदेतज्ज्ञांशी चर्चा सुरू आहे. 

25/06/2022 10:02:05

शिवसेनेत भांडणं लावून राष्ट्रवादी मजा पाहतेय, आ. संजय शिरसाटांचा आरोप ; गुवाहाटीतल्या हॉटेलातून आमदार शिरसाट यांचा 'माझा'शी संवाद

शिवसेनेत भांडणं लावून राष्ट्रवादी मजा पाहतेय, आ. संजय शिरसाटांचा आरोप ; गुवाहाटीतल्या हॉटेलातून आमदार शिरसाट यांचा 'माझा'शी संवाद

25/06/2022 08:56:57

संजय राऊतांचं ट्वीट, रुडयार्ड किपलिंगचं कोट पोस्ट करत म्हणाले...

संजय राऊतांचं ट्वीट, रुडयार्ड किपलिंगचं कोट पोस्ट करत म्हणाले... 

25/06/2022 07:59:41

भाजपामध्ये कुठल्याही परिस्थितीत प्रवेश करणार नाही, योगेश कदम यांचं ट्वीट