Maharashtra News LIVE Updates : कारागृहासमोरच डीजेच्या कर्णकर्कश आवाजात बेधुंद नाच; पोलिसांचा धिंगाणा, व्हिडिओ व्हायरल
Maharashtra LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Dharashiv Lok Sabha Constituency : धाराशिव लोकसभा मतदारसंघातून राष्ट्रवादी काँग्रेस पक्षाकडून सुरेश बिराजदार यांना उमेदवारी देण्यात यावी अशी मागणी राष्ट्रवादी पक्षाचे धाराशिवचे जिल्हाध्यक्ष महेंद्र धुरगुडे यांनी पक्षाचे प्रदेशाध्यक्ष सुनील तटकरे यांना पत्राच्या माध्यमातून केली आहे. या पत्रात धराधिव जिल्ह्याचे सर्व तालुकप्रमुख आणि विधानसभा अध्यक्षांकडून सही या पत्रात करण्यात आली आहे आणि राष्ट्रवादी काँग्रेसच्या धाराशिव जिल्ह्यातील सारे प्रमुख पदाधिकाऱ्यांची एकमुखाने मागणी करण्यात आली आहे की, सुरेश बिराजदार यांना उमेदवारी देण्यात यावी.
Lok Sabha Elections : सोलापूर लोकसभा मतदारसंघाचे (Solapur Lok Sabha Constituency) भाजपचे उमेदवार राम सातपुते (Ram Satpute) सध्या सोलापूर शहरात (Solapur City) प्रचाराच्या निमित्ताने फिरत आहेत. काल संध्याकाळी सातपुते यांनी मोची समाज बांधवाची भेट घेतली. यावेळी शिंदे गटाच्या राज्य प्रवक्त्या प्रा.डॉ. ज्योती वाघमारे यांनी समाजाच्या व्यथा सांगितल्या. कोरोना काळात मोची समाजातील युवा नेता करण म्हेत्रे यांचा मृत्यू झाला होता. करण म्हेत्रे यांच्या अंत्यसंस्काराला मोची समाजातील नागरिकांची मोठी गर्दी झाली होती. तसेच या गर्दीत पोलिसांशी हुज्जत देखील घातल्याचे प्रकार घडले होते. ज्यानंतर पोलिसांनी अंत्ययात्रेत सहभागी झालेल्या तब्बल 250 लोकांवर शासकीय कामात अडथळा आणल्याप्रकरणी 353 नुसर गुन्हा दखल केला होता. हे गुन्हे मागे घेण्यात यावे अशी मागणी ज्योती वाघमारे यांनी केली.
Maharashtra LIVE Updates : वसई किल्ल्यात बिबट्याचा वावर निष्पन्न झाल्याने परिसरातील राहिवाशांवर भीतीचे वातावरण पसरले आहे. बिबट्याच्या वावरमुळे रॅपिड रेस्क्यु टीमकडून रात्रभर राहिवाशाना सावध राहण्याचे आवाहन केले जात आहे. सध्या बिबट्या दिसल्याचे काही व्हिडीओ सोशल मीडियावर व्हायरल झाले आहेत. मात्र त्याच्या सत्यतेबाबत पुष्टी केली जावू शकत नाही.
वसई किल्ला परिसरात बिबट्या एका कॅमेऱ्यात कैद झाला आहे. काल वनविभागाने घटनास्थळी पाहणी केली. आणखीन काही ट्रॅप कॅमेरे लावण्यात आले आहेत. वनविभाग आणि पोलिसांची रेस्क्यु टीम किल्ला परिसरात लक्ष ठेवून आहे. मात्र, बिबट्या सापडला नसल्याने नागरिकांत भीतीचे वातावरण पसरले आहे. किल्ला परिसरात कोळी समाजाची वस्ती आहे. किल्ला पाहण्यासाठी पर्यटक ही येथे येत असतात.
Chhatrapati Sambhaji Nagar Police Video Viral : छत्रपती संभाजीनगरच्या हर्सूल कारागृहाच्या ऐन प्रवेशद्वारावरच आचारसंहितेत नियम धाब्यावर बसवून भर रस्त्यावर कायद्याची अंमलबजावणी करणाऱ्या पोलिसांच्याच बेधुंद नाचगण्याचा व्हिडिओ व्हायरल झाल्याने खळबळ उडाली आहे.
हर्सूल कारागृहातील एक वरिष्ठ पोलीस अधिकारी शनिवारी सेवानिवृत्त झाले. त्यानिमित्ताने कारागृहातील अधिकारी, कर्मचाऱ्यांनी कार्यक्रमाचे आयोजन केले होते. परंतु, कारागृहाच्या प्रवेशद्वारावर या निमित्ताने डीजे लावून काही कर्मचारी अधिकारी नाचत असल्याचा व्हिडिओ रात्री व्हायरल झाला. व्हिडीओमध्ये पोलीस गणवेशात असलेले काही व्यक्ती गाण्याच्या कर्कश आवाजावर बेधुंदपणे नाचत आहे. काही पोलीस हवेत स्नो स्प्रे करताना देखील व्हिडीओ मध्ये कैद झाले आहे. यात काही स्थानिक सहभागी झाल्याचे देखील भान या पोलिसांना उरले नव्हते.
एकीकडे लोकसभेच्या आचारसंहितेमुळे सामान्यांसाठी बहुतांश गोष्टी निर्बंध आलेले असताना, रस्त्यावरील प्रत्येक उत्सवासाठी पोलिसांची परवानगी आवश्यक असताना हर्सूल कारागृहा बाहेरच सुरू असलेल्या धिंगाण्यामुळे मात्र गंभीर प्रश्न उपस्थित झाले.
Pune News : जुन्नर तालुक्यातील नारायणगाव शहरात मते बेकरी समोर एका महिलेच्या गळ्यातील दागिने चोरण्याचा अयशस्वी प्रयत्न दुचाकीवर आलेल्या दोन चोरट्यांनी केला. मात्र, हा प्रयत्न अयशस्वी ठरलाय. ही घटना जवळच असलेल्या सीसीटीव्ही मध्ये कैद झालीय.
बुधवारी 27 मार्च रोजी चार वाजण्याच्या सुमारास एक महिला जुन्नर रस्त्याने जात असताना मोटरसायकलवरून समोरून येणाऱ्या दोन चोरट्यांनी महिलेच्या गळ्यातील दागिने चोरण्याचा प्रयत्न केला. या महिलेच्या गळ्यात ओढणी असल्यामुळे चोरट्याना दागिने पळवण्यात अपयश आले. दरम्यान ज्येष्ठ महिला, युवती यांच्या गळ्यातील दागिने मोटरसायकलवर येऊन झडप घालून पळवून नेण्याचे प्रकार वाढल्याने नागरिकांमध्ये घबराट पसरली आहे.
असाच प्रकार जुन्नर शहरातील कल्याण पेठ येथे शुक्रवारी 29 मार्च रोजी घडला.या पार्श्वभूमीवर सर्वांनी दागिने घालताना पुरेशी काळजी घेणे गरजेचे आहे. मात्र नारायणगाव व जुन्नरमध्ये पोलिसांचा वचक राहिला नसल्याने गुन्हेगारी वाढल्याचे बोलले जात आहे.
पार्श्वभूमी
Maharashtra LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
- - - - - - - - - Advertisement - - - - - - - - -