Maharashtra News LIVE Updates: देश-विदेशातील महत्त्वाच्या घडामोडींचा संक्षिप्त आढावा...

29/01/2024 13:06:43

NCP Politicle Crisis : राष्ट्रवादी आमदार अपात्रता प्रकरणात सर्वोच्च न्यायालायचा महत्त्वाचा निकाल, नार्वेकरांना 15 फेब्रुवारीपर्यंतची मुदत

NCP Politicle Crisis : राष्ट्रवादी आमदार अपात्रता प्रकरणात सर्वोच्च न्यायालायने आज महत्त्वपूर्ण निर्णय दिलाय. विधानसभा अध्यक्ष राहुल नार्वेकर यांना या प्रकरणात निर्णय देण्यासाठी 15 फेब्रुवारीपर्यंतची मुदत दिलीये. राष्ट्रवादी काँग्रेस पक्षाच्या आमदार अपात्रतेवर निर्णय करण्यासाठी विधानसभा अध्यक्षांना 15 फेब्रुवारीपर्यंत मुदतवाढ दिलीये.

29/01/2024 13:05:40

Sanjay Raut on Rahul Narwekar: पक्षांतर करुन फुटीर गटाला मान्यता दिली, हा आंबेडकरांचा अपमान : संजय राऊत

Sanjay Raut on Rahul Narwekar: डॉ. बाबासाहेब आंबेडकरांच्या संविधनाचा अपमान केला जातोय. भाजपचा हस्तक म्हणून राहुल नार्वेकरांनी निकाल दिलाय. संविधान आणि घटनेचा हा अपमान आहे अशी टीका ठाकरे गटाचे खासदार संजय राऊतांनी दिलीये.

29/01/2024 13:04:25

Ravindra Waikar: आमदार रवींद्र वायकर यांची ईडी चौकशी

Ravindra Waikar: आमदार रवींद्र वायकर यांची ईडी चौकशी

रविंद्र वायकरांची ईडी कार्यालयात चौकशी सुरू

जोगेश्वरी भूखंड प्रकरणात वायकरांना ईडीचं समन्स

29/01/2024 13:03:32

Maharashtra News: भुजबळांच्या भूमिकेला पाठिंबा देणार नाही, बबनराव तायवाडेंचं वक्तव्य

Maharashtra News: सरकारच्या अधिसूचनेवरून एकीकडे भुजबळ आक्रमक झाले असतानाच राष्ट्रीय ओबीसी महासंघाने असहमती दर्शवलीय. सरकारने घेतलेल्या निर्णयामुळे ओबीसींचं नुकसान होत आहे या निष्कर्षापर्यंत आम्ही पोहोचत नाही तोवर भुजबळांच्या भूमिकेला पाठिंबा देणार नाही असं बबनराव तायवाडे यांनी म्हटलंय. तायवाडेंच्या या भूमिकेला भुजबळांनीही प्रत्युत्तर दिलंय.

29/01/2024 13:02:31

Lok Sabha Election 2024 : राज्यातील 48 लोकसभा जागांवर वंचितांची मोठी ताकद : प्रकाश आंबेडकर

Lok Sabha Election 2024 : महाराष्ट्राच्या सर्व 48 लोकसभा मतदारसंघात वंचितांची मोठी ताकद असून प्रत्येक मतदारसंघात आमचे दोन ते अडीच लाख मतदान आहे. आता उद्या होणाऱ्या राज्यातील लोकसभा जागावाटप बैठकीला आमच्या पक्षांचे प्रतिनिधी जातील. इतर पक्षांची भूमिका ऐकून घेतील आणि मगच जागावाटपाबाबत दावा केला जाईल, असं वक्तव्य वंचित बहुजन आघाडीचे अध्यक्ष प्रकाश आंबेडकर यांनी केलंय. काल रात्री उशिरा माढा येथील ओबीसी महासंघाचा कार्यक्रम संपल्यावर त्यांनी माध्यमांशी बोलताना हा दावा केला आहे.

29/01/2024 13:01:38

Solapur Accident : सोलापुरात भीषण अपघात, रस्ते अपघातात तीन मित्रांवर काळाचा घाला

Solapur Accident : सोलापूर : सोलापुरात झालेल्या भीषण अपघातात तीन तरुणांचा मृत्यू झाल्याची धक्कादायक घटना घडली आहे. दुचाकीच्या अपघातात तीन तरुणांचा मृत्यू झाल्याची धक्कादायक घटना घडली. सोलापुरातल्या महावीर चौक रस्त्यावर मध्यरात्री दीड वाजताच्या सुमारास हा अपघात झाला. यामध्ये इरण्णा मठपती (वय 24), निखिल कोळी (वय 24), दिग्विजय (आतिश) सोमवंशी (वय 21) ह्या तिघांचा मृत्यू झाला. हे तिघेही एकाच दुचाकीवर होते. महावीर चौक येथे मध्यरात्री झाडाला जोरदार धडक दिल्यानं तिघंही गंभीर जखमी झाले. बेशुद्ध अवस्थेतील या तिघांना ही पोलिसांनी सोलापूरच्या शासकीय रुग्णालयात दाखल केलं. मात्र डॉक्टरांनी या तिघांना मृत घोषित केलं. त्यांच्या मृत्यूची बातमी कळताच शासकीय रुग्णालयात मित्र आणि नातेवाईकांनी मोठी गर्दी केली होती.

29/01/2024 10:52:53

Mumbai Maratha Reservation Survey: मराठा सर्वेक्षणासाठी मुंबई पालिकेनं कंबर कसली, 6 दिवसांत 72 टक्के सर्वेक्षण पूर्ण

Mumbai Maratha Reservation Survey: मराठा सर्वेक्षणासाठी मुंबई पालिकेनं कंबर कसलीये. कारण पालिकेच्या कर्मचाऱ्यांकडून 6 दिवसांत 72 टक्के सर्वेक्षण पूर्ण झालंय. मुंबई महापालिकेनं 6 दिवसांत 28 लाख 7 हजार 518 घरांचं सर्वेक्षण पूर्ण केलंय. तसंच सलगच्या सुट्ट्यांमुळे घरं बंद असल्यानं 5 लाख 79 हजार घरे बंद होती. त्यामुळे माहिती नसल्याचंही पालिकेकडून सांगण्यात आलंय.

29/01/2024 10:51:28

Sankashti Chaturthi: आज पौष महिन्यातील संकष्टी चतुर्थी

Sankashti Chaturthi: आज पौष महिन्यातील संकष्टी चतुर्थी आहे. यानिमित्ताने नागपूरमधील टेकडी गणपती मंदिर आकर्षक रोषणाईने सजवण्यात आले. आज सकाळपासून टेकडी गणपती मंदिरात भक्तांची गर्दी पाहायला मिळतेय. विदर्भात आजच्या संकष्टी चतुर्थीला तीळ चतुर्थी म्हणून ओळखले आहे. त्यामुळे बहुतांश गणेश मंदिरात यात्रेचे स्वरुप असते.

29/01/2024 10:50:21

Pune News: ड्रग्स माफिया ललित पाटील प्रकरण, ससून रुग्णालयाचे माजी डीन संजीव ठाकूर यांना वाचवण्याचा प्रयत्न?

Pune News: ड्रग्स माफिया ललित पाटील प्रकरण, ससून रुग्णालयाचे माजी डीन संजीव ठाकूर यांना वाचवण्याचा प्रयत्न?

कारवाईवर निर्णय न घेता अहवाल मुख्यमंत्र्यांकडे पाठवला

वैद्यकीय शिक्षण विभागाने अहवाल मुख्यमंत्र्यांकडे पाठवला

29/01/2024 10:49:40

PM MOdi Yavatmal Visit: 11 फेब्रुवारीला पंतप्रधान मोदींचा संभाव्य यवतमाळ दौरा

PM MOdi Yavatmal Visit: 11 फेब्रुवारीला पंतप्रधान मोदींचा संभाव्य यवतमाळ दौरा

पंतप्रधानांचा दौरा, जिल्हा प्रशासनाची आज तातडीची बैठक

यवतमाळच्या किन्हीमध्ये मोदींची सभा, पोलीस सूत्रांची माहिती

29/01/2024 10:48:34

Lok Sabha Elections 2024: शांतीगिरी महाराज लोकसभेच्या रिंगणात?

Lok Sabha Elections 2024: शांतीगिरी महाराज लोकसभेच्या रिंगणात?

नाशिक लोकसभा मतदारसंघातून निवडणूक लढविण्याचे संकेत

आज निवडणूक लढवण्यासंदर्भात घोषणा करण्याची शक्यता

शांतीगिरी महाराज यांनी या आधी 2009 मध्ये संभाजी नगर मधून लढविली होती लोकसभा निवडणूक

29/01/2024 10:46:03

Haribhau Rathod vs Manoj Jarange: हरीभाऊ राठोड म्हणाले, जरांगे युद्धात जिंकले, पण तहात मात्र हरले; आता जरांगे म्हणतात, आता तह नाही कायदा झालाय

Haribhau Rathod vs Manoj Jarange: मराठा आरक्षणासंदर्भातल्या मागण्या मान्य झाल्यानंतर ओबीसी नेते हरीभाऊ राठोड यांनी जरांगेंचं अभिनंदन केलं. पण अभिनंदन करताना जरांगे युद्धात जिंकले मात्र तहात हरले अशी प्रतिक्रिया त्यांनी यावेळी दिली. मात्र मनोज जराेगंनी हरीभाऊ राठोडांच्या याच प्रतिक्रियेला उत्तर दिलंय पाहुयात.

29/01/2024 10:44:53

Satara News: साताऱ्यात अजित पवार आणि श्रीनिवास पाटील यांची भेट

Satara News: राज्याचे उपमुख्यमंत्री अजित पवार यांनी काल शरद पवार गटाचे खासदार श्रीनिवास पाटील यांची साताऱ्यातील कराड इथल्या निवासस्थानी भेट घेतली. काही दिवसांपूर्वी खासदार श्रीनिवास पाटील यांच्या पत्नीचे निधन झालं होतं. त्यामुळे ही सांत्वन पर भेट होती. यावेळी अजित पवार आणि खासदार श्रीनिवास पाटील यांच्यात जवळपास अर्धा तास चर्चा झाली.

29/01/2024 10:44:27

Kashmir Snowfall: काश्मीर खोऱ्यात बर्फवृष्टी

Kashmir Snowfall: काश्मीर खोऱ्यातील गुलमर्ग, गुरेज, बंगस, जोजिला पास, बांदीपोरासह उंच ठिकाणी बर्फवृष्टी झाली. गुलमर्गपासून कुपवाडापर्यंत बर्फवृष्टी झाली. काश्मीरमध्ये यंदाच्या मोसमातील ही पहिली बर्फवृष्टी आहे. प्रदीर्घ कालावधीनंतर झालेल्या हिमवृष्टीमुळे मोठा दिलासा मिळाला आहे.

29/01/2024 10:43:40

Nashik News: लासलगावमध्ये कांद्याचे लिलाव बंद

Nashik News: लासलगावमध्ये कांद्याचे लिलाव बंद

कांद्यावरील निर्यातबंदी तात्काळ उठवण्याची शेतकऱ्यांची मागणी

महाराष्ट्र राज्य कांदा उत्पादक शेतकरी संघटना आक्रमक

कांद्याला सरासरी 1067 रुपये भाव तर जास्तीत जास्त 1140 रुपये प्रति क्विंटल भाव

29/01/2024 10:43:00

Raj Thackeray on Railway Bharti: रेल्वे भरतीत जास्तीत जास्त मराठी तरुण- तरुणींना रोजगार मिळावं हे पाहावं : राज ठाकरे

Raj Thackeray on Railway Bharti: रेल्वेच्या सहाय्यक लोको पायलटच्या साडेपाच हजार जागांच्या भरतीसाठी जाहिरात प्रसिद्ध झाली आहे. यामध्ये जास्तीत जास्त मराठी तरुण आणि तरुणींना रोजगार मिळेल हे पाहावं, असं आवाहन मनसे अध्यक्ष राज ठाकरे यांनी एक्स या सोशल मीडिया प्लॅटफॉर्मद्वारे कार्यकर्त्यांना केलं आहे. जास्तीत-जास्त मराठी तरुण यात नोकरी कशी मिळवेल याकडे डोळ्यात तेल घालून लक्ष दिलं पाहिजे, असं राज ठाकरेंनी म्हटलंय.

29/01/2024 10:42:07

Crime News: पत्नीनंच रचला पतीला संपवण्याचा कट; पाणीपुरीवाल्याच्या 'ब्लाईंड मर्डर मिस्ट्री'चं गूढ अखेर उकललं

Uttar Pradesh Crime News: उत्तर प्रदेश : उत्तर प्रदेशातील (Uttar Pradesh) कानपूर देहाट येथे झालेल्या एका खळबळजनक हत्याकांडात पोलिसांनी मोठा खुलासा केला आहे. तीन दिवसांपूर्वी पाणीपुरीची गाडी चालवणाऱ्याच्या हत्या झाली होती. या हत्येच्या घटनेचा तपास पोलिसांकडून सुरू होता. पोलिसांच्या तपासादरम्यान जे समोर आलं, ते अत्यंत धक्कादायक होतं. पोलिसांना तपासात अशा काही गोष्टी आढळून आल्या, ज्यामुळे आपोआप संशयाची सुई हत्या झालेल्या व्यक्तीच्या पत्नीवर गेली. त्यानंतर पोलिसांनी आपल्या तपासाची दिशा बदलली आणि त्यानंतर जे समोर आलं ते खरंच हादरवणारं होतं. पाणीपुरीवाल्याची हत्या दुसऱ्या, तिसऱ्या कोणीही केलेली नसून त्याच्या पत्नीनं केल्याचं पोलीस तपासात समोर आलं आहे. पाणीपुरीवाल्याच्या पत्नीनं आपल्या प्रियकरासोबत मिळून पतीच्या हत्येचा कट रचला. पोलिसांनी आरोपी पत्नी आणि तिच्या प्रियकराला अटक केली आहे.

वाचा सविस्तर

पार्श्वभूमी