राज्यासह देश-विदेशातील महत्त्वाच्या बातम्या फक्त एका क्लिकवर...

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

एबीपी माझा वेब टीम Last Updated: 25 May 2023 11:43 PM

पार्श्वभूमी

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...केजरीवालांच्या मुंबई दौऱ्याचा आज दुसरा दिवसदिल्ली सरकारला अधिकाऱ्यांच्या पोस्टिंगमध्ये वाव देणारा सर्वोच्च न्यायालयाचा निर्णय केंद्र सरकारने अध्यादेश आणून बदलला. हाच केंद्र सरकारचा अध्यादेश राज्यसभेत रोखण्यासाठी केजरीवालांनी विरोधी पक्षांच्या नेत्यांना भेटीची मोहिम हाती घेतली आहे. त्या अंतर्गत केजरीवाल आज शरद पवारांची दुपारी 3 वाजता, वाय बी चव्हाण सेंटरवर भेट घेणार आहेत. मुख्यमंत्री एकनाथ शिंदे रत्नागिरीच्या दौऱ्यावरसकाळी 11 वाजता मुख्यमंत्री एकनाथ शिंदे रत्नागिरी विमानतळावर येतील. त्यानंतर शहरातील विश्रामगृहात 10 मिनिट थांबून कार्यक्रम स्थ्ळी रवाना होतील. सकाळी 11.15 वाजता प्रमोद महाजन क्रीडा संकुल येते कार्यक्रमला हजेरी लावतील.दुपारी 1.30 वाजता विश्रामगृहावर असतील. याठिकाणी साधारण अर्धा तास कार्यकर्त्यांशी संवाद साधतील आज बारावी बोर्डाचा निकालबारावी बोर्ड परीक्षेचा निकाल जाहीर होणार आहे. 21 फेब्रुवारी ते 20 मार्च दरम्यान राज्यभरात बारावी बोर्ड परीक्षा घेण्यात आली होती संपूर्ण राज्यातून बारावीच्या परीक्षेला 14 लाख 57 हजार 293 विद्यार्थी बसले होते. निकाल जाहीर झाल्यानंतर 26 मे पासून 5 जून पर्यंत विद्यार्थ्यांना गुण पडताळणीसाठी संकेतस्थळावर अर्ज करता येणार आहे.उत्तर पत्रिकेच्या छायाप्रतीसाठी 26 मे ते 14 जून दरम्यान ऑनलाईन अर्ज विद्यार्थ्यांना करता येणार आहे. देवेंद्र फडणवीस सोलापूर दौऱ्यावर उपमुख्यमंत्री देवेंद्र फडणवीस, महसूल मंत्री राधाकृष्ण विखे पाटील आज जिल्हा दौऱ्यावर आहेत. देवेंद्र फडणवीसांच्या हस्ते नव्या जिल्हाधिकारी कार्यालयाचे उदघाट्न होणार आहे. तसेच सोलापूर महानगरपालिकेच्या सुशोभित करण्यात आलेल्या वास्तूचे लोकार्पण देखील पार पडणार आहे. त्यानंतर कार्यकर्त्यांचा मेळावा होणार आहे. अखिल भारतीय किसान सभा संघटनेकडून उपमुख्यमंत्र्यंचा ताफा अडवण्याचा इशारा दिलाय. शेतकर्‍यांच्या विविध मागण्या पूर्तता न केल्यामुळे इशारा देण्यात आलाय. बहुचर्चित बेस्ट बेकरी केस प्रकरणी मुंबई सत्र न्यायालयाचा निकाल आज अपेक्षितबहुचर्चित बेस्ट बेकरी केस प्रकरणी मुंबई सत्र न्यायालयाचा निकाल आज अपेक्षित. साल 2002 मध्ये गुजरातमधील वडोदरा इथं गोध्रा हत्याकांडानंतर उसळलेल्या हिसांचारातील एक गाजलेलं प्रकरण म्हणजे बेस्ट बेकरी हत्याकांड. या घटनेत जमावानं 14 जणांना अतिशय निर्घृणपणे मारलं होतं. या प्रकरणातील दोन फरार आरोपीं विरोधात मुंबई सत्र न्यायालयाताल विशेष कोर्टात नुकताच खटला पूर्ण झाला आहे. त्यावर कोर्टानं आपला निकाल राखून ठेवलाय

25/05/2023 23:43:46

Mumbai: चोर असल्याच्या संशयात जमावाकडून मारहाण, 29 वर्षीय इसमाचा मृत्यू

Mumbai News:चोर असल्याच्या संशयात एका 29 वर्षीय इसमाला जमावाकडून मारहाण करण्यात आली आणि त्यातच त्याचा मृत्यू झाला. कस्तुरबा मार्ग पोलीस ठाण्याच्या हद्दीत गुरुवारी पहाटे 4 वाजता ही घटना घडली. प्रवीण लहाने असं मृताचृं नाव आहे. माहिती कळताच पोलिसांनी घटनास्थळ गाठून त्याला जखमी अवस्थेत रुग्णालयात नेलं, नंतर त्याला आकडी आल्याने त्याचा मृत्यू झाला. याप्रकरणी पोलिसांनी चार जणांना ताब्यात घेतलं असून पुढील तपास सुरू आहे.

25/05/2023 18:52:00

अवैध वाळू उपसा रोखण्यासाठी गेलेल्या तलाठ्याचा बुडून मृत्यू

Parbhani News: परभणीच्या जिंतुर तालुक्यातील दिग्रस परिसरातील पुर्णा नदीपात्रात अवैध वाळू उपसा होत असल्याच्या माहिती तिथल्या अधिकाऱ्यांना मिळाली. त्यानुसार आज सकाळी तलाठी धनंजय सोनवणे, सुभाष होळ हे दोघेजण वरिष्ठांची परवानगी घेऊन डिग्रस येथे पूर्णा नदीपात्रातून होत असलेल्या अवैध वाळू उपशावर कारवाई करण्यासाठी गेले होते.यावेळी या पथकाला नदीपात्रातून ट्रॅक्टरच्या सहाय्याने यंत्र लावून वाळू उपसा होत असल्याचे दिसले. नदीच्या पलीकडे असलेल्या यंत्रसामग्रीवर कारवाई करण्यासाठी तलाठी सुभाष होळ हे नदीपात्रात उतरले. पोहोत जात असताना त्यांना पाण्याचा अंदाज न आल्याने तलाठी होळ हे नदीपात्रात बेपत्ता झाले.याबाबतची माहिती सोबत असलेले तलाठी आणि इतर कर्मचाऱ्यांनी वरिष्ठांना दिली. तेव्हापासून त्यांचा शोध असून अद्याप त्यांचा मृतदेह मिळाला नसल्याने शोधकार्य सुरु आहे.

25/05/2023 10:30:26

रायगड, रत्नागिरी, सिंधुदुर्ग या जिल्ह्यांमधील सर्वेक्षणात पावसाळ्यात तब्बल 491 गावे आणि वाड्या संभाव्य दरडग्रस्त असल्याची नोंद, नागरिकांना स्थलांतराच्या सूचना

Sindhudurg News : कोकणातील पावसाळयात रायगड, रत्नागिरी, सिंधुदुर्ग या जिल्ह्यांमध्ये दरडी कोसळण्याचे प्रकार घडतात. कोकणात यावर्षी प्रशासकीय यंत्रणांनी केलेल्या सर्वेक्षणात तब्बल 491 गावे आणि वाड्या संभाव्य दरडग्रस्त असल्याची नोंद करण्यात आली आहे. दरड कोसळण्याच्या पार्श्वभूमीवर कोकणातील पाचही जिल्ह्यांच्या जिल्हाधिकाऱ्यांमार्फत आपत्ती व्यवस्थापन विभाग आपत्ती निवारणासाठी सज्ज झाला आहे. दरडग्रस्त गावांमधील नागरिकांना स्थलांतर करण्याच्या सूचना देण्याबरोबर स्थानिक यंत्रणांना सतर्क राहण्याचे निर्देश देण्यात आले आहेत. रायगड जिल्ह्यात संभाव्य दरडग्रस्त गावांमध्ये 211 गावे आणि वाड्यांची नोंद करण्यात आली आहे. ठाणे जिल्ह्यात 49 दरडग्रस्त गावे असल्याचे सर्वेक्षणात निष्पन्न झाले आहे. रत्नागिरी जिल्ह्यात 211 गावे आणि वाड्या संभाव्य दरडग्रस्त गावांच्या यादीत समाविष्ट आहेत. सिंधुदुर्ग जिल्ह्यात 20 दरडग्रस्त गावे आहेत. त्यामुळे आपत्ती व्यवस्थापन विभाग सज्ज झाला आहे.