Devendra Fadnavis : दारुच्या नशेत संजय राऊतांना धमकी, फडणवीसांची प्रतिक्रिया; चुकीचं काम करणाऱ्यांवर कारवाई करणार

Devendra Fadnavis : दारुच्या नशेत खासदार संजय राऊतांना धमकी देण्यात आल्याची माहिती उपमुख्यमंत्री देवेंद्र फडणवीस यांनी दिली. अशा प्रकारच्या धमकी देणाऱ्यांवर कारवाई होईल असेही ते म्हणाले.

Devendra Fadnavis : ठाकरे गटाचे खासदार संजय राऊत (MP Sanjay Raut) यांना धमकी देणारा माणूस सापडला आहे. मिळालेल्या प्राथमिक माहितीनुसार दारुच्या नशेत त्या व्यक्तीने संजय राऊतांना धमकी दिली असल्याचे वक्तव्य उपमुख्यमंत्री देवेंद्र फडणवीस (DCM Devendra Fadnavis) यांनी केलं आहे. मात्र, हे प्राथमिक रिपोर्ट आहेत. त्यामुळं यासंदर्भात संपूर्ण तपास केला जाईल, असेही फडणवीस म्हणाले. कोणीही धमकी दिली असेल तर कारवाई होईल. ते आज नागपुरात (Nagpur) बोलत होते.

कोणी धमकी  देत असेल तर सरकार शांत बसणार नाही

महाराष्ट्रात कोणाही कोणाला धमकी देत असेल तर सरकार शांत बसणार नाही. त्या व्यक्तीवर कारवाई होईल असे फडणवीस म्हणाले. आलेल्या धमक्यासंदर्भात चेष्ठा करण्याचे कोणतेही कारण नसल्याचेही ते म्हणाले. विरोधकांना आलेल्या धमक्या सरकार गांभीर्यानं घेत नसल्याचा आरोप राऊतांनी केला होता. तसेच गृहमंत्री देवेंद्र फडणवीस हे आम्हाला आलेल्या धमक्यांची चेष्ठा करत असल्याचा आरोप राऊतांनी केला होता. त्यावर फडणवीसांनी प्रतिक्रिया दिला.

मी गृहमंत्री झाल्यामुळं अनेक लोकांची अडचण  

मी गृहमंत्री झाल्यामुळं अनेक लोकांची अडचण झाली आहे. त्या लोकांना मी गृहमंत्री नाही राहिलो तर बर होईल असं वाटत आहे.  पण त्यांना मी सांगू इच्छितो की, मी गृहमंत्री राहणार आहे. मला मुख्यमंत्री एकनाथ शिंदे यांनी गृहमंत्री पदाचा चार्ज दिला आहे. त्यामुळं जे जे चुकीचं काम करतील त्यांना शासन झाल्याशिवाय राहणार नसल्याचे फडणवीस म्हणाले. मागच्या काळत मी पाच वर्ष गृहमंत्री म्हणून कारभार सांभाळला आहे. मी जे कायदेशीर आहे तेच करतो. मी कोणाला घाबरत नाही. कायद्यानेच वागतो हे राज्य कायद्यानेच चालेल असेही फडणवीस म्हणाले. 

लॅारेन्स बिश्नोई गॅगकडून राऊतांना धमकी 

संजय राऊत यांना जीवे मारण्याची धमकी देण्यात आली आहे. दिल्लीत आल्यावर AK47 ने उडवून टाकू असा धमकीचा मेसेज राऊतांना आला आहे. लॅारेन्स बिश्नोई गॅगकडून धमकी मिळाली आहे. संजय राऊत धमकी प्रकरणी पुण्यातून (Pune) दोन जणांना ताब्यात घेतले आहे. काल राऊत यांच्या मोबाईलवर धमकीचे मेसेज आले होते.  संजय राऊत यांना धमकी दिल्याप्रकरणी पुण्यातून राहुल तळेकर ( वय साधारण 23) या तरुणाला पुण्यातील गुन्हे शाखेने काल रात्री उशिरा अटक केली आहे. ही अटक पुण्यातील खराडी भागातून करण्यात आली आहे. मुंबई पोलीस आणि पुणे पोलिस यांच्या गुन्हे शाखेनं संयुक्त कारवाई केली आहे. राहुल तळेकरला पुणे पोलिसांच्या गुन्हे शाखेने मुंबई पोलिसांच्या ताब्यात दिले आहे. 

नेमकं काय म्हणाले होते संजय राऊत 

महाराष्ट्रातील सगळी सुरक्षा व्यवस्था ही गद्दार गटाचे आमदार, खासदार त्यांचे पदाधिकारी यांच्या सुरक्षेसाठी लावण्यात आली आहे. मुंबईसह महाराष्ट्रात होणाऱ्या दंगली, महाराष्ट्रात महिलांवर होणारे अत्याचार अशा घटना घडत आहेत. पण राज्याचे मुख्यमंत्री आणि उपमुख्यमंत्र्यांना या घटनांकडे पाहायला वेळ नाही. आम्ही जेव्हा अशा प्रकारच्या धमक्यांची माहिती देतो तेव्हा गृहमंत्री चेष्ठा करतात. आमचा स्टंट असल्याचे ते बोलतात. मला ठाण्यातून आलेल्या धमकीत मुख्यमंत्र्यांच्या नातेवाईकांचे नाव आहे. ही गोष्ट तुम्ही गांभीर्यानं घेत नाही. काल रात्रीसुद्धा मला एक धमकी आल्याचे राऊत म्हणाले. 

महत्त्वाच्या बातम्या: