Maharashtra Breaking News LIVE Updates : दिवसभरातील महत्त्वाच्या बातम्यांचा आढावा एका क्लिकवर..

31/01/2022 21:20:49

राज्यपाल कोश्यारी आणि राष्ट्रवादीचे नेते भुजबळ यांच्यात रंगल्या मनसोक्त गप्पा

महाराष्ट्रात सध्या राज्यपाल विरुद्ध महाविकास आघाडी असं चित्र दिसत असतांनाच दुसरीकडे नाशिकमध्ये मात्र आज वेगळंच चित्र बघायला मिळाल. महामहिम राज्यपाल भगतसिंह कोश्यारी हे आज दुपारी त्र्यंबकेश्वरहून नाशिकच्या शासकीय विश्रामगृहावर येताच राष्ट्रवादीचे नेते छगन भुजबळ यांनी त्यांचे शाल आणि पुष्पगुच्छ देत आदराने स्वागत केलं. पोलिसांकडून त्यांना सलामी देण्यात येताच विश्रामगृहात छगन भुजबळ आणि भगतसिंह कोश्यारी हे एकाच सोफ्यावर शेजारी मांडीला मांडी लावून बसले, समोरील खुर्च्यांर भाजपचे स्थानिक नेते आणि शासकीय अधिकारी उपस्थित होते. विशेष म्हणजे यावेळी भुजबळ आणि कोश्यारी यांच्यात जसे दोन जुने शाळेतले मित्र अनेक वर्षांनी भेटल्यावर गप्पा रंगतात तशाच जवळपास १५ ते २० मिनिट गप्पा रंगल्या होत्या.

31/01/2022 17:24:21

सोलापूर जिल्हाधिकारी कार्यालयात शेतकऱ्याचा आत्महत्येचा प्रयत्न

सोलापूर जिल्हाधिकारी कार्यालयात शेतकऱ्याचा आत्महत्येचा प्रयत्न केला आहे. माढा तालुक्यातील अकोले गावचा रहिवासी असलेल्या शेतकरी सुरेश पाटील यांचा विषारी कीटकनाशक प्राशन करून आत्महत्येचा प्रयत्न केला. जिल्हाधिकाऱ्यांच्या दालनातच विषारी द्रव्य प्राशन केल्याची प्राथमिक माहिती मिळाली आहे. शेताची वादातून आत्महत्येचे प्रयत्न केल्याची प्राथमिक माहिती मिळाली आहे. शेतकऱ्याला उपचारासाठी सिव्हिल हॉस्पिटलमध्ये दाखल करण्यात आलेय.

31/01/2022 13:01:42

पुणे, भोसरी जमीन गैरव्यवहार प्रकरणी अटकेत असलेल्या गिरीष चौधरींच्या जामीन अर्जावर 9 फेब्रुवारी रोजी निकाल

गिरीष चौधरी एकनाथ खडसेंचे जावई

मुंबई सत्र न्यायालयाच्या विशेष पीएमएलए कोर्टात जामिन अर्जावर सुनावणी पूर्ण

भोसरी एमआयडीसी जमीन गैरव्यवहार प्रकरणात गिरीष चौधरी यांना 6 जुलै 2021 रोजी ईडीतर्फे करण्यात आली होती अटक

31/01/2022 12:46:18

अहमदनगरमधील राहुरी तालुक्यातील गुंजाळे गावातील तरुणाचा गोळीबारात मृत्यू

अहमदनगर जिल्ह्यात तरूणावर गोळीबार, राहुरी तालुक्यातील गुंजाळे गावातील घटना, प्रदीप एकनाथ पागीरे (25) या तरुणाचा मृत्यू, मित्राने गोळीबार केल्याची प्राथमिक माहिती, पोलीस घटनास्थळी दाखल

31/01/2022 11:42:55

नितेश राणेंच्या जामीन अर्जावर सुनावणी सुरू; राणेंना कस्टडी का नाही, सरकारी वकिलांचा प्रश्न

सुप्रीम कोर्टाने नीतेश राणेंना जिल्हा सत्र व्यायालयाला शरण यायला सांगितले होत ते शरण आले तर कस्टडी का नाही? सरकारी वकील प्रदिप घरत यांनी उपस्थित केला मुद्दा

31/01/2022 11:26:48

नितेश राणेंच्या नियमित जामीन अर्जावर थोड्याच वेळात सुनावणी

सिंधुदुर्ग : नितेश राणेंच्या नियमित जामीन अर्जावर थोड्याच वेळात सुनावणी, आर. बी. रोटे यांच्या न्यायालयात सुनावणी सुरू, विशेष सरकारी वकील प्रदीप घरत व्यायालयात हजर,तर नितेश राणेंची बाजू मांडण्यासाठी सतिश मानशिंदे उपस्थित , तर नितेश राणे आणि संतोष परब देखील न्यायालयात हजर

31/01/2022 10:42:36

अर्थसंकल्पीय अधिवेशनात संसदेत उत्तम चर्चा होतील; पंतप्रधान मोदींनी व्यक्त केली अपेक्षा

संसदेच्या अधिवेशनात सर्व खासदार उत्तम चर्चा करतील आणि देशाच्या प्रगतीत हातभार लावतील; पंतप्रधान नरेंद्र मोदी यांनी व्यक्त केली अपेक्षा

31/01/2022 10:29:56

Why I Killed Gandhi : वादाच्या भोवऱ्यात असलेला 'व्हाय आय किल्ड गांधी' असा झाला रिलीज

31/01/2022 10:28:56

Vasai Car Fire वसईच्या सागरशेत पेट्रोल पंपावर Petrol भरताना कारनं घेतला पेट, कशामुळे घडला प्रकार

31/01/2022 10:26:25

नगरपंचायतीत महाविकास आघाडी

नुकत्याच पार पडलेल्या नगरपंचायत निवडणुकीत जास्तीत जास्त नगराध्यक्ष महाविकास आघाडीचे व्हावेत यासाठी आता आघाडीच्या नेत्यांनी कंबर कसली आहे. राष्ट्रवादीचे प्रदेशाध्यक्ष जयंत पाटील, शिवसेनेचे नेते सुभाष देसाई आणि काँग्रेस प्रदेशाध्यक्ष नाना पटोले यांच्या सहीचे एक पत्र जयंत पाटील यांनी ट्वीट केलं आहे. या पत्रात महाविकास आघाडीचे जास्तीत जास्त नगराध्यक्ष निवडून येतील यासाठी प्रयत्न करावेत, असं आवाहन करण्यात आलं आहे.

31/01/2022 10:24:16

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह | ABP Majha

31/01/2022 10:29:16

राज्यपाल भगतसिंह कोश्यारी आज नाशिक दौऱ्यावर

राज्यपाल भगतसिंह कोश्यारी आज नाशिक दौऱ्यावर आहेत. त्यांच्या दौऱ्यात आज पुन्हा बदल करण्यात आला. ते शिर्डीला न जाता नाशिकच्या दिशेने रवाना झालेत. राज्यपाल आज त्र्यंबकेश्वर येथे दर्शन घेणार आहेत.

31/01/2022 10:23:32

‘पेगॅसस’प्रकरणी सर्वोच्च न्यायालयात नवी याचिका दाखल

‘पेगॅसस’प्रकरणी सर्वोच्च न्यायालयात नवी याचिका दाखल करण्यात आलीये. न्यूयॉर्क टाइम्सने प्रकाशित केलेल्या वृत्ताची न्यायालयाने दखल घ्यावी आणि 2017 साली इस्रायलशी झालेल्या संरक्षण व्यवहाराचा तपास करावा, अशी मागणी याचिकाकर्त्याने केली आहे.

31/01/2022 10:23:07

100 कोटींच्या कथित वसुली प्रकरणात नवा गौप्यस्फोट

100 कोटींच्या कथित वसुली प्रकरणात नवा गौप्यस्फोट झालाय. वसुली प्रकरणात गँगस्टर छोटा शकीलचा आवाज काढण्यासाठी सॉफ्टवेअरची मदत घेतल्याची माहिती सीआयडीने दिलीये. व्यापारी श्यामसुंदर अग्रवालला फसवण्यासाठी विशेष सॉफ्टवेअर आणि व्हीपीएनचा वापर करण्यात आला होता. यासाठी संजय पुनामियाने एका सायबर एक्सपर्टची मदत घेऊन हा सॉफ्टवेअर बनवला असल्याची माहिती समोर आलीय.

31/01/2022 10:22:35

दहावी आणि बारावीच्या परीक्षा वेळेवरच आणि ऑफलाईनच : शिक्षणमंत्री

दहावी आणि बारावीच्या परीक्षा वेळेवरच आणि ऑफलाईनच होणार आहेत. शालेय शिक्षणमंत्री वर्षा गायकवाड यांनी ही माहिती दिली आहे. सध्या राज्यात ओमायक्रॉनचा प्रादुर्भावात घट झाल्यानंतर शाळा पुन्हा सुरु करण्यात आल्या आहेत.

31/01/2022 10:21:55

राज्याचे आरोग्यमंत्री राजेश टोपे मास्कमुक्तीबाबत केंद्राला पत्र लिहणार

राज्याचे आरोग्यमंत्री राजेश टोपे मास्कमुक्तीबाबत केंद्राला पत्र लिहून इतर देशांच्या निर्णयाचा अभ्यास करण्याची विनंती करणार आहेत. तर सध्या मात्र राज्यात मास्कमुक्तीचा कोणताही विषय चर्चेत नाही असं देखील राजेश टोपे म्हणालेत.

31/01/2022 10:21:30

राज्यात काल दिवसभरात 22 हजार 444 नव्या कोरोनाबाधितांची नोंद

राज्यात काल दिवसभरात 22 हजार 444 नव्या कोरोनाबाधितांची नोंद झालीय. काल दिवसभरात 35 हजार रुग्ण कोरोनातून बरे झालेत. त्यामुळे राज्यातील कोरोना रुग्णांचे बरे होण्याचे प्रमाण 95.14 टक्क्यांवर जाऊन पोहोचलंय.

31/01/2022 10:20:53

आजपासून संसदेचं अर्थसंकल्पीय अधिवेशन

आजपासून संसदेचं अर्थसंकल्पीय अधिवेशन सुरू होतंय. 31 जानेवारी ते 8 फेब्रुवारी, आणि 14 मार्च ते 8 एप्रिल अशा दोन टप्प्यात हे अधिवेशन होणार आहे.

31/01/2022 10:20:33

राज्य सरकार आणि टास्क फॉर्सची आज महत्त्वाची बैठक

राज्य सरकार आणि टास्क फॉर्सची आज महत्त्वाची बैठक होणार आहे. यात निर्बंध शिथिल करण्याबाबत चर्चा होण्याची शक्यता आहे. दरम्यान, टास्क फोर्सच्या सल्ल्यानुसार निर्णय घेणार असल्याची माहिती आरोग्यमंत्री टोपेंनी दिलीये.

31/01/2022 10:10:30

आमदार नीतेश राणे यांचे स्वीय सहाय्यक राकेश परब कणकवली पोलिसांना शरण

सिंधुदुर्ग : आमदार नीतेश राणे यांचे स्वीय सहाय्यक राकेश परब कणकवली पोलिसांना शरण, संतोष परब हल्ल्याप्रकरणी संशयित आरोपी म्हणून राकेश परब यांचं नाव असून ते आज कणकवली पोलिसांना शरण आले आहेत

31/01/2022 09:43:28

बाजार उघडताच सेन्सेक्स, निफ्टी ग्रीन झोनमध्ये, सेन्सेक्स 707 अंकांनी वधारला तर निफ्टी 220 अंकांनी वर

बाजार उघडताच सेन्सेक्स, निफ्टी ग्रीन झोनमध्ये, सेन्सेक्स 707 अंकांनी वधारला तर निफ्टी 220 अंकांनी वर, दुपारी दीडच्या सुमारास संसदेत इकॉनॉमिक सर्वे सादर केला जाणार, 2022 वर्षासाठी सर्वेमध्ये जीडीपी 9 ते 9.5 टक्के राहण्याचा अंदाज वर्तवला जाण्याची शक्यता *

महागाई वाढण्याची चिन्ह देखील ह्या सर्वेत व्यक्त केली जाऊ शकतात

उद्या केंद्रीय अर्थसंकल्प मांडला जाणार, त्यामुळे बाजारात सध्याला तेजी

आयटी, बॅंकिंग, मेटल, पावर, रिॲलिटी स्टाॅक्स तेजी, जागतिक बाजारपेठांमध्ये शुक्रवारी चांगली सुरुवात

31/01/2022 09:39:29

पेपरफुटीच्या कारणामुळे ऐनवेळी रद्द करण्यात आलेली म्हाडाची परीक्षा आज

पेपरफुटीच्या कारणामुळे ऐनवेळी रद्द करण्यात आलेली म्हाडाची परीक्षा आज होतेय. राज्यभरातील 106 परीक्षा केंद्रावर ही परीक्षा होत असून यावेळेस ही परीक्षा घेण्याची जबाबदारी टी सी एस कंपनीवर सोपविण्यात आलीय. ऑनलाईन पद्धतीने ही परिक्षा होत असुन परीक्षार्थींना परिक्षा केंद्रावर जाऊन ऑनलाईन पद्धतीने ही परिक्षा द्यायची आहे. म्हाडामधील एकूण 565 पदांसाठी ही परिक्षा होत असुन होती या परीक्षासाठी राज्यभरातून दोन लाख 60 हजार उमेदवार ही परिक्षा देतायत. 31 जानेवारी ते 9 फेब्रुवारी दरम्यान ही परिक्षा होत असुन दिवसभरात तीन शिफ्टमधे ही परिक्षा होतेय. डिसेंबर महिन्यात होणार्या या परिक्षेच्या आधी या परिक्षेचा पेपर फुटल्याच पुणे पोलिसांना आढळून आल्याने ऐनवेळेस ही परीक्षा रद्द करण्यात आली होती. त्यानंतर ही परिक्षा घेण्याची जबाबदारी टी सी एस कंपनीवर सोपविण्यात आलीय.

31/01/2022 07:15:27

तुळजापूर शहरात एका फौजदाराचा चौथ्या मजल्यावरच्या जिन्यावरून पडून मृत्यू

तुळजापूर शहरातील एका फौजदाराचा चौथ्या मजल्यावरच्या जिन्यावरून पडून मृत्यू झाला आहे. दुसरा पोलीस कर्मचारी जखमी आहे . ही घटना रविवारी रात्री घडली . उपजिल्हा रुग्णालयाकडून मिळालेल्या माहितीनुसार अनिल गंगाधर किरवाडे ( वय 34 ) हे फौजदार मृत पावले आहेत . तर योगेश हणमंत सूर्यवंशी ( वय 38 ) हे पोलीस कर्मचारी गंभीर जखमी असून त्यांना उस्मानाबादच्या रूग्णालयात उपचारासाठी हलविण्यात आले आहे

31/01/2022 07:14:54

Bigg Boss 15 Winner : तेजस्वी प्रकाश ठरली 'बिग बॉस 15' ची विजेती

Bigg Boss 15 Winner : छोट्या पडद्यावरील वादग्रस्त पण तितकाच चर्चेत राहणारा कार्यक्रम म्हणून बिग बॉसकडे पाहिले जाते. यंदाच्या बिग बॉसमध्ये अनेक रंजक ट्विस्ट होते. 'बिग बॉस 15'चा (Bigg Boss 15) विजेता कोण ठरणार? याकडे सर्वांचेच लक्ष लागले होते. शेवटच्या क्षणी तेजस्वी प्रकाश आणि प्रतीक सहजपाल यांच्यात काँटे की टक्कर बघायला मिळाली. तेजस्वीला प्रेक्षकांनी जास्त पसंती दिली. त्यामुळे तेजस्वी या मोसमाची विजेती ठरली.

अंतिम पाच स्पर्धकांंमध्ये शमिता शेट्टी, तेजस्वी प्रकाश, करण कुंद्रा, निशांत भट, आणि प्रतीक सहजपाल यांचा समावेश होता. हे स्पर्धक एकमेकांना तगडी टक्कर देत वेगवेगळे डावपेच आखताना पाहायला मिळाले. महाअंतिम सोहळ्याचा शेवटचा क्षण हा खूप भावस्पर्शी आणि भावनिक बघायला मिळाला. महाअंतिम सोहळ्यात 'बिग बॉस 13' चा (Big Boss 13) विजेता आणि दिवंगत अभिनेता सिद्धार्थ शुक्लाला (Siddharth Shukla) ट्रिब्यूट दिला गेला. बिग बॉसच्या घरातील स्पर्धकांनी कधी भांडणाने, कधी रडण्याने, कधी त्यांच्यातील प्रेमाने तर कधी त्यांच्या मैत्रीने बिग बॉसच्या घराला घरपण आणले होते. पण आता हा प्रवास संपला आहे.

Maharashtra Breaking News LIVE Updates : दिवसभरातील महत्त्वाच्या बातम्यांचा आढावा एका क्लिकवर..

पार्श्वभूमी