Maharashtra Breaking News LIVE Updates : दिवसभरातील महत्त्वाच्या बातम्यांचा आढावा एका क्लिकवर..

17/01/2022 16:15:24

खामगाव - जालना मार्गावरील पेठ येथे भरधाव वेगानं जाणाऱ्या ट्रकच्या धडकेत पत्रकार ठार

बुलढाणा जिल्ह्यातील खामगाव जालना मार्गावरील पेठ फाट्यावर सकाळच्या सुमारास चिखलीकडून खामगावकडे जाणाऱ्या भरधाव ट्रकने पत्रकार जयदेव शेळकेंना जोरदार धडक दिली आहे. या धडकेत जयदेव यांच्या मेंदुला गंभीर मार लागला असून डॉक्टरांनी त्यांना मृत घोषीत केलं आहे.

17/01/2022 14:32:15

Punjab Election 2022: पंजाब विधानसभा निवडणुकीची तारीख बदलली, आता 20 फेब्रुवारीला होणार मतदान

17/01/2022 13:00:05

राज्य सरकारला हायकोर्टाचा मोठा दिलासा, 'बीएमसी'तील वॉर्ड संख्या वाढवण्याच्या निर्णयाविरोधातील याचिका फेटाळली

वॉर्ड संख्या 227 वरून 236 करण्याच्या राज्य सरकारच्या आदेशाला भाजप नगरसेवकांनी दिलं होतं आव्हान

17/01/2022 12:09:10

भाजप आमदार नितेश राणेंना हायकोर्टाचा दणका, नितेश राणेंचा अटकपूर्व जामीन अर्ज मुंबई उच्च न्यायालयानं नाकारला, मात्र मनिष दळवींना हायकोर्टाकडनं अटकपूर्व जामीन मंजूर

सिंधुदुर्ग जिल्हा बँक निवडणूक काळात संतोष परब यांच्यावरील हल्याचं प्रकरण

17/01/2022 11:20:28

परभणी राष्ट्रवादीचे आमदार बाबाजानी दुर्राणी दुसऱ्यांदा कोरोना पॉझिटिव्ह

राष्ट्रवादीचे विधान परिषद सदस्य बाबाजानी दुर्राणी हे कोरोना पॉझिटिव्ह आढळले आहेत.बाबाजानी यांना कोरोना होण्याची ही दुसरी वेळ असुन त्यांची प्रकृती चांगली असून ते घरीच विलगीकरणात असल्याचे त्यांनी सांगितले असुन त्यांच्या संपर्कात आलेल्यांनी ही तपासणी करून घेण्याचे आवाहन त्यांनी केले आहे.

17/01/2022 11:18:13

अहमदनगर- राज्य नाट्य स्पर्धेला परवानगी देण्याची नाट्यकर्मींची मागणी

कोरोनाच्या पार्श्वभूमीवर रद्द करण्यात आलेल्या राज्य नाट्य स्पर्धा तब्बल दोन वर्षानंतर जाहीर करण्यात आल्या होत्या. मात्र, राज्यात पुन्हा एकदा कोरोनाचा प्रादुर्भाव वाढलाय त्यामुळे सरकारने अचानक स्पर्धा रद्द केल्या...दोन वर्ष राज्य नाट्य स्पर्धेची वाट पाहणाऱ्या कलाकारांच्या आनंदावर कोरोनारुपी विर्जनच त्यामुळे पडलंय... स्पर्धा रद्द केल्याने रंगकर्मीमध्ये संतापाची लाट पाहायला मिळत आहे...कोरोना संदर्भात घालून दिलेले नियम पाळून स्पर्धा पार पाडू , असं नाट्य संस्थाकडून सांगण्यात आलंय... तसं निवेदनही त्यांनी सरकारकडे पाठवलंय.... दोन वर्षे राज्य नाट्यस्पर्धा न झाल्याने रंगकर्मीना आर्थिक चणचण भासत आहे... त्यामुळे पुढील दोन दिवसात तारखा घोषित करून दहा दिवसांच्या आता स्पर्धा घ्यावी, अन्यथा प्रत्येक सहभागी संस्थाना निर्मिती खर्च म्हणून ५० हजार रुपये द्यावे अशी मागणी रंगकर्मी करताहेत...

17/01/2022 11:11:30

CTET परीक्षेदरम्यान राडा; पुण्यातील हडपसर रामटेकडी येथे एका परीक्षा केंद्रावर विद्यार्थी आणि परीक्षा आयोजकांत हाणामारी

पुणेः पुण्यातील हडपसर रामटेकडी येथे एका परीक्षा केंद्रावर विद्यार्थी आणि परीक्षा आयोजकांत हाणामारीचा प्रकार घडलाय, परीक्षा केंद्रावर उशिरा आलेल्या विद्यार्थ्यांत आणि आयोजकात बाचाबाची झाल्यानंतर थेट हाणामारी झाली .कोरोनाच्या काळात तब्बल दोन हजार पेक्षा अधिक विद्यार्थ्यांना परीक्षा केंद्रात जमून परीक्षा घेत कोरोनाचे नियम मोडणाऱ्या परीक्षा सेंटर वर कारवाईची विद्यार्थ्यांची मागणी..

17/01/2022 10:41:22

रायगड : पेण शहरातील मुख्य मार्गावरील एटीएममध्ये चोरी, सुमारे 50 ते 60 लाख रुपयांची रोकड चोरल्याची शक्यता.

रायगड : पेण शहरातील मुख्य मार्गावरील एटीएममध्ये चोरी, सुमारे 50 ते 60 लाख रुपयांची रोकड चोरल्याची शक्यता...

पेण - खोपोली मार्गावरील एसबीआय बँकेचे दोन एटीएम फोडले..

रस्त्यालगत असलेल्या सनसिटी इमारतीतील एटीएम चोरट्यांनी फोडले...

पहाटे तीनच्या सुमारास गॅस कटर वापरून एटीएममधून कॅश बॉक्स चोरले..

पेण पोलीस घटनास्थळी दाखल, चोरट्यांचा शोध सुरू..

17/01/2022 10:37:34

पंजाबमध्ये भाजप, काँग्रेससह सर्व पक्षांकडून निवडणूक पुढे ढकलण्याची मागणी, 14 फेब्रुवारीचं मतदान किमान 6 दिवस पुढे ढकलण्याची मागणी

पंजाबमध्ये भाजप, काँग्रेससह सर्व पक्षांनी निवडणूक पुढे ढकलण्याची मागणी केली आहे.

14 फेब्रुवारीचं मतदान किमान 6 दिवस पुढे ढकलण्याची मागणी

गुरु रविदास जयंती 16 फेब्रुवारीला, अनेक पंजाबी लोक त्यासाठी वाराणसीत जातात, त्यामुळे मतदानाला मुकण्याची भीती

आज निवडणूक आयोग करणार फैसला

17/01/2022 09:35:30

मुंबई आयआयटी हॉस्टेलमध्ये विद्यार्थ्याची आत्महत्या, 7 व्या मजल्यावरून विद्यार्थ्याने उडी मारली

मुंबई आयआयटी हॉस्टेलमध्ये विद्यार्थ्याची आत्महत्या, 7 व्या मजल्यावरून विद्यार्थ्याने उडी मारली, राजावाडी रुग्णालयात नेण्याआधीच त्यांचा मृत्यू; त्याच्या खोलीमध्ये सुसाईड नोट मिळाली, विद्यार्थ्यांचे वय 26 वर्षे असून मुंबई आयआयटीत पदव्युत्तर शिक्षण घेत होता

17/01/2022 09:24:27

शाळा सुरु करण्यासाठी विद्यार्थ्याचं उपोषण, बुलढाणा जिल्ह्यातील खिरोडा जिल्हा परिषद शाळेसमोरच सुरु केलं आंदोलन

बुलढाणा : जिल्ह्यातील खिरोडा येथील जि. प.प्राथमिक शाळेतील विद्यार्थ्यांनी आमच्या शाळा सुरू करण्यात याव्या या मागणीसाठी शाळेसमोरच लाक्षणिक उपोषण सुरू केलंय, कोरोनाच्या निर्बंधामुळे ग्रामीण भागातील शाळा बंद असल्याने ग्रामीण भागात विध्यार्थी ऑनलाईन शिक्षण घेऊ शकत नसल्याने शाळा सुरू करण्याची मागणी हे विद्यार्थी करीत आहेत. आज सकाळपासून हे विद्यार्थी शाळेसमोरच उपोषण करत आहेत. ग्रामीण भागात कोरोनाचा प्रभाव कमी असून ग्रामीण भागातील शाळा सुरू कराव्यात व विद्यार्थ्यांचं होणार शैक्षणिक नुकसान टाळावं अस येथील सरपंचांनी सुद्धा म्हटलं आहे

17/01/2022 09:20:54

माजी वनमंत्री तथा शिवसेना आमदार संजय राठोड यांना कोरोनाची लागण, ऑक्सीजन लेव्हल कमी झाल्यामुळे उपचारासाठी मुंबईला हलविले

17/01/2022 08:12:22

ज्येष्ठ नेते, प्राध्यापक एन. डी. पाटील सर यांची प्रकृती गंभीर

ज्येष्ठ नेते प्राध्यापक एन. डी. पाटील सर यांची प्रकृती गंभीर, कोल्हापुरातील खाजगी रुग्णालयात प्रा. एन डी पाटील यांच्यावर उपचार सुरू, वातावरणातील बदलामुळे कणकण वाटत असल्याने रुग्णालयात दाखल,

कोरोनाच्या दुसऱ्या लाटेत प्रा. एन. डी.पाटील यांनी कोरोनाला हरवलंय

17/01/2022 08:03:08

आज मुंबईत 4 हजार आरोग्यसेविका एक दिवसीय संपावर

आज मुंबईत 4 हजार आरोग्यसेविका एक दिवसीय संपावर जाणार आहेत. कोरोना काळात घरोघरी जाऊन रुग्ण सेवा करून देखील आमच्या मागण्यांकडे दुर्लक्ष होत आहे ही बाब सरकारला लक्षात आणून देण्यासाठी हा संप करत असल्याची माहिती महापालिका आरोग्य कर्मचारी संघटनेचे अध्यक्ष प्रकाश देवदास यांनी पत्रकाच्या माध्यमातून दिली आहे

17/01/2022 07:44:19

भिवंडीत पुन्हा अग्नितांडव, यंत्रमाग कारखान्याला लागली भीषण आग

भिवंडीत आगीचे सत्र काही थांबताना दिसत नाहीये, शहरातील काजी कंपाऊंड परिसरात पहाटेच्या सुमारास यंत्रमाग कारखान्यात भीषण आग लागल्याने परिसरात एकच खळबळ उडाली. या कारखान्यांमध्ये यंत्रमाग तसेच तयार कपडे ठेवण्यात आले होते अचानक लागलेल्या आगीमुळे संपूर्ण यंत्रमाग कारखाना जळून खाक झाल्याने लाखोंचे नुकसान झाले असून ही आग कशी लागली याचे कारण अजूनही अस्पष्ट आहे. सध्या या आगी वर नियंत्रण मिळविण्यासाठी भिवंडी अग्निशमन दलाच्या दोन गाड्या घटनास्थळी दाखल झाले असून या आगीवर नियंत्रण मिळवण्याचे शर्तीचे प्रयत्न अग्निशमन दलाचे जवान करीत आहेत, तर निजामपूर पोलीस स्टेशनचे कर्मचारी व पदाधिकारी घटनास्थळी पोहोचले असून एक रुग्णवाहिकेची व्यवस्था देखील करण्यात आली आहे, परंतु हा कारखाना काही दिवसापासून बंद असल्याने यामध्ये कोणत्याही प्रकारची जीवितहानी नसल्याची माहिती मिळत आहे. अन्यथा मोठी दुर्घटना घडली असतील सध्या या आगीवर नियंत्रण मिळवण्याचे प्रयत्न जवान करीत आहेत या आगीवर पूर्णपणे नियंत्रण मिळवण्यासाठी अजूनही एक तास लागणार असल्याची शक्यता अग्निशमन दलाच्या जवानांनी वर्तवली आहे

17/01/2022 07:12:40

उदय सामंतांच्या बंगल्याबाहेर भाजयुमोच्या महिला कार्यकर्त्यांचं पहाटेच आंदोलन, विद्यापीठ कायद्याविरोधात आक्रमक

Mumbai BJP Yuva Morcha Agitation : उच्च आणि तंत्रशिक्षण मंत्री उदय सामंत (Uday Samant) यांच्या बंगल्याच्या बाहेर भाजप युवा मोर्चाच्या महिला कार्यकर्त्यांनी सकाळी 5 वाजल्यापासून आंदोलन सुरु केलं. विद्यापीठ कायद्याविरोधात भाजप युवा मोर्चाच्या महिला कार्यकर्त्यांनी पहाटे 5 वाजता मंत्रालयासमोरील मंत्री उदय सामंत यांच्या घराबाहेर रांगोळी काढून निदर्शनं केली. यावेळी पोस्टरवरून पोलीस आणि भाजप महिला कार्यकर्त्यांमध्ये बाचाबाची झाली. त्यावेळी महिलांनी महाराष्ट्र सरकारविरोधात घोषणाही दिल्या. आंदोलनादरम्यान भाजप युवा महिला मोर्चाच्या काही महिला कार्यकर्त्यांना मरीन ड्राइव्ह पोलिसांनी ताब्यात घेतलं आहे. महिला कार्यकर्त्यांनी राज्य सरकारला धमकी देत विद्यापीठ कायद्यात बदल न केल्यास आगामी काळात महाविकास आघाडी सरकारमधील प्रत्येक आमदार, खासदार, मंत्री यांच्या घराबाहेर आम्ही आंदोलन करु, असं सांगितलं.

17/01/2022 07:12:28

Davos Agenda Summit : आजपासून दाओस परिषद; पंतप्रधान मोदींचं आज विशेष संबोधन

Davos Agenda 2022 : आजपासून दावोस परिषदेला सुरूवात होणार आहे. ही परिषद पाच दिवस चालणार आहे. जगभरातल्या देशांसाठी आणि उद्योगपतींसाठी महत्त्वाची असलेल्या वर्ल्ड इकॉनॉमिक फोरमच्या (World Economic Forum) दाओस परिषदेचे या वर्षी ऑनलाईन पद्धतीने आयोजन करण्यात आले आहे. या परिषदेत भारताचे पंतप्रधान नरेंद्र मोदी हे देखील सहभाग घेणार आहेत. आज सोमवारी, भारतीय वेळेनुसार पंतप्रधान नरेंद्र मोदी रात्री 8:30 वाजता जागतिक आर्थिक मंचाच्या दाओस बैठकीत ‘जागतिक परिस्थिती' या विषयावर विशेष भाषण करणार आहेत.

17/01/2022 07:12:16

Shakambhari Purnima : आज शाकंभरी पौर्णिमा, मांढरदेवी गडावरील काळूबाईची यात्रा, कोरोनामुळं भाविकांना बंदी

shakambhari purnima in 2022 : आज शाकंभरी पौर्णिमा. महाराष्ट्रातील आणि कर्नाटकातील लाखो भाविकांचे श्रद्धास्थान असलेल्या सातारा जिल्ह्यातील मांढरदेवी गडावरील काळूबाईची यात्रा (Mandhardevi Gad Kalubai Yatra) शाकंभरी पोर्णिमेला भरते. कोरोनाच्या पार्श्वभूमीवर गेल्या दोन वर्षापासून या गडावरच्या काळूबाईची यात्रा भरवण्यास शासनाने बंदी घातली होती. त्यात यंदाच्या वर्षी काळूबाईचे दर्शन होईल असं भाविकांना वाटत होतं. मात्र ओमायक्रॉनमुळे यंदाच्याही वर्षी मांढरदेवी गडावर यात्रेच्या दिवशी येण्यास भाविकांना बंदी घालण्यात आली आहे.

17/01/2022 07:09:27

दर्यापूर येथील छत्रपती शिवाजी महाराज यांचा पुतळा हटविला, शहरात तणाव निर्माण होण्याची शक्यता

अखेर रात्री 3 वाजता दर्यापूर येथील छत्रपती शिवाजी महाराज यांचा पुतळा हटविला..

दर्यापूर नगर पालिका आणि पोलीसांनी काढला पुतळा..

पुतळा काढू नये यासाठी दर्यापूरात काल सगळ्या पक्षाच्या वतीने देण्यात आले होते पोलिसांना निवेदन...

शहरात तणाव निर्माण होण्याची शक्यता

Breaking : Punjab Election 2022: पंजाब विधानसभा निवडणुकीची तारीख बदलली, आता 20 फेब्रुवारीला होणार मतदान

पार्श्वभूमी