Maharashtra Local Body Election LIVE Updates : राज्यातील 105 नगरपंचायतीच्या निवडणुकीसाठी मतदान, जाणून घ्या अपडेट्स
Maharashtra Local Body Election Live Updates : ओबीसी आरक्षणाशिवाय राज्यातील 106 नगरपंचायतीसाठी मतदान आज पार पडणार आहे.
अहमदनगर जिल्हयात शिर्डी वगळता अकोले, पारनेर आणि कर्जत नगरपंचायतीसाठी मतदान पार पडले. यावेळी अकोले नगरपंचायतीसाठी 80.69 % मतदान झाले. तर कर्जत नगरपंचायतीसाठी 80.21 % मतदान झाले. शिवाय पारनेर नगरपंचायतीसाठी 86.7 % मतदान पार प़डले.
रायगड जिल्ह्यातील सहा नगरपंचायतीतील 79 जागांसाठी मतदान पार पडले.
यावेळी पाली 78.66 टक्के , खालापूरमध्ये 84.46 टक्के, माणगाव 70.52 टक्के, पोलादपूर 71.09 टक्के, म्हसळा 68.50 टक्के, तळा 73.82 टक्के मतदान पार पडले.
लातूर जिल्ह्या नगरपंचायत निवडणूक मतदान हे सकाळी 7.30 ते 5.30 वाजे पर्यंत प्राथमिक अहवालानुसार 76.16 टक्के इतके झाले आहे.
बीड जिल्ह्यातील पाच नगरपंचायतीसाठी दिवसभरात किरकोळ वाद वगळता मतदान प्रक्रिया शांततेत पार पडली आहे. वडवणी नगरपंचायतील प्रभाग क्रमांक तीन येथील दोन गटात वाद झाल्यानं या निवडणूकीला गालबोट लागले होते. मात्र पोलिसांनी हा जमाव पांगवून यावर वेळीच नियंत्रण मिळवले, यानंतर पोलिस यंत्रणेकडून चोख बंदोबस्त ठेवण्यात आला. केज, आष्टी, पाटोदा, वडवणी आणि शिरूर या पाच नगरपंचायत निवडणुकीसाठी साडे तीन वाजे पर्यंत एकूण 70% मतदान झाले आहे. दुपारनंतर खऱ्या अर्थाने नागरिकांचा उत्साह मतदानासाठी दिसून आला होता. 65 जागेसाठी 216 उमेदवार आपलं नशीब आजमावत असून ईव्हीएम मशीन मध्ये या उमेदवाराचं भवितव्य बंद झाले. त्यामुळे आता निकालानंतरच चित्र स्पष्ट होणार आहे.
राज्यातील स्थानिक स्वराज्य संस्थांच्या निवडणुकीसाठी आज मतदान घेण्यात आले असून स्वातंत्र्यापासून मतदान करत आलेल्या 102 वर्षांच्या लक्ष्मी मोतीराम नंदागवडी या आजीबाईंनीही लोकशाहीचा हा महोत्सव साजरा केला आहे. भंडारा जिल्ह्याच्या लाखनी तालुक्यातील घोडेझरी गावातील या आजीबाईंनी मतदानाचा हक्क बजावला आहे.
वाभवे वैभववाडी नगरपंचायत 59.85 टक्के मतदान, कुडाळ नगरपंचायत 51.75 टक्के मतदान, कसई-दोडामार्ग नगरपंचायत 51.71 टक्के मतदान, देवगड-जामसंडे नगरपंचायत 50.17 टक्के मतदानाची नोंद
दुपारी दीड वाजेपर्यंत रायगड जिल्ह्यात ५२.०९ टक्के मतदानाची नोंद. पाली ५१.८४ टक्के, खालापूर ५९.१२ टक्के, तळा ५९.६४ टक्के, म्हसळा ५१.१५ टक्के, पोलादपूर ४८ टक्के आणि माणगाव ४७.७५ टक्के मतदान
नाशिक: नगरपंचायत निवडणूक 1:30 वाजेपर्यंतची आकडेवारी
पेठ :-54.96
सुरगाणा:- 49.26
कळवण:- 44.71
देवळा :- 55.58
निफाड :-34.08
दिंडोरी :-53.63
बीड: वडवणीत मतदानावरून भाजप-राष्ट्रवादीचे कार्यकर्ते आमने-सामने, मतदान केंद्रावर दोन्ही गट भिडले, पोलिसांचा सौम्य लाठीमार. मतदानाच्या सुरुवातीलाच राडा झाल्यानं वडवणीतं तणावाचे वातावरण. पोलिसांनी बंदोबस्त वाढवला.
नगरपंचायत निवडणुकीसाठी काँग्रेस प्रदेशाध्यक्ष नाना पटोले यांनी मतदानाचा हक्क बजावला.
गडचिरोली जिल्ह्यात नऊ नगरपंचायतींच्या 142 जागांसाठी 555 उमेदवार निवडणुकीच्या रिंगणात; इतर मागास प्रवर्गाच्या 11 जागांवर18 जानेवारीला मतदान होणार. भाजप- काँग्रेस- राष्ट्रवादी- शिवसेना- आदिवासी विद्यार्थी संघटना निवडणुकीच्या रिंगणात आहेत. पालकमंत्री एकनाथ शिंदे, माजी मंत्री अंबरीश आत्राम, खासदार अशोक नेते, आमदार धर्मरावबाबा आत्राम यांची प्रतिष्ठा पणाला लागली आहे.
नाशिक जिल्ह्यातील 6 नगरपंचायतीसाठी मतदान सुरू. जिल्ह्यातील एकूण 87 जागांसाठी 292 उमेदवार निवडणुकीच्या रिंगणात
लातुर जिल्ह्यातील चार नगर पंचायतीच्या एकूण 52 जागेसाठी आज सकाळी साडेसात वाजता मतदानाला सुरुवात झाली आहे जिल्ह्यातील चाकूर, जळकोट, देवणी आणि शिरूर अनंतपाळ या नगर पंचायतीचे मतदान होत आहे. या निवडणूक प्रचारात भाजप काँग्रेस राष्ट्रवादी काँग्रेस आणि शिवसेनेच्या नेत्यांनी प्रचाराचा धुराळा उडवला होता महाविकास आघाडी सरकारच्या स्थापनेनंतर प्रथमच स्थानिक स्वराज्य संस्थांच्या निवडणुका होत असल्याने जिल्ह्यातील अनेक भागातील राजकीय समीकरण बदलले आहे.
रायगड जिल्ह्यातील खालापूर, पाली, माणगाव, म्हसळा, तळा, पोलादपूर नगरपंचायतीसाठी निवडणूक होत आहे. सहा नगरपंचायतीतील ८२ मतदान केंद्रांवर मतदान सुरू झाले आहे. राष्ट्रवादीचे सुनील तटकरे, शिवसेनेचे भरत गोगावले आणि शेकापचे जयंत पाटील यांची प्रतिष्ठा पणाला लागली आहे.
रायगड जिल्ह्यातील खालापूर, पाली, माणगाव, म्हसळा, तळा, पोलादपूर नगरपंचायतीसाठी निवडणूक होत आहे. सहा नगरपंचायतीतील ८२ मतदान केंद्रांवर मतदान सुरू झाले आहे. राष्ट्रवादीचे सुनील तटकरे, शिवसेनेचे भरत गोगावले आणि शेकापचे जयंत पाटील यांची प्रतिष्ठा पणाला लागली आहे.
रत्नागिरीतील मंडणगड-दापोली नगरपंचायत निवडणुकीसाठी मतदान सुरू झाले आहे. शिवसेना नेते रामदास कदम आणि परिवहन मंत्री अनिल परब यांच्यातील वादामुळे या निवडणुकीतील शिवसेनेच्या कामगिरीकडे लक्ष अनेकांचे लक्ष लागले आहे.
सांगली जिल्ह्यातील तीन नगरपंचायतीसाठी मतदान सुरू; कवठेमहांकाळ, कडेगाव आणि खानापूर तालुक्यातील नगरपंचायतीच्या 39 जागांपैकी 125 उमेदवार रिंगणात उभे आहेत.
अर्धापूर नगरपंचायतच्या १३ जागांसाठी ६५ उमेदवार रिंगणात. तर, नायगाव नगरपंचायत १४ पैकी तीन जागी काँग्रेसचे उमेदवार बिनविरोध आल्याने 11 जागांसाठी मतदान सुरू, माहूर नगरपंचायतच्या १३ प्रभागांसाठी ६२ उमेदवार रिंगणात.
बीड: आष्टी नगरपंचायत साठी पुन्हा एकदा सुरेश धस सरसावले असून आष्टी नगरपंचायत मध्ये कोण 17 जागा होत्या या पैकी 15 जागा जिंकुंन सुरेश धस यांनी निर्विवाद वर्चस्व ठेवले होते या निवडणुकीत मात्र सुरेश धस आणि भीमराव धोंडे एकत्रित भाजपच्या वतीने निवडणूक लढत आहेत आष्टी मध्ये भाजप विरुद्ध राष्ट्रवादी अशी थेट लढत पाहायला मिळतेय
बीड: वडवणी नगरपंचायत निवडणुकीत एकूण जागा 17 असून त्यापैकी 13 जागेवर निवडणूक होत आहे केज आणि वडवणी मध्ये बीड जिल्ह्यात सगळ्यात जास्त मोठी चुरस
धुळे, अहमदनगर, नांदेड- वाघाळा आणि सांगली-मिरज-कुपवाड या चार महापालिकांमधील रिक्तपदांच्या पोटनिवडणुकांसाठी मतदान होणार आहे.
राज्यातील 32 जिल्ह्यांतील 105 नगरपंचायतीसाठी मतदान सुरू, ओबीसी आरक्षणाशिवाय होतेय निवडणूक
पार्श्वभूमी
Maharashtra Local Body Election Live Updates : राज्यात आज 105 नगरपंचायत निवडणुकांसाठी आज मतदान होणार आहे. स्थानिक स्वराज्य संस्थांमध्ये ओबीसींच्या राजकीय आरक्षणाशिवाय ही निवडणूक पार पडत आहे. मागील काही दिवसांपासून निवडणूक प्रचाराचा धुरळा उडाला होता. सोमवारी प्रचार संपल्यानंतर आज मतदान पार पडत आहे. या निवडणुकीत अनेक राजकीय नेत्यांच्या प्रतिष्ठा पणाला लागल्या आहेत.
>> या प्रमुख नगरपंचायतीच्या लढतींकडे लक्ष
मंडणगड, दापोली (रत्नागिरी), कसई-दोडामार्ग, वाभवे-वैभववाडी, कुडाळ ( सिंधुदुर्ग ), देहू (पुणे-नवनिर्मित नगरपंचायत), लोणंद, कोरेगाव, पाटण, वडूज, खंडाळा, दहिवडी ( सातारा ), कडेगाव, खानापूर, कवठेमहांकाळ (सांगली), तर, सोलापूरमधील माढा, माळशिरस, महाळूंग-श्रीपूर (नवनिर्मित नगरपंचायत), वैराग (नवनिर्मित नगरपंचायत), नातेपुते (नवनिर्मित नगरपंचायत) या निवडणुकींकडे राज्याचे लक्ष आहे.
भंडारा गोंदिया जिल्हा परिषद तसेच पंचायत समिती नगर पंचायतीच्या थोड्याच वेळात मतदानाला सुरूवात होणार आहे ..भंडारा जिल्हा परिषदेच्या 39 जागासाठी पंचायत समितीच्या 79 जागा तर नगर पंचायतिच्या 39 जागासाठी तर गोंदिया जिल्ह्यातील जिल्हा परिषदेच्या 43 जागा नगर पंचायतिच्या 86 जागा तर पंचायत समितीच्या 45 जागासाठी हे मतदान होत आहे.
चंद्रपूर जिल्ह्यात विजय वडेट्टीवार, सुधीर मुनगंटीवार यांची प्रतिष्ठा पणाला
पोंभुर्णा - एकूण जागा -17, या ठिकाणी सर्व पक्ष स्वतंत्र लढत असून भाजप 17, काँग्रेस 17, शिवसेना16 आणि राष्ट्रवादी15 जागा लढवत आहे. भाजप नेते सुधीर मुनगंटीवार यांची प्रतिष्ठा पणाला.
गोंडपिंपरी - एकूण जागा -17, या ठिकाणी सर्व पक्ष स्वतंत्र लढत असून भाजप 17, काँग्रेस17, शिवसेना 12 आणि राष्ट्रवादी 13 जागा लढवत आहे.
कोरपना - एकूण जागा - 17, या ठिकाणी काँग्रेसने सर्व 17 जागांवर आपले उमेदवार दिले आहे तर दुसरीकडे भाजप, राष्ट्रवादी, शेतकरी संघटना आणि शिवसेना यांची छुपी युती आहे. या सर्व पक्षांनी काँग्रेस विरुध्द मिळून आपले उमेदवार दिले आहे. या ठिकाणी भाजप 10, राष्ट्रवादी 02, शेतकरी संघटना 04 आणि शिवसेना 01 जागा लढवत आहे. भाजप आपल्या कमळ या चिन्हावर लढत आहे तर राष्ट्रवादी, शेतकरी संघटना आणि शिवसेना हे टेबल या चिन्हावर लढत आहे.
जिवती - एकूण जागा - 17, या ठिकाणी भाजप आणि गोंडवाना गणतंत्र पार्टी यांची युती असून गोगपा 10 आणि भाजप 07 जागा लढवत आहे तर दुसरीकडे काँग्रेस आणि राष्ट्रवादी यांची युती असून काँग्रेस 09 आणि राष्ट्रवादी 08 जागा लढवत आहे. शिवसेना स्वतंत्र पणे निवडणूक लढत असून 10 जागी त्यांनी उमेदवार दिले आहेत.
सिंदेवाही - एकूण जागा - 17, या ठिकाणी सर्व पक्ष स्वतंत्र लढत असून भाजप 17, काँग्रेस 17, शिवसेना 6 आणि राष्ट्रवादी 16 जागा लढवत आहे. पालकमंत्री विजय वडेट्टीवार यांची प्रतिष्ठा पणाला
सावली - एकूण जागा - 17, या ठिकाणी सर्व पक्ष स्वतंत्र लढत असून भाजप 17, काँग्रेस 17, शिवसेना 8 आणि राष्ट्रवादी 8 जागा लढवत आहे. पालकमंत्री विजय वडेट्टीवार यांची प्रतिष्ठा पणाला
- - - - - - - - - Advertisement - - - - - - - - -