Maharashtra Live Updates: ऐन दिवाळीत मुंबईत जोरदार पाऊस, नागरिकांची तारांबळ उडाली

21/10/2025 19:15:29

Mumbai Rain : ऐन दिवाळीत मुंबईत जोरदार पाऊस, नागरिकांची तारांबळ उडाली

ऐन दिवाळीमध्ये मुंबईच्या पश्चिम उपनगरात जोरदार पावसाला सुरुवात झाली. पश्चिम उपनगरात मागील पंधरा ते वीस मिनिटांपासून जोरदार पावसाला सुरुवात झाली आहे.पश्चिम उपनगरात अंधेरी, जोगेश्वरी, गोरेगाव, मालाड, विलेपार्ले या सर्व परिसरात पावसाच्या जोर जास्त आहे. अचानक आलेल्या जोरदार पावसामुळे नागरिकांची मोठी तारांबळ उडाल्याचं दिसून येतंय.

21/10/2025 17:52:22

एसटी आरक्षणासाठी बंजारा समाज आक्रमक, उपोषणस्थळीच बंजारा समाजाची दिवाळी

एसटी आरक्षणासाठी बंजारा समाज आक्रमक, जालन्यात सुरू असलेल्या उपोषणस्थळीच बंजारा समाजाची दिवाळी...

उपोषण स्थळी बंजारा महिलांकडून पारंपारिक वेशभूषेत चुलीवर स्वयंपाक, तर बंजारा समाजातील अविवाहित मुली जिल्हाधिकाऱ्यांकडे एसटी आरक्षणाचा पारंपारिक मेरा मागणार...

बंजारा समाजाला एसटी प्रवर्गातून आरक्षण मिळण्याच्या मागणीसाठी मागील चार दिवसापासून जालन्यात सुरू आहे विजय चव्हाण यांच उपोषण....

अँकर: जालन्यात एसटी आरक्षणासाठी बंजारा समाज आक्रमक झालेला आहे जालन्यात सुरू असलेल्या बंजारा समाजाच्या उपोषण स्थळीच बंजारा समाजाकडून दिवाळी साजरी केली जात आहे.उपोषण स्थळी बंजारा महिलांकडून पारंपारिक वेशभूषेत चुलीवर स्वयंपाक केला जात आहे.तर बंजारा समाजातील अविवाहित मुली जिल्हाधिकाऱ्यांकडे एसटी आरक्षणाचा पारंपारिक मेरा देखील मागणार आहे.बंजारा समाजाला एसटी प्रवर्गातून आरक्षण मिळण्याच्या मागणीसाठी मागील चार दिवसापासून जालन्यात विजय चव्हाण या तरुणाच आमरण उपोषण सुरू आहे. त्यांच्या उपोषणाचा आजचा पाचवा दिवस असून अद्यापही सरकारकडून कोणतीही दखल घेतली जात असल्यामुळे बंजारा समाजाकडून निषेध म्हणूने उपोषण स्थळीच स्वयंपाक करत दिवाळी साजरी केली जात आहे..

21/10/2025 17:09:05

दिवाळी सणात स्वस्त धान्य दुकानातून निकृष्ट दर्जाचे राशन वाटप

आळ्या, किडे,असलेले राशन वाटप करण्यात येत असल्याने नागरिकांनी व्यक्त केला संताप.

नांदेडच्या उंचाडा गावातील प्रकार.

अँकर:- दिवाळी सणात चक्क आळ्या आणि किडे असलेले राशन नागरिकांना वाटप करण्यात येत असल्याचा धक्कादायक प्रकार नांदेडच्या हदगाव तालुक्यातील उंचाडा गावात सुरु आहे. महायुती सरकारने आनंदाचा शिधा सुरू केला होता. परंतु दिवाळी सणाच्या तोंडावरच आनंदाचा शिधा शासनाने बंद केला. स्वस्त धान्य दुकानातून नागरिकांना निकृष्ट दर्जाचे राशन पुरवल्या जात आहे. गहू,तांदूळ या धान्यांमध्ये चक्क आळ्या आणि किडे असल्याचं आढळून आल आहे. हे राशन जनावर देखील खात नाहीत, ते माणसांना खायला देत असल्याने उंचाडा गावातील नागरिकांनी संताप व्यक्त केला.

21/10/2025 17:08:37

वाशिम जिल्ह्यात आज जोरदार अवकाळी पावसाची हजेरी

हवामान खात्याने वर्तवलेल्या अंदाजांनुसार वाशिम जिल्ह्यात आज दुपारच्या दरम्यान जोरदार अवकाळी पावसाने हजेरी लावली आहे ..त्यामूळे ऐन दिवाळीच्या खरेदीला आलेल्या नागरीकाची मोठी तारांबळ उडाली असून उघड्यावर दुकान थाटलेल्या दुकान चालकांना मोठं नुकसान सहन करावे लागल्याच चित्र आहे..

21/10/2025 16:18:53

आज लक्ष्मीपूजनानिमित्त विठ्ठल मंदिराला आकर्षक फुल सजावट .. सायंकाळी देवाच्या खजिन्यात लक्ष्मीपूजन

V/O -- आज दिवाळी लक्ष्मीपूजन आणि मित्र
विठ्ठल रुक्मिणी मंदिरात बीड येथील भाविक श्री.अर्जुन हनुमान पिंगळे फुल सजावटीची सेवा अर्पण केली आहे. या सजावटीसाठी सुमारे दोन टन विविध प्रकारची ताजी फुले वापरण्यात आली आहेत.
या फुलांमध्ये कोंडा, शेवंती, अष्टर, गुलाब, ऑर्किड, अँथोनीयम, जिप्स, सायकस, गुलछडी, इत्यादी फुलांचा समावेश असून या सर्व फुलांद्वारे श्री विठ्ठल-रुक्मिणी मंदिराचा परिसर रंग, सुगंध आणि भक्तीभावाने उजळून निघाला आहे.
मंदिरातील श्री.विठ्ठल चौखांबी, सोळ खांबी परिसर, रुक्मिणी मातेचे मंदिर, तसेच प्रवेशद्वार, या सर्व भागात कलात्मक डेकोरेशन करण्यात आले आहे. पारंपारिक आणि आधुनिक फुलांच्या रचना यांचा सुंदर संगम भाविकांना एक अद्भुत दृश्यानुभूती देत आहे.
या सजावटीचे वैशिष्ट्य म्हणजे नैसर्गिक फुलांचा अत्यंत कुशलतेने केलेला वापर, रंगसंगतीतील समतोल, तसेच विठ्ठल-रुक्मिणीच्या मंदिराच्या आध्यात्मिकतेला साजेसा सुगंधित वातावरणनिर्मिती झाली आहे.

21/10/2025 16:11:06

राज्यभरात पुढील 4 दिवस वादळी वाऱ्यासह पावसाचे इशारे

हवामान विभागाच्या अंदाजानुसार, आजपासून, कोकण, विदर्भ, मध्य महाराष्ट्र आणि मराठवाड्यातील काही जिल्ह्यांना मुसळधार पावसाचे अलर्ट देण्यात आले आहेत. हवामान विभागाच्या अंदाजानुसार, बंगालच्या उपसागरात कमी दाबाचा पट्टा तयार झाल्यामुळे 21 ऑक्टोबरपासून पुढील 5 दिवस वादळी वाऱ्यांसह जोरदार पाऊस येण्याची शक्यता आहे.

21/10/2025 16:06:39

आम्ही बाॅम्ब फोडण्याच्या तयारीत लोक त्याला सपोर्ट करतील, वर्षा गायकवाड काय म्हणाल्या?

वर्षा गायकवाड टिक टॅक
- दिवाळीत फटाके वाजतात मात्र राजकारणात फटाके फोडण्याचा काही जण प्रयत्न करत आहे मात्र ते फुसके निघत आहेत
- ⁠आम्ही मात्र बाॅम्ब फोडण्याच्या तयारीत आहे आणि लोक त्याला सपोर्ट करतील
- ⁠ देशामध्ये जे संविधान मानत नाहीत त्यांच्यासोबत आम्ही जाणार नाही
- ⁠ महायुतीत बेबनाव आहे आपण पाहतोय की एकमेकांवरती आरोप करताना पाहायला मिळतात
- ⁠ लोकसभेमध्ये आम्हाला मनासारख्या जागा मिळाल्या नाही त्यामुळे आमचा तोटा झाला
- ⁠ आताची ही निवडणूक लोकांची आणि पदाधिकाऱ्यांच्या आहे त्यामुळे त्यांना न्याय मिळाला पाहिजे
- ⁠ त्यासाठी आम्ही आमच्या भावना पक्ष श्रेष्ठींना कळवू आणि ते निर्णय घेतील
- ⁠ याआधी भाजप आणि शिवसेना एकत्र लढली होती त्यावेळी आम्ही वेगळं लढलो होतो
- ⁠ त्यामुळे आमची मुंबईत ताकद आहे

- मुंबई आणि मुंबईच्या बाहेर आणि ठिकाणी आग लागल्याची घटना घडली आहे
- ⁠ दुर्दैवाने यामध्ये मोठं नुकसान झालेल पाहायला मिळतय
- ⁠ राज्य सरकारने त्यांच्या पाठीशी उभा राहिला पाहिजे आणि अशा घटना घडू नये यासाठी योग्य ती पॉलिसी केली पाहिजे

21/10/2025 15:43:48

विरारमध्ये फर्निचर दुकानाला भीषण आग; चार दुकाने जळून खाक

विरार (पूर्व) येथील RJ नाक्यावर असलेल्या फर्निचर दुकानाला आज दुपारी २:४५ च्या सुमारास भीषण आग लागली. आगीचे नेमके कारण अद्याप अस्पष्ट आहे. वसई-विरार महापालिकेच्या अग्निशमन दलाने तत्काळ घटनास्थळी धाव घेतली असून, आगीवर नियंत्रण मिळवण्यासाठी शर्थीचे प्रयत्न सुरू आहेत. या दुर्घटनेत कोणतीही जीवितहानी झाली नसली, तरी चार दुकाने पूर्णतः जळून खाक झाली आहेत.

21/10/2025 15:41:11

धुळे तालुक्यातील वेल्हाने येथे एका तरुणाचा निर्घुण खून

धुळे तालुक्यातील वेल्हाने येथे एका तरुणाचा निर्घुण खून...

विकास श्रावण महाले वय 28 असे खून झालेल्या तरुणाचे नाव...

वेल्हाने गावातील ग्रामपंचायत समोर 10 ते 12 तरुणांनी केली होती रात्रीच्या सुमारास बेदम मारहाण....

जखमी अवस्थेत तरुणाला जिल्हा रुग्णालयात उपचारासाठी केले दाखल...

उपचारदरम्यान झाला मृत्यू...

लोखंडी रोडसह लाठ्या काठ्यांनी हल्ला करत तरुणाला केली होती मारहाण

तीन महिन्यापूर्वी झालेल्या भांडणाची कुरापत काढून उफळला वाद...

गावातीलच तरुणांनी केला खून केल्याची माहिती...

काही संशयीत आरोपींना पोलिसांनी घेतले ताब्यात...

21/10/2025 14:24:51

Akola : ऐन दिवाळीच्या दिवशी अकोला शहरात जोरदार पावसाला सुरूवात

Akola : ऐन दिवाळीच्या दिवशी अकोला शहरात जोरदार पावसाला सुरूवात. दिवाळी बाजारपेठेत विक्रेते आणि ग्राहकांची उडाली तारांबळ. पावसामुळे वातावरणातील उकाडा झाला कमी.

21/10/2025 13:48:24

कोल्हापूर जिल्ह्यातील कौलव जवळ भीषण अपघात; अपघातात तिघेजण जागीच ठार

कोल्हापूर जिल्ह्यातील कौलव जवळ भीषण अपघात.

अपघातात तिघेजण जागीच ठार.

डंपर आणि मोटरसायकल मध्ये भीषण अपघात.

21/10/2025 13:44:04

राष्ट्रवादी शरदचंद्र पवार पक्षाचे माजी आमदार राजीव देशमुख यांचे हृदयविकाराच्या तीव्र झटक्यांने निधन

राष्ट्रवादी शरदचंद्र पवार पक्षाचे माजी आमदार राजीव देशमुख यांचे हृदयविकाराच्या तीव्र झटक्यांने निधन झाले आहे.

राजू देशमुख हे चाळीसगाव विधानसभेचे माजी आमदार तर राष्ट्रवादी शरदचंद्र पवार पक्षाचे प्रदेश उपाध्यक्ष होते.

2009 ते 2014 या कार्यकाळात राजू देशमुख हे विधानसभेचे सदस्य होते.

राजू देशमुख यांनी चाळीसगाव नगरपरिषदेच नगराध्यक्ष पद देखील भूषवल आहे.

2014 व 2019 निवडणुकीमध्ये राजीव देशमुख यांचा पराभव झाला होता.

आगामी काळात होऊ घातलेल्या स्थानिक स्वराज्य संस्थांच्या निवडणुकीत लोकनियुक्त नगराध्यक्ष पदासाठी महाविकास आघाडी कडून राजू देशमुख यांच्या नावाची चर्चा होती.

राजू देशमुख यांच्या अकाली जाण्याने चाळीसगावच्या राजकारणात पोकळी निर्माण झाली आहे.

21/10/2025 12:48:13

धक्कादायक! बुलढाणा जिल्ह्यात नागरिक अतिसाराने त्रस्त; प्राथमिक आरोग्य केंद्राला मात्र कुलूप

बुलढाणा जिल्ह्यातील पिंपरी आडगाव या गावात अर्ध्याहून अधिक गावाला अतिसाराची लागण झाली आहे मात्र आरोग्य यंत्रणा या गावात न पोहोचल्याने नागरिकांना खाजगी दवाखान्याचा आधार घ्यावा लागत आहे आज दिवाळीचा दिवस असूनही आरोग्य यंत्रणा या गावात पोहोचली नाही मात्र याबाबत आम्ही खात्री करण्यासाठी हे गाव ज्या प्राथमिक आरोग्य केंद्राच्या कार्य कक्षेत येतो त्या प्राथमिक आरोग्य वानखेड येथे पोहोचलो असता चक्क हे प्राथमिक आरोग्य केंद्र कुलूप बंद दिसलं एकीकडे नागरिक अतिसाराने त्रस्त आहेत आणि दुसरीकडे मात्र प्राथमिक आरोग्य केंद्र कुलूप बंद आहे या प्राथमिक आरोग्य केंद्रात दोन वैद्यकीय अधिकारी कार्यरत असून अनेक कर्मचारी आहेत मात्र प्राथमिक आरोग्य केंद्राला कुलूप आहे शासकीय नियमानुसार प्राथमिक आरोग्य केंद्र ही 24 तास सुरू असायला हवं मात्र शेकडो लोक अतिसाराने त्रस्त असूनही प्राथमिक आरोग्य केंद्राला चक्क कुलूप असल्याचं समोर आलं आहे आणि विशेष म्हणजे हे केंद्रीय आरोग्य मंत्री प्रतापराव जाधव यांच्या गृह जिल्ह्यात घडतंय

21/10/2025 11:26:17

बुलढाणा जिल्ह्यातील पिंप्री गावात डायरियाची लागण; ऐन सणासुदीच्या काळात ग्रामस्थ आजारी

बुलढाणा जिल्ह्यातील संग्रामपूर तालुक्यामधल्या दुर्गम अशा पिंप्री आडगाव या गावात दिवाळीच्या दिवशी अतिसाराची लागण मोठ्या प्रमाणात झालेली आहे... या गावांमध्ये नळ योजना कार्यान्वित नसून ग्रामस्थांना एका विहिरीवरून पाणी भरावे लागते.. विहिरीला जे झरे फुटलेले आहेत ते दूषित पाण्याचे असल्यामुळे या ग्रामस्थांना अतिसाराची लागण झाली असं ग्रामस्थ सांगतात.... अतिसाराची लागण झाल्यानंतर खरंतर आरोग्य यंत्रणा या ठिकाणी पोहोचायला हवी होती मात्र ग्रामस्थांनी आरोप केलाय की यंत्रणा या ठिकाणी पोहोचलीच नाही.... त्यांना खाजगी रुग्णालयात जावे लागते.... किंवा किमान सात किलोमीटर दूर कच्चा रोड पार करत वानखेड येथील प्राथमिक आरोग्य केंद्रात जावे लागते...दिवाळीच्या दिवशीच गावावर अतिसाराच संकट गावावर आल्याने नागरिक हैरान झाल्याच चित्र आहे

21/10/2025 10:59:25

काँग्रेसचे माजी आमदार दिलीप माने यांच्या भाजप प्रवेशाआधीच पक्षात दुफळी

काँग्रेसचे माजी आमदार दिलीप माने यांच्या भाजप प्रवेशाआधीच पक्षात दुफळी

पार्टी विथ डिफरन्स म्हणणाऱ्या भारतीय जनता पार्टीत भाजपचे कार्यकर्तेच भाजप कार्यालयासमोर धरणे आंदोलन करणार आहेत

जिल्ह्यातील काँग्रेस-राष्ट्रवादी काँग्रेसचे चार माजी आमदार भाजपात प्रवेश करणार आहेत

मात्र आता या काँग्रेसचे माजी आमदार दिलीप माने यांच्या भाजप प्रवेशाला भाजप पदाधिकाऱ्यांकडूनच विरोध करण्यात येत आहे

याविरोधात भारतीय जनता पार्टीचे दक्षिण सोलापूर तालुक्यातील पदाधिकारी धरणे आंदोलन

घोटाळ्यात बुडालेल्या आणि जनतेची फसवणूक करणाऱ्या कलंकित नेत्यांच्या पक्ष प्रवेशाचा जाहीर निषेध आम्ही करणार आहोत अशा आशयाची फेसबुक पोस्ट अप्पासाहेब मोटे या भाजप कार्यकर्त्याने केली आहे.

त्यामुळे आज भाजप कार्यालयासमोरील धरणे आंदोलन कोणत्या वळणावर जाते हे पाहणे महत्वाचे आहे

21/10/2025 10:59:23