पुणे अपघाताप्रकरणी पोलिसांनी फास आवळला, आणखी दोन गुन्हे दाखल करणार, विशाल अगवरवालचा पाय खोलात!

Maharashtra News LIVE Updates : दिवसभरातील राजकीय, क्रीडा, गुन्हेगारी जगतातील ताज्या घडामोडी आणि इतर महत्त्वाचे अपडेट्स वाचा एका क्लीकवर

प्रज्वल ढगे Last Updated: 24 May 2024 08:44 PM

पार्श्वभूमी

मुंबई : कल्याणीनगर अपघात प्रकरणाची सध्या देशभरात चर्चा होत आहे. नुकतेच या घटनेतील विधिसंघर्ष मुलाने अपघातावर एक रॅप साँग तयार केल्याचा दावा केला जात होता. त्यानंतर या मुलाच्या आईने समोर येऊन व्हायरल व्हिडीओत दिसणारा माझा मुलगा नाही, असे स्पष्टीकरण दिले आहे. त्यामुळे या प्रकरणाबाबत आजदेखील मोठ्या घडामोडी घडण्याची शक्यता व्यक्त केली जात आहे. दुसरीकडे सध्या देशात निवडणुकीचे वातावरण आहे. महाराष्ट्रातील सर्व 48 जागांसाठी मतदान झालेले आहे. त्यामुळे कोणत्या जागेवरुन कोण बाजी मारणार याबाबत अनेक तर्कवितर्क लावले जात आहेत. दुसरीकडे संपूर्ण महाराष्ट्रात उन्हाच्या झळा वाढल्या आहेत. विदर्भ, मराठवाड्यात उन्हामुळे अंगाची काहिली होत आहे. मराठावाड्यातील अनेक जिल्ह्यांत दुष्काळसदृश स्थिती निर्माण झाली आहे. येथील शेकडो गुरांना चारा मिळेनासा झालाय. याबाबत जमेल त्या मार्गाने मदत करण्याचे आश्वासन राज्य सरकारने दिले आहे. तर दुसरीकडे साताऱ्यासारख्या जिल्ह्यात अवकाळी पावसाने धुमाकूळ घातलाय. त्यामुळे राज्यात कुठे दुष्काळसदृश स्थिती तर कुठे अवकाळी पाऊस, अशी स्थिती आहे. या सर्व घडामोडींसह इतरही राष्ट्रीय, आंतरराष्ट्रीय, राज्य पातळीवरच्या सर्व घडामोडींचा आढावा घ्या एका क्लीकवर....

24/05/2024 20:44:48

उष्माघातामुळे छत्रपती संभाजीनगरमधील शेतकऱ्याचा मृत्यू

संभाजीनगर जिल्ह्यात सोयगाव तालुक्यातील कवली येथे उष्माघात मुळे शेतकऱ्यांचा मृत्यू झाला. शेतातून खरीप पूर्व मशागतीची कामे आटोपून दुपारी घरी आलेल्या शेतकऱ्यांला सायंकाळी घाम आल्यामुळे अत्यवस्थ होऊन त्रास जाणवू लागला होता. त्यामुळे त्यास तातडीच्या उपचारासाठी पिंपळगाव येथे हलविण्यात आले होते. पुढील उपचारासाठी पाचोरा येथे घेऊन जात असताना त्यांचा उष्माघातमुळे मृत्यू झाला. प्रकाश भागवत तराल (वय 62) असे उष्मांघात मुळे मृत्यू झालेल्या शेतकऱ्यांचे नाव आहे.