Maharashtra Breaking News Live Updates: महाराष्ट्रासह देशभरातील महत्त्वाच्या घडामोडी, वाचा एका क्लिकवर...
Maharashtra Breaking News Live Updates: महाकुंभ मेळाव्यात संगम किनाऱ्यावर चेंगराचेंगरीची घटना घडली. यामध्ये 10 जणांचा मृत्यू झाला असून अनेकजण जखमी झाले आहेत. यासह विविध बातम्यांचे अपडेट्स...
पार्श्वभूमी
Maharashtra Breaking News Live Updates: प्रयागराजमध्ये महाकुंभ मेळाव्यात संगम किनाऱ्यावर चेंगराचेंगरीची घटना घडली. यामध्ये 10 जणांचा मृत्यू झाला असून अनेकजण जखमी झाले आहेत. अमृतस्नानापूर्वी रात्री दीडच्या सुमारास चेंगराचेंगरी झाली. संगम...More
वर्धा: सेवाग्राम आश्रम प्रतिष्ठानचे माजी अध्यक्ष आणि जेष्ठ गांधीवादी मा. म. गडकरी यांचे आज निधन झाल्याची माहिती समोर आली आहे. मा. म. गडकरी हे सण 2008 ते 2013 पर्यत सेवाग्राम आश्रम प्रतिष्ठानचे अध्यक्ष राहिले आहेत. ते बालपणापासून गांधी विचाराशी जुडून राहिले होते. दरम्यान, आचार्य विनोबा भावे यांच्यासोबत देखील विविध चळवळीत त्यांनी काम केले होतं. सोबतच त्यांनी महात्मा गांधी यांच्या विचारांचा प्रचार प्रसार केला. तसेच ते दारुबंदी चळवळीत ही सक्रिय राहिले आहेत. मा. म. गडकरी हे मूळचे वर्ध्याच्या सेलू तालुक्यातील हिवरा या गावचे रहिवासी होते. दरम्यान नागपूर येथील निवसस्थानी आज सकाळी साडेदहा वाजता त्यांचे दुख:द निधन झाले आहे. या बातमीने सर्वत्र शोककळा पसरली आहे.
भाजपकडून आगामी स्थानिक स्वराज्य संस्थांच्या निवडणुकीच्या दृष्टीने मोर्चेबांधणी करण्यात येत आहे.
भाजपच्या वरिष्ठ नेत्यांची बैठक सुरु असल्याची माहिती पुढे आली आहे.
भाजपचे सहसंघटन मंत्री शिवप्रकाश यांच्या अध्यक्षतेखाली बैठक संपन्न होत आहे.
भाजप प्रदेशाध्यक्ष चंद्रशेखर बावनकुळे, कार्यकारी अध्यक्ष रविंद्र चव्हाण बैठकीस उपस्थित झाले आहे.
भाजप सदस्य नोंदणी बाबतीत आढावा घेतला जाणार असल्याची माहिती पुढे आली आहे.
गोंदिया: शहरालगत असलेल्या खमारी येथे आज सकाळी गॅस सिलेंडरचा स्फोट झाल्याने घराला आग लागली. या आगीमध्ये जीवनापयोगी साहित्याची राखरांगोळी झाली. गोंदिया शहरालगत असलेल्या खमारी येथील इंद्रकुमार उके यांच्या घरी आज सकाळच्या सुमारास अचानक सिलेंडरच्या स्फोट झाला. स्पोट इतका भीषण होता की यामुळे संपूर्ण घराला आग लागली. सुदैवाने या आगीमध्ये कुठलीही जीवित हानी झाली नाही. मात्र, जवळपास 3 लाख रुपयांचे जीवनपयोगी साहित्याचे यात नुकसान झाले आहे. नगर परिषदेच्या अग्निशमन दलाने वेळीच घटनास्थळी धाव घेत आटोक्यात आणली.
उपमुखमंत्री अजित पवारांच्या मंत्रालयातील दालनात बीड आणि नाशिक जिल्हा बँकेच्या संदर्भात बैठक
बीड डीपीडीसी बैठकी आधी मंत्री पंकजा मुंडे अजित पवारांच्या भेटीला
तसेच मंत्री माणिकराव कोकाटे, नरहरी झिरवाळ यांची उपमुखमंत्री अजित पवार यांच्यासोबत नाशिक जिल्हा बँक प्रकरणी बैठक सुरू
नाशिक जिल्हा बँक अडचणीत असल्यामूळ लोकप्रतिनिधी उपमुखमंत्री अजित पवार यांच्या भेटीला
नांदेड : कुंभमेळ्यात झालेल्या चेंगराचेंगरीच्या घटनेबाबत राज्यपाल सी पी राधाकृष्णन यांनी संवेदना व्यक्त केल्या. विद्यापीठाच्या दीक्षांत समारंभासाठी राज्यपाल नांदेड दौऱ्यावर आले आहेत, त्यावेळी त्यांनी शोक व्यक्त केला. कुंभ मेळ्यात सुरक्षेच्या सर्व उपाययोजना करण्यात आल्या आहेत. मात्र अपेक्षेपेक्षा जास्त भाविक आल्याने चेंगराचेंगरी झाल्याचे राज्यपाल म्हणाले. घटनेत मृत्युमुखी पडलेल्या भाविकांच्या कुटुंबाला दुःख पचवण्याचे बळ मिळो अशी प्रार्थना राज्यपालांनी केली.
आज मौनी अमावस्येला प्रयागराज महाकुंभात आखाड्यांचे अमृतस्नान होणार नाही. देवतांना केवळ प्रतीकात्मक स्नान केले जाईल. केवळ परंपरांचे पालन केले जाईल. जास्तीत जास्त पंचवीस ते तीस संन्यासी देवतेसह साधेपणाने संगमाला जातील. मोठे संत-महात्मे जाणार नाहीत. शाही रथ आणि वाद्ये नसतील. आखाडा परिषदेचे अध्यक्ष महंत रवींद्र पुरी यांनी दिलेल्या माहितीनुसार, संत महात्मे देवतेच्या स्नानातच स्नान करतील.
धनंजय मुंडे कृषि मंत्री असताना डीबीटी च्या सरकारमान्य धोरणाला फाटा देत शेतकऱ्यांना थेट काही कृषी निविष्ठांचा (शेतीसाठी आवश्यक वस्तूंचा) बॅटरी ऑपरेटेड स्प्रेयर पंप जास्त दराने खरेदी करून शेतकऱ्यांना वाटप केल्याप्रकरणी नागपूर खंडपीठात दाखल असलेल्या याचिकेवर आज सुनावणी होण्याची शक्यता.. गेल्या सुनावणीच्या वेळेला खंडपीठाने राज्य सरकारला 14 दिवसात उत्तर देण्यास सांगितले होते... आज राज्य सरकार त्या संदर्भात उत्तर देते की आणखी वेळ मागून घेते हे स्पष्ट होईल...
मनोज जरांगे यांच्या उपोषण आंदोलनाला धनंजय देशमुख यांनी एक दिवसाचे उपोषण करत पाठिंबा दिला..स्वर्गीय संतोष देशमुख यांच्या हत्येच्या घटनेला पन्नास दिवस उलटले असून कुटुंबाच्या वेदना कायम असून पोलिसांचा तपास आपले काम मार्गी लावत असून. त्यावर त्यांनी समाधान व्यक्त केला आहे. अजूनही कुटुंबाच्या वेदनात तेवढ्याच कायम आहेत..आरोपी अटक होत आहेत, त्यामुळे तपासात आशेचा किरण..तपस यंत्रणेचे रोज एक काम सुरू आहे ते काम मार्गी लावत आहेत, ते पण सतर्क आहेत..तपास ज्या दिवशी पूर्ण होईल त्या दिवशी मी व्यक्त होईल...
मी माझ्या मित्रांसोबत चहापाण्यासाठी बसलो होतो..त्या ठिकाणी आरोपी आणि एपीआय आले..माझी आणि आरोपीची चर्चा त्या ठिकाणी झाली नाही. चहा झाल्यानंतर मी बिल दिले.
मला कल्पना असती तर मी पोलिसांकडे गेलो असतो. आरोपींना आरोपीचे टार्गेट पूर्ण केलं मात्र आपण आपला चांगुलपणा केला होता पण आरोपींनी घात केला..माझ्याकडे आलेल्या लोकांचं अतिथी देवो भव चा बोर्ड लावलेला आहे त्याचे प्रतीक आहे कोणी जरी बाहेरचा असलं त्याला पाहुणचार करणे आपलं काम आहे त्या भावनेतून मी साहेबांसाठी (API)बिल दिले.
एनसीपी आमदार समोर धनंजय मुंडे यांनी मांडली भूमिका
पक्ष आणि अजित दादा यांनी आदेश दिला तर लगेच राजीनामा देईल, तेच ठरवतील माझ्या विषयी काय करायचे - मुंडे
काल रात्री अजित पवार समोरच मुंडे यांनी भूमिका मांडताना होत असेलेल्या आरोप संदर्भात सर्व एनसीपी आमदार समोर भूमिका मांडली
मुंडे यांच्या विषयी आरोप केलेले दमानिया भेटी विषयी माहिती अजित पवार यांनी सर्व पार्टी आमदार यांना दिली. दमानिया दिलेले सर्व कागदपत्रे सीएम यांच्याकडे दिल्याचे अजित पवार यांनी सर्व आमदारांना बैठकीत सांगितले.
धनंजय मुंडे यांनी वैयक्तिक काहीजण राग ठेवत आरोप करत असल्याचा खुलासा बैठकीत केला.
सैफअली खान प्रकरणातील आरोपी मोहम्मद शहजाद याची पोलिस कस्टडी आज संपणार
सैफ अली खान प्रकरणातील आरोपी मोहम्मद शहजाद याला आज वांद्रे कोर्टात हजर केलं जाईल
पोलिसांकडून त्याच्या अधिक चौकशीसाठी पून्हा पोलिस कोठडी मागण्याची शक्यता
आरोपीविरोधात भक्कम पुरावे असल्याचा मुंबई पोलिसांचा दावा
आरोपी शरिफुल मे महिन्यात कोलकाता येथे आला असता काही दिवस तो तेथील पदपथावर राहत होता.
त्या पदपथाच्या शेजारी असलेल्या रुग्णालयात एका महिलेचा पती दाखल होता.
आरोपीने या महिलेचा मोबाईल चोरला. पण ती गरीब व अशिक्षीत असल्यामुळे तिने याप्रकरणी पोलिसांकडे तक्रार केली नाही.
आरोपीची त्या मोबाइलमधील सीमाकार्ड वापरत आहे, अशी माहिती आतापर्यंतच्या तपासात निष्पन्न झाली आहे.
पुण्यातील विविध भागात जीबीएसचे रुग्ण आढळले आहेत.
याची गंभीर दाखल आता केंद्राने घेतली आहे
केंद्राच सात सदस्यीय पथक नांदेड गावातल्या विहिरीला भेट देणार आहे
विहिरीतील पाण्याची पाहणी करणार आहे
केंद्रीय पथकात राष्ट्रीय रोग नियंत्रण केंद्र (दिल्ली), निम्हान्स (बंगळुरू), पुण्यातील आरोग्य आणि कुटुंब कल्याण विभागीय कार्यालय आणि राष्ट्रीय विषाणुविज्ञान संस्था (एनआयव्ही) या संस्थांमधील सात तज्ज्ञांचा समावेश आहे.
वाघांचे मृत्यू रोखण्यासाठी वन मंत्री गणेश नाईक यांचे कठोर निर्देश
अवैध शिकाऱ्यांची माहिती मिळण्यासाठी खबऱ्यांची नेमणूक करा
व्याघ्र संरक्षण दलातील पथकामार्फत अतिसंवेदनशील क्षेत्रात नियमित गस्त करा
डॉग स्कॉड अंतर्गत सुध्दा गस्ती करून शिकारी हालचालीवर नियंत्रण ठेवा
अतिसंवेदनशील क्षेत्रात बिनतारी संदेश यंत्रणा कार्यान्वित
सायबर सेलच्या माध्यमातून शिकारीच्या घटनांमधील आरोपींचा शोध घ्या
अतिसंवेदशील क्षेत्रात तपासणी नाक्यांवर करून चौकशी करा
वाघाचे भ्रमणमार्ग, पाणवठे व महत्वाचे ठिकाणी कॅमेरा ट्रॅप लावून संशयास्पद हालचालींवर पाळत ठेवा
शेगाव येथील संत गजानन महाराज मंदिरात ड्रेस कोड अथवा कुठलीही नियमावली लागू नाही.
मंदिरात येताना भक्त आपसूकच नियम पाळतात - मंदिर प्रशासन.
आज पासून मुंबईतील सिद्धिविनायक मंदिरात भाविकांसाठी ड्रेस कोड लागू करण्यात आला आहे....एकीकडे राज्यातील महत्त्वाच्या व मोठ्या देवस्थानात भक्तांसाठी नियमावली बनवल्या जात आहे तर कुठे ड्रेस कोड लागू होत आहे.. मात्र दुसरीकडे याला अपवाद आहे शेगाव येथील संत गजानन महाराज मंदिर......या मंदिर परिसरात असा कुठलाही नियम मंदिर प्रशासनाने लागू केलेला नाही. या ठिकाणी आलेला प्रत्येक भक्त संत गजानन महाराजांनी त्या काळी घालून दिलेले नियम जसे शांतता ठेवणे , स्वच्छता ठेवणे स्वतःहून पाळतात... मंदिर परिसरात कुठलाही भाविक भारतीय संस्कृतीला शोभेल असेच वस्त्र परिधान करून येतात. त्यामुळे संस्थानाने कुठलीही नियमावली बनवली नाही व लागू ही केली नाही व त्याची आवश्यकता ही या मंदिरात जाणवत नाही अस भक्तांच म्हणणे आहे . या मंदिरात येणारा प्रत्येक भाविक स्वतःहूनच संत गजानन महाराजांनी घालून दिलेल्या नियम पाळत असतो...
बीडच्या मस्साजोग येथील सरपंच संतोष देशमुख हत्या प्रकरणाचे पडसाद मुंबईत ?
देशमुख कुटुंबियाची भेट घेत घटनेच्या निषेधार्थ माध्यमांना मुलाखत दिल्याचा रागातून जातीवाचक शिवीगाळ
संबधित चॅनेलच्या कमेंट बाॅक्समध्ये अश्लील जतिवाचक शिवीगाळ केल्याचा आरोप
संदीप पट्टेकर, प्रतीक दराडे, कृष्णा मुंडे या तिघांवर घाटकोपर पोलिस ठाण्यात गुन्हा दाखल
हे तीनही आरोपी वाल्मिक कराड यांचे समर्थक असल्याचा तक्रारदार यांचा दावा
बारामतीत स्टंटबाजी करणाऱ्या दोघांवर गुन्हा दाखल
बारामती शहरातील एमआयडीसी परिसरात बेफाम चालवलेल्या दोन 'स्टंट कारच्या' व्हायरल व्हिडीओवरून त्यांच्यावर गुन्हा नोंद करण्यात आला आहे. बारामती वाहतूक शाखेचे पोलीस निरीक्षक यादव यांनी चुकीच्या पद्धतीने वाहन चालवणाऱ्यांची माहिती कळवावी असे आवाहन व्हाट्सअप मेसेज द्वारे केले होते. त्याचा सकारात्मक परिणाम दिसून आला. बारामती एमआयडीसी परिसरातील पेन्सिल चौक ते गदीमा चौक या रहदारीच्या रस्त्यावर दोन चारचाकी वाहणांनी स्टंटबाजी करून स्वतःच्या अणि इतरांच्या जीवितास धोका निर्माण केल्याचा व्हिडीओ सोशल मीडियावर व्हायरल झाला होता. त्यामध्ये एक टाटा पंच तर दुसरी पोलो गाडी असल्याचे दिसत होते. हा स्टंट जर चालकाच्या अंगलट आला असता तर यात अनेकांना जीवही गमवावा लागला असता. हा गुन्हा 25 जानेवारी रोजी घडला असल्याचे सिद्ध झाले तर 27 जानेवारीला टाटा पंच तसेच वोक्सवॅगन कंपनीच्या पोलो गाडीच्या वाहनचालकांवर बारामती पोलीस ठाण्यात गुन्हा दाखल करण्यात आला आहे. मयूर आव्हाड आणि तेजस मनोज कांबळे या स्टंटबाजी करणाऱ्यांचे विरोधात बेदरकारपणे वाहन चालविणे चा गुन्हा दाखल करण्यात आला आहे.
जळगाव जिल्ह्यातील जामनेर मधील सोनबर्डी परिसरात असलेल्या स्विमिंग पूल मध्ये 15 वर्षीय मुलाचा बुडून दुर्दैवी मृत्यू झाला असून संकेत पाटील असे मृत मुलाचे नाव आहे. सोनबर्डी परिसरात नगर परिषदेच्या वतीने स्विमिंग पूलचे काम सुरू असून स्विमिंग पूल पाहण्यासाठी मित्रांसोबत गेलेल्या संकेतचा तोल गेल्याने स्विमिंग पूलच्या पाण्यात बुडून त्याचा दुर्दैवी मृत्यू झाला आहे, या घटनेमुळे जामनेर शहरात हळहळ व्यक्त केली जात आहे.
ठाणे जिल्ह्यात शिवसेनेला आव्हान देण्याची तयारी भाजपने केली आहे का असा प्रश्न पडतो आहे, कारण पालघरचे पालकमंत्री गणेश नाईक यांनी ठाण्यात देखील जनता दरबार घेणार असल्याचे जाहीर केले आहे.
जनतेच्या प्रेमाखातर मी गडकरी रंगायतनमध्ये जनता दरबार भरवणार, मी पालघर जिल्ह्याचा पालकमंत्री असलो तरी ठाण्यामध्ये दर दोन महिन्यांनी जनता दरबार आयोजित करणार असल्याची घोषणा ठाण्यात राज्याचे वनमंत्री आणि पालघरचे पालकमंत्री गणेश नाईक यांनी मंगळवारी केली.
ठाण्यामध्ये येत्या निवडणुकीत 'ओन्ली कमळ' फुलवायचे आहे. शहरातील भाजप नेत्यांची तीच इच्छा आहे, असे सांगत पक्षाने ठाण्याची जबाबदारी माझ्याकडे दिली आहे. तेव्हा ठाणे सुरळीत करण्याचे कामही माझेच असल्याचे मत नाईक यांनी व्यक्त केले.त्यामुळे एकप्रकारे उपमुख्यमंत्री एकनाथ शिंदे यांचे वर्चस्व असलेल्या ठाणे शहर आणि ठाणे जिल्ह्यात आगामी पालिका निवडणुकांमध्ये महायुतीत जोरदार कलगीतुरा रंगण्याची चर्चा या निमित्ताने राजकीय वर्तुळात सुरु झाली आहे.
यावर अजून शिवसेनेची प्रतिक्रिया आलेली नसली तरी नवीन सरकार आल्यापासून एकनाथ शिंदेंची एकूणच नाराजी लक्षात घेता हा वाद देखील मोठा होण्याची शक्यता वर्तवण्यात येत आहे.
भाजपचे ज्येष्ठ नेते गणेश नाईक यांना राज्याचे वनमंत्री व पालघरचे पालकमंत्री म्हणून जबाबदारी दिल्याच्या निमित्ताने ठाणे कोपरी मंडल भाजप युवामोर्च्याच्या वतीने नाईक यांचा भव्य नागरी सत्कार कोपरीत आयोजित करण्यात आला होता.हा कार्यक्रम देखील एकनाथ शिंदे यांच्याच मतदारसंघात पार पडला.
मौनी अमावस्या निमित्ताने नाशिकच्या रामकुंडावर भाविकांनी गर्दी केली आहे, पहाटे पासुनच गोदावरीच्या पवित्र स्नानासाठी भाविक रामकुंडावर येत आहेत. ज्या भाविकांना प्रयागराज ला कुंभमेळा जाता आले नाही ते भाविक नाशिकच्या रामकुंडावर स्नानासाठी आले आहेत, प्रयागराज च्या दुर्घटनेत आज अनेक भाविकांचा मृत्यू झालाय. नाशिकमधे 2027 ला कुंभमेळा भरतोय, त्यामुळे प्रयागराज ची दुर्घटना टाळण्यासाठी गर्दीवर नियंत्रण मिळवण्यासाठी आतापासूनच नियोजन करण्याची मागणी दिंडोरी खासदार भास्कर भगरे यांनी केली आहे. नियोजन बैठकीत अजूनही खासदार, लोकप्रतिनिधी ना बोलवले जात नसल्याची खंत ही त्यांनी व्यक्त केली आहे,
आज सकाळी ११ वाजता आजारी असलेल्या बीड आणि नाशिक जिल्हा बँकेच्या बाबत अजित पवारांनी बैठक बोलावली
निवडणुक काळात अजित पवारांकडून संबंधित बँका आर्थिक अडचणीतून बाहेर काढू असं आश्वासन देण्यात आलं होतं
गेल्या काही दिवसांपासून कर्ज आणि परतफेड यांचा ताळमेळ बसत नसल्याने सरकारने नाशिक बँकेवर निर्बंध लादले आहेत परिणामी खातेदार, सहकारी सोसायट्या पैसे मिळत नसल्याने अडचणीत आहेत
बीड जिल्हा बँकेत देखील अनेक घोटाळे उघडकीस आल्यामुळे बँकेवर प्रशासक नेमण्यात आला आहे
बीड बँकेच आजारपण दूर करण्यासाठी ५०० कोटींची तर नाशिक जिल्हा बँकेला ६५० कोटींची गरज असल्याची सूत्रांची माहिती
मंत्री धनंजय मुंडे दिल्लीतून बैठकीला ऑनलाइन उपस्थित राहणार
राज्यातील अडचणीतील बँकांसंदर्भात अजित पवार काही महत्वपूर्ण निर्णय घेणार का याकडे लक्ष
एक किलोमीटर परिसरातील पक्ष्यांची शास्त्रोक्त पद्धतीने विल्हेवाट; दहा किलोमीटरचा परिसर अलर्ट झोन
उदगीर येथील रामनगरमध्ये कुक्कुट पक्ष्यांना बर्ड फ्ल्यूचे निदान झाले आहे. भोपाळ येथील राष्ट्रीय उच्च सुरक्षा पशुरोग संस्थेचा याबाबतचा अहवाल प्राप्त झाला आहे. येथील एक किलोमीटर परिसरातील कुक्कुट पक्ष्यांची शास्त्रोक्त पद्धतीने विल्हेवाट लावण्याची कार्यवाही सुरू करण्यात आली आहे.
उदगीर शहरातील कावळ्यांचा बर्ड फ्ल्यूने मृत्यू झाल्याचे निष्पन्न झाल्यानंतर प्रतिबंधात्मक उपाययोजना हाती घेवून शहरातली कुक्कुट पक्ष्यांचे वैद्यकीय नमुने तपासणीसाठी प्रयोगशाळेत पाठविण्यात आले होते. त्यापैकी रामनगर येथील कुक्कुट पक्ष्यांचा बर्ड फ्ल्यू विषयक तपासणी अहवाल सकारात्मक आला आहे. त्यामुळे या रोगाचा प्रादुर्भाव रोखण्यासाठी प्रादुर्भाव क्षेत्राच्या एक किलोमीटरच्या परिसरातील देशी आणि व्यावसायिक पक्ष्यांना शास्त्रोक्त पद्धतीने नष्ट करण्याचे आदेश देण्यात आले आहेत. त्यानुसार अंडी, खाद्यपदार्थ आणि पक्ष्यांचे सर्व अवशेषही नष्ट केले जात आहेत. तसेच या परिसराच्या निर्जंतुकीकरणाची कार्यवाही सुरू करण्यात आली आहे. यामध्ये पशुसंवर्धन विभाग, महसूल विभाग, वन विभाग, नगरपालिका, पोलीस प्रशासन, जलसंपदा, बांधकाम, भूमि अभिलेख आणि परिवहन विभागाचे अधिकारी, कर्मचारी सहभागी झाले आहेत.
10 किलोमीटर परिसर अलर्ट झोन घोषित
बर्ड फ्ल्यूचा फैलाव रोखण्यासाठी प्रादुर्भाव क्षेत्राभोवती 10 किलोमीटरचा परिसर अलर्ट झोन म्हणून घोषित करण्यात आला आहे. या झोनमध्ये नागरिकांनी प्रशासनाच्या सूचनांचे काटेकोर पालन करावे, असे आवाहन करण्यात आले आहे. या परीसरात निर्जंतुकीकरण करण्यासोबतच परिसरात कुक्कुट पक्ष्यांचे वैद्यकीय नमुने तपासणीसाठी प्रयोगशाळेकडे पाठवण्यात येणार आहेत.
तुमच्या जिल्ह्यात वाळू आणि कशाच्या गाड्या भरपूर .. सगळी आपलीच मोठी असल्याने मी मागे जिल्हाधिकाऱ्यांना दुर्लक्ष करण्यास सांगितले होते .. जलसंपदा मंत्री विखे पाटील यांच्या वादग्रस्त वक्तव्याने वाळू माफिया सत्ताधाऱ्यांचे जवळचे असल्याचे गुपित उघड झाले.
टेंभुर्णी येथे आपल्या भाषणात बोलताना तुमच्या जिल्ह्यात वाळू आणि क्रेशरच्या च्या भरपूर गाड्या चालतात असे सांगत जयकुमार तुम्हाला याकडे लक्ष द्यावे लागेल असे सांगितले. मी पालकमंत्री असताना अनेक वेळेला याबाबत तक्रारी व्हायच्या पण मी जिल्हाधिकारी कुमार आशीर्वाद यांना याकडे दुर्लक्ष करण्याचे सांगितले होते .. कारण हे घेऊन जाणारे सगळे आपलेच लोक आहेत असे सांगत वाळू आणि खडीच्या गाड्यांना अभय द्या असे सूचक वक्तव्य भाषणात विखे पाटील यांनी जयकुमार गोरे यांना केल्याने खळबळ उडाली आहे.
सध्या सोलापूर जिल्ह्यात वाळू माफियांनी थैमान घातला असून चंद्रभागेच्या वाळवंटाची दैना अवस्था झाली आहे. अशावेळी विखे पाटील यांचे वक्तव्य भाजपला अडचणीत आणणारे ठरणार आहे.
मौनी आमावस्या निमित्त अमृतस्नानासाठी कुंभमध्ये जाता येत नाही त्याच्यासाठी गोदावरी पत्रात स्थान व्हावं म्हूणन जायकवाडी धरणातून नदीपात्रात पाणी सोडण्यात आले आहे. आज सकाळी 06:00 वा. शाहीस्नान निमित्त येणाऱ्या वारकरी आणि भाविकांसाठी जायकवाडी धरणाचे द्वार क्र. 10, 27, 18 व 19 हे 0.5 फुट उघडून 2096 क्युसेकने विसर्ग सुरु करुन 1 दलघमी पाणी गोदावरी नदीपात्रात सोडण्यात आलं आहे
पुण्यात गाडी तोडफोडीचे सत्र सुरूच
सलग दुसऱ्या दिवशी केली गाड्यांची तोडफोड,
पुण्यातील दत्तवाडी लक्ष्मी नगर पर्वती परिसरातील घटना
चार चाकी आणि रिक्षा ची केली तोडफोड
शहरात तोडफोडी सत्र सुरूच
पुण्यातील पर्वती पोलीस स्टेशन हद्दीतील घटना
आज सकाळी सात ते आठ वाहनांची केली तोडफोड
अधिक तपास पोलीस करत आहेत
सायन पनवेल मार्गावर भीषण अपघात.
दोन रिक्षा आणि कार मध्ये विचित्र अपघात झाला आहे..
मुंबई ला जाणाऱ्या मार्गावर हा अपघात झालाय .
अपघातात दुर्दैवानं एका रिक्षाचालकाचा मृत्यू .
याप्रकरणी तुर्भे एमआयडीसी पोलीस ठाण्यात गुन्हा दाखल.
स्टार इंडिया प्रायव्हेट लिमिटेड चे मनसे अध्यक्ष राज ठाकरे यांना पत्र
पत्रात खालील उल्लेख
आम्ही, स्टार इंडिया प्रायव्हेट लिमिटेड, डिजिटल/ऑनलाइन ऑडिओ-व्हिज्युअल स्ट्रीमिंग प्लॅटफॉर्मचे मालक आहोत आणि ऑपरेट करतो, जे सध्या Disney+ Hotstar म्हणून ओळखले जाते.
ICC चॅम्पियन्स ट्रॉफी २०२५ ("चॅम्पियन्स ट्रॉफी") च्या संदर्भात डिस्ने + हॉटस्टार वर १९ फेब्रुवारी २०२५ ते ९ मार्च २०२५ पर्यंत प्रसारित होणार आहे, सुरू करण्याचा प्रस्ताव ठेवत आहोत.
यानुसार, आम्ही तुम्हाला कळवू इच्छितो की आम्ही चॅम्पियन्स ट्रॉफीचे भारताचे सामने Disney+ Hotstar वर मराठी कॉमेंट्रीमध्ये उपलब्ध करून देऊ.
पत्रात आम्ही मराठी मध्ये कॉमेंट्री उपलब्ध करू अशी माहिती देण्यात आली आहे
दोन कोटी खंडणी प्रकरणातील आणि सरपंच संतोष देशमुख हत्या प्रकरणातील आरोपी असलेल्या वाल्मीक कराड यांच्या दुसऱ्या पत्नीच्या नावाने लातूरमध्ये कोट्यावधी रुपयाची प्रॉपर्टी असल्याचे उघड झाला आहे.. वाल्मीक कराड यांची दुसरी पत्नी ज्योती मंगल जाधव यांच्या नावाने पुणे सोलापूर या ठिकाणी प्रॉपर्टी आढळून आली आहे. नंतर आता लातूरमध्ये सुद्धा आलिशान बंगला असल्याचे उघड झाला आहे..सुरेश धस यांच्या आरोपानंतर लातूरमध्ये सुद्धा प्रॉपर्टी आढळून आली आहे... लातूर शहर महानगरपालिका हद्दीतील न्यू सरस्वती कॉलनी भागात आलिशान बंगला असल्याचे समोर आले आहे.. संतोष देशमुख प्रकरणाला सुरुवात झाल्यानंतर या बंगल्याचा बांधकाम थांबला आहे..
संगम तीरावर चेंगराचेंगरी, 14 जणांचा अंत, मोदी-शाहांची सीएम योगींशी चर्चा
प्रयागराजमध्ये भाविकांचा प्रवेश रोखला.. आखाड्यांचे अमृतस्नान रद्द
शाही स्नान रद्द करण्यात आले आहे. रथावर बसलेल्या संतांनी सामान्य लोकांसोबत खाली उतरून स्नान केले. महानिर्वाणीचे बहुतेक संत कारण स्नानाच्या क्रमात ते प्रथम होते.
सीएम योगी यांना निष्पक्ष अधिकारी विजय किरण आनंद यांनी संपूर्ण प्रकरणाची माहिती दिली आहे. चेंगराचेंगरीच्या कारणांची माहिती रास्त प्रशासनाने मुख्यमंत्र्यांना दिली. DGP प्रशांत कुमार, प्रधान सचिव गृह संजय प्रसाद प्रयागराज प्रशासनाच्या सतत संपर्कात आहेत.
उद्या मुंबईत मनसे अध्यक्ष राज ठाकरे यांच्या प्रमुख उपस्थितीत मनसेचा मेळावा
विधानसभा निवडणुकीत झालेल्या पराभवानंतर मनसेचा हा पहिलाच मेळावा
वरळीतील NSCI डोम येथे पार पडणार मनसेचा मेळावा
आगामी मुंबई महानगरपालिका निवडणुकीच्या अनुषंगाने मनसे अध्यक्ष राज ठाकरे आपल्या पदाधिकाऱ्यांना करणार मार्गदर्शन
विधानसभा निवडणुकी मधील पराभव आणि आगामी मुंबई महानगरपालिका निवडणुकी संदर्भात मनसे अध्यक्ष राज ठाकरे नेमकी काय भूमिका मांडतात हे पाहणे महत्त्वाचे..
- मौनी अमावास्येच्या निमित्ताने रामकुंडावरीही स्नानासाठी मोठी गर्दी
- हिंदू धर्मात तिर्थस्थळी मौनी अमावास्येला स्नान करण्याची परंपरा
- पहाटेपासूनच रामकुंडावर स्नानासाठी भाविकांची गर्दी
- प्रयागराजला आज अमृत स्नानाचे करण्यात आले होते नियोजन
- प्रयागराजला कुंभमेळ्यासाठी जाऊ न शकणारे भाविकांची रामकुंडावर गर्दी
प्रयागराज महाकुंभमेळ्यात मौनी अमावस्येच्या स्नानाच्या उत्सवाला गर्दी वाढल्याने चेंगराचेंगरी झाली10 जणांचा मृत्यू झाला आहे.. संगम नाक्याजवळ झालेल्या चेंगराचेंगरीत डझनभर लोक जखमी झाले. डझनभर रुग्णवाहिकांमधून जखमींना सेंट्रल हॉस्पिटल महाकुंभमध्ये आणण्यात आले.
जिथे जखमींवर उपचार सुरू आहेत. अनेक गंभीर जखमींना उच्च केंद्रात पाठवण्यात आले आहे. महाकुंभमेळ्याच्या ओएसडी आकांक्षा राणा यांनी माध्यमांसमोर येऊन माहिती दिली.
संगम येथे गर्दीचा ताण वाढल्याने ही घटना घडल्याचे सांगितले. महाकुंभमेळ्याच्या मध्यवर्ती रुग्णालयाचे छावणीत रूपांतर झाले आहे. मीडिया कर्मचाऱ्यांनाही रुग्णालयात प्रवेश दिला जात नाही.
राज्यात मोठ्या प्रमाणावर गौ तस्करी आणि गौ हत्या सुरू असल्याचे आरोप करत विश्व हिंदू परिषदेने राज्य सरकार आणि देवेंद्र फडणवीस यांच्या गृह विभागाच्या कारभाराबद्दल तीव्र नाराजी व्यक्त केली आहे...
राज्यात अनेक ठिकाणी खास करून यवतमाळ जिल्ह्याच्या वणी आणि पांढरकवडा सारख्या सीमा भागात मोठ्या प्रमाणावर गौ तस्करी आणि गौ हत्येचे काम होत असताना सरकारमध्ये कोणतीही हलचल नाही ही खेदाची बाब असून पोलीस अधिकारी कारवाई करण्याऐवजी पुरावे नष्ट करण्याच्या कामात लागले आहे, हे अत्यंत दुर्भाग्यपूर्ण असल्याचे मत विश्व हिंदू परिषदेचे महाराष्ट्र व गोवा प्रांत मंत्री गोविंद शेंडे यांनी व्यक्त केले आहे..
देवेंद्र फडणवीस मुख्यमंत्री आणि गृहमंत्री असल्याने त्यांची जास्त जबाबदारी असून ते लहानपणापासून ज्या संस्कारांमध्ये मोठे झाले आहे... ते पाहता त्यांची या सर्व प्रकरणांमध्ये जास्त जबाबदारी असल्याची अपेक्षाही त्यांनी व्यक्त केली आहे...महाराष्ट्राने गाईला गोमाता जाहीर केले असून राज्यात गोहत्या प्रतिबंधक कायदा आहे.. तरीही एवढ्या मोठ्या प्रमाणावर गौ तस्करी होते आणि शासन प्रशासन गप्प बसते, ही आमच्यासाठी धक्कादायक स्थिती असल्याचे ही शेंडे म्हणाले...
गौ हत्या होऊच द्यायची होती, मग गाईला गोमाता कशाला जाहीर केले, तिच्या हत्येवर प्रतिबंध का लावले असे सवाल ही त्यांनी विचारले आहे.. सरकार स्वतः बनवलेल्या नियम कायद्यांचे पालन करणार नसेल, तर यापेक्षा दुर्भाग्यपूर्ण बाब दुसरी नाही.. सरकारने तातडीने याकडे लक्ष द्यावे अशी मागणी ही विहिंप ने केली आहे.
शिवसेना शिंदे गटाचे डहाणू विधानसभा संघटक अशोक धोडी हे 19 तारखेला घरातून बाहेर पडले होते ते मुंबईहून डहाणूपर्यंत परतल्यानंतर आपल्या घरी परतले नाहीत त्यानंतर त्यांचं अपहरण झालं असावं असा संशय आल्याने घोलवड पोलीस ठाण्यात तक्रार दाखल करण्यात आली. आणखी काळ गेला आणि त्यांचा थांग पत्ता लागत नाही म्हणून कुटुंबीयांनी त्यांचं अपहरण होऊन घातपात झाला असल्याचा संशय व्यक्त केला त्यामुळे काही संशयीताच्या नावाने तक्रार दाखल केली यामध्ये अशोक थोडी यांचे भाऊ अविनाश धोडी यांचाही समावेश होता.
पोलिसांनी वेगाने तपासाला सुरुवात केली यामध्ये पाच जणांना पोलिसांनी ताब्यात घेतले तपास सुरू असताना अंधाराचा फायदा घेऊन अविनाश धोडी तेथून पसार झाला. पोलिसांनी याप्रकरणी सहा पथक तयार करून तपासासाठी वेगवेगळ्या भागात पाठवले असून सीसीटीव्ही आणि इतर गोष्टींच्या आधारे काही धागेदोरे मिळत असल्याची माहिती ही पोलीस सूत्रांकडून मिळत असून. अशोक धोडी यांच्या कुटुंबियांची चिंता मोठ्या प्रमाणात वाढली आहे. सध्या पोलीस या प्रकरणाचा कसून तपास करत असून लवकरच या प्रकरणाचा छडा लावला जाईल असेही पोलिसांकडून म्हटलं जात आहे.
मनोज जरांगे यांच्या उपोषण स्थळी रात्री उशिरा भाजप आमदार सुरेश धस यांनी भेट दिली, यावेळी मनोज जरांगे यांच्याशी चर्चा करत, त्यांनी मनोज जरांगे यांना उपचार घेऊन सलाईन लावण्याचा आग्रह धरला, तसेच मनोज जरांगे यांच्या काही मागन्याबाबत मुख्यमंत्री सकारात्मक असल्याचे धस यांनी जरांगे यांना सांगितलं.
सांगलीच्या स्थानिक गुन्हे अन्वेषण शाखेने एमडी ड्रग्ज (मेफेड्रॉन) तयार करणाऱ्या विटा येथील रामकृष्ण हरी माऊली इंडस्ट्रीज या कारखान्यावर छापा टाकून 29.73 कोटी रुपयांचा मुद्देमाल जप्त केला आहे. या कारवाईत ड्रग्ज निर्मितीचे उपकरणे आणि तयार झालेली मोठ्या प्रमाणावर ड्रग्ज जप्त करण्यात आले आहेत.
- मुख्यपृष्ठ
- बातम्या
- महाराष्ट्र
- Maharashtra Breaking News Live Updates: महाराष्ट्रासह देशभरातील महत्त्वाच्या घडामोडी, वाचा एका क्लिकवर...