मोठी बातमी! माजी केंद्रीय मंत्री रावसाहेब दानवे यांच्या मुलीच्या वाहनाचा अपघात
Maharashtra Live News : Maharashtra News Live Updates: राज्यासह देश-विदेशातील महत्त्वाच्या घडामोडी फक्त एका क्लिकवर...
नाशिक : इगतपुरी येथील पंचायत समितीवर एल्गार कष्टकरी संघटनेने बिऱ्हाड मोर्चा काढला आहे. या मोर्चात महिलांचा आपल्या लहान लेकरांना घेत मोठ्या प्रमाणावर सहभाग दिसून येत आहे. इगतपुरी तालुक्यातील बेघर आदिवासी कुटुंबांना शबरी घरकुल योजनेचा लाभ मिळावा यासाठी हा मोर्चा काढण्यात आला आहे. शेकडो चकरा मारून व फॉर्म भरून देखील लाभ मिळत नाही त्यामुळे पंचायत समितीच्या आवरातच चूल पेटवत ठिय्या मांडण्यात आला आहे. आमच्या मागण्या मान्य होत नाही तोपर्यंत येथून जाणार नसल्याचा निर्धार आंदोलकांनी केला आहे. गेल्या पाच तासांपासून हा मोर्चा सुरु आहे. चर्चा होऊनही मार्ग न निघाल्याने मोर्चेकरी आक्रमक झाले आहेत.
छत्रपती संभाजीनगर ब्रेकिंग:
माजी केंद्रीय मंत्री रावसाहेब दानवे यांची मुलगी संजना जाधव यांच्या वाहनाचा अपघात
धुळे सोलापूर महामार्गावरील चाळीसगाव तालुक्यात रांजणगाव येथे झाला अपघात
पिकप चालकाने जाधव यांच्या चालकाच्या बाजूने समोरून धडक दिल्याने झाला अपघात
अपघातात संजना जाधव, चालक कार्यकर्ते थोडक्यात बचावलेला
कन्नड येथून इच्छुक संजना जाधव यांच्या गाडीचा अपघात
नागपूरच्या केळवद पोलीस ठाण्याच्या हद्दीत नागपूर छिंदवाडा महामार्गावर हिट अँड रन ची घटना ...
अपघातात दुचाकीवर स्वार असलेल्या तिघांचा मृत्यू ....
अपघातानंतर अज्ञात वाहनाने काढला पळ...
दुपारी 12 वाजताच्या सुमारासची घटना
केळवद पोलिस घटनास्थळी दाखल ...
बारामती हादरली
बारामतीतील तुळजाराम चतुरचंद महाविद्यालयात इयत्ता बारावी शिकणाऱ्या विद्यार्थ्यांचा खून
तुळजाराम चतुरचंद महाविद्यालयात झाला खून
दोघेही एकाच वर्गात शिकत असल्याची प्राथमिक माहिती
महाविद्यालयात झाला खून
कोयत्याने वार करीत केला खून
अजित पवारांची साथ सोडलेले दापोलीतील शिलेदार मशाल घेणार हाती!
चारच दिवसांपूर्वी 8 पैकी 7 नगरसेवकांनी मांडली होती वेगळी चूल
दापोलीतील राजकारणात राजकीय हालचालींना प्रचंड वेग
आदित्य ठाकरेंच्या दौऱ्यावेळी नगरसेवकांचा होणार ठाकरे गटात प्रवेश
ऑक्टोबर महिन्याच्या पहिल्या आठवड्यात आदित्य ठाकरे दापोलीत
मोठ्या प्रमाणात पक्ष प्रवेश होणार असल्याची माहिती
योगेश कदमांविरोधात ठाकरेंकडून रणनिती; तर भाजपची असहकाराची भूमिका
साताऱ्यातील फलटण विधानसभा मतदारसंघातील उत्तर कोरेगाव तालुक्यातील सोळशी ग्रामपंचायतीच्या उद्घाटन समारंभाप्रसंगी राज्याचे उपमुख्यमंत्री अजित दादा पवार यांना उपस्थित राहता आले नाही मात्र त्यांनी सभेतील नागरिकांसोबत फोनवरून संवाद साधत आगामी फलटण विधानसभा निवडणुकीसाठी विद्यमान आमदार दीपक चव्हाण यांची पुन्हा एकदा उमेदवारीची घोषणा केल्याने सर्वांच्या भुवया उंचावल्या आहेत. नुकत्याच पार पडलेल्या लोकसभा निवडणुकीत तुतारीला मदत करणारे विधान परिषदेचे माजी सभापती श्रीमंत रामराजे नाईक निंबाळकर यांच्या भाषणादरम्यान थेट अजित पवार यांनी फोनद्वारे दिपक चव्हाण यांची उमेदवार म्हणून घोषणा केल्याने सर्वच जण अचंबित झाले आहेत.
रत्नागिरी जिल्ह्यातील विधानसभेच्या जागांबाबत उद्धव ठाकरेंकडून आढावा
जिल्ह्यातील तीन जागांवरील उमेदवारांबाबत ठाकरेंकडून जवळपास शिक्कामोर्तब
दापोली, गुहागर, राजापूर जागेवर उमेदवार जवळपास निश्चित
रत्नागिरीमधून उदय सामंतांविरोधात कोण? याबाबत अद्याप निर्णय नाही
दापोलीतून संजय कदम, तर राजापूरमधून राजन साळवींचं नाव निश्चित
गुहागरमधून भास्कर जाधव निश्चित; तर विक्रांत जाधव यांच्या नावाची विचारणा झाल्याची माहिती
पिंपरी चिंचवडमधील एका अनधिकृत मदरशावर कारवाई करण्यात आलीये. रात्री 12 च्या सुमारास ही कारवाई करण्यात आली. काळेवाडीच्या पवार नगरमध्ये हा मदरसा अनेक वर्षांपासून होता. मात्र तो अनधिकृत होता, असं प्रशासनाचे म्हणणं आहे. त्यावर कारवाई करण्यासाठी प्रशासनाने रात्रीची वेळ अवलंबली. या कारवाईसाठी मोठा बंदोबस्त तैनात करण्यात आला होता, सकाळपर्यंत ही कारवाई आटोपण्यात आली.
किल्लारी भूकंपाला आज 31 वर्ष पूर्ण ..
बंदुकीच्या फैरी झाडत शासकीय इतमामात मृतांना आदरांजली
किल्लारीसह 52 गावात आज काळादिवस
संपूर्ण बाजारपेठा बंद..
1993 च्या किल्लारीच्या भुकंपाला 31 वर्ष पूर्ण....
भूकंपात मृत्यू पावलेला लोकांना शासकीय इतमामात आदरांजली..
स्मृती स्तंभास पुष्पचक्र आर्पण करून पोलिसांकडून हवेत फैरी झाडून सलामी
आमदार अभिमन्यू पवार, अधीकारी ग्रामस्थांनी वाहिली आदरांजली.....
पुणे : पुण्यात गुन्हे शाखेच्या अमली पदार्थ विरोधी पथकाने थेट कारवाई करत ५६ लाखांचे अफिम पकडले आहे
या प्रकरणी पोलिसांनी एकाला अटक केली आहे. देवीलाल अहिर, अस अटक करण्यात आलेल्या इसमाचं नाव आहे.
पोलीस पेट्रोलिंग करत असताना आंबेगाव परिसरात एकजण उभा असून त्याचकडे ड्रग असल्याची माहिती पोलिसांना मिळाली होती. त्यानुसार पोलिसांनी तपास सुरु केला .
त्यानंतर पोलिसांनी थेट धडक मारुन अहिर याला ताब्यात घेतले आणि त्याचकडून ५६ लाख ९० हजार रुपयांचे २ किलो ८४५ ग्राम आफीम जप्त केलं
मावळात परतीच्या पावसाने विश्रांती घेताच, गुलाबी थंडीची चाहूल लागलीये आज पहाटेपासूनच मावळातील देहूरोड परिसरात धुक्याची दुलई पसरलीये, त्यामुळे मुंबई बेंगळरू महामार्ग धुक्यात हरवला होता, यावेळी नेहमी वर्दळ असलेला बेंगळरू मुंबई महामार्ग मंदावला होता तर यावेळी वाहन चालकांना वाहनांचे दिवे लावूनच या आल्हाददायक वातावरणातून प्रवास करावा लागत होता..
अलिबाग मुरुड मतदार संघावर काँग्रेसचा दावा,
प्रवीण ठाकूर विधानसभा निवडणूक लढविण्यास इच्छुक,
शेतकरी कामगार पक्षही अलिबाग मतदार संघावर करतोय दावा,
ऍड प्रवीण ठाकूर यांची विधानसभा निवडणूक लढविण्यासाठी मोर्चेबांधणी
जिल्ह्यात अलिबाग मद्ये काँग्रेसची सर्वाधिक ताकद... त्यामुळें हा मतदारसंघ काँग्रेसलाच मिळाला पाहिजे - ठाकूर
ठाकरेंची शिवसेना सोडून गेलेल्या आमदार दळवी यांच्यावर जनतेची नाराजी - ठाकूर
शेकाप सुध्दा या जागेसाठी आम्हाला सहकार्य करेल
शेकापने अन्य जागेवर निवडणुक लढवावी - ठाकूर
त्रंबकेश्वरच्या शितकडा धबधब्याजवळ गिर्यारोहकावर मधमाशांनी अचानक हल्ला केल्यानं चार ते पाच गिर्यारोहक जखमी झाले आहेत. रविवारी हरिहर गडवर काही गिर्यारोहक गिर्यारोहणसाठी गेले होते. त्यावेळी परिसरातील शितकडा धबधबा कडे जात असतानाच मधमाश्यांनी अचानक हल्ला चढविल्याने एकाच धावपळ उडाली.. मधमाश्यांना पासून स्वतःच सरंक्षण करताना काही गिर्यारोहक जखमी झाले, कोणी अंगावर जॅकेट, रेनकोट घेतले, तर काहींना जमिनीवर झोपून घेतले.. तर काहींनी तिथून सुरक्षित ठिकाणी जाण्याचा प्रयत्न केले.. अर्धा पाऊण तास मधमाश्या गिर्यारोहकाच्या अंगाभोवती घोंगावत होत्या..यावेळी ट्रेक लीडर चेतन शिंदे, महेश जाधव यांनी प्रसंगावधान राखून मधमाश्यांच्या हल्ल्या पासून स्वतःचे संरक्षण कसे करावे याचे मार्गदर्शन करत वेखंडाची पावडर त्यांचा अंगावर टाकून मधमाश्या पासून त्याचे संरक्षण केले.. चार ते पाच जण गंभीर जखमी झाल्यान त्यांच्यावर रुग्णालयात उपचार करण्यात आले.
मुख्यमंत्री लाडकी बहीण योजनेच्या तिसऱ्या टप्प्यातील हप्त्याचे वाटप रविवारपासून सुरू करण्यात आले.
रविवारी पहिल्याच दिवशी या योजनेतील ३४ लाख ७४,११६ लाभार्थ्यांना तिसऱ्या हप्त्यापोटी ५२१ कोटी रुपयांचे वाटप करण्यात आले.
उर्वरित महिलांच्या खात्यातही सोमवारपर्यंत पैसे जमा होणार
आगामी विधानसभा निवडणुका लक्षात घेता मुख्यमंत्री लाडकी बहीण योजनेच्या तिसऱ्या आणि चौथ्या टप्प्यातील हप्त्याचे वाटप करण्यात आले आहे.
साडेतीन शक्तीपीठ पैकी अर्धपीठ असणाऱ्या सप्तश्रृंगी देवीच्या चरणी मनसे नेते बाळा नांदगावकर नतमस्तक झालेत.. मतदारसंघातील साडेतीन हजार महिलना पितृपक्षातच त्यांनी सप्तश्रृंगी देवीचे दर्शन घडवुन आणले. नवरात्र उत्सव अवघ्या दोन तीन दिवसांवर आल्यानं महिलांना देवीच्या दर्शनासाठी आणल्याचे नांदगावकर यांनी सांगितले. विधानसभा निवडणुक लढण्यासाठी बाळा नांदगावकर इच्छुक आहेत.. सप्तश्रृंगी देविवर त्यांची श्रद्धा आहे, देवीला साकडं घालत देवीच्या चरणी नतमस्तक झालेत. त्यामुळे निवडणुकीत त्यांना देवीचा आशीर्वाद त्यांना मिळणार का हे लवकरच स्पष्ट होणार आहे.
एरवी टँकर वाडा, दुष्काळ वाडा अशी ओळख असणाऱ्या मराठवाड्यावर यावर्षी आभाळमाया झाली आहे.. मराठवाडा विभागातील आठही जिल्ह्यांनी वार्षिक सरासरीची शंभरी ओलांडली आहे. मागील काही दिवसांपासून सुरू असलेल्या दमदार पावसामुळे मराठवाड्याला हा दिलासा मिळाला आहे. मराठवाड्याची वार्षिक सरासरी ६७९.५ मि.मी. आहे. या तुलनेत आजवर ८०४ मि.मी. पाऊस झाला आहे. त्यामुळे १२५ मि.मी. अधिक पाऊस झाला आहे. मात्र, पुढील काळात आणखी दमदार पाऊस झाल्यास खरीप हंगामातील पिकांना याचा मोठा फटका बसण्याची शक्यता वर्तविण्यात येत आहे. त्यामुळे शेतकऱ्यांची चिंता वाढली आहे.
कोणत्या जिल्ह्यात किती पाऊस
छत्रपती संभाजीनगर : १३१ टक्के
जालना : १३४ टक्के
बीड : १३६ टक्के
हिंगोली : ११२ टक्के
परभणी : १०८ टक्के
नांदेड : १०७ टक्के
लातूर : १११ टक्के
धाराशिव : १२० टक्के
पार्श्वभूमी
मुंबई : महाराष्ट्राला सध्या विधानसभा निवडणुकीचे (Maharashtra Vidhansabha Election 2024) वेध लागले आहे. कोणत्याही क्षणी विधानसभा निवडणुकीची घोषणा होऊ शकते. त्यामुळेच सध्या राजकीय पक्षांकडून मोर्चेबांधणी चालू आहे. महायुती (Mahayuti) आणि महाविकास आघाडी (Maha Vikas Aghadi) या दोन्ही युत्यांमध्ये जागावाटपाची चर्चा चालू आहे. दुसरीकडे पश्चिम महाराष्ट्र, कोकण, मराठवाडा तसेच पुणे आणि मुंबई यासारख्या प्रमुख शहरांत परतीच्या पावसाने हजेरी लावली आहे. या पावसामुळे कापूस, सोयाबीन यासारख्या पिकांचे नुकसान झाले आहे. राज्यातील या प्रमुख घडामोडींसह देश तसेच जगभरातील इतरही प्रमुख घडांमोडीचे अपडेट वाचा एका क्लिकवर...
- - - - - - - - - Advertisement - - - - - - - - -