Maharashtra Breaking 27th June LIVE Updates: देश-विदेशातील महत्त्वाच्या घडामोडी...

Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...

पार्श्वभूमी

Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...1. आजपासून राज्य विधीमंडळाचे पावसाळी अधिवेशन, मुंबईतील विधान भवनात एकूण १३ दिवस चालणार कामकाज,अधिवेशनाच्या पहिल्या दिवशी पुरवणी मागण्या आणि आर्थिक पाहणी अहवाल होणार सादर.2. महायुती सरकारचं हे विधानसभा निवडणुकीपूर्वीचं  शेवटचं अधिवेशन असणार,त्यामुळे विरोधक सुद्धा या अधिवेशनामध्ये अनेक मुद्दे उपस्थित करून सत्ताधाऱ्यांना घेरण्याच्या तयारीत.3. विधिमंडळाचं पावसाळी अधिवेशन आजपासून. अधिवेशनाच्या पूर्वसंध्येला सह्याद्री अतिथीगृहावर सत्ताधाऱ्यांकडून चहापानाचा कार्यक्रम, मुख्यमंत्री, उपमुख्यमंत्री आणि मंत्रिमंडळातील सदस्य उपस्थित. 4. राज्य सरकारच्या चहापानावर विरोधकांचा बहिष्कार, पावसाळी अधिवेशनाच्या पूर्वसंध्येला सत्ताधारी पक्षाकडून आमंत्रित केलेल्या चहापानावर बहिष्कार.5. विरोधकांनी प्रथेप्रमाणं चहापानावर बहिष्कार टाकला, उपमुख्यमंत्री फडणवीसांचा विरोधकांना टोला,  पाठ्यपुस्तकात खोटं बोल पण रेटून बोल हा विरोधकांचा पवित्रा, फडणवीसांची टीका.

27/06/2024 11:32:09

Naresh Mhaske on Future CM : महाविकास आघाडीनं राज्यात अबू आझमी यांचा चेहरा मुख्यमंत्री पदासाठी जाहीर करावा : नरेश म्हस्के

Naresh Mhaske on Future CM : महाविकास आघाडीनं राज्यात अबू आझमी यांचा चेहरा मुख्यमंत्री पदासाठी जाहीर करावा, 
तसाही त्यांनी निवडणुकीत झेंड्याचा रंग बदललेला आहे. हे अर्ध्या हळकुंडाने पिवळे झालेले आहेत. उद्धव ठाकरे यांचा अडीच वर्षाचा घरात बसून केलेला कारभार आणि अडीच वर्ष पायाला भिंगरी बांधून एकनाथ शिंदे यांनी केलेला कारभार याच मूल्यमापन करावं लागेल, असं नरेश म्हस्के म्हणाले. 

नरेश म्हस्के म्हणाले की, आमच्या नेत्यांनी अनेक वेळा स्पष्ट केलं आहे, आमचा (महायुतीचा) राज्याचा मुख्यमंत्री पदाचा चेहरा हा एकनाथ शिंदे असतील. 

27/06/2024 11:27:18

Mumbai News : मुंबईच्या अंधेरी पूर्वेत अंधेरी-कुर्ला रोडवर मोठी वाहतूक कोंडी

Mumbai News : मुंबईच्या अंधेरी पूर्वेत अंधेरी-कुर्ला रोडवर मोठी वाहतूक कोंडी. अंधेरी कुर्ला रोडवर अंधेरी ते साकीनाकाच्या दिशेने जाणारा मार्गावर मागील एक तासापासून मोठी वाहतूक कोंडी निर्माण झाली आहे. अंधेरी कुर्ला रोडवर चकाला,जे.बी नगर,मरोळ पाईप लाईन,मरोळ नाका दरम्यान मोठी वाहतूक कोंडी निर्माण झाली आहे. मागील एक तासापासून या वाहतूक कोंडीच्या सामना वाहन चालकांना करावा लागत आहे. रस्त्याच्या क्षमतेपेक्षा जास्त वाहना रस्त्यावर उतरल्यामुळे ही वाहतूक कोंडी निर्माण झाली असल्याचा माहिती वाहतूक पोलिसांकडून मिळत आहे.

27/06/2024 09:44:54

Konkan Rain Updates: कोकण किनारपट्टीवर कमी दाबाचा पट्टा, दोन ते तीन दिवस कोकण किनारपट्टी भागात मुसळधार पावसाचा अंदाज

Konkan Rain Updates: कोकण किनारपट्टीवर कमी दाबाचा पट्टा निर्माण झाला असून पुढील दोन ते तीन दिवस कोकण किनारपट्टी भागात मुसळधार पाऊस कोसळणार असल्याचा अंदाज हवामान विभागाने व्यक्त केला आहे. तर सिंधुदुर्गात अतिमुसळधार पावसाचा इशारा देण्यात आला आहे. सिंधुदुर्ग जिल्ह्याला आज ऑरेंज अलर्ट जारी करण्यात आला आहे. सध्या जिल्ह्यात सर्वच भागात पावसाची संततधार सुरू आहे. सिंधुदुर्गात रातभर पावसाने झोडपून काढल आता मात्र पावसाची संततधार सुरू आहे. 

27/06/2024 09:13:05

National News: आप खासदार संजय सिंह यांचं निलंबन अखेर मागे

National News: आप खासदार संजय सिंह यांचं निलंबन अखेर मागे

राज्यसभा सचिवालयाने निलंबन मागे घेत असल्याचं काढल परिपत्रक

संजय सिंह यांचं 24 जुलै 2023 रोजी केलं होत निलंबन

27/06/2024 09:11:12

Ahmednagar News: चोर असल्याचे समजून एकाला बेदम मारहाण

Ahmednagar News: अहमदनगरच्या नवनागापूर येथे अल्पवयीन मुलांना अर्धनग्न करून मारहाण केल्याची घटना ताजी असतानाच, पुन्हा एकदा शहरातील सारसनगर भागामध्ये चोर असल्याच्या संशयावरून एका परप्रांतीय युवकाला मारहाण झाल्याची घटना समोर आली आहे. मारहाण करतानाचा व्हिडिओ सोशल मीडियावर व्हायरल झाल्यानंतर ही घटना समोर आली. सारसनगर येथील औसरकर मळ्यात एका परप्रांतीय व्यक्तीला चोर असल्याच्या संशयावरून झाडाला बांधून अमानुषपणे मारहाण करण्यात आली. ही घटना मंगळवारी घडली असल्याची माहिती समोर आली आहे. मात्र हा व्हिडिओ सोशल मीडियावर व्हायरल झाल्यानंतर एकच हा प्रकार उघडकीस आला आणि एकच खळबळ उडाली. राजू हिरा घोष असं मारहाण झालेल्या युवकाचे नाव असून याप्रकरणी भिंगार कॅम्प पोलीस ठाण्यामध्ये पाच जणांविरोधामध्ये गुन्हा दाखल करण्यात आलाय. किरण औसरकर, बाबासाहेब पुंड , विशाल इवळे ,ऋषिकेश जायभाय, ऋतिक पुंड अशी गुन्हा दाखल झालेल्या आरोपींची नावं आहेत. यातील चौघांना पोलिसांनी ताब्यात घेतले आहे. त्यांना 29 जूनपर्यंत पोलीस कोठडी सुनावण्यात आली आहे घोष हा चोर असल्याच्या संशयावरून त्याला अमानुषपणे मारहाण करण्यात आली होती. सध्या घोष याच्यावर रुग्णालयात उपचार सुरू आहेत. 

27/06/2024 08:26:49

Nagpur Breaking : नागपूर जिल्ह्यात पोषण आहार मृत पक्षी, शहरात खळबळ

Nagpur Breaking : नागपूर जिल्ह्यात पोषण आहार मृत पक्षी आढळल्यानंतर लहान मुलांसाठी येणाऱ्या या पोषण आहाराच्या दर्जाला घेऊन प्रश्न उपस्थित झाले होते.

आता नागपूर जिल्हा परिषदच्या अध्यक्षा मुक्ता कुकुडे यांनी संबंधित पुरवठादाराला ब्लॅकलिस्ट करण्याची मागणी केली आहे.

 नागपूरात पारशिवनी तालुक्यातील घाटरोहणा ग्रामपंचायत मधील प्रकार घडला होता. 

अंगणवाडीतून बालकांना पूरक पोषण आहार योजनेअंतर्गत निकृष्ट दर्जाचे पूरक पोषण आहार देत असल्याचा आरोप करत जिल्हा परिषद अध्यक्ष  यांना सरपंच आणि गावक-र्यांनी निवेदन दिले. 

त्यानंतर जिल्हा परिषद अध्यक्षांनी कठोर कारवाईची मागणी केली आहे. 

27/06/2024 08:25:46

Palghar News: पालघर बस आगारातील वाहक चालक आणि डेपो अधिकाऱ्यांमध्ये हाणामारी

Palghar News: पालघर बस आगारातील वाहक चालक आणि डेपो अधिकाऱ्यांमध्ये हाणामारी. वाहनचालकाच्या ड्युटी लावण्याच्या वादातून हाणामारी . वाहक चालक प्रशांत पाटील यांना तीन अधिकाऱ्यांकडून मारहाण. चालक वाहक प्रशांत पाटील यांच्या तक्रारीनंतर पालघर पोलीस ठाण्यात तिघां विरोधात गुन्हा दाखल. वाहतूक निरीक्षक, सहाय्यक वाहतूक निरीक्षक आणि एका चालका विरोधात 323, 504 , 505 प्रमाणे गुन्हा दाखल.

27/06/2024 08:08:53

Maharashtra Politics : विधान परिषद निवडणुकीनंतर आता राज्यपाल नियुक्त आमदारांच्या निवडीबाबत देखील सरकारच्या हालचाली

Maharashtra Politics : विधान परिषद निवडणुकीनंतर आता राज्यपाल नियुक्त आमदारांच्या निवडीबाबत देखील सरकारच्या हालचाली 

महायुतीत राज्यपाल नियुक्त आमदारांच्या निवडी बाबत चर्चा सुरू असल्याची सूत्रांची माहिती 

4 जुलैला राज्यपाल नियुक्त आमदारांबाबत सुनावणीची पुढील तारीख

12 आमदारांमध्ये भाजप स्वतःसाठी जास्त वाटा घेण्याच्या तयारीत

महाविकास आघाडी सरकारच्या काळात घटक पक्षांच्या वाट्याला प्रत्येकी 4 जागा आल्या होत्या

27/06/2024 07:01:43

Nashik News: मनमाड : स्नेहभाव पालखीचे मनमाडहून पंढरपूरकडे प्रस्थान

Nashik News: मनमाडची पताका फडकविणारी संत कैकाडी महाराज, ह.भ.प. कोंडीराम काका, ह.भ.प.रामदास महाराज स्नेहभाव पालखीचे मोठ्या उत्साहात पंढरपूरला प्रस्थान झाले. पालखीचे यंदाचे 46 वे वर्षे आहे.यावेळी हजारो भाविकांनी पालखीस निरोप दिला.भारत महाराज यांच्या नेतृत्वखाली ज्ञानोबा माउली, तुकारामाचा गजर करीत सायंकाळी शहरातून पालखीची सवाद्य मिरवणूक काढण्यात आली.भगवे ध्वज, वाद्यवृंद, कलश, तसेच तुळशी वृंदावन घेतलेल्या महिला व भजनी मंडळ या सोहळ्यात सहभागी झाले होते.टाळ मृदुंगाच्या गजरात ज्ञानोबा माउली, तुकाराम व जय हरी विठठल नामाचा जयघोष करीत तसेच फुगड्या व ढोल ताश्यांच्या तालावर नृत्य करीत पालखीचे प्रस्थान झाले..शहरात ठिकठिकाणी पालखीचे स्वागत करण्यात आले..

 

27/06/2024 07:00:52

Pune Zika Virus News: धक्कादायक! पुण्यात झिका व्हायरसची एन्ट्री

Pune Zika Virus News: सध्या पावसाळ्याचे दिवस सुरू झालेत. त्यामुळे, प्रंडड उकाड्यात होरपळलेल्या लोकांना काहीसा गारवा अनुभवायला मिळतोय. मात्र, तरीही अनेक ठिकाणी ताप, थंडीच्या रुग्णांमध्ये वाढ झाल्याचं दिसतंय. त्यात चिंता वाढवणाऱ्या झिका व्हायरसनेही एण्ट्री केल्याचं समोर आलं आहे. 

27/06/2024 06:59:56

Maharashtra Vidhimandal Adhiveshan LIVE: आगामी विधानसभा निवडणुकांसाठी महाविकास आघाडीचा प्लान रेडी, महायुतीला शह देणार?

Maharashtra Vidhimandal Adhiveshan LIVE: लोकसभेतील चांगल्या कामगिरीमुळे महाविकास आघाडीला एक नवी ऊर्जा मिळालीय. आणि याच ऊर्जेचा वापर विधानसभा निवडणुकीत करण्याचा प्लॅन महाविकास आघाडीने केलाय. आणि त्यासाठी त्यांनी लोकसभा निवडणुकीत केलेल्या प्रचाराचा धागा पकडलाय. संविधान बचाव या यशस्वी नाऱ्याचा पुढचा अंक म्हणून, महाविकास आघाडी महाराष्ट्राचा स्वाभिमानचा नारा कसा देणारेय.

27/06/2024 06:58:22

Maharashtra News: पदवीपर्यंत मुलींना शिक्षण मोफत करण्याचा निर्णय सरकार घेणार

Maharashtra News: पदवीपर्यंत मुलींना शिक्षण मोफत करण्याचा निर्णय सरकार घेणार आहे. मंत्रिमंडळ बैठकीत काल यावर सखोल चर्चा झालीय. या संदर्भात प्रस्ताव दाखल करण्याचे आदेश देण्यात आलेत. पावसाळी अधिवेशनात या संदर्भात मोठी घोषणा होण्याची शक्यता आहे. आगामी विधानसभा निवडणुक डोळ्यासमोर ठेवून राज्य सरकारचा या अधिवेशनात घोषणांचा पाऊस होण्याची शक्यता आहे. 

27/06/2024 06:57:06

Parliament Session 2024 LIVE: लोकसभेत वेगळं चित्र, नेहमी एकमेकांवर तुटून पडणाऱ्या नरेंद्र मोदी आणि राहुल गांधींनी चक्क हस्तांदोलन केलं

Parliament Session 2024 LIVE: लोकसभेत वेगळंच चित्र पाहायला मिळालं. नेहमी एकमेकांवर तुटून पडणाऱ्या नरेंद्र मोदी आणि राहुल गांधींनी चक्क हस्तांदोलन केलं. निमित्त होतं ओम बिर्ला यांच्या अध्यक्षपदी निवडीचं. ओम बिर्ला विजयी घोषित होताच त्यांना पंतप्रधान नरेंद्र मोदी आणि काँग्रेसचे खासदार राहुल गांधी यांनी अध्यक्षपदाच्या आसनापर्यंत नेलं. त्यानंतर हंगामी अध्यक्ष भर्तृहरी महताब यांनी बिर्ला यांच्याकडे सूत्रं सोपवली. 

27/06/2024 06:55:23

Parliament Session LIVE: तब्बल 10 वर्षांनी लोकसभेत विरोधी पक्षनेता, राहुल गांधींची वर्णी

Parliament Session 2024 LIVE:  तब्बल 10 वर्षांनी लोकसभेला विरोधी पक्षनेता मिळालाय. काँग्रेसचे खासदार राहुल गांधींची विरोधी पक्षनेतेपदी निवड झालीय. 20 वर्षांच्या राजकीय कारकीर्दीत राहुल पहिल्यांदाच घटनात्मक पद भूषवणार आहेत. हे पद स्वीकारल्यानंतर राहुल गांधींना अनेक अधिकार मिळणार आहेत. केंद्राच्या अनेक समित्यांवर ते पंतप्रधान नरेंद्र मोदींसोबत दिसणार आहेत. दरम्यान यावरून सत्ताधारी आणि विरोधकांमध्ये वार पलटवार सुरू झालाय. ठाकरेंच्या शिवसेनेचे खासदार संजय राऊत यांनी हा फक्त ट्रेलर आहे, आगे आगे देखो होता है क्या, असा टोला लगावलाय.

27/06/2024 06:54:12

Lal Krishna Advani Admitted in Delhi: भाजपचे ज्येष्ठ नेते आणि भारतरत्न लालकृष्ण अडवाणी यांची प्रकृती खालावली, एम्स रुग्णालयात भरती

Lal Krishna Advani admitted to Delhi AIIMS: भाजपचे ज्येष्ठ नेते आणि भारतरत्न लालकृष्ण अडवाणी यांची तब्येत बुधवारी अचानक बिघडली. .रात्री साडेदहाच्या सुमारास अडवाणींना दिल्लीच्या एम्समध्ये दाखल करण्यात आलं. वृद्धापकाळातील आरोग्याच्या तक्रारींमुळे त्यांना रुग्णालयात दाखल करण्यात आलं आहे. सध्या ते डॉक्टरांच्या देखरेखीखाली असून त्यांची प्रकृती स्थिर असल्याचं कळतं.

27/06/2024 06:52:46

Maharashtra Vidhimandal Adhiveshan LIVE: आजपासून राज्य विधीमंडळाचे पावसाळी अधिवेशन, मुंबईतील विधान भवनात एकूण 13 दिवस चालणार कामकाज

Maharashtra Vidhimandal Adhiveshan: राज्य विधीमंडळाचं आज पावसाळी अधिवेशन, शेतकरी कर्जमाफी, आरक्षण वाद, पुणे ड्रग्ज, सीईटी घोळ यावर सरकारला घेरणार, सरकारला कोंडीत  पकडण्यासाठी विरोधक सज्ज