Maharashtra Breaking News Live Updates:राज्यासह देशभरातील महत्त्वाच्या घडामोडी, वाचा एका क्लिकवर..
Maharashtra Breaking News Live Updates: राज्यासह देशात राजकीय घडामोडींसह अनेक घटना घडत आहेत. त्यांचा संक्षिप्त स्वरुपातील आढावा...
अल्पवयीन मुलीची छेड काढणाऱ्याला नागरिकांनी दिला चोप
कोल्हापूरच्या गडहिंग्लज एसटी स्टँड समोर अल्पवयीन मुलीची छेड काढणाऱ्याला नागरिकांनी दिला चोप
मुलीची छेड काढणाऱ्या तरुणाला केलं पोलिसांच्या स्वाधीन
गडहिंग्लज परिसरात मुलींची छेड काढण्याचे प्रमाण वाढलं
गेल्या आठ दिवसातील मुलींची छेड काढण्याचा दुसरा प्रकार
मुंबई : संतोष देशमुख आणि सोमनाथ सूर्यवंशी यांना न्याय मिळाला पाहिजे. वाल्मिक कराडला कुणाचा आशीर्वाद आहे. कृष्णा आंधळे याला अद्याप अटक का केली नाही? असा सवाल रिपब्लिकन पार्टी ऑफ इंडियाचे राष्ट्रीय अध्यक्ष सचिन खरात यांनी उपस्थित केलाय. मुंबई येथील जनआक्रोश मोर्चात ते बोलत होते.
नाशिक : शिवसेना उद्धव बाळासाहेब ठाकरे गटाचे खासदार संजय राऊत आज नाशिक दौऱ्यावर येणार आहेत. विधानसभा निवडणुकीनंतर संजय राऊत यांचा पहिलाच नाशिक दौरा आहे. त्यांच्या उपस्थितीत नाशिकमधील ठाकरे गटाच्या पदाधिकारी, कार्यकर्त्यांची बैठक होणार आहे. विधानसभा निवडणुकीतील पराभवाचं मंथन करण्याबरोबरच आगामी स्थानिक स्वराज्य संस्थांच्या निवडणुकीच्या पार्श्वभूमीवर संजय राऊत बैठक घेणार आहेत.
भंडारा : काल भंडारा जिल्ह्यातील जवाहरनगर येथील आयुध निर्माण कंपनीमध्ये झालेल्या स्फोटामुळे क्षणार्धात होत्याचं नव्हतं झालं. यात 8 कामगारांना आपला प्राण गमवावा लागला. मृतदेहांचे शवविच्छेदन झाल्यानंतर मृतदेह आयुध निर्माण कंपनीकडे पाठविण्यात आले आहेत. यावेळी कामगारांच्या कुटुंबीयांचा अश्रूंच्या बांध फुटला.
बुलढाणा : येथील बुलढाणा एज्युकेशन सोसायटीच्या वतीने घेण्यात आलेल्या चित्रकला स्पर्धेत बुलढाण्यातील 7000 विद्यार्थ्यांनी भाग घेतला व एकाच वेळी सामूहिक चित्र काढून एक वेगळाच इतिहास रचला आहे. आज सकाळी आठ ते अकरा या वेळेत पार पडलेल्या या स्पर्धेत बुलढाणा शहरातील विविध शाळातील प्राथमिक शाळेतील विद्यार्थ्यांनी या स्पर्धेत भाग घेतला. यावेळी या स्पर्धेचं उद्घाटन बुलढाणा अर्बनचे सर्वेसर्वा राधेश्याम चंडक यांनी केलं.
धुळे : येथील कृषी उत्पन्न बाजार समितीत टोमॅटोचे भाव मोठ्या प्रमाणावर घसरले असून एक कॅरेट केवळ शंभर रुपयांना विकले जात आहे. केवळ अडीच ते तीन रुपये किलो या दराने टोमॅटोची विक्री होत असून यामुळे शेतकऱ्यांच्या चिंतेत वाढ झाली आहे. खरीप हंगामातील कडधान्यांना हमीभाव मिळत नसल्याने शेतकऱ्यांनी मोठ्या प्रमाणावर भाजीपाल्याची लागवड केली आहे. यामुळे टोमॅटोची विक्रमी आवक झाली असून भाव घसरल्याची माहिती शेतकऱ्यांनी दिली आहे. काही दिवसांपूर्वी 800 ते 1000 रुपये कॅरेट या दराने टोमॅटोची विक्री होत असताना केवळ शंभर रुपये कॅरेटने टोमॅटोची विक्री करावी लागत असल्याने लागवडीचा खर्च देखील निघणार नसल्याची खंत शेतकऱ्यांनी व्यक्त केली आहे.
नाशिक : मंत्री दादा भुसे यांची नाशिकच्या पालकमंत्रिपदी निवड व्हावी, असे साकडे मालेगावच्या कार्यकर्त्यांनी तिरुपती बालाजीला घातले आहे. नाशिकच्या पालकमंत्रिपदासाठी मंत्री गिरीश महाजन, मंत्री दादा भुसे यांच्यात रस्सीखेच सुरु असल्याचे पाहायला मिळत आहे. आता नाशिकचे पालकमंत्रिपद कोणाला मिळणार? हे पाहणे महत्त्वाचे ठरणार आहे.
पोलीस आयुक्त डॉ. रवींद्र सिंगल यांना राष्ट्रपती पोलीस पदक पुरस्कार जाहीर.
रवींद्र सिगल यांच्यासह राज्यातील 4 वरिष्ठ IPS अधिकाऱ्यांना विशिष्ट सेवेसाठी राष्ट्रपती पोलीस पदक जाहीर.
तसेच राज्यातील 39 पोलीस कर्मचारी, अधिकाऱ्यांना गुणवत्ता पूर्ण सेवेसाठी राष्ट्रपती पोलीस पदक जाहीर.
यवतमाळ : उमरखेड तालुक्यातील दिवटीपिंपरी ते दहागाव रस्त्यावर स्कूल बसचा भीषण अपघात झालाय. या अपघातात एका विद्यार्थिनीचा मृत्यू झालाय. महिमा आप्पाराव सरकटे असे मृत्यू झालेल्या विद्यार्थिनीचे नाव आहे. उमरखेडच्या दिवटीपिंपरीवरून दहागाव येथील शाळेत विद्यार्थ्यांना घेऊन स्कूल बस येत होती. यावेळी बसचा स्टेरिंग रॉड तुटल्याने बस झाडावर आदळली. बसमध्ये 24 ते 25 विद्यार्थी असल्याची माहिती समोर येत आहे. यात एका विद्यार्थिनीचा मृत्यू झाला. तर जखमी विद्यार्थ्यांवर शासकीय उपजिल्हा रुग्णालय उमरखेड येथे उपचार सुरू आहेत.
Pandharpur: टाळ मृदुंगाच्या गजरात षट्तिला एकादशीनिमित्त पंढरीत हजारो भाविकांची मांदियाळी
Pandharpur: पौष महिन्यातील पौष वद्य षट्तिला एकादशीनिमित्त पंढरपुरात हजारो भाविकांनी विठ्ठल दर्शनासाठी मोठी गर्दी केली आहे.
एका बाजूला महा कुंभासाठी लाखो भाविक प्रयागराजला गर्दी करीत असताना
गेल्या काही दिवसापासून विठ्ठलाच्या दर्शनालाही हजारोंच्या संख्येने भावी दाखल होत आहे.
Kolhapur: जोतिबा देवाच्या मूर्तीची संवर्धन प्रक्रिया पूर्ण
संवर्धन प्रक्रियेनंतर जोतिबा देवाच्या मूर्तीचे पहिलं दर्शन
आज होणार जोतिबा देवाच्या मूर्तीची प्राणप्रतिष्ठापना
आज पासून जोतिबा देवाची मुख्य मूर्ती दर्शनासाठी खुली
मिरजेत मीरासाहेब दर्याच्या ६५० व्या उरुसाला आजपासुन सुरुवात झाली आहे. चर्मकार बांधवांचा मानाचा गलेफ मिरवणुकीने अर्पण करून या उरूसाला प्रारंभ झाला आहे. या उरुसानिमित्त तीन दिवस संगीतरत्न अब्दुल करीम खान स्मृती संगीत सभेस सुरुवात होत आहे.. उरुसानिमित्त दर्गा इमारतीस आकर्षक विद्युत रोषणाई केली आहे. उरुसानिमित्त किसान चौक ते दर्यापर्यंत दुतर्फा दुकाने थाटली आहेत. उरुसासाठी महाराष्ट्र व कर्नाटकातून मोठ्या प्रमाणात भाविक येत असल्याने महापालिकेने शहरातील रस्ते दुरुस्ती, लाईट, पाणी, स्वच्छता केली आहे. उरुसाच्या पार्श्वभूमीवर शहरात पोलिस बंदोबस्त तैनात करण्यात आला आहे
Nagpur - अवैध एलपीजी सिलेंडर रिफिलिंग अड्ड्याचा भांडाफोड,जिल्हा अन्नपुरवठा विभागाची कारवाई
- यशोधरा नगर पोलीस स्टेशन हद्दीतील कुंदनलाल गुप्ता नगर येथे सुरू होते अवैध एलपीजी रिफिलिंग केंद्र
- एलपीजी सिलेंडर मधून गॅस मोटर आणि पाईपच्या साह्याने कार मध्ये गॅस भरणे सुरू होते
- पोलिसांच्या साहाय्याने अन्नपुरवठा विभागाने झडती घेतली असता सीलबंद आणि अर्धवट भरलेले सिलेंडर आढळले
Nagpur - नागपुरातील कथित समुपदेशक विजय घायवटला हूडकेश्वर पोलिसांकडून प्रॉडक्शन वॉरंटवर पुन्हा अटक
- नागपुरात करिअर कौन्सिलिंगच्या नावावर अल्पवयीन मुलींचा छळ केल्याप्रकरणी विजय घायवटवर आतापर्यंत चार गुन्हे दाखल झाले आहे...
- यामध्ये पहिल्या गुन्ह्यात त्याची कारागृहात रवानगी करण्यात आली होती.
- मात्र चौथा गुन्हा दाखल झाल्यानंतर, चौकशीसाठी पुन्हा त्याला प्रोडक्शन वॉरंटवर पोलीस कोठडीत आणण्यात आले...
Mumbai: देशातील प्रसिद्ध कल्याण ज्वेलर्सचे संस्थापक आणि प्रतिष्ठित उद्योगपती टी एस कल्याणारमन
यांच्यासह सहा जणांविरोधात माटुंगा पोलिस ठाण्यात फसवणूकीचा गुन्हा दाखल
गुंतवणूकीमागे जास्त परतावा देण्याच्या नावाखाली JSA इंडस्ट्रीज प्रा लि कंपनीचे संचालक जगदिश अरोरा यांची फसवणूक केल्याचा आरोप
Walmik Karad: मस्साजोग सरपंच संतोष देशमुख यांच्या अपहरण-हत्येप्रकरणी
आरोपी वाल्मिक कराड यांच्या मालकीच्या सर्व जंगम आणि स्थावर मालमत्तेची जप्ती
करण्याची मागणी करणारा अर्ज विशेष तपास पथकाने एसआयटी दाखल केला आहे.
Raigad: मुंबई गोवा हायवेवर रात्रीनंतर पहाटे 5 वाजता सलग दुसरा अपघात
अपघातात कार रस्त्याच्या मध्यभागी पलटी
मुंबई वरुन खेड दिशेकडे जात असताना नागोठणे जवळील कामथ हॉटेल परीसरात घडला अपघात
अपघातात चार जन जखमी
रस्त्याच्या सुरू असलेल्या कामात टाकण्यात आलेल्या खडीवरून कार घसरल्याने घडला अपघात
स्थानिकांच्या मदतीने कार मध्ये अडकलेल्या तरुणांना बाहेर काढण्यात यश
अपघातातील चार ही जखमींवर नागोठणे प्राथमिक रुग्णालयात उपचार सुरू
Dharashiv: धाराशीवचे पालकमंत्री प्रताप सरनाईक आजपासून दोन दिवसाच्या जिल्हा दौऱ्यावर
पक्षांतर्गत गटबाजीला ब्रेक लावण्याचं पहिल्याच दौऱ्यात पालकमंत्री प्रताप सरनाईक यांच्यासमोर आव्हान
माजी पालकमंत्री तानाजी सावंत यांच्यावर शिवसेनेतील एक गट नाराज
पालकमंत्र्याच्या स्वागताच्या निमित्ताने नाराजी समोर, महायुतीतील पदाधिकाऱ्यांसोबत पालकमंत्री साधणार संवाद
दोन दिवसीय दौऱ्यात पक्ष संघटनेवर प्रताप सरनाईक यांचं विशेष लक्ष
तुळजापूर मंदिर विकास आराखडा, धाराशिव शहरातील बस स्थानक तसेच जिल्हा नियोजन समितीचीही बैठक घेणार
Dharashiv: धाराशीवचे पालकमंत्री प्रताप सरनाईक आजपासून दोन दिवसाच्या जिल्हा दौऱ्यावर
पक्षांतर्गत गटबाजीला ब्रेक लावण्याचं पहिल्याच दौऱ्यात पालकमंत्री प्रताप सरनाईक यांच्यासमोर आव्हान
माजी पालकमंत्री तानाजी सावंत यांच्यावर शिवसेनेतील एक गट नाराज
पालकमंत्र्याच्या स्वागताच्या निमित्ताने नाराजी समोर, महायुतीतील पदाधिकाऱ्यांसोबत पालकमंत्री साधणार संवाद
दोन दिवसीय दौऱ्यात पक्ष संघटनेवर प्रताप सरनाईक यांचं विशेष लक्ष
तुळजापूर मंदिर विकास आराखडा, धाराशिव शहरातील बस स्थानक तसेच जिल्हा नियोजन समितीचीही बैठक घेणार
Pune: पुण्यातील नवले पुलावर पहाटे भीषण अपघात
दोन जणांचा जागीच मृत्यू
स्विफ्ट कारने उभ्या असलेल्या बसला मागून दिली धडक
आज सकाळी पाच च्या सुमारास बाह्यवळण महामार्गावर वडगाव ब्रिज जवळ थांबलेल्या बसला मागून येणाऱ्या स्विफ्ट कारने जोरदार धडक दिल्यामुळे भीषण अपघात झाला आहे.
वाढदिवस पार्टी वरून परतत असलेल्या या कारमधील सहापैकी दोन युवक जागीच ठार झाले आहेत.
चौघांना आधी नवले हॉस्पिटल व नंतर पुढील खाजगी हॉस्पिटलमध्ये दाखल करण्यात आलेल आहे.
Pune: अजित पवार यांचा पुणे दौरा
अजित पवार पुण्यातील सर्किट हाऊस येथे दाखल
अधिकाऱ्यांसोबत अजित पवारांच्या अनेक बैठका
तसेच अनेक स्थानिक आमदार पुण्यातील सर्किट हाऊस येथे अजित पवारांची घेणार भेट
Jalna: मराठा समाजाला ओबीसी मधून आरक्षण द्यावं यासह इतर मागणीसाठी मनोज जरांगे आजपासून आमरण उपोषणाला बसणार....
मनोज जरांगे पाटील यांच या अंतरवाली सराटीत सातव आमरण उपोषण,
मराठा समाजाला सरसकट कुणबी प्रमाणपत्र मिळावं यासह ईतर आठ मागण्यासाठी मनोज जरांगे यांचं आमरण उपोषण.
Bhandara: भंडाऱ्यात संतप्त महिला पोलीस ठाण्यात शिरल्या
आयुध निर्माणी अधिकाऱ्यांवर गुन्हा दाखल करण्याची मागणी
जवाहरनगर येथील आयुध निर्माणीत झालेल्या ब्लास्टमध्ये ८ कामगारांचा मृत्यू झाला.
तर, ५ कामगार होरपडल्यानं गंभीर जखमी झालेत.
यात एक अप्रेंटिस करणारा वीस वर्षीय अंकित बारई याचा मृत्यू झाला तर,
सुनील यादव हा गंभीर जखमी झाला त्यामुळे या दोघांना न्याय मिळावा या मागणीला घेऊन
अप्रेंटिस धारकांनी आणि अंकित बारईच्या कुटुंबिय आणि ग्रामस्थांनी जवाहरनगर पोलीस ठाण्यात ठिय्या आंदोलन केलं.
Pune: पुण्यात उपमुख्यमंत्री अजित पवार संविधान सन्मान मॅरॉथॉनला उपस्थिती लावणार
मंत्री रामदास आठवले, मंत्री मुरलीधर मोहोळ, आमदार माधुरी मिसाळ, आमदार सिधार्थ शिरोळे उपस्थित राहणार
पुण्यातील सावित्रीबाई फुले पुणे विद्यापीठातील खाशाबा जाधव क्रीडा संकुलात ही मॅरेथॉन होणार आहे
Dharashiv: तुळजाभवानी मंदिरातील ३५ वर्षापासून बंद असलेला श्री गोमुख तीर्थकुंडातील नैसर्गिक झरा पुन्हा नव्याने सुरू
बालाघाट डोंगर रंगातील पाणी या झऱ्यातून नैसर्गिक रित्या पोहोचते मंदिरात
मंदिराला पुरातन रूप देताना सुरू झाला झरा, भाविकांमध्ये आनंदाचे वातावरण
Dhule: धुळे तालुक्यातील नंदाणे येथील लाचखोर सरपंच व माजी सरपंच धुळे एसीबीच्या जाळ्यात अडकले आहेत.
सरपंच रविंद्र पाटील व माजी सरपंच अतुल शिरसाठ यांनी तक्रारदाराकडे पेट्रोलपंप उभारणीकरिता
नाहरकत प्रमाणपत्र देण्यासाठी तडजोडीअंती अडीच लाख रुपये लाचेची मागणी करुन
त्यापैकी एक लाख रुपयांचा पहिला हप्ता स्विकारतांना दोघांना रंगेहाथ पकडण्यात आले.
पार्श्वभूमी
Maharashtra Breaking News Live Updates: महाराष्ट्र राज्यासह देशात राजकीय घडामोडींसह अनेक घटना घडत आहेत. राज्यातील थंडी आता गायब होऊ लागली आहे. दुसरीकडे केंद्रीय गृहमंत्री अमित शाह महाराष्ट्र दौऱ्यावर आहेत, तर महाराष्ट्राचे मुख्यमंत्री देवेंद्र फडणवीस हे दावोस मध्ये आहेत. तर सरपंच संतोष देशमुख हत्या प्रकरणी वाल्मिक कराडबाबत विविध माहिती समोर येत आहे. यासह देशभरातील विविध बातम्यांचे अपडेट्स... त्यांचा संक्षिप्त स्वरुपातील आढावा फक्त एका क्लिकवर..
- - - - - - - - - Advertisement - - - - - - - - -