Maharashtra Winter Session Live Updates: हिवाळी अधिवेशनाचं सूप वाजलं, पुढील अधिवेशन 27 फेब्रुवारी 2023 पासून मुंबईला होणार

Maharashtra Winter Session Live Updates: महाराष्ट्र विधीमंडळ अधिवेशनाचा आज अखेरचा दिवस आहे. जाणून घ्या विधीमंडळ अधिवेशनाचे लाइव्ह अपडेट्स...

30/12/2022 19:45:42

CM Eknath Shinde Live: मुख्यमंत्री एकनाथ शिंदे पत्रकार परिषदेत काय म्हणाले...

CM Eknath Shinde Live: मुख्यमंत्री एकनाथ शिंदे पत्रकार परिषदेत काय म्हणाले... 

नागपूर मधलं हे पहिलं अधिवेशन, दोन वर्ष झाली नाहीत. पण सरकार बदललं नसतं तर तेही कोविडच्या नावाखाली झालं नसतं. नागपूर अधिवेशन विदर्भासाठी महत्वाचं असतं, सभागृह सकाळी 9 ते रात्री 12 पर्यंत चालत होते.  

अनेक प्रलंबित प्रश्न या अधिवेशनात मार्गी लागले

धानाचा महत्वाचा निर्णयामुळे त्यातील दलालीला चाप बसेल

विरोधकांनी हा विषय लावून नाही घरला. मात्र शेतकऱ्याला जे हवंय ते आम्ही दिलं

समतोल प्रादेशिक विकासााठीही प्रयत्न करू

नागपूर ते गोवा नवा महामार्ग होईल

पर्यटनालाही चालना देतोय

गोसेखुर्द प्रकल्पाचं काम सुरू आहे

पूर्वीचं आम्ही सांगत नाही खर्च झाला पण जमीन पाण्याखाली आली नाही

आम्ही १८ प्रकल्प आणले त्यामुळे ४५ हजार रोजगार मिळेल

राज्यात ७० हजाराची गुंतवणूक येत आहे

खनिज उद्योगालाही चालना दिली 

गोसेखुर्दचा प्रकल्प लवकरात लवकर मार्गी लागेल

असे अनेक प्रकल्पांना चालना देण्यासाठीच महत्वाचे निर्णय घेतले

यामुळे विदर्भातील आत्महत्या कमी होतील ही अपेक्षा आहे.

यामध्ये निधीही कुठे कमी पडणार नाही याचीही तजवीज सरकार करते आहे

विरोधीपक्षाने सुरवातीला तीन चार दिवस आंदोलन सुरू होतं

आंदोलनाचे विषयचं नव्हते ण आम्हाला बदनाम करण्याचा प्रयत्न केला

मात्र सभागृहापेक्षा ते बाहेर केला. त्यांच्याही प्रश्नांना उत्तर दिली

विरोधी पक्षाच्याही सूचना आम्ही घेतल्या. त्यानीही कामकाजाच सहकार्य केल्याने त्यांचे ही धन्यवाद मानतो

सरकारकडून त्रुटी रहात असतील तर विरोधी पक्षला तो सुचवायचा अधिकार आहे

अधिवेशन चांगलं झालं विदर्भ वासियांसाठी हे अधिवेशन महत्वाचं झालं

विरोधकांनी आरोप केले पण  NIT चं प्रकरण न्यायालयानं मिटवलं

 

30/12/2022 19:31:55

लोकशाहीची हत्या होत असल्याचा आरोप करत होते, ते सभागृहात फक्त 46 मिनिटे होते, देवेंद्र फडणवीसांचा उद्धव ठाकरेंना टोला

रोज जे लोकं लोकशाहीची दुहाई देत लोकशाहीची हत्या होत असल्याचा आरोप करत होते. ते सभागृहात फक्त 46 मिनिटे होते. एका बाजूला तुम्ही लोकशाहीची गोष्ट करता आणि लोकशाहीच्या सर्वोच्च सभागृहात फक्त 46 मिनिटे राहता- देवेंद्र फडणवीस

30/12/2022 17:19:33

हिवाळी अधिवेशनाचं सूप वाजलं, पुढील अधिवेशन 27 फेब्रुवारी 2023 पासून मुंबईला होणार

हिवाळी अधिवेशनाचं सूप वाजलं, पुढील अधिवेशन 27 फेब्रुवारी 2023 पासून मुंबईला होणार

30/12/2022 17:10:52

सिद्धिविनायक न्यासाच्या गैरकारभाराबाबत चौकशी एक महिन्यात पूर्ण करणार, उपमुख्यमंत्री फडणवीस यांनी केले स्पष्ट

सिद्धिविनायक न्यासाच्या गैर कारभाराबाबत चौकशी एक महिन्यात पूर्ण करणार, उपमुख्यमंत्री फडणवीस यांनी केले स्पष्ट

सिद्धिविनायक न्यासबाबत राज्य सरकारकडे तक्रार प्राप्तझाली त्याची चौकशी सुरू आहे. याबाबत चौकशी एक महिन्यात पूर्ण करू, चौकशी केल्यावर दोष आढळल्यास कारवाई करू

30/12/2022 16:03:51

मुख्यमंत्री एकनाथ शिंदे यांचं अंतिम आठवडा प्रस्तावाला उत्तर...

मुख्यमंत्री एकनाथ शिंदे यांचं अंतिम आठवडा प्रस्तावाला उत्तर...
म्हणाले, अजित पवारांकडून कालचे निर्णय झाले त्याचे स्वागत होईल असं वाटलं होतं पण तुम्ही आमच्या भाषणावर किती टाळ्या झाल्या हे मोजत होते. दादांना वाटलं नव्हतं की एवढे मोठे आम्ही निर्णय घेऊ.

30/12/2022 15:39:28

पन्नालाल सुराणा यांना आपलं घर अनुदानासाठी लाच मागणाऱ्या अधिकाऱ्यावर कारवाई होणार, अजित पवारांच्या मागणीनंतर उपमुख्यमंत्री फडणवीस यांचं आश्वासन

पन्नालाल सुराणा यांना आपलं घर अनुदानासाठी लाच मागणाऱ्या अधिकाऱ्यावर कारवाई होणार 

अजित पवारांच्या मागणीनंतर उपमुख्यमंत्री फडणवीस यांचं आश्वासन

30/12/2022 10:47:32

Mahavikas Aghadi: हकालपट्टी करा, हकालपट्टी करा, राज्यपालांची हकालपट्टी करा, काळ्या टोप्या हातात घेऊन राज्य सरकारचा निषेध

Mahavikas Aghadi: महाविकासआघाडीकडून विधान भवनाच्या पायऱ्यावर आंदोलन करण्यत येते आहे. काळ्या टोप्या हातात घेऊन राज्य सरकारचा अनोखा निषेध करण्यात येत आहे.

काळ्या टोपीला हाकलून दिले पाहिजे..

हकालपट्टी करा, हकालपट्टी करा, राज्यपालांची हकालपट्टी करा..

महाराष्ट्राचं एकच म्हणणे हाकलून द्या हे बुजगावने.. या घोषणा देण्यात येत आहे

 

30/12/2022 10:22:27

Maharashtra Winter Session Live : अध्यक्षांविरोधात आलेल्या अविश्वास ठराव प्रस्तावबाबत महविकास आघाडीत मतभेद?

Maharashtra Winter Session Live : विधानसभेत अविश्वास ठराव प्रस्ताव आणण्यासाठी काँग्रेस आग्रही असून काँग्रेसने उद्धव ठाकरे यांच्याशी चर्चा केली आहे. त्यानंतर काँग्रेसने अविश्वास ठराव प्रस्ताव दाखल केला. पण हा ठराव तांत्रिक पातळीवर टिकणे अवघड असल्यामुळेच अजित पवार यांनी सही केली नसल्याची माहिती समोर आली आहे. त्यामुळे अविश्वास ठराव प्रस्ताव आणला तरी याबाबत तिन्ही पक्षात एकमत नसल्याचे चित्र समोर आले आहे.  एक वर्षाच्या आत ठराव आणता येतं नाही. आणि जर ठराव आणायचा असेल तर 14 दिवस आधी तो ठराव आणावा लागतो. त्यामुळे या अविश्वास ठरावासाठी विरोधकांना पुढच्या अधिवेशनाची वाट पाहावी लागेल

पार्श्वभूमी

Maharashtra Winter Session Live Updates: अधिवेशनाचा (Maharashtra Winter Session) आज अखेरचा दिवस आहे. आजवरच्या परंपरेप्रमाणे शिंदे फडणवीस सरकार विदर्भातून जाता जाता काही पॅकेज जाहीर करतात का याकडे सर्वांचे लक्ष लागले आहे. काल विधानसभेत बोलताना मुख्यमंत्री एकनाथ शिंदे यांनी विकासाचा आराखडा सांगताना अनेक नव्या घोषणा केल्या आहेत. विधान परिषदेत सकाळी 10 वाजता विशेष बैठक आणि 11 वाजता अंतिम आठवडा प्रस्ताव मांडला जाईल. हिवाळी अधिवेशनाच्या शेवटच्या दिवशी आज सत्ता पक्षाची आणि विरोधकांची पत्रकार परिषद होईल.  

 विधीमंडळ अधिवेशनाच्या पहिल्या दिवसापासून आक्रमक पावित्र्यात असलेल्या विरोधकांकडून आजही आक्रमक भूमिका घेतली जाण्याची शक्यता आहे. या अधिवेशनात विरोधकांनी मुख्यमंत्री एकनाथ शिंदे यांच्यासह चार मंत्र्यांवर भ्रष्टाचाराचे आरोप झाले आहेत. तर, विरोधकांच्या आरोपांना सत्ताधाऱ्यांनी फेटाळून लावले आहे. 

काल विधानसभा आणि विधान परिषदेत अंतिम आठवडा प्रस्ताव सादर करण्यात आला.. मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी अनेक योजना आणि प्रकल्पांसाठी निधी जाहीर केला..  कोणकोणत्या महत्त्वाच्या घोषणा करण्यात आल्या. महाराष्ट्रात आता 'स्वाधार' सारखी योजना ओबीसी विद्यार्थ्यांसाठी लागू होणार आहे.. उपमुख्यमंत्री देवेंद्र फडणवीस यांनी विधानसभेत ही मोठी घोषणा केली...  ओबीसी विद्यार्थ्यांसाठी किमान पाच वसतिगृह सुरू व्हावे... यासाठी जागा निश्चित करण्यात आल्या असून लवकरच ते सुरू करण्यात येणार असल्याचंही त्यांनी विधानसभेत सांगितलं

विधानसभेत सरकारच्या घोषणा

• राज्यात आता 'स्मार्ट अंगणवाडी' होणार 9 हजार कंपन्या व संस्थांना पत्र,800 हून अधिक संस्थांचा अंगणवाडी दत्तक घेण्यास पुढाकार


• धान उत्पादक शेतकऱ्यांना प्रती हेक्टरी 15 हजारांचा  बोनस जाहीर


• नागपूर मेट्रो रेल प्रकल्पटप्पा-1 ला 9 हजार 279 कोटींच्या सुधारित खर्चास मान्यता 


• वडसा देसाईगंज-गडचिरोलीनवीन रेल्वे मार्गासाठी 1 हजार 96  कोटी सुधारित खर्चास मान्यता


• विदर्भ, मराठवाड्यातील 70 हजार कोटींच्या गुंतवणूक प्रकल्पांना मान्यता


• विदर्भामध्ये एकूण 44 हजार 123 कोटी रुपयांची गुंतवणूक 45 हजार रोजगार निर्मिती होणार


• गडचिरोलीत 20 हजार कोटी गुंतवणुकीचा खनिजउत्खनन प्रकल्पास मान्यता


• गोसीखुर्द येथे 100 एकरजागेवर जागतिक दर्जाचा जल पर्यटन प्रकल्प उभारणार


• बुलडाण्यातील अरकचेरीआणि आलेवाडी बृहत लघु पाटबंधारे प्रकल्पांना सुधारित मान्यता


• सुमारे 1 हजार 918 हेक्टरजमिनीला सिंचनाचा फायदा होणार


• लोणार सरोवराच्या पर्यटनाच्यादृष्टीने विकास करण्यासाठी 369 कोटी 78 लाख रुपयांच्या विकास आराखड्यास मंजुरी