Live Blog Updates: ज्यांच्या हातात सत्ता ते पैसे वाटताय, निवडणूक आयोगाने विचार करावा : शरद पवार

15/11/2025 13:14:20

सांगली मधील उत्तम मोहिते यांच्या हत्येतील आरोपींची सांगली पोलिसांनी काढली धिंड

सांगली मधील 4 दिवसापूर्वी झालेल्या उत्तम मोहिते यांच्या हत्येतील आरोपींची सांगली पोलिसांनी काढली धिंड

सांगली शहरातील गारपीर चौक ते इंदिरानगर या मार्गावर आरोपींची पोलिसांनी काढली धिंड

वाढती गुन्हेगारी मोडीत काढण्यासाठी पुण्याच्या धर्तीवर गुन्हेगारांचे फॉरेन्सिक ऑडिट करून गुन्हेगारांचे आर्थिक कंबरडे मोडून काढण्याचा सांगलीचे पालकमंत्री चंद्रकांत पाटील यांनी दिला होता इशारा

पालकमंत्र्याच्या कालच्या इशाऱ्याच्या पार्श्वभूमीवर सांगली पोलिसांची आजची आरोपीची काढलेली धिंड महत्वाची

दलित महासंघाचे मोहिते गटाचे संस्थापक अध्यक्ष असलेले उत्तम मोहिते यांची 4 दिवसांपूर्वी घरात घुसून झाली होती हत्या

चार आरोपींची सांगली पोलिसांनी काढली धिंड, या गुन्ह्यातील दोन आरोपी अल्पवयीन

वाढदिवस कार्यक्रम संपल्या संपल्यानंतर घरात घुसून उत्तम मोहिते यांची झाली होती हत्या

15/11/2025 13:12:54

अजित पवारांच्या राष्ट्रवादीशी शिंदे सेनेची युती करण्याची तयारी, पिंपरी चिंचवडमध्ये नवा ट्विस्ट

पिंपरी चिंचवडमध्ये पवार काका-पुतणे एकत्र येण्याच्या तयारीत असताना, शिंदेंच्या शिवसेनेनं अजित पवारांच्या राष्ट्रवादीशी युती करण्याची तयारी दर्शवली आहे. मात्र शरद पवारांची राष्ट्रवादी सोबत असेल तर ही युती अशक्य आहे. असं शिंदेचे खासदार श्रीरंग बारणेंनी म्हटलंय. महायुतीतील घटक पक्षांसोबत युती न झाल्यास स्वबळावर लढणार असं ही बारणे म्हणालेत. त्याच अनुषंगाने आज पदाधिकाऱ्यांचा मेळावा घेत, शिंदेंच्या सेनेनं लढण्याची तयारी केलीये.

15/11/2025 11:48:18

किनवटमध्ये शॉर्टसर्किटमुळे दोन दुकानाला लागली आग; दोन तासाच्या प्रयत्नानंतर आगीवर नियंत्रण मिळवण्यात यश

नांदेडच्या किनवट शहरात आज पहाटे मोठी दुर्घटना घडली. जैन प्रसन्न आणि रंग वैभव कलेक्शन या दोन दुकानांना शॉर्टसर्किटमुळे अचानक भीषण आग लागली. ही घटना रात्री घडली. आगीचा फैलाव इतका प्रचंड होता की तब्बल दोन तासापर्यंत आग नियंत्रणात आणणे अग्निशमन दलाला कठीण गेले. ग्रामस्थ आणि अग्निशमन दलाच्या प्रयत्नांनंतर अखेर आग विझवण्यात यश आले. मात्र तोपर्यंत दोन्ही दुकानांचे मोठ्या प्रमाणावर नुकसान झाले असून लाखोंचा माल जळाल्याची प्राथमिक माहिती आहे.

15/11/2025 11:05:12

भंडाऱ्यात भाजपाचा 'एक ला चलो रे' म्हणत सुपर प्रचाराचा धडाका; उमेदवारांची नावं गुलदस्त्यात, पण भाजपचा प्रचार प्रारंभ

राज्यात शिंदेंची शिवसेना आणि अजित पवारांच्या राष्ट्रवादीसोबत सत्तेत सहभागी असलेल्या भाजपनं भंडाऱ्यात नगरपालिका निवडणुकीसाठी "एक ला चलो रे" ची भूमिका ठरवली आहे. भाजपानं भंडारा नगराध्यक्ष पदाचा उमेदवार म्हणून मधुरा मदनकर यांना घोषित केलय. मात्र, अन्य कुठल्याही उमेदवारांची घोषणा झालेली नाही किंबहुना सर्व नावं भाजपनं गुलदस्त्यात ठेवलेलं असताना दुसरीकडे मात्र, भाजपनं त्यांचा प्रचार धडाक्यात प्रचार सुरू केलाय. भाजपचे निवडणूक प्रचार प्रमुख म्हणून आमदार परिणय फुके यांच्यावर जबाबदारी असून त्यांनी डोअर टू डोअर प्रचार मोहीम सुरू केली आहे. भाजपाच्या एकाही उमेदवाराचं नामांकन दाखल झालेलं नसताना त्यांनी सुरू केलेल्या प्रचाराच्या धडक मोहिमेला भंडारा शहरातून उत्स्फूर्त प्रतिसाद मिळत असल्याचं बघायला मिळत आहे. तीन तारखेला निवडणुकीच्या निकालानंतर भंडारा शहरवासीयचं नाही तर, संपूर्ण जिल्हावासीय भाजपाच्या विजयाचा जल्लोष करण्यासाठी भंडाऱ्यात रस्त्यावर उतरणार असल्याचा विश्वास भाजप नेते आमदार परिणीय फुके यांनी व्यक्त केला आहे.

15/11/2025 10:44:31

बिबट्याच्या हल्ल्यात जखमी झालेल्या वन रक्षकावर आज होणार शस्त्रक्रिया

बिबट्याच्या हल्ल्यात जखमी झालेल्या वन रक्षकावर आज होणार शस्त्रक्रिया

शुक्रवारी दुपारच्या सुमारास नाशिकच्या महात्मा नगर पारिजात नगर परिसरात आढळून आला होता बिबट्या

नागरी वस्तीत आलेल्या बिबट्या ने 5 ते 6 नागरिकांसह दोन वन रक्षकावर केला होता हल्ला

बिबटयाच्या संतोष बोडके आणि प्रवीण गोलाईत हे दोन वनरक्षक गंभीर जखमी झाले होते

गोलाईत यांच्या चेहऱ्यावर बिबट्या ने पंजा मारला तर बोडके यांच्या हाताला जखम झाली आहे या दोघांवर आज शस्त्रक्रिया पार पडणार आहे

15/11/2025 10:11:48

मुंबई महानगरपालिका निवडणुकीच्या पार्श्वभूमीवर मुंबई काँग्रेसचे उद्या एक दिवसाचे शिबिर

मुंबई महानगरपालिका निवडणुकीच्या पार्श्वभूमीवर मुंबई काँग्रेसचे उद्या एक दिवसाचे शिबिर.

मुंबई महानगरपालिकेच्या आगामी निवडणुकीच्या पार्श्वभूमीवर उद्या १५ नोव्हेंबर रोजी मुंबई काँग्रेसचे एक दिवसाचे शिबिर ‘लक्ष्य २०२६’ हे मालाड येथे होत आहे. अखिल भारतीय काँग्रेस कमिटीचे सरचिटणीस व महाराष्ट्र प्रभारी रमेश चेन्नीथला यांच्या प्रमुख उपस्थितीत हे शिबिर संपन्न होत आहे अशी माहिती मुंबई काँग्रेसचे प्रवक्ते आणि माध्यम समन्वयक सुरेशचंद्र राजहंस यांनी दिली आहे.

या शिबिरात मुंबई काँग्रेस अध्यक्ष खासदार वर्षा गायकवाड, प्रदेशाध्यक्ष हर्षवर्धन सपकाळ, ज्येष्ठ नेते काँग्रेस कार्य समितीचे सदस्य बाळासाहेब थोरात, अखिल भारतीय काँग्रेस कमिटीचे पवन खेरा, मुंबई काँग्रेसचे खजिनदार आमदार अस्लम शेख, ज्येष्ठ पत्रकार संजय आवटे, निरंजन टकले, अशोक वानखेडे, राम पुनियानी हे मान्यवर पदाधिकाऱ्यांना मार्गदर्शन करणार असल्याचे सुरेशचंद्र राजहंस यांनी सांगितले.

15/11/2025 09:22:02

पूरग्रस्त शेतकऱ्यांसाठी फडणवीस सरकारचा महत्त्वाचा निर्णय; खरडलेल्या शेतजमिनीसाठी मोफत माती, गाळ, मुरूम, कंकर मिळणार

पूरग्रस्त शेतकऱ्यांसाठी फडणवीस सरकारचा महत्त्वाचा निर्णय

खरडलेल्या शेतजमिनीसाठी मोफत माती, गाळ, मुरूम, कंकर मिळणार

जमीनीच्या सुपीकतेसाठी महसूल मंत्र्यांचा निर्णय

पूरग्रस्त जमीनीसाठी गौण खनिजे रॉयल्टी माफ

राज्य सरकारच्या निर्णयाची तात्काळ अंमलबजावणीचे जिल्हाधिकाऱ्यांना आदेश

15/11/2025 09:19:14

मोहोळचे राष्ट्रवादीचे आमदार राजू खरे यांनी नगरपरिषद निवडणुकीची जबाबदारी झटकली; कारण काय?

मोहोळचे राष्ट्रवादी शरद पवार गटाचे आमदार राजू खरे यांनी नगरपरिषद निवडणुकीची जबाबदारी झटकली

आमदार राजू खरे हे शरद पवार गटाचे असताना देखील मोहोळ नगरपरिषदेत शरद पवार गटाच्या उमेदवारांचा प्रचार न करता अजित पवार गटाच्या नेत्यासोबत व्यासपीठावर दिसतायत

ह्या सगळ्यांची कारणं आमदार राजू खरे यांनी पहिल्यांदाच स्पष्ट केली आहेत

मोहोळ मतदार संघाचा आमदार असतानाही निवडणुकीचे सूत्र पलीकडच्या मतदार संघातील खासदारांना दिलं

विधानसभेच्या वेळेस खासदार धैर्यशील मोहिते पाटलांनी इतर मतदारसंघात प्रचार केला पण मोहोळ येथे येऊन राजू खरे यांचा प्रचार केला नाही

मोहोळ नगरपरिषद निवडणुकीत जे होईल त्याची जबाबदारी ही मोहिते पाटलांचीच असेल, पक्षाने मला जबाबदारी दिलेली नाही

वीस नगरसेवक तुतारीच्या चिन्हावर निवडून आले तर मोहिते पाटलांना त्याचे श्रेय जाईल आणि पराभव झाला तरी त्याचे श्रेय मोहिते पाटलांना जाईल

दरम्यान ह्या सगळ्या विषयाची माहिती आपण शरद पवारांना दिल्याची माहिती देखील आमदार राजू खरे यांनी दिली

15/11/2025 08:28:48

नगरपरिषद, नगरपंचायत निवडणुकांसाठी मोठी बातमी; उमेदवारांना ऑफलाईनसुद्धा नामनिर्देशनपत्र भरण्याची सवलत

नगरपरिषद, नगरपंचायत निवडणुकांसाठी मोठी बातमी

उमेदवारांना ऑफलाईनसुद्धा नामनिर्देशनपत्र भरण्याची सवलत

आज आणि रविवारीही उमेदवारी अर्ज भरता येणार

निवडणूक आयोगाचे सर्व निवडणूक निर्णय अधिकाऱ्यांना आदेश

२४६ नगरपरिषदा आणि ४२ नगरपंचायतींच्या सदस्यपदासाठी आणि थेट अध्यक्षपदाच्या अर्ज भरता येणार

15/11/2025 08:25:21

बिहार निवडणुकीनंतर भाजपमध्ये मोठे संघटनात्मक बदल होणार; केंद्र आणि राज्यस्तरीय संघटनेत खांदेपालट होण्याची शक्यता

बिहार निवडणुकीनंतर भाजपमध्ये मोठे संघटनात्मक बदल होणार

केंद्र आणि राज्यस्तरीय संघटनेत खांदेपालट होण्याची शक्यता

भाजप राष्ट्रीय अध्यक्ष बदलाबाबत जोरदार चर्चा

येत्या आठवड्यात संघटनात्मक फेरबदलाची अपेक्षित

राज्यात नवी प्रदेश कार्यकारिणी देखील जाहीर होणार

विश्वसनीय सूत्रांची माहिती

15/11/2025 08:08:32

कडाक्याच्या थंडीमुळे हरभरा पीक बहरले, रब्बी हंगामाच्या वाढीसाठी पोषक वातावरण

नांदेडमध्ये उशिरा का होईना पण आता गुलाबी थंडीचे आगमन झालंय, सध्या नांदेडकरांना कडाक्याची थंडी जाणवत आहे. त्यामुळे रब्बी हंगामातील पिकांसाठी पोषक वातावरण तयार झाल्याने बळीराजा सुखावलाय. या थंडीमुळे हरभरा पीक चांगलेच बहरले आहे. अतिवृष्टीमुळे खरीप हंगाम हाथातून गेल्याने शेतकऱ्यांना आता रब्बी हंगामाकडून मोठ्या अपेक्षा आहेत. नांदेडमध्ये रब्बी हंगामात सर्वाधिक पेरणी ही गव्हू आणि हरभरा या दोन पिकाची होते, त्यातील हरभरा पिकांची जोमात वाढ होताना दिसतेय.

15/11/2025 07:35:42

विदर्भाचं नंदनवन चिखलदरा येथे अजित पवार गटाला मोठा धक्का;माजी नगराध्यक्ष भाजपमध्ये

विदर्भाचं नंदनवन चिखलदरा येथे अजित पवार गटाला मोठा धक्का...

माजी नगराध्यक्ष राजेंद्रसिंग सोमवंशी आणि त्यांचे पुत्र अनुप सोमवंशी यांचा भाजपमध्ये प्रवेश..

मागील 20 वर्षापासून सोमवंशी कुटुंबात नगराध्यक्ष पद...

राजेन्द्र सोमवंशी है तीन वेळा राष्ट्रवादी कडून तर त्यांच्या पत्नीनी एक वेळा कॉंग्रेस कडून चिखलदरा नगराध्यक्ष पद भूषवलं आहे...

अमरावती जिल्ह्याचे निवडणूक प्रमुख आमदार संजय कुटे, खासदार अनिल बोंडे, माजीमंत्री प्रवीण पोटे, आमदार केवळराम काळे यांच्या उपस्थितित चिखलदरा मध्ये भाजपात सोमवंशी यांचा प्रवेश झाला...

त्यानंतर राजेन्द्र सोमवंशी यांनी रात्री भाजप नेत्या नवनीत राणा यांच्या घरी भेट घेतली...

चिखलदरा हे विदर्भाच नंदनवन असल्याने इथला विकास पाहीजे तसा झाला नाही त्यामुळे मी भाजपात प्रवेश केला असल्याची प्रतिक्रिया राजेन्द्र सोमवंशी यांनी दिली...

15/11/2025 07:34:54

16 हजार रुपयांची लाच, पुरवठा निरीक्षक लाचलुचपत प्रतिबंधक विभागाच्या जाळ्यात, गुन्हा दाखल

बुलढाणा जिल्ह्यातील नांदुरा तहसील कार्यालयातील पुरवठा निरीक्षक पूनम थोरात हिला 16000 रुपयांची लाच घेताना लाच लुचपत प्रतिबंधक विभागाच्या पथकाने रंगेहाथ पकडलं. एका स्वस्त धान्य दुकानावर कारवाई न करण्यासाठी पुनम थोरात हिने स्वस्त धान्य दुकानदाराला लाच मागितली होती. यावेळी दुकानदाराने बुलढाणा लाच लुचपत प्रतिबंधक विभागाकडे तक्रार केली होती. त्यानुसार पथकाने काल सायंकाळी स्वस्त धान्य दुकानदाराकडून 16 हजार रुपयांची लाच घेताना पुनम थोरात ला रंगेहाथ पकडले. या प्रकरणी पुनम थोरात विरुद्ध नांदुरा पोलिसात गुन्हा दाखल करत पुनम थोरातला अटक केली आहे.

15/11/2025 06:53:55

आगामी स्थानिक स्वराज्य संस्थांच्या निवडणुकीत काँग्रेस आणि वंचितची युती जाहीर

आगामी स्थानिक स्वराज्य संस्थांच्या निवडणूकसाठी बुलढाण्यात काँग्रेस आणि वंचित बहुजन आघाडीच्या युतीची घोषणा करण्यात आली. याबाबत काँग्रेस प्रदेशाध्यक्ष हर्षवर्धन सपकाळ व वंचितचे प्रकाश आंबेडकर यांच्यात काही दिवसांपूर्वी बोलणी झाली होती. या युतीत स्थानिक स्वराज्य संस्थांच्या निवडणुकीत काँग्रेसच्या कोट्यातून 50 - 50 फॉर्मुला ही जाहीर करण्यात आला आहे. बुलढाण्यातील 11 नगर परिषदेच्या निवडणुकीत ही युती असेल असं ही यावेळी जाहीर करण्यात आलं.

15/11/2025 06:53:29

पनवेल हायवेला खारघर टोल नाक्याजवळ खाडीत अपघात

सायन - पनवेल हायवेला खारघर टोल नाक्याजवळ खाडीत अपघात

सीबीडी वरून पनवेल च्या दिशेने जाणारी कार खाडीत कोसळली

रस्त्याकडेला असलेले बॅरेकेट तोडून कार उड्डाणपुलावरून खाली खाडीत पडली

कार मधील दोघांपैकी पुरुषाचा मृत्यू . महिलेचा जीव वाचला

खारघर पोलीस आणि अग्निशमन विभागाला पाण्यातून कार बाहेर काढण्यात यश

15/11/2025 06:52:46

जम्मू काश्मीरमधील नौगाम पोलीस स्टेशनमध्ये भीषण स्फोट

जम्मू काश्मीरमधील नौगाम पोलीस स्टेशनमध्ये भीषण स्फोट, फरीदाबादमधील डॉ. मुजम्मिलच्या घरातून जप्त केलेल्या अमोनियम नायट्रेटचा स्फोट झाल्याची माहिती, नऊ जणांचा मृत्यू, २७ जखमी

Live Blog Updates: ज्यांच्या हातात सत्ता आहे, ते पैसे वाटताय; यावर निवडणूक आयोगाने विचार करावा : शरद पवार

Live Blog Updates: राज्यातील आणि देश-विदेशातील ताज्या घडामोडी आणि बातम्यांचे लाईव्ह अपडेटस् जाणून घेण्यासाठी क्लिक करा...

पार्श्वभूमी