या घटनेत पाच वर्षांचा तौसिफ हा मुलगा बचावला असून चार वर्षांच्या अमरीनसह 27 वर्षीय शिरीन खान यांचा जागीच मृत्यू झाला. पतीसोबत वारंवार होणाऱ्या भांडणाच्या कटकटीला कंटाळून शिरीन यांनी टोकाचं पाऊल उचलल्याची माहिती आहे.
रविवारी सकाळी साडेअकरा वाजण्याच्या सुमारास शिरीन घर पाहण्यासाठी मुंब्य्रातील शिबलीनगरमधल्या एमएमआरडीएच्या दोस्ती अपार्टमेंटमध्ये गेल्या होत्या. त्यावेळी रागाच्या भरात त्यांनी इमारतीच्या पंधराव्या मजल्यावरुन मुला-मुलीला खाली फेकून स्वतः उडी मारली.
पाच वर्षांचा तौसिफ मुलगा या घटनेत वाचला असून त्याच्या हातापायांना फ्रॅक्चर झालं आहे. त्याला जे. जे. रुग्णालयात उपचारासाठी दाखल करण्यात आलं आहे. शिरीन यांच्यासह अमरीन या मुलीचा जागीच मृत्यू झाला. डायघर पोलीस ठाण्यात गुन्हा दाखल करण्यात आला आहे.