Kirit Somaiya Live Updates : भाजप नेते किरीट सोमय्या आज काय भूमिका घेणार?

मंत्री अनिल परब यांचा रिसॉर्ट तोडण्यासाठी निघालेल्या भाजप नेते किरीट सोमय्यांना काल पोलिसांनी अटक केली होती. त्यानंतर त्यांची सुटकाही करण्यात आली. आज सोमय्या काय भूमिका घेणार याकडे लक्ष लागले आहे.

पार्श्वभूमी

Kirit Somaiya : भाजप नेते किरीट सोमय्या (kirit somaiya) हे आक्रमक झाल्याचे दिसत आहे. राज्याचे परिवहन मंत्री अनिल परब (anil parab) यांच्या अनधिकृत रिसॉर्टवर प्रकरणावरुन त्यांनी राज्य सरकारवर जोरदार निशाणा लगावला आहे. मंत्री परब यांचा हा रिसॉर्ट तोडण्यात यावा म्हणून सोमय्या आज दापोलीकडे रवाना झाले आहेत. दापोली (Dapoli) कडे निघण्यापूर्वी सोमय्या यांनी एक प्रतिकात्मक मोठा हातोडा प्रसारमाध्यांसमोर दाखवला. हा हातोडा जनतेच्या भावनेचं प्रतिक असल्याचे सोमय्या यांनी म्हटले आहे. जनता असाच हातोडा घेऊन यांना बाहेर घालवणार आहे. साडेबारा कोटी जनतेचा हा हातोडा असल्याचे सोमय्या म्हणालेत.मंत्री अनिल परब यांचे रिसॉर्ट बेकायदेशीर असल्याचा आरोप सोमय्या यांनी केला आहे. या पार्श्वभूमीवर सोमय्या यांनी आज चलो दापोलीचा नारा दिला आहे. मिलींद नार्वेकरांचा बंगला तोडला आता अनिल परब यांचा रिसॉर्ट तोडूयात असेही ते म्हणालेत. आम्ही जनतेची भाषा बोलतो. जनतेची ताकद दाखवायला मी दोपीलाला जात आहे. हा साडेबारा जनतेचा सत्याचा आग्रह असल्याचे सोमय्या म्हणाले. अनिल परबला आज ना उद्या काढावचं लागणार असल्याचे सोमय्या म्हणाले. हा हातोडी ठाकरे सरकारमधील जे लघोटाळेबाज, अनाधिकृत बांधकाम, वसुलीचा पैसा घेतायेत त्या माफियांच्या विरोधात असल्याचे सोमय्या म्हणाले. मुख्यमंत्री उद्धव ठाकरे विधानसभेत काय भाषण करतात की, माझा माणूस अनाधिकृत बांधकाम करणार, हे काय मुख्यमंत्री आहेक काय? असेही सोमय्या यावेळी म्हणाले.ठाकरे पोलिसांना नाचवतात, पोलीस जनतेचे आहेत. दरम्यान, हा हातोडा जनतेच्या भावनेचं प्रतिक आहे, मला अटक करुन दाखवा असे आव्हान देखील सोमय्या यांनी दिले आहे. उद्धव ठाकरेंचं चाललं असतं तर माझे हात पाय कधीच तोडले असते, मात्र मला सुरक्षा आहे म्हणून वाचलो असेही ते म्हणाले. नवाब मलिक गेलेत, मात्र डर्टी डझनवर कारवाई होणार आहे. चोरी लबाडी पकडली तर हे असं वागणार, हे चालू देणार नसल्याचे सोमय्या म्हणाले.

27/03/2022 07:36:27

Kirit Somaiya Live Updates : आज किरीट सोमय्या काय भूमिका घेणार याकडं सर्वाचं लक्ष...

परिवहन मंत्री अनिल परब यांचा रिसॉर्ट तोडण्यात यावा या मागणीसाठी निघालेल्या भाजप नेते किरीट सोमय्या यांना काल पोलिसांनी अटक केली होती. त्यामुळं काल दिवसभर राजकीय नाट्य घडल्याचे पाहायला मिळाले. उशीरा रात्री पोलिसांमनी त्यांची सुटका केली. त्यानंतर प्रसारमाध्यमांशी बोलताना सोमय्या यांनी पुढच्या आठवड्यात आणखी तिघांवर कारवाईचा इशारा सोमय्यांनी दिला आहे. दरम्यान, दापोलीतल्या रिसॉर्टकडे निघालेल्या किरीट सोमय्यांना पोलिसांनी ताब्यात घेऊन सोडलं. त्यानंतर भाजप समर्थकांनी जोरदार घोषणाबाजी तर राष्ट्रवादीच्या कार्यकर्त्यांकडून सोमय्यांना काळे झेंडे दाखवण्यात आले.

अनिल परब यांचं कथित रिसॉर्ट पाडण्याच्या मागणीसाठी भाजप नेते किरीट सोमय्या आणि माजी खासदार निलेश राणे काल दापोलीत दाखल झाले होते. त्यानंतर त्यांनी दापोली पोलिसांकडे एफआयआर नोंदवण्याची मागणी केली. मात्र, पोलिसांनी एफआयआर नोंदवला नाही आणि रिसॉर्टकडेही जाऊ दिलं नाही. त्यामुळं सोमय्यांनी पोलीस ठाण्यासमोरच ठिय्या मांडला. मात्र त्याचीही दखल पोलिसांनी घेतली नाही. शेवटी सोमय्या आणि निलेश राणे आपल्या कार्यकर्त्यांसोबत चालत परबांच्या कथित रिसॉर्टकडे निघाले. थोडे दूर गेल्यावर पोलिसांनी सोमय्या आणि राणेंना अडवलं. तेव्हा पोलीस आणि भाजप कार्यकर्त्यांमध्ये बाचाबाची झाल्याचं पाहायला मिळाला. पोलिसांनी टाकलेले बॅरिकेट्स ओलांडून जाण्याचा प्रयत्न भाजप कार्यकर्ते करत होते. त्यावेळी पोलिसांनी भाजप कार्यकर्त्यांना मागे रेटण्याचा प्रयत्न केला. शेवटी कायदा आणि सुव्यवस्था भंग केल्याच्या आरोपाखाली पोलिसांनी किरीट सोमय्या, निलेश राणे आणि निल सोमय्या यांना अटक केली. त्यानंतर त्यांना रत्नागिरी जिल्ह्यातून हद्दपार करण्यात आलंय.

26/03/2022 22:11:49

Kirit Somaiya : सोमय्या यांना रत्नागिरी जिल्ह्याच्या बाहेर सोडणार

पोलीस किरीट सोमय्या यांना रत्नागिरी जिल्ह्याच्या बाहेर सोडणार आहेत. सध्या किरीट सोमय्या पोलिसांच्या ताब्यात आहेत 

26/03/2022 22:09:24

Kirit Somaiya : भाजप नेते किरीट सोमय्या यांना घेतलं ताब्यात

Kirit Somaiya :  दापोलीतील साई रिसॉर्टकडे जाणाऱ्या किरीट सोमय्या यांना पोलिसांनी ताब्यात घेतलं आहे.

26/03/2022 20:01:11

Kirit Somaiya : साई रिसॉर्टकडे जाऊ दिलं नाही तर रात्रभर आंदोलन करणार : किरीट सोमय्या

साई रिसॉर्टकडे जाऊ दिलं नाही तर रात्रभर आंदोलन करणार असा इशारा किरीट सोमय्या यांनी दिला आहे. 

26/03/2022 18:59:00

Kirit Somaiya : माझा घातपात होणार हे पोलिसांनीच सांगितलं : किरीट सोमय्या

माझा घातपात होणार हे पोलिसांनीच सांगितलं आहे. रत्नागिरीचे एसपी आणि शिवसेनेचे हे कटकारस्थान आहे, असा आरोप किरीट सोमय्या यांनी केला आहे.  

26/03/2022 18:50:14

Kirit Somaiya : किरीट सोमय्यांचा दापोली पोलीस ठाण्याच्या पायरीवर ठिय्या

पोलिसांनी किरीट सोमय्या यांना साई रिसॉर्टकडे जाण्यापासून रोखले आहे. त्यामुळे सोमय्या यांनी दापोली पोलीस ठाण्याच्या पायरीवर ठिय्या मांडाला आहे. 

26/03/2022 18:39:20

Kirit Somaiya : किरीट सोमय्यांना दापोली पोलीस ताब्यात घेण्याची शक्यता

किरीट सोमय्या यांना दापोली पोलीस ताब्यात घेण्याची शक्यता आहे. जमावबंदीचे उल्लंघन केल्याप्रकरणी पोलिसांनी सोमय्या यांना नोटीस दिली आहे. 

26/03/2022 18:20:24

किरीट सोमय्या आणि निलेश राणे यांची पोलिसांसोबत चर्चा सुरू

किरीट सोमय्या आणि निलेश राणे यांची पोलिसांसोबत चर्चा सुरू असून, निलेश राणे यांचे वकील दापोली पोलीस ठाण्यात दाखल झाले आहेत. 

26/03/2022 18:14:17

Kirit Somaiya : किरीट सोमय्या आणि निलेश राणे रिसॉर्टला भेट देण्यावर ठाम

किरीट सोमय्या आणि निलेश राणे रिसॉर्टला भेट देण्यावर ठाम आहेत. परंतु, पोलिसांचं एकलं नाही तर सोमय्या यांना ताब्यात घेण्याची शक्यता आहे. 

26/03/2022 18:11:45

दापोलीतील रिसॉर्ट माझं नाही ; परिवहन मंत्री अनिल परब यांची माहिती

दापोलीतील रिसॉर्ट माझं नसून, खोटे आरोप करून माझी बदनामी करण्यात येत आहे, असे स्पष्टीकरण परिवहन मंत्री अनिल परब यांनी दिले आहे. 

26/03/2022 17:37:51

Kirit Somaiya : किरीट सोमय्या दापोली पोलीस ठाण्यात दाखल

किरीट सोमय्या दापोली पोलीस ठाण्यात दाखल झाले आहेत. त्यांच्यासोबत भाजप नेते निलेश राणे यांच्यासह भाजप कार्यकर्तेही मोठ्या संख्येने उपस्थित आहेत.  

26/03/2022 17:15:50

फक्त रिसॉर्ट नाही तोडणार, तर 25 कोटी रूपयांचा भ्रष्टाचार समोर आणणार : किरीट सोमय्या यांचा इशारा

फक्त रिसॉर्ट नाही तोडणार, तर 25 कोटी रूपयांचा भ्रष्टाचार समोर आणणार आहे. रश्मी ठाकरे यांचे 19 बंगले असा धडा शाळेत असेल अशी टिप्पणी यावेळी किरीट सोमय्या यांनी केली आहे. 

26/03/2022 17:12:59

Kirit Somaiya : मुख्यमंत्री उध्दव ठाकरे यांच्याविरोधातही कारवाई केल्याशिवाय गप्प बसणार नाही ; किरीट सोमय्यांचा इशारा

मुख्यमंत्री उध्दव ठाकरे यांच्याविरोधातही कारवाई केल्याशिवाय गप्प बसणार नाही, असा इशारा किरीट सोमय्या यांनी दिला आहे. 

26/03/2022 17:10:25

Kirit Somaiya : पुढच्या आठवड्यात आणखी तिघांवर कारवाई होणार, किरीट सोमय्यांचा इशारा

पुढच्या आठवड्यात आणखी तिघांवर कारवाई होणार, असा इशारा किरीट सोमय्या यांनी दिला आहे. 

26/03/2022 17:09:11

हिंमत असेल तर आमच्यासोबत लढा : किरीट सोमय्या

हिंमत असेल तर आमच्यासोबत लढा, पोलिसांना का मध्ये आणता, असा प्रश्न किरीट सोमय्या यांनी विचारला आहे. 

26/03/2022 17:07:43

अनिल परब यांचं रिसॉर्ट तोडल्याशिवाय गप्प बसणार नाही : किरीट सोमय्या

अनिल परब यांचं रिसॉर्ट तोडल्याशिवाय गप्प बसणार नाही, असा इशारा किरीट सोमय्या यांनी दिला आहे. 

26/03/2022 17:05:39

Kirit Somaiya : हिंम्मत असेल तर अडवून दाखवा : किरीट सोमय्या

किरीट सोमय्या दापोलीत दाखल झाल्यानंतर भाजप कार्यकर्त्यांकडून जोरदार घोषणाबाजी करण्यात आली. हिम्मत असेल तर अडवून दाखवा, असे आव्हान किरीट सोमय्या यांनी यावेळी दिले आहे.  

26/03/2022 17:02:07

रत्नागिरीत आम्हाला कोणीही अडवू शकत नाही : निलेश राणे

रत्नागिरीत आम्हाला कोणीही अडवू शकत नाही. किरीट सोमय्या यांना अडवण्याचा कोणी प्रयत्न केला तर गप्प बसणार नाही, असा इशारा निलेश राणे यांनी दिला आहे. 

26/03/2022 16:57:33

Kirit Somaiya : किरीट सोमय्या दापोलीत दाखल

असंख्य कार्यकर्त्यांसोबत किरीट सोमय्या दापोलीत पोहोचले आहेत.  भाजप नेते निलेश राणेही दापोलीत उपस्थित आहेत. 

26/03/2022 16:35:18

Kirit Somaiya : किरीट सोमय्या थोड्याच वेळात दापोलीत पोहोचणार

किरीट सोमय्या थोड्याच वेळात दापोलीत पोहोचतील. परंतु, सोमय्यांविरोधात राष्ट्रवादीच्या कार्यकर्त्यांनी आक्रमक पवित्रा घेतला असून कार्यकर्त्यांकडून सोमय्या यांचा निषेध करण्यात आला आहे. 

26/03/2022 16:13:52

Kirit Somaiya : खेडच्या छत्रपती शिवाजी महाराज चौकात भाजप कार्यकर्त्यांकडून किरीट सोमय्यांचे स्वागत

खेड येथील छत्रपती शिवाजी महाराज चौकात भाजप कार्यकर्त्यांनी किरीट सोमय्यांचे स्वागत केले. त्यानंतर किरीट सोमय्या दापोली पोलीस स्टेशनकडे निघाले आहेत.   

26/03/2022 16:03:37

Kirit Somaiya : किरीट सोमय्या यांना पोलिसांची नोटीस

किरीट सोमय्या यांना पोलिसांनी नोटीस पाठवली आहे. परंतु, सोमय्या यांच्याकडून ही नोटीस स्वीकारण्यास नकार देण्यात आला आहे. थोड्याच वेळात किरीट सोमय्या दापोलीमध्ये पोहोचण्याची शक्यता आहे. 

26/03/2022 15:55:39

Kirit Somaiya : किरीट सोमय्यांचा ताफा दापोलीकडे रवाना

किरीट सोमय्या यांचा ताफा दापोलीकडे रवाना झाला आहे. सोमय्या यांच्या ताफ्यामध्ये असंख्य गाड्या सहभागी झाल्या आहेत. 

26/03/2022 15:25:01

Kirit Somaiya : सोमय्यांचा दापोली दौरा, कशेडी घाटात सोमय्यांना पोलिसांनी अडवले

भाजप नेते किरीट सोमय्या (kirit somaiya) हे आक्रमक झाल्याचे दिसत आहे. राज्याचे परिवहन मंत्री अनिल परब (anil parab) यांच्या अनधिकृत रिसॉर्टवर प्रकरणावरुन त्यांनी राज्य सरकारवर जोरदार निशाणा लगावला आहे. मंत्री परब यांचा हा रिसॉर्ट तोडण्यात यावा म्हणून सोमय्या आज दापोलीकडे रवाना झाले आहेत. दरम्यान, कशेडी घाट या ठिकाणी सोमय्यांना पोलिसांनी अडवले आहे. तसेच पोलिसांनी सोमय्यांनी नोटीस दिली आहे.

 

26/03/2022 13:56:40

कुणी हातोडा, कुणी कुदळ जे घ्यायचं ते घ्या, पण शिवरायांचा मर्द मराठा मावळा दिल्लीच्या तख्तासमोर नमणार नाही

किरीट सोमय्यांच्या दापोली दौऱ्यावर शिवसेना खासदार विनायक राऊत यांनी प्रतिक्रिया दिली आहे. कुणी हातोडा, कुणी कुदळ कुणी फावडे असे जे घ्यायचे ते घ्या, पण 
कुणी हातोडा, कुणाला कुदळ, कुणाला फावडा जे घ्यायचं आहे ते घ्य पण हा शिवरायांचा मर्द मराठा मावळा दिल्लीच्या तख्तासमोर नमणार नाही, तो लढतही राहणार आणि जिंकतही राहणार असे राऊत म्हणाले. आम्ही नितेश राणे, निलेश राणे यांना फार किंमत देत नाही, ते संपलेलं गणित असल्याचे राऊत यांनी सांगितले.

26/03/2022 13:48:14

कोकणातल्या महाविकास आघाडीमध्ये 'सूर्याजी पिसाळ' : संजय कदम

कोकणातील महाविकास आघाडीमध्ये देखील सूर्याजी पिसाळ असल्याचा आरोप शिवसेना नेते आणि माजी आमदार संजय कदम यांनी केला आहे. या वक्तव्यावरुन संजय कदम यांचा रोख शिवसेनेचे नेते आणि माजी मंत्री रामदास कदम यांच्याकडे असल्याचे दिसत आहे. ऑडिओ क्लिप आणि सोमय्या प्रकरणात संजय कदम यांनी गंभीर आरोप केला आहे. कदम यांच्या या वक्तव्यामुळं शिवसेनेच्या अंतर्गत वादाची झलक पाहायला मिळाली आहे.

26/03/2022 12:35:24

किरीट सोमय्या माणगांव येथे दाखल

भाजपचे नेते किरीट सोमय्या हे आज दापोली दौऱ्यावर आहेत. राज्याचे परिवहन मंत्री अनिल परब यांच्या अनधिकृत रिसॉर्टवर प्रकरणावरुन त्यांनी राज्य सरकारवर जोरदार निशाणा लगावला आहे. मंत्री अनिल परब यांचा  रिसॉर्ट तोडण्यात यावा म्हणून सोमय्या आज दापोलीकडे रवाना झालेत. दरम्यान, किरीट सोमय्या माणगांव येथे दाखल झाले आहेत.

26/03/2022 12:08:17

किरीट सोमय्या यांना काळे झेंडे दाखवत निषेध करणार : संजय कदम

किरीट सोमय्या यांना नाटके करायची सवय असल्याचे वक्तव्य शिवसेनेचे नेते संजय कदम यांनी केले आहे. किरीट सोमय्या यांना काळे झेंडे दाखवत निषेध करणार असल्याचे कदम म्हणाले. सोमय्या यांच्या दौऱ्यामुळं पर्यटनावर परिणाम झाला असल्याचेही त्यांनी सांगितले. 

26/03/2022 11:24:39

सोमय्यांचा दापोली दौरा, शिवसेना आणि राष्ट्रवादीच्या कार्यकर्त्यांना नोटीस

भाजप नेते किरीट सोमय्या हे दापोली दौऱ्यावर आहे. मात्र, त्यांच्या या दौऱ्याला शिवसेना आणि राष्ट्रवादीने विरोध केला आहे. दरम्यान, कायदा आणि सुव्यवस्थेच्या प्रश्नावरुन शिवसेना आणि राष्ट्रवादीच्या कार्यकर्त्यांना नोटीस बजावण्यात आली आहे.

26/03/2022 11:15:54

Ratnagiri : दापोलीतील पर्यटन व्यावसायिक घेणार किरीट सोमय्या यांची भेट

Ratnagiri : दापोलीतील पर्यटन व्यावसायिक किरीट सोमय्या यांची भेट  घेणार आहे. सध्याचे राजकारण आणि पर्यटनाच्या एकूण परिस्थितीवर ते आपले म्हणणे मांडणार आहेत.