काळा दिन LIVE UPDATE | महाराष्ट्रातील बसेसवर बेळगावमध्ये हल्ल्या करण्याचा प्रयत्न

Karnataka day :1 नोव्हेंबर रोजी कर्नाटकात राज्योत्सव दिन साजरा केला जातो, तर महाराष्ट्र एकीकरण समिती त्या दिवशी अन्यायाने मराठी भाषिक प्रदेश कर्नाटकात डांबल्याच्या निषेधार्थ काळा दिन पाळते. मात्र यावर्षी कर्नाटक सरकारने एकीकरण समितीला कोणतेही परवानगी नाकारली आहे.

एबीपी माझा वेब टीम Last Updated: 01 Nov 2020 05:49 PM

पार्श्वभूमी

बेळगाव : 1 नोव्हेंबर रोजी कर्नाटकात राज्योत्सव दिन साजरा केला जातो, तर महाराष्ट्र एकीकरण समिती त्या दिवशी अन्यायाने मराठी भाषिक प्रदेश कर्नाटकात डांबल्याच्या निषेधार्थ काळा दिन पाळते. मात्र यावर्षी कर्नाटक सरकारने एकीकरण समितीला कोणतेही परवानगी नाकारली आहे. कर्नाटक सरकारची मराठी भाषिक बांधवांवर दमदाटी सुरुच आहे. मराठी भाषिकांनी उद्या अंगावर एकही काळा कपडा घालू नये, असं फर्मान कर्नाटक सरकारनं काढलं आहे.शिवसेनेच्या कार्यकर्त्यांना पोलिसांची दमदाटीकाळा दिन धरणे आंदोलनात सहभागी होण्यासाठी जमलेल्या शिवसेनेच्या कार्यकर्त्यांना पोलिसांनी दमदाटी करून आंदोलन स्थळी जावा.येथे थांबू नका असे कार्यालयाकडे जमलेल्या शिवसैनिकांना पोलिसांनी सांगितले.सायकल फेरी रद्द झाल्यामुळे मराठा मंदिर येथे आंदोलनात सहभागी होण्यासाठी शिवसैनिक जमले होते.त्यावेळी पोलिसांनी तेथे दाखल होऊन आक्षेप घेतला.तुम्ही आंदोलनस्थळी जा, येथे कशाला जमला आहात असे विचारून दमदाटी केली.सूर्य, चंद्र असेपर्यंत बेळगाव कर्नाटकातच - लक्ष्मण सवदीबेळगाव हा कर्नाटकचा अविभाज्य भाग असून सूर्य, चंद्र असेपर्यंत बेळगाव कर्नाटकातच राहणार असं वक्तव्य कर्नाटकचे उपमुख्यमंत्री आणि परिवहन मंत्री लक्ष्मण सवदी यांनी बेळगाव येथे केलं आहे.महाराष्ट्रात कोण काही म्हणतंय म्हणून काय होत नाही. मुंबईत बसून बोलू नये त्यांनी बेळगावात आमच्या भूमीत येऊन बोलावं. त्याला आम्ही चोख उत्तर देऊ असं आव्हानही सवदी यांनी पत्रकारांशी बोलताना दिले.सवदी यांच्या वक्तव्याला राज्याचे ग्रामविकास मंत्री हसन मुश्रीफ यांनी चोख उत्तर दिलं आहे. चंद्र-सूर्य नाही तर तुम्ही उपमुख्यमंत्री पदावरून खाली होण्याआधी बेळगाव महाराष्ट्रात घेऊ असं प्रति आव्हान हसन मुश्रीफ यांनी सवदी यांना दिलं.कर्नाटक पोलिसांनी परवानगी दिली नसल्याने सायकल फेरी होणार नाही. केवळ निवडक कार्यकर्ते मराठा मंदिराच्या आवारात धरणे आंदोलन करणार आहेत. कोणतीही फेरी, मोर्चा काढायला पोलिसांनी परवानगी दिलेली नाही. 1956 साली राज्य पुनर्रचना झाल्यापासून महाराष्ट्र एकीकरण समिती 1 नोव्हेंबर रोजी काळा दिन पाळत असून त्या दिवशी मराठी भाषिक फेरी काढतात. यावर्षी देखील फेरीसाठी पोलीस आयुक्तांची भेट घेऊन महाराष्ट्र एकीकरण समितीच्या नेत्यांनी फेरीसाठी परवानगी देण्याची मागणी करून निवेदन दिले होते.

01/11/2020 14:20:37

कर्नाटकच्या उपमुख्यमंत्र्यांनी केलेलं वक्तव्य बालिश, मंत्री उदय सामंत यांची प्रतिक्रिया, केवळ आपल्या नेत्यांना खुश करण्यासाठी त्यांनी ते वक्तव्य केले , आपल्या देशात घुसखोरी सुरू आहे, त्या सीमा बंद करता आल्या नाहीत, मात्र महाराष्ट्रातला माणूस 1 नोव्हेंबरला कर्नाटकात जाऊ दिला जात नाही याचा सुद्धा निषेध, कर्नाटकच्या मंत्र्यांनी महाराष्ट्रातल्या जनतेला आव्हान देण्याची भाषा करू नये, सामंतांची प्रतिक्रिया