जळगाव : भाजपचे ज्येष्ठ नेते एकनाथ खडसे यांनी जळगावात झालेल्या जाहीर कार्यक्रमात राष्ट्रवादी काँग्रेसचे सर्वेसर्वा शरद पवार यांना व्यासपीठावरच वाकून नमस्कार केला. खडसेंच्या या कृतीने राजकीय वर्तुळातील अनेकांच्या भुवया उंचावल्या आहेत. जळगावात अनेक विकासकामांची उद्घाटनं होणार होती. यासाठी मुख्यमंत्री देवेंद्र फडणवीसही उपस्थित राहणार होते. मात्र, ऐनवेळी त्यांनी प्रकृती ठीक नसल्याचे कारण पुढे करत या कार्यक्रमांना उपस्थित राहणे टाळले.
खडसेंसोबत व्यासपीठ टाळण्यासाठी मुख्यमंत्र्यांचा जळगाव दौरा रद्द?
एकनाथ खडसे यांच्यासोबत एकाच व्यासपीठावर उपस्थित राहणं टाळण्यासाठीच त्यांनी प्रकृती अस्वास्थ्याचे कारण पुढे केल्याची चर्चा रंगली होती. यानंतर एकनाथ खडसे यांनी नियोजित कार्यक्रमांना हजेरी लावली. एकनाथ खडसे यांनी नुकताच मंत्रालयातील कथित उंदीर घोटाळा बाहेर आणला. त्याचप्रमाणे विधानसभेतही त्यांनी स्वपक्षाला झापलं आहे, तर कित्येक जाहीर कार्यक्रमांमध्ये खडसेंनी भाजपला घरचा आहेर दिला आहे. पाहा व्हिडिओ :