Raj Thackeray Live Speech : ज्या मशिदीवर भोंगे लागतील, त्यासमोर हनुमान चालीसा लावू : राज ठाकरे

Raj Thackeray Gudi Padwa sabha : आजच्या गुढीपाडवा मेळाव्यात राज ठाकरेंची तोफ कुणावर धडाडणार, राज ठाकरे कोणती घोषणा करणार याकडे लक्ष लागलं आहे.

पार्श्वभूमी

मुंबई : दोन वर्षांनंतर मनसेचा गुढीपाडवा मेळावा मुंबईच्या शिवाजी पार्कवर पार पडणार आहे. या मेळाव्यात मनसे अध्यक्ष राज ठाकरे आपल्या अयोध्या दौऱ्याची तारीख जाहीर करण्याची शक्यता आहे. याच मेळाव्यासाठी मनसेकडून जोरदार तयारी करण्यात येतेय. 9  मार्चला मनसेच्या 16 व्या वर्धापन दिनी राज ठाकरेंनी राज्यपाल भगतसिंह कोश्यारी आणि शिवसेना खासदार संजय राऊत यांच्यावर टीका केली होती. त्यावेळी हा तर ट्रेलर आहे, पिक्चर अजून बाकी आहे, तो 2 एप्रिलला शिवतीर्थावर दाखवेन असं सूचक वक्तव्य राज यांनी केलं होतं. शिवाय या मेळाव्याचा एक टीझरही मनसेकडून प्रसिद्ध करण्यात आलाय. त्यामुळे आजच्या मेळाव्यात राज ठाकरेंची तोफ कुणावर धडाडणार, राज ठाकरे कोणती घोषणा करणार याकडे लक्ष लागलंय.राज ठाकरे यांनी 9 मार्च रोजी पुण्यात झालेल्या मनसेच्या सोळाव्या वर्धापनदिनी बोलताना आजचं भाषण केवळ ट्रेलर आहे, 2 एप्रिलला शिवाजी पार्कवर गुढीपाडवा मेळाव्यात पूर्ण पिक्चर असेल, असं म्हटलं होतं. त्यानंतरच राज ठाकरेंच्या आज पार पडणाऱ्या सभेकडे संपूर्ण राज्याचं लक्ष लागलं आहे. आज गुढीपाडवा आहे. या निमित्ताने मुंबईतील शिवाजी पार्कवर मनसेचा गुढीपाडवा मेळवा होणार आहे. सभेला संपूर्ण राज्यातून मनसैनिकांना उपस्थित राहण्याचे आदेश पक्षाध्यक्ष राज ठाकरे यांनी पुण्यात दिले होते. त्यामुळे आज प्रचंड गर्दी शिवाजी पार्कात होण्याची शक्यता आहे. यासाठी तयारी देखील जोरदार सुरु आहे.  राज्यात सत्ताधारी पक्षांकडून काहीच काम होत नाहीत. विरोधक आणि सत्ताधारी एकमेकांना संपवण्याचे कारस्थान करत आहेत. यामध्ये सामान्य जनता मात्र मनसेकडून मदत मागत असल्याचं मत राज ठाकरेंनी पुण्यातील सभेत मत व्यक्त केलं आणि आगामी महापालिका निवडणुकीत महाराष्ट्रात मनसेच एक सक्षम पर्याय असू शकेल, असा विश्वास सर्वसामान्यांना देण्याचा प्रयत्न त्यांनी केला.महाविकास आघाडी सरकार सत्तेवर आल्यानंतर शिवसेनेला हिंदुत्वाचा विसर पडला, अशी टीका सर्वच स्तरातून होऊ लागली. हीच बाब लक्षात घेत 23 जानेवारीच्या सभेत राज ठाकरेंनी हिंदुत्वाची कास पकडली आणि राज्यातील हिंदुत्वाची पोकळी भरण्याचा प्रयत्न केला. मात्र भाजप-शिवसेना युतीमध्ये सेनेची जागा खाली झाल्यानंतर ती जागा घेण्याचा प्रयत्न अजूनही म्हणावा तसा मनसेकडून पाहायला मिळत नाही. याबाबत देखील आज राज ठाकरे बोलू शकतात अशी शक्यता सुत्रांनी वर्तवली आहे.

02/04/2022 20:53:02

Raj Thackeray on mosque : ज्या मशिदीवर भोंगे लागतील, त्यासमोर हनुमान चालीसा लावू : राज ठाकरे

Raj Thackeray on  mosque : प्रार्थनेला माझा विरोध नाही. मशिदीवर लागलेले भोंगे खाली उतरावावे, हा निर्णय सरकारने घ्यावा. निर्णय नाही घेतला तर मशिदीसमोर हनुमान चालीसाचे स्पीकर लावावे. मी धर्मांध नाही, तर धर्माभिमानी आहे. 

02/04/2022 20:47:07

Raj Thackeray on MLA Free House : आमदारांना फुकट घरे कशाला? त्यापेक्षा पोलिसांना घरे द्या : राज ठाकरे

Raj Thackeray on MLA Free House : मुंबईतील झोपडपट्टयांमध्ये वाढ झाली आहे. आमदारांना फुकट घरे कशाला दिली पाहिजे. त्यापेक्षा पोलिसांना घरे दिली पाहिजे.  आमदार, खासदारांची पेन्शन बंद केली पाहिजे. मनसेच्या आमदाराने या गोष्टीला पहिला विरोध केला 

02/04/2022 20:40:12

Raj Thackeray on NCP : राष्ट्रवादीच्या जन्मानंतर जातीवाद वाढला : राज ठाकरे

Raj Thackeray on NCP : शरद पवारांना जातीयवाद हवा आहे. राष्ट्रवादीच्या जन्मानंतर जातीवाद वाढला आहे.  आधी जात जातीचा अभिमान होता, राष्ट्रवादीने जातीय वाद पेटवला. जातींमधून बाहेर आले तर हिंदुत्वचा ध्वज हाती घेता येणार आहे. 

02/04/2022 20:34:05

Raj Thackeray on Ayodhya : अयोध्या दौऱ्याची तारीख लवकरच जाहीर करणार : राज ठाकरे

Raj Thackeray on Ayodhya : आज मी हिंदुत्व मांडणार आहे. पण माझ्या दृष्टीकोनातून हिंदू काय आहे हे सांगणार आहे.  लवकरच मी अयोध्येला जाणार आहे. परंतु आज त्याची तारीख जाहीर करणार नाही.   

02/04/2022 20:14:27

विधानसभेचा निकाल लागल्यानंतर मुख्यमंत्रीपदाचा साक्षात्कार उद्धव ठाकरेंना कसा झाला? राज ठाकरेंचा सवाल

Raj Thackeray on Uddhav Thackery : आज दोन वर्षाचा फ्लॅशबक मांडणार  आहे. 2019 च्या विधानसभेचा निकाल लागल्यानंतर मुख्यमंत्रीपदाचा साक्षात्कार  उद्धव ठाकरेंना कसा झाला? असा सवाल राज ठाकरेंनी उपस्थित केला

02/04/2022 20:08:42

Raj Thackeray Speech : कार्यकर्ते ट्रॅफिकमध्ये अडकले म्हणून कार्यक्रम उशीरा सुरू : राज ठाकरे

Raj Thackeray Speech Live : कोरोनामुळे दोन वर्ष मेळावा घेता आला नाही. कार्यकर्ते ट्रॅफिकमध्ये अडकले म्हणून कार्यक्रम उशीरा सुरू केला आहे.

02/04/2022 19:56:23

Raj Thackeray Speech : राज ठाकरे शिवाजी पार्कमध्ये दाखल

Raj Thackeray Speech : राज ठाकरे शिवाजी पार्कमध्ये दाखल,  थोड्याच वेळात मनसैनीकांना संबोधित करणार 

02/04/2022 19:52:34

Raj Thackeray Speech : राज ठाकरे गुढीपाडवा मेळाव्यासाठी रवाना

Raj Thackeray Speech :  राज ठाकरे गुढीपाडवा मेळाव्यासाठी रवाना  झाले आहे. 

02/04/2022 19:27:03

Raj Thackeray : थोड्याच वेळात राज ठाकरे मनसे सैनिकांना करणार संबोधित

Raj Thackeray : थोड्याच वेळात राज ठाकरे मनसे सैनिकांना संबोधित करणार आहेत. 

02/04/2022 19:06:05

Raj Thackeray : कार्यकर्ते ट्रॅफिकमध्ये अडकले, राज ठाकरेंनी भाषणाची वेळ बदलली

Raj Thackeray Speech : कार्यकर्ते ट्रॅफिकमध्ये अडकल्याने  राज ठाकरे रात्री 7.45  ते 8  वाजेपर्यंत  आहे 

02/04/2022 18:02:56

राज ठाकरेंच्या सभेसाठी नवी मुंबंई, पनवेलमधून मोठ्या संख्येने मनसे कार्यकर्ते रवाना

 Raj Thackeray : मनसेचा गुढीपाढवा मेळावा आज मुंबईच्या शिवाजी पार्क येथे पार पडत आहे. तब्बल दोन वर्षानंतर हा मेळावा होत आहे. त्यामुळे या मेळाव्यासाठी मनसेनं जोरदार तयारी केली आहे. मेळाव्यात मुंबई आणि उपनगरातून मोठ्या प्रमाणात मनसे सैनिक येणार आहेत. या मुंबईलगतच्या मिरा भाईंदर आणि वसई विरार मधूनही मोठ्या प्रमाणात मनसे सैनिक खाजगी वाहनं तसेच लोकलच्या माध्यमातून मेळाव्याला निघत आहे. आजच्या मेळाव्यात राज ठाकरेंची तोफ कुणावर धडाडणार काय घोषणा करणार हे ऐकण्यासाठी मनसे सैनिक उत्सुक आहेत. राज ठाकरे यांच्या सभेसाठी नवी मुंबई , पनवेल मधून मोठ्या संख्येने मनसे कार्यकर्ते रवाना झाले. घोषणा बाजी करत मनसैनिक मुंबईत बसने रवाना झाले.