Gram Panchayat Election Voting Live Updates : राज्यातील विविध जिल्ह्यांतील 1079 ग्रामपंचायतींसाठी प्राथमिक अंदाजानुसार 74 टक्के मतदान

राज्यातील 1 हजार 165 ग्रामपंचायतीसाठी आज (16 ऑक्टोबर 2022) मतदान (Maharashtra Gram Panchayat Election) होणार आहे. राज्यातील 18 जिल्ह्यांतील 82 तालुक्यांमध्ये मतदान होणार आहे.

पार्श्वभूमी

Gram Panchayat Election Voting Live updates : राज्यातील 1 हजार 165 ग्रामपंचायतीसाठी आज (16 ऑक्टोबर 2022) मतदान  (Maharashtra Gram Panchayat Election)  होणार आहे.  राज्यातील 18 जिल्ह्यांतील 82 तालुक्यांमधील 1 हजार 165 ग्रामपंचायतींच्या सदस्यपदांसह थेट सरपंचपदासाठी (Sarpancha) आज मतदान होणार आहे. सकाळी सात वाजल्यापासून मतादानाला सुरुवात होणार आहे. तर सायंकाळी पाच पाच वाजेपर्यंत मतदान करता येणार आहे. सर्व ठिकाणी मतदानाची तयारी पूर्ण झाली आहे.या जिल्ह्यातील ग्रामपंचायतींसाठी होणार मतदानराज्यातील 18 जिल्ह्यांतील 82 तालुक्यांमधील 1 हजार 165 ग्रामपंचायतींच्या सार्वत्रिक निवडणुकांसाठी आज मतदान होणार आहे. मतदान होणाऱ्या जिल्ह्यांमध्ये ठाणे, पालघर, रायगड, रत्नागिरी, सिंधुदुर्ग, नाशिक, नंदूरबार, पुणे, सातारा, कोल्हापूर, अमरावती, नागपूर, चंद्रपूर, वर्धा, भंडारा, गोंदिया, गडचिरोली या जिल्ह्यांतील ग्रामपंचायतींचा समावेश आहे. आज होणारी ग्रामपंचायत निवडणूक ही महत्त्वाची आहे. कारण या सर्व ग्रामपंचायतीसाठी सरपंचाची निवडणूक (Sarpanch Election) ही थेट जनतेमधून होणार आहे. या निवडणुकीचा निकाल सोमवारी (17 ऑक्टोबर) लागणार आहे.सोमवारी होणार मतमोजणी 1 हजार 165 ग्रामपंचायतीसाठी आज मतदान होणार आहे. तर सोमवारी (17 ऑक्टोबर) मतमोजणी होणार आहे. या ग्रामपंचायतीमध्ये सरपंचाची निवडणूक थेट जनतेमधून होणार आहे. आज सकाळी सात वाजता मतदानाला सुरुवात होणार आहे. सायंकाळी पाच वाजेपर्यंत मतदान होणार आहे. नक्षलग्रस्त भागात दुपारी तीन वाजेपर्यंतच मतदानाची वेळ असणार आहे.  अकोला पंचायत समिती सभापती आणि उपसभापती पदाची निवडणूकअकोला जिल्ह्यातील सातही पंचायत समिती सभापतीपदासाठी आणि उपसभापती पदाची निवडणूक होत आहे. सातही पंचायत समित्यांवर वंचित बहुजन आघाडीचा वरचष्मा आहे. मात्र, वंचितचे पुर्ण बहूमत असलेल्या सर्वात मोठ्या अकोला पंचायत समितीत भाजपला लॉटरी लागती. कारण एसटी महिला राखीव  उमेदवार त्यांच्याकडेच आहे. याशिवाय आज वेळेवर काही नवी समिकरणं उदयास येतात का? हे पाहणं देखील औत्सुक्याचं ठरणार आहे. 

16/10/2022 20:29:00

Gram Panchayat Election: विविध जिल्ह्यांतील 1079 ग्रामपंचायतींसाठी प्राथमिक अंदाजानुसार 74 टक्के मतदान

 विविध 18 जिल्ह्यांमधील 1 हजार 79 ग्रामपंचायतींच्या सार्वत्रिक निवडणुकांत प्राथमिक अंदाजानुसार आज सरासरी सुमारे 74 टक्के मतदान झाले. यात सदस्यपदांसह थेट सरपंचपदासाठीदेखील मतदान पार पडले.  राज्य निवडणूक आयोगाने 1 हजार 165 ग्रामपंचायतींच्या सार्वत्रिक निवडणुकांची घोषणा केली होती. त्यातील काही ठिकाणी सरपंचपदाच्या; तर काही ठिकाणी सदस्यपदाच्या निवडणुका बिनविरोध झाल्या. त्यामुळे आज प्रत्यक्षात 1 हजार 79 ग्रामपंचायतींसाठी सकाळी 7.30  ते सायंकाळी 5.30 या वेळत मतदान झाले. दुपारी 3.30 पर्यंत प्राथमिक माहितीनुसार सरासरी 64.83 टक्के मतदान झाले होते. काही ठिकाणी सायंकाळी उशिरापर्यंत मतदारांच्या रांगा होत्या. नक्षलग्रस्तभागात दुपारी 3 वाजेपर्यंतच मतदानाची वेळ होती. सर्व ठिकाणी उद्या (ता. 17 ऑक्टोबर) मतमोजणी होईल. मतदान झालेल्या ग्रामपंचायतींची जिल्हानिहाय संख्या: ठाणे- 134, पालघर- 336, रायगड- 16, रत्नागिरी- 36, सिंधुदुर्ग- 4, नाशिक- 187, नंदुरबार- 200, पुणे- 1, सातारा- 4, कोल्हापूर- 3, अमरावती- 1, वाशीम- 1, नागपूर- 15, वर्धा- 9, चंद्रपूर- 92, भंडारा- 19, गोंदिया- 5 आणि गडचिरोली- 16. एकूण- 1079.

16/10/2022 20:27:16

ठाणे जिल्हा ग्रामपंचायत मतदान अपडेट

ठाणे जिल्ह्यातील ग्रामपंचायतसाठी सायंकाळ पर्यंत साधारणपणे ७५-८०% मतदान झाल्याचा अंदाज आहे.  शहापूर तालुका वगळता इतर ठिकाणच्या मतदान केंद्रातील टीम मतमोजणी केंद्रावर पोहोचल्या आहेत. शहापूरमधील मतदान केंद्रावर मतदानाची वेळ संपल्याच्या वेळी रांगेत नागरिक उभे होते. या सर्व नागरिकांचे मतदान पूर्ण होण्यास सुमारे सायंकाळचे ७.३० वाजले. त्यामुळे तेथील टीम या मतमोजणी केंद्रापर्यंत अद्यापपर्यंत पोहोचल्या नव्हत्या. या कारणामुळे जिल्ह्यातील संपूर्ण अंतिम आकडेवारी येण्यास उशीर होणार आहे.  

16/10/2022 20:23:32

अकोल्याचे तहसीलदार सुनील पाटील यांच्या अंगावर ट्रॅक्टर घालून जीवे मारण्याचा प्रयत्न

अकोल्याचे तहसीलदार सुनील पाटील यांच्या अंगावर ट्रॅक्टर घालून जीवे मारण्याचा प्रयत्न. तीन दिवसांपुर्वीच्या घटनेचा व्हिडीओ 'माझा'च्या हाती. अकोला तालूक्यातील उगवा गावातील  घटना. मोर्णा नदीत सुरू असलेल्या रेती चोरीवर कारवाईसाठी तहसीलदार पाटील गेले होते दुचाकीने. तहसीलदारांच्या तक्रारीवरून चारजणांवर अकोल्यातील अकोटफैल पोलिसांत गुन्हा दाखल.

16/10/2022 19:08:02

मुख्यमंत्र्यांकडून कारशेडबाबतच्या चर्चेसाठी बुधवारी बैठक

मुख्यमंत्र्यांकडून कारशेडबाबतच्या चर्चेसाठी बुधवारी बैठक 

मोगरपाडा, कांजुरमार्ग आणि राई, मुर्धे येथील कारशेडसंदर्भात सह्याद्री अतिथिगृहात बैठकीचं आयोजन 

उपमुख्यमंत्री, मुख्य सचिव, अप्पर मुख्य सचिव- महसूल, महानगर आयुक्त एमएमआरडीए, ठाणे जिल्हाधिकारी आणि इतर संबंधित अधिकाऱ्यांना निमंत्रण

16/10/2022 19:07:16

चित्रपट अभिनेत्री आणि दिग्दर्शक मनवा नाईक सोबत गैरवर्तन करणाऱ्या कॅब चालकाला पोलिसांनी केली अटक

चित्रपट अभिनेत्री आणि दिग्दर्शक मनवा नाईक सोबत गैरवर्तन करणाऱ्या कॅब चालकाला पोलिसांनी केली अटक 

बीकेसी पोलीस ठाण्यात आरोपी विरोधात दाखल करण्यात आला आहे गुन्हा 

आरोपी कॅब चालकाची गाडी ही पोलिसांनी केली जप्त 

 अभिनेत्रीचा आरोप आहे की, जेव्हा ती टॅक्सीने घरी जात होती, तेव्हा कॅब चालकाने तिच्याशी गैरवर्तन केले आणि धमकी दिली होती 

  मनवा नाईकने अनेक मराठी आणि हिंदी चित्रपटांमध्ये काम केले आहे

 शनिवारी संध्याकाळी घडली होती  घटना 

  ही गोष्ट त्यांनी सोशल मीडियावर  पोस्टद्वारे शेअर केली होती 

 अभिनेत्रीच्या सोशल मीडिया पोस्टवर प्रतिक्रिया देताना, मुंबईचे सह पोलिस आयुक्त (कायदा व सुव्यवस्था) विश्वास नांगरे पाटील यांनी कॅब चालकावर कारवाई करण्याचे आश्वासन दिले होते आश्वासन 

मात्र या प्रकरणात पोलीसानी तवरीत कारवाई करत आरोपीला अटक केली असून पुढील तपास  करत आहेत

16/10/2022 17:11:01

नाशिक जिल्ह्यात साडे तीनपर्यंत टक्के मतदान

नाशिक जिल्ह्यातील चार तालुक्यातील 187 ग्रामपंचायत सार्वत्रिक निवडणुकांसाठी सकाळ पासून मतदान सुरू आहे. दरम्यान सकाळी साडे सात वाजेपासून ते साडे तीनपर्यंत जिल्ह्यात 72.60 टक्के मतदान झाले आहे. यामध्ये 97791 स्त्री मतदार, तर 103318 पुरुष मतदार असून एकूण 201109 मतदारांनी मतदानाचा हक्क बजावला आहे.

16/10/2022 17:04:53

नंदुरबार जिल्ह्यात दुपारी 1.30 पर्यंत 52.03 टक्के मतदान

ग्रामपंचायत सार्वत्रिक निवडणूक 2022 मध्ये नंदुरबार जिल्ह्यात दुपारी 1.30 पर्यंत 52.03 टक्के मतदान झाले.

16/10/2022 17:03:37

भंडारा जिल्ह्यात दुपारी 1.30 पर्यंत 44.11 टक्के मतदान

भंडारा जिल्ह्यात  9.30 ते 1.30 पर्यंत 44.11 टक्के मतदान झालं. तर गोंदियात 9.30 ते 1.30 पर्यंत 68.47 टक्के मतदान 

16/10/2022 14:00:29

नवापूर तालुक्यात ग्रामपंचायत निवडणुकीत मतदारांचा मोठा प्रतिसाद

Nandurbar Election : नवापूर तालुक्यात ग्रामपंचायत निवडणुकीत मतदारांचा मोठा प्रतिसाद मिळत आहे. भादवड ग्रामपंचायतच्या निवडणुकीसाठी मतदान करण्यासाठी मतदारांचा मोठा उत्साह दिसून येत आहे. दुपारनंतर या मतदान केंद्रावर मतदानासाठी मतदारांची रांग लागली आहे.

16/10/2022 13:58:25

वांगणी ग्रामपंचायतीसाठी मतदानाला मतदारांचा थंड प्रतिसाद, आत्तापर्यंत 20.74 टक्के मतदान

Ambernath Election : 17 ग्रामपंचायत सदस्यांसह थेट सरपंच पदासाठी होत असलेल्या वांगणी ग्रामपंचायत निवडणुकीत सरपंच पदासाठी पाच उमेदवार तर सदस्य पदासाठी 66 उमेदवार निवडणुकीच्या रिंगणात आहेत. सहा प्रभागात होणाऱ्या या मतदानासाठी 15 मतदान केंद्र आहेत. सकाळी मतदारांमध्ये फारसा उत्साह दिसत नव्हता. दुपारी 12 वाजेपर्यंत अवघे 20.74 टक्के मतदान झाले आहे. दुपारनंतर मतदानाचा टक्का वाढेल अशी अपेक्षा व्यक्त केली जात आहे. मोठ्या संख्येने रिंगणात असलेले सुशिक्षित उमेदवार या निवडणुकीचे वैशिष्ट्य ठरले आहे. त्याशिवाय या निवडणुकीत शिवसेनेच्या शिंदे गटात दोन गट पडले असून एका गटाने भाजपाला साथ दिली आहे. तर दुसरा गट स्वबळावर निवडणूक लढवत आहे. त्याशिवाय राष्ट्रवादी, शिवसेना आणि आपची महाविकास आघाडी आणि वंचित बहुजन आघाडीही निवडणूक लढवत असल्यामुळं या निवडणुकीत मतदार कोणाच्या बाजूनं कौल देणार याकडे सर्वांचे लक्ष लागले आहे. वांगणी ग्रामपंचायत निवडणुकीचा निकाल विदर्भातील निवडणुकीच्या निकालाची पुनरावृत्ती असेल. मतदार खोके सरकारला त्यांची जागा दाखवतील असा दावा राष्ट्रवादी काँग्रेसचे बदलापूर शहराध्यक्ष आशिष दामले यांनी केला आहे. 

16/10/2022 13:18:05

नंदूरबार जिल्ह्यात आत्तापर्यंत 30 टक्के मतदान

Nandurbar Grampanchayat Election : नंदूरबार जिल्ह्यात आत्तापर्यंत 30 टक्के मतदान झालं आहे. अक्कलकुवा तालुक्यात 35.29  टक्के मतदान झालं आहे. धडगाव तालुक्यात 20.87 टक्के, तळोदा तालुक्यात 36.93 टक्के, नवापूर तालुक्यात 24.32 टक्के मतदान झालं आहे.

 

16/10/2022 13:14:45

नाशिक जिल्हा ग्रामपंचायत सार्वत्रिक निवडणुकीत आत्तापर्यंत 35.65 टक्के मतदान

Nashik Election :  नाशिक जिल्ह्यातील ग्रामपंचायत सार्वत्रिक निवडणुकीत सकाळी साडेसात वाजल्यापासून आत्तापर्यंत 35.65 टक्के मतदान झाले आहे. यामध्ये स्त्री मतदान हे 47 हजार 763, तर पुरुष मतदान  हे 51 हजार 8 झाले आहे.  एकूण झालेले मतदान हे  98 हजार 771 आहे. 

16/10/2022 12:32:21

ठाणे जिल्ह्यातील चार तालुक्यात ग्रामपंचायतीसाठी आत्तापर्यंत 15.31 टक्के मतदान

Thene Election : ठाणे जिल्ह्यातील ग्रामपंचायत सार्वत्रिक निवडणुकीत चार तालुक्यात आत्तापर्यंत 15.31% मतदान झाले आहे. 

पाहा कोणत्या तालुक्यात किती मतदान

कल्याण  21.2%

भिवंडी     20.11%

 शहापूर   13.59%

 मुरबाड   17.81%

 अंबरनाथ   9.18%

 

16/10/2022 11:43:29

नागपूर जिल्ह्यातील 17 ग्रामपंचायतींसाठी मतदान सुरु

Nagpur News : राज्यातील 18 जिल्ह्यातील 1165 ग्रामपंचायतीसाठी आज मतदान सुरु आहे. यात नागपूर जिल्ह्यातील 17 ग्रामपंचायतींसाठी मतदान सुरु आहे. यात कुही तालुक्यातील 8 ग्रामपंचायती, भिवापूर तालुक्यातील 6 ग्रामपंचायती आणि रामटेक तालुक्यातील 3 ग्रामपंचायतींचा यात समावेश आहे. थेट जनतेमधून सरपंचाची निवडणूक होणार असल्याने ही निवडणूक महत्त्वाची मानली जात आहे. आज सकाळपासून मतदार सुरु झाले असून सायंकाळी 5.30 यावेळेत ही मतदान प्रक्रिया पार पडणार आहे. मतमोजणी ही 17 ऑक्टोबर रोजी म्हणजेच उद्या होईल.

16/10/2022 11:32:57

शिंदे गटातील अपक्ष आमदार आशिष जैयस्वाल यांची रामटेकमध्ये परीक्षा

Nagpur News : नागपूर जिल्ह्यातील रामटेक तालुक्यातील तीन ग्रामपंचायतीसाठी सध्या मतदार सुरु आहे. शिंदे गटातील अपक्ष आमदार आशिष जयस्वाल यांची येथे परीक्षा मानली जात आहे. त्यांच्यासाठी ही निवडणूक प्रतिष्ठेची ठरणार आहे.

16/10/2022 11:30:32

कॉंग्रेसचे विद्यामान आमदार राजू पारवेंसाठी 'या' ग्रामपंचायती प्रतिष्ठेच्या

Nagpur News : नागपूर जिल्ह्यातील यापैकी कुही आणि भिवापूर तालुके हे उमरेड विधानसभेत येतात. याठिकाणी कॉंग्रेसचे विद्यमान आमदार राजू पारवे आणि भाजपचे माजी आमदार सुधीर पारवे यांच्यासाठी प्रतिष्ठेच्या आहे.

16/10/2022 11:28:33

नागपूर जिल्ह्यातील 17 ग्रामपंचायतींसाठी मतदान सुरु

Nagpur News : राज्यातील 18 जिल्ह्यातील 1165 ग्रामपंचायतीसाठी आज मतदान सुरु आहे. यात नागपूर जिल्ह्यातील 17 ग्रामपंचायतींसाठी मतदान सुरु आहे. यात कुही तालुक्यातील 8 ग्रामपंचायती, भिवापूर तालुक्यातील 6 ग्रामपंचायती आणि रामटेक तालुक्यातील 3 ग्रामपंचायतींचा यात समावेश आहे. थेट जनतेमधून सरपंचाची निवडणूक होणार असल्याने ही निवडणूक महत्त्वाची मानली जात आहे. आज सकाळपासून मतदार सुरु झाले असून सायंकाळी 5.30 यावेळेत ही मतदान प्रक्रिया पार पडणार आहे. मतमोजणी ही 17 ऑक्टोबर रोजी म्हणजेच उद्या होईल. 

16/10/2022 11:22:00

ठाणे जिल्ह्यात 133 ग्रामपंचायतीसाठी मतदान प्रकिया सुरु, ठाकरे आणि शिंदे गटाची प्रतिष्ठा पणाला

Thane Grampanchayat Election : ठाणे जिल्ह्यात ग्रामपंचायतीच्या निवडणुका सुरू असून जिल्ह्यात एकूण 158 ग्रामपंचायतीच्या निवडणुका पार पडत असून त्यापैकी 25 ग्रामपंचायतमध्ये काही अर्ज न आल्याने 133 ग्रामपंचायतीसाठी मतदान प्रकिया पार पडत आहे. त्यासाठी 459 मतदान केंद्र असून 18 ग्रामपंचायत बिनविरोध झाल्या आहेत. त्यासाठी 1453 सदस्य जागा असून  487 सदस्य बिनविरोध झाले आहेत. तर 113 ठिकाणी अर्ज आला नाही. त्यामुळं 853 सदस्य जागासाठी मतदान होत असून ठाणे जिल्ह्यात 31 सरपंच बिनविरोध निवडून आले आहेत.  केंद्रीय पंचायतराज राज्य मंत्री कपिल पाटील , माजी आमदार रुपेश म्हात्रे , शिंदे गटाचे आमदार शांताराम मोरे, प्रकाश पाटील ,राष्ट्रवादीचे आमदार दौलत दरोडा ,माजी आमदार पांडुरंग बरोरा, आमदार किसन कथोरे इत्यादी दिग्गज नेत्यांचे प्रतिष्ठा पणाला लागले आहे. तर दुसरीकडे शिंदे गट व ठाकरे गट या निवडणुकीतून आपली शक्ती दाखवण्याचा प्रयत्न देखील करणार आहेत.

16/10/2022 10:39:29

वर्धा जिल्ह्यातील 9 ग्रामपंचायतींच्या मतदानाला सुरुवात

Wardha Election : वर्धा जिल्ह्यात आज नऊ ग्रामपंचायतींसाठी निवडणूक पार पडत आहे. त्यातील आर्वी तालुक्यातील सात ग्रामपंचायत तर वर्धा तालुक्यातील 2 ग्रामपंचायतीचा समावेश आहे.
आता वर्धा जिल्ह्यात निवडणूक लढवणाऱ्या एकूण 9 ग्रामपंचायतींमध्ये वर्धा तालुक्यातील सालोड (हिरापूर),बोरगाव नांदोरा आणि आर्वी तालुक्यातील अहिरवाडा,सर्कसपूर, पिपरी(पुनवर्सन),मिर्झापुर,मांडला, जाम(पुनर्वसन), हैबतपुर (पुनर्वसन)या ग्रामपंचायतींचा समावेश आहे. 9 ठिकाणच्या सरपंच पदाकरीता 27 उमेदवार मैदानात आहेत. तर 147 उमेदवार ग्रामपंचायत सदस्य पदाकरीता रिंगणात आहेत. 

16/10/2022 10:25:17

नाशिक जिल्ह्यात मतदानाला भरघोस प्रतिसाद, 10 वाजेपर्यंत 16 टक्के मतदान

Nashik News : नाशिक जिल्ह्यातील पेठ, सुरगाणा, त्र्यंबकेश्वर आणि इगतपुरी या चार तालुक्यांमधील 187 ग्रामपंचायतींसाठी मतदानाला सकाळी साडे सात वाजेपासून सुरवात झाली आहे. मतदारांनी सकाळपासून मतदानासाठी गर्दी केल्याचे पाहायला मिळाले. गावागावातून बाहेरगावी कामानिमित्त गेलेल्या मतदारांना आणण्यासाठी उमेदवारांना नाकी नऊ आले. सकाळी दहा वाजेपर्यंत सरासरी 16 टक्के मतदान झाले. नाशिक जिल्ह्यातील 607 मतदान केंद्रावर अनुचित प्रकार घडू नये यासाठी पोलीस बंदोबस्त तैनात करण्यात आला आहे.

16/10/2022 10:11:09

गडचिरोली जिल्ह्यातील 21 ग्रामपंचायतीसाठी मतदानाला सुरुवात

Gadchiroli Garmpanchyat Election : गडचिरोली जिल्ह्यातील 21 ग्रामपंचायतीच्या सार्वत्रिक निवडणुकीसाठी आज सकाळी साडेसात वाजल्यापासून मतदानाला सुरुवात झाली आहे. 21 ग्रामपंचायतीमध्ये 99 सदस्य निवडून द्यायचे असून, 16 ग्रामपंचायतीमध्ये थेट सरपंच पदाची निवड होणार आहे. जिल्हा नक्षलग्रस्त असल्याने सकाळी साडेसात ते दुपारी 3 अशी मतदानाची वेळ असून मतदानासाठी पोलिसांचा चोख बंदोबस्त लावण्यात आला आहे. जिल्ह्यातील चामोर्शी तालुक्यातील दोन, अहेरी दोन, धानोरा सहा, भामरागड चार, देसाईगंज दोन, आरमोरी दोन, एटापल्ली दोन आणि गडचिरोली तालुक्यातील एका ग्रामपंचायतमध्ये सदस्य पदासह थेट सरपंच पदांकरीता मतदान होत आहे. मतमोजणी 18 ऑक्टोबर रोजी होणार आहे.

16/10/2022 08:16:05

नाशिकमध्ये 187 ग्रामपंचायतीसाठी मतदानाला सुरवात

Nashik Election : नाशिक जिल्ह्यातील पेठ, सुरगाणा, त्र्यंबकेश्वर आणि इगतपुरी या चार तालुक्यांमधील 187 ग्रामपंचायतींसाठी आज साडे सात वाजेपासून मतदानाला सुरवात झाली आहे. दरम्यान या पूर्वी सात ग्रामपंचायती बिनविरोध झाल्या असून आज चार तालुक्यांमधील 607 केंद्रांवर सकाळपासून मतदान प्रक्रिया सुरु झाली आहे. सरपंचाची निवड थेट मतदान करणार असल्याने या निवडणुकीत चुरस पाहायला मिळणार आहे .

16/10/2022 07:50:49

नंदूरबार जिल्ह्यातील 206 ग्रामपंचायतीत मतदानाला सुरुवात

Nandurbar Gram Panchayat Election : नंदूरबार जिल्ह्यात कोरोनानंतर दुसऱ्या टप्प्यातील 206 ग्रामपंचायतीच्या मतदानाला सुरुवात झाली असून, ठाकरे गट आणि शिंदे गट वेगळा झाल्याने ही ग्रामपंचायतची निवडणूक महत्त्वाची मानली जात आहे. जिल्ह्यातील 206 ग्रामपंचायतीपैकी आठ सरपंच हे  बिनविरोध निवडून आले आहेत. तर 183 सदस्य हे देखील बिनविरोध झालेले आहेत. उर्वरित 200 ग्रामपंचायतींसाठी 1321 सरपंच तर 5266 सदस्य रिंगणात उभे आहेत. जिल्ह्यातील सर्वाधिक ग्रामपंचायत या नावापूर तालुक्यातील आहेत. तर त्यानंतर तळोदा अक्कलकुवा आणि धडगाव या तालुक्यांमध्ये देखील ग्रामपंचायतच्या निवडणुका होत असल्यानं अनेक नेत्यांची प्रतिष्ठा पणाला लागली आहे. मात्र, मतदार राजा कोणाच्या बाजूने कौल टाकणार हे पाहणं महत्त्वाचं ठरणार आहेत.

16/10/2022 07:47:12

भंडारा जिल्ह्यात 19 ग्रामपंचायतीच्या निवडणुकीसाठी आज मतदान, 28 हजाराहून अधिक मतदार बजावणार हक्क

Bhandara Gram Panchayat Election : भंडारा जिल्ह्यात आज 19 ग्रामपंचायतीसाठी मतदान होत असून सकाळी साडेसात वाजतापासून मतदानाला सुरुवात होणार आहे. तर, साडेपाच वाजतापर्यंत हे मतदान होणार आहे. यासाठी जिल्हा प्रशासनाने जय्यत तयारी केली असून 65 मतदान केंद्र तयार करण्यात आलेले आहे. 28 हजार पाचशे 54 मतदार मतदान करणार आहेत. या निवडणुकीमध्ये काँग्रेसचे प्रदेशाध्यक्ष नाना पटोले, खासदार राष्ट्रवादीचे प्रफुल्ल पटेल तर भाजपचे आमदार परिणय फुके, खासदार सुनील मेंढे, शिंदे गटाचे आमदार नरेंद्र भोंडेकर यांची प्रतिष्ठा पणाला लागलेली आहे. विशेष म्हणजे, सर्वाधिक 17 ग्रामपंचायत आमदार नरेंद्र भोंडेकर यांच्या विधानसभा क्षेत्रात येत असल्याने त्यांची एक प्रकारे अग्निपरीक्षा या वेळीस पहायला मिळणार आहे.