दुर्गा डोंगरे ही आठ महिन्यांची गर्भवती बाळंतपणासाठी माहेरी आली होती. काल मंगळवारी रात्री 10 वाजता तिला प्रसुतीवेदना सुरु झाल्या. तिला मोझरीच्या ग्रामीण रुग्णालयात दाखल करायचं होतं. दुर्गाच्या भावानं आणि बाबांनी गावात रिक्षाचा शोध सुरु केला. रात्री दोन वाजेपर्यंत गावातल्या प्रत्येक रिक्षाचालकांच्या दारात जाऊन बापलेकानं मदतीची विनवणी केली. मात्र एकाही रिक्षाचालकाला पाझर फुटला नाही.
अखेर रात्री 3 वाजता कचरा घेऊन जाणाऱ्या तीन चाकी कटला म्हणजेच सायकलरिक्षात बसवून दुर्गाला रुग्णालयात दाखल करण्यात आलं. तातडीनं मिळालेल्या उपचारानं दुर्गाची सुखरुप प्रसूती झाली. मात्र काल रात्रीच्या प्रकारानं प्रधान कुटुंबियांना रिक्षाचालकांकडून चांगलाच अनुभव मिळाला आहे.