महाराष्ट्र गुजरात सीमा भागातील गावांमध्येही भूकंपाचे धक्के बसल्याची माहिती नागरिकांनी दिली आहे. यामुळे नागरिकांमध्यो भीतीचे वातावरण असून धुंदलवाडी भागातील अनेक घरांच्या भिंतींना मोठ्या प्रमाणात तडे गेले असून भांडीही जमिनीवर पडली. यामुळे नागरिक भयभीत होऊन घराबाहेर पडले.
पालघर : पालघर जिल्ह्यातील डहाणू, तलासरी तालुक्यात धुंदलवाडी, दापचरी, बहारे भागात भूकंपाचे धक्के पुन्हा बसले आहेत. 3.3 रिश्टर स्केलचा भूकंप असल्याची नोंद झाली असल्याची माहिती जिल्हाधिकारी कार्यालयाने दिली आहे. या परिसरात मागील महिनाभरापासून सतत भूकंपाचे धक्के बसत असल्याने नागरिक भयभीत झाले आहेत. महाराष्ट्र गुजरात सीमा भागातील गावांमध्येही भूकंपाचे धक्के बसल्याची माहिती नागरिकांनी दिली आहे. यामुळे नागरिकांमध्यो भीतीचे वातावरण असून धुंदलवाडी भागातील अनेक घरांच्या भिंतींना मोठ्या प्रमाणात तडे गेले असून भांडीही जमिनीवर पडली. यामुळे नागरिक भयभीत होऊन घराबाहेर पडले. वेदांत मेडिकल कॉलेज भागात देखील मोठे धक्के जाणवल्याने कर्मचारी, विद्यार्थी, रुग्णांसह नातेवाईकही हॉस्पिटल बाहेर पडले. वेदांत मेडिकल कॉलेज भागात देखील मोठे धक्के जाणवल्याने कर्मचारी, विद्यार्थी, रुग्णांसह नातेवाईकही हॉस्पिटल बाहेर पडले पालघर जिल्ह्यातील डहाणू तालुक्यातील धुंदलवाडी, चिंचले, हळदपाडा, दपचारी, सांसवंद, आंबोली, वरखंडा, वकास तर तलासरी तालुक्यातील तलासरी, वडवली, कवाडा, सवणे, कुर्झे, वसा, कारजगाव गावात मागील महिन्यात गूढ आवाज होऊन जमीनीला हादरा बसल्याने ग्रामस्थ भयभीत झाले होते. त्यावेळी 3.2 रिश्टरस्केलचा भूकंप मोजला गेला होता. काही ठिकाणी जमीन हादरल्याच्या तर काही ठिकाणच्या घरांच्या भिंतीला तडे गेले होते. त्याआधी 3 नोव्हेंबर रोजी गूढ आवाजाने हा परिसर हादरला होता. यावेळीही काही ठिकाणी हादऱ्याने घड्याळं, भांडी, कपाटं खाली पडली तर खिडक्या, दरवाज्यांचा देखील झटक्याने आवाज झाल्याचे नागरिकांनी सांगितले. गूढ आवाज होऊन जोरदार झटका बसल्याने भूकंप झाल्याच्या भीतीने नागरिक घराबाहेर पडले. या गूढ आवाजांनी नागरिकांच्या मनात घर केले आहे. दीड महिन्यापूर्वीही अशाच प्रकारे गूढ आवाज येऊन जमिनीत कंपन झाले होते. त्यानंतर शनिवारी 3 नोव्हेंबर रोजी दोन झटके बसले होते. त्यानंतर आज पुन्हा गूढ आवाज येऊन जमिलीला हादरे बसले. दीड महिन्यात ही चौथी घटना घडल्यामुळे नागरिक भयभीत झाले आहेत.
