हेल्मेट वापरण्याला विरोध नसून, सक्तीला विरोध असल्याचं हेल्मेट सक्ती विरोधी कृती समितीच म्हणणं आहे. वाहतुकीच्या इतर नियमांचं पालन पुणेकर करत असून, हेल्मेट सक्तीतून मुक्तता द्यावी, अशी मागणी समितीने केली. अन्यथा तीव्र आंदोलन करण्याचा इशारा हेल्मेट सक्ती विरोधी कृती समितीकडून देण्यात आला आहे.
हेल्मेट सक्तीचा निर्णय केंद्राशी निगडीत आहे. तरी राज्य सरकार ,पोलीस आणि आरटीओशी चर्चा करून व्यवहारिक मार्ग काढू, असं आश्वासन गिरीश बापट यांनी दिलं.
संपूर्ण देशभरात सुमारे 35 हजार जणांचा मृत्यू हेल्मेट न घातल्याने झाल्याची धक्कादायक आकडेवारी काही दिवसांपूर्वी समोर आली आहे. सर्वोच्च न्यायालयाने आदेश देऊनही दुचाकीस्वार हेल्मेट वापरत नाहीत. ही बाब लक्षात घेऊन पुण्यात हेल्मेटसक्तीचा निर्णय घेतला आहे.