बळवंत महाविद्यालयाच्या जवळील सुळेवाडी हे कोमलचे गाव. कोमल बीएस्सीच्या दुसऱ्या वर्षात शिक्षण घेत होती. तसंच सध्या ती पोलीस भरतीसाठी मैदानी सरावही करायची.
आज सायंकाळी 5 वाजेच्या सुमारास सरावादरम्यान अचानक कोमलला चक्कर आली आणि ती थेट मैदानावरच कोसळली. मैदानावर सराव करणाऱ्या अन्य खेळाडूंनी तिला तात्काळ उपचारासाठी विटामधील यशश्री रुग्णालयात दाखल केले. परंतु उपचारापूर्वीच तिचा मृत्यू झाला. कोमलच्या आकस्मिक मृत्यूने पवार कुटुंबीयांवर दुःखाचा डोंगर कोसळला आहे.