Coronavirus LIVE UPDATE | मुंब्रा विभागात पालिकेच्या कर्मचाऱ्यांना धक्काबुक्की
#Coronavirus ने जगभरात धुमाकूळ घातला आहे. चीननंतर कोविड19 च्या प्रादुर्भावाने इटली, स्पेन, अमेरिका, इंग्लंडसह जगभरातील अनेक देशात हजारो बळी गेले आहेत.कोरोनाने भारतात देखील सहा हजाराच्या जवळपास हा आकडा गेला आहे. त्यातही महाराष्ट्रात कोरोनाबाधितांची संख्या सर्वाधिक आहे. कोरोनाविषयी सर्व महत्वाचे अपडेट आपल्याला या लाईव्ह ब्लॉगमध्ये मिळतील.
एबीपी माझा वेब टीम Last Updated: 10 Apr 2020 08:49 PM
पार्श्वभूमी
मुंबई : जगभरात कोरोनाचा हाहाकार सुरुच असून आज कोरोनाबाधित रुग्णांची संख्या 16 लाख 4 हजारापेक्षा जास्त आहे. तर कोरोनामुळे बळींची संख्या 95 हजार 506 वर पोहोचली आहे. दिलासादायक बाब म्हणजे तीन लाख 57 हजार रुग्ण बरे झाले आहेत, अजुून जवळपास 11लाख 51 हजार लोक...More
मुंबई : जगभरात कोरोनाचा हाहाकार सुरुच असून आज कोरोनाबाधित रुग्णांची संख्या 16 लाख 4 हजारापेक्षा जास्त आहे. तर कोरोनामुळे बळींची संख्या 95 हजार 506 वर पोहोचली आहे. दिलासादायक बाब म्हणजे तीन लाख 57 हजार रुग्ण बरे झाले आहेत, अजुून जवळपास 11लाख 51 हजार लोक कोरोनाबाधित आहेत. त्यातील चार टक्के म्हणजे 49 हजार 151 रुग्ण गंभीर (Serious or Critical)आहेत. भारतात कोरोनाबाधितांचा आकडा 5865 वर पोहोचला आहे तर कोरोनोमुळे देशात 169 लोकांचा मृत्यू झाला आहे. तर 477 लोक कोरोनामुक्त देखील झाले आहेत. भारतात महाराष्ट्रात सर्वाधिक 1135 कोरोनाबाधित आहेत. अमेरिकेत हाहाकार सुरुच अमेरिकेत कोरोनाचा हाहाकार सुरुच आहे. गेल्या 7दिवसात अमेरिकेत कोरोनाचे तब्बल 10 हजार 601 बळी गेले आहेत. कोरोनामुळे 1 ते 2 लाख बळी जातील असा अंदाज होता मात्र आता अमेरिकेत 60 हजार बळी जातील असा नवा अंदाज टास्क फोर्सने व्यक्त केला आहे. सलग तिसऱ्या दिवशी अमेरिकेत 1900पेक्षा जास्त बळी गेले आहेत. अमेरिकेत कोरोनाने गेल्या चोवीस तासात 1900 बळी गेले आहेत. 80 दिवसांपूर्वी अमेरिकेत पहिला रुग्ण आढळला होता तिथे आता तिथे मृतांचा आकडा 16 हजार 691वर पोहोचला आहे अमेरिकेत रुग्णांची संख्या चार लाख 68 हजारावर पोहोचली (469565) न्यूयॉर्क प्रांतात काल 799बळी, तिथे रुग्णांची संख्या 1लाख 62हजार तर एकूण मृतांचा आकडा 7068. त्या खालोखाल न्यूजर्सीत 1700, मिशिगन मध्ये 1076, लुझियाना 702, कॅलिफोर्निया 559आणि वॉशिंग्टनमध्ये 455लोकांचा बळी या रोगाने घेतलाय. 3 एप्रिल - 1045 4 एप्रिल - 1331 5 एप्रिल – 1165 6 एप्रिल – 1255 7 एप्रिल – 1970 8 एप्रिल – 1935 9 एप्रिल - 1900 गेल्या 7 दिवसात अमेरिकेने तब्बल 10हजार 601लोक गमावले. स्पेनमध्ये गेल्या चोवीस तासात 655लोक गमावले. एकूण मृतांचा आकडा 15 हजार 447 गेल्या नऊ दिवसात स्पेनने असे 6 हजार 983 लोकं गमावली. काल इटलीने दिवसभरात इटलीत 610माणसांचा बळी घेतला. आता इटलीतील एकूण बळींची संख्या 18हजार 279 आहे. काल रुग्णांची संख्या 4 हजार 204 ने वाढली, इटलीत आता जवळपास 1 लाख 44 हजार रुग्ण आहेत, 9 मार्चपासून इटलीत लॉकडाऊन आहे. फ्रान्सने काल दिवसभरात 1341 लोक गमावले. तिथे आत्तापर्यंत 12हजार 210 बळी, एकूण रुग्ण 1 लाख 18 हजार जर्मनीत काल 258 बळी गेले, एकूण बळींची संख्या 2607 पोहोचला आहे. इंग्लंडमध्ये काल कोरोनाने तिथे 881 लोकांचा जीव घेतला, तिथला बळीचा आकडा 7978 वर पोहोचला आहे. इराणने काल 4 हजाराचा आकडा ओलांडला. बळींच्या संख्येत काल 117ची भर, एकूण 4110मृत्यू, रुग्णांची संख्या 66220 इतकी आहे. कोरोनाने हॉलंडमध्ये काल 148 बळी घेतले तिथे एकूण 2396 लोक दगावले आहेत. बेल्जियममध्ये काल 283 मृत्यूमुखी पडले, एकूण बळींचा आकडा 2523 इतका आहे. स्वित्झर्लंडमध्ये 948, स्वीडनमध्ये 793, ब्राझील 954, पोर्तुगाल 409, कॅनडात 509, इंडोनेशिया 280, टर्की 908 तर इस्रायलमध्ये 86 बळी गेले आहेत. दक्षिण कोरियात काल 4 मृतांची भर पडली, एकूण मृतांचा आकडा 204 इतका आहे. आपला शेजारी पाकिस्तानात रुग्णांची संख्या 4489 वर पोहोचली आहे, तिथे 65 लोकांचा कोरोनाने बळी घेतला आहे. गेल्या 24 तासात जगभरात कोरोनाच्या रुग्णांमध्ये 85010 तर बळींच्या आकड्यात 7234 ची भर पडली.
मुंब्रा विभागात पालिकेच्या कर्मचाऱ्यांना धक्काबुक्की; बाधित क्षेत्रात काम तपासणी करायला गेलेल्या महिला कर्मचाऱ्यांना स्थानिकांची धक्काबुक्की केली. मुंब्रा इथे सर्वाधिक रुग्ण आहेत. मात्र, तिथेच स्थानिक लोकांचे पालिका कर्मचाऱ्यांना सहकार्य नाही. आमचे नाव, नंबर का घेता? असे सवाल करत कामात स्थानिकांनी अडथळे आणले. एनपीआरचे काम तर करत नाही ना, असा स्थानिकांना संशय आहे. त्यामुळे अखेर आज पालिकेच्या विनंतीवरून पोलिसांनी 2 जणांच्या विरोधात 353 चा गुन्हा केला दाखल. सोबत साथ रोग नियंत्रण कायद्याच्या भंग प्रकरणी देखील केला गुन्हा दाखल.