Corona LIVE UPDATE | वर्धा : आर्वीचे भाजप आमदार दादाराव केचेंवर जमावबंदी, शासनाच्या आदेशाचे उल्लंघन केल्याप्रकरणी गुन्हा दाखल

#Coronavirus ने जगभरात धुमाकूळ घातला आहे. चीननंतर कोविड19 च्या प्रादुर्भावाने इटली, स्पेन, अमेरिका, इंग्लंडसह जगभरातील अनेक देशात हजारो बळी गेले आहेत.कोरोनाने भारतात देखील तीन हजाराच्या वर आकडा गेला आहे. त्यातही महाराष्ट्रात कोरोनाबाधितांची संख्या सर्वाधिक आहे. कोरोनाविषयी सर्व महत्वाचे अपडेट आपल्याला या लाईव्ह ब्लॉगमध्ये मिळतील.

पार्श्वभूमी

नवी दिल्ली : देशामध्ये कोरोनाचा संसंर्ग झालेल्यांची संख्या तीन हजारांवर पोहोचली आहे. त्यापैकी 229 लोक कोरोनामुक्त झाले आहेत. तर 62 लोकांना आपले प्राण गमवावे लागले आहेत. मागील 24 तासांमध्ये 328 नवी रूग्ण समोर आले आहेत. महाराष्ट्रात 490, केरळमध्ये 295, तामिळनाडूमध्ये 411, दिल्लीमध्ये 219, आंध्र प्रदेशमध्ये 164, राजस्थानमध्ये 179, तेलंगणामध्ये 127, कर्नाटकामध्ये 121, उत्तरप्रदेशमध्ये 174, मध्यप्रदेशात 154रूग्ण आढळून आले आहेत.दरम्यान आज, पंतप्रधान नरेंद्र मोदी यांच्या आवाहनानुसार रात्री 9 वाजता घरातील लाईट्स बंद करायच्या आहेत. मोदी म्हणाले होते की, आपल्या घरातील सर्व लाईट्स बंद करून मेणबत्ती, दिवा, टॉर्च किंवा मोबाईलची टॉर्च लावा. यावेळी चारी दिशांना दिव्यांचा झगमगाट होईल. यावेळी हा प्रकाश आपल्याला देशातील कुणीही एकटे नसल्याचा संदेश देईल. मात्र हे करत असताना सोशल डिस्टन्सिंगचं पालन देखील आपल्याला करायचं आहे, असं मोदी म्हणाले होते.आरोग्य मंत्रालयाच्या माहितीनुसार दिल्लीत झालेल्या धार्मिक प्रकरणाच्या चौकशीदरम्यान, 9000 लोकांना ट्रॅक करण्यात आलं आहे. या लोकांचा संबंध तब्लिकींशी होता. यामध्ये 1306 विदेशी नागरिक आहेत. तर दिल्लीत शोधण्यात आलेल्या 2500 लोकांपैकी 250 विदेशी नागरिकांचा समावेश होता. यापैकी 1804 लोकांना कॉरन्टाईन करण्यात आलं आहे. कोरोनाटी लक्षणं असलेल्या 334 लोकांना रूग्णालयात दाखल करण्यात आलं आहे. मागील 24 तासांमध्ये 12 रूग्णांचा मृत्यू झाला आहे.देशात कोरोनाबाधितांचा आकडा झपाट्याने वाढू लागला आहे. या पार्श्वभूमीवर केंद्र आणि सर्वच राज्य सरकारांकडून योग्य ती पावलं उचलली जात आहेत. देशात कोरोनाचा प्रादुर्भाव लक्षात घेऊन पंतप्रधान नरेंद्र मोदी यांनी 14 एप्रिलपर्यंत देशात लॉकडाऊन करण्याची घोषणा केली आहे.

05/04/2020 23:33:11

वर्धा : आर्वीचे भाजप आमदार दादाराव केचेंवर गुन्हा दाखल, जमावबंदी, शासनाच्या आदेशाचे उल्लंघन, साथरोग नियंत्रण आदेशाचे उल्लंघन केल्याप्रकरणी कलम 188, 269 अन्वये गुन्हा दाखल, वाढदिवसानिमित्त केचे यांच्या घरापुढं धान्य घेण्यासाठी लोकांची गर्दी

05/04/2020 22:47:30

महाराष्ट्रातील तबलिगी समाजातील प्रमुख धर्मगुरुबरोबर आरोग्य मंत्र्यांची बैठक झाली. समाजिक सलोखा राखण्यासाठी समाजला आवाहन करावे, अशी चर्चा आरोग्यमंत्री टोपे यांनी केली. निजामुद्दीनला जे कोणी गेले होते त्यांनी जवळच्या रुग्णालयाला भेट देऊन तपासणी करावी, प्रशासनाला मदत करावी याबाबत देखील झाली चर्चा.

05/04/2020 14:19:35

मालेगावचे धक्कादायक वास्तव, शहरातील पॉवर लूम राजरोसपणे सुरू, देशभरात लॉकडाऊन असताना पॉवर लूम सुरू कशा?, कारवाई करण्यासाठी गेलेल्या पोलीस अधिकारी आणि कर्मचाऱ्यांवरच कारवाईचा बडगा, पोलीस उपनिरीक्षकाची रमजानपुरा पोलीस ठाण्यातून तडकाफडकी बदली, srpf च्या जवानांचा नाकाबंदी पॉइंट बदलला, रस्त्यावर उतरून कर्तव्य बजवणाऱ्या पोलीस अधिकारी कर्मचाऱ्यांचे खच्चीकरण, आमदार मौलाना मुफ्ती यांच्या निकटवर्तीयांच्या सूत गिरणी असल्यानं कारवाई झाल्याची पोलीस कर्मचाऱ्यांमध्ये चर्चा, खुलासा मगितल्याचे पत्र एबीपी माझाच्या हाती...

05/04/2020 18:34:17

ठाण्यात आज दोन कोरोनाचे रुग्ण आढळले, एका 40 वर्षीय तर एका 28 वर्षीय तरुणाचा कोरोणाची लागण, ठाण्यातील कोरोना बाधित रुग्णांची संख्या 18 वर

05/04/2020 19:36:30

पुण्यातील दिवसभरातील निराशेच्या बातम्यांमध्ये एक दिलासा देणारी बातमी आलीय. नायडू रुग्णालयातून आणखी पाच कोरोनामुक्त नागरिकांना डिस्चार्ज देण्यात आला. पाचही नागरिक पूर्वीच्या कोरोनामुक्त अंगणवाडी सेविकेच्या कुटुंबातील सदस्य आहेत. अंगणवाडी सेविकेच्या कुटुंबातील सहा सदस्य कोरोनामुक्त झालेत.

05/04/2020 20:04:37

आज कोरोना संक्रमितांची संख्या मुंबई 81, पुणे 18, औरंगाबाद 4, अहमदनगर 3, कल्याण डोंबिवली 2, ठाणे 2, उस्मनाबाद 1, वसई 1, दुसऱ्या राज्यातील एक असे राज्यात एकूण 113 नवे रुग्ण सापडले आहे. राज्यात आता कोरोना संक्रमितांचा आकडा 748 वर गेला आहे. तर, आज चारजणांना घरी सोडण्यात आले आहे.

05/04/2020 15:34:02

महाराष्ट्रातील आकडा 690 वर कालपासून आजपर्यंत 55 रुग्णांची वाढ. एकट्या मुंबईत सर्वाधिक 29 नव्या रुग्णांची नोंद

05/04/2020 18:36:06

अहमदनगरमध्ये अजून एक रुग्ण कोरोना बाधीत, अहमदनगर शहरातील 31 वर्षीय तरुणाला कोरोनाची लागण, अहमदनगरमध्ये एकूण 21 कोरोना बाधित रुग्णांची नोंद

05/04/2020 19:58:24

आज कोरोना संक्रमितांची संख्या मुंबई 81, पुणे 18, औरंगाबाद 4, अहमदनगर 3, कल्याण डोंबिवली 2, ठाणे 2, उस्मनाबाद 1, वसई 1, दुसऱ्या राज्यातील एक असे राज्यात एकूण 113 नवे रुग्ण सापडले आहे. राज्यात आता कोरोना संक्रमितांचा आकडा 748 वर गेला आहे. तर, आज चारजणांना घरी सोडण्यात आले आहे.

05/04/2020 16:42:08

गडहिंग्जलमध्ये सोसाट्याच्या वाऱ्यासह जोरदार पाऊस तर, कोल्हापूर जिल्ह्याच्या दक्षिणेला ग्रामीण भागात अवकाळी पाऊस.. कोल्हापूर शहरात देखील पावसाचे वातावरण.

05/04/2020 17:39:39

पंतप्रधान नरेंद्र मोदी आणि राष्ट्रवादीचे अध्यक्ष शरद पवार यांची फोनवरुन चर्चा. कोरोना संकटाच्या पार्श्वभूमीवर दोघांमध्ये चर्चा झाल्याची माहिती. शरद पवार यांच्यासोबत मोदी आणि अमित शहा या दोघांचीही फोनवरून चर्चा. आज पंतप्रधानांनी देशातल्या वेगवेगळ्या राजकीय नेत्यांसोबत संवाद साधला. त्याच मालिकेत शरद पवार यांच्याशीही संवाद साधला. आठ एप्रिलला पंतप्रधान लोकसभा आणि राज्यसभेच्या गट नेत्यांशीही व्हिडिओ कॉन्फरन्सिंग करणार आहेत.

05/04/2020 15:09:11

राज्यात कोरोना विषाणू (कोव्हीड १९ ) चा प्रादुर्भाव रोखण्यासाठी प्रतिबंधात्मक उपाय योजनेचा भाग म्हणून सर्व विद्यापीठ आणि महाविद्यालय महाविद्यालयांच्या नियोजित परीक्षा पुढे ढकलण्यात आल्या आहेत. या संदर्भातील आढावा घेण्यासाठी उद्या सकाळी 11:00 वाजता उच्च व तंत्रशिक्षण मंत्री उदय सामंत यांच्या अध्यक्षतेखाली राज्यातील सर्व विद्यापीठांचे कुलगुरू यांच्या सोबत व्हिडीओ कॉन्फरन्सिंगद्वारे आढावा बैठक होणार आहे.

05/04/2020 18:24:37

अरबी समुद्रातील सतराशे खलाशी बंदरावरच अडकले, क्वॉरंटाईन करण्यास गुजरात सरकारचा नकार, तर सीमाबंदीमुळे महाराष्ट्रात येणंही अशक्य

05/04/2020 14:29:55

औरंगाबाद येथे कोरोना पोझिटीव्ह रुग्णाचा मृत्यू झाला आहे. घाटी रुग्णालयात त्याच्यावर उपचार सुरू होते. मराठवाड्यातील पहिला बळी आहे.

05/04/2020 14:17:55

कोरोनाच्या पार्श्वभूमीवर देशात लॉकडाऊन सुरू आहे मात्र भिवंडीत आमदारांकडून अन्न धान्य वाटप करत असताना एकच गर्दी झाल्याने पोलिसांकडून गुन्हा दाखल
,
समाजवादी पक्षाचे भिवंडी पूर्वचे आमदार रईस शेख यांच्या तीन ते चार कार्यकर्त्यांवर गुन्हा दाखल
,
अन्न घेण्यासाठी हजारोंच्या संख्येने महिलांची गर्दी झाल्याने पोलिसांकडून गुन्हा दाखल

05/04/2020 14:16:37

मालेगावचे धक्कादायक वास्तव, शहरातील पॉंवर लूम राजरोसपणे सुरू, देशभरात लॉकडाऊन असताना पॉवर लूम सुरू कशा?, कारवाई करण्यासाठी गेलेल्या पोलीस अधिकारी आणि कर्मचाऱ्यांवरच कारवाईचा बडगा,
पोलीस उपनिरीक्षकाची रमजानपुरा पोलीस ठाण्यातून तडकाफडकी बदली

05/04/2020 13:30:05

जालना येथील शहगड मधल्या 3 कुटुंबातील 26 लोकांना जालना घाटी मध्ये मध्यरात्री हलवन्यात आलंय. सदर लोक मरकज वरून आलेल्या आंध्रातील लातूर मध्ये ऍडमिट असलेल्या पॉझिटिव्ह रुग्णांच्या संपर्कात आले होते,

05/04/2020 13:27:24

विनाकारण रस्त्यावर फिरणाऱ्या लोकांना सोलापूर पोलिसांचा दणका द्यायला सुरुवात केली आहे. सकाळी 6 वाजल्यापासून शहरातील विविध भागात नाकाबंदी केली आहे. शहरातील जवळपास 22 ते 25 ठिकाणी नाकाबंदी करण्यात आली आहे. या नाकाबंदीत सकाळी 10 वाजेपर्यंत अंदाजे 500 वाहनचालकांवर कारवाई करण्यात आली आहे. लॉकडाऊन संपेपर्यंत वाहने जप्त करण्यात आली आहे.
सोलापुरातील विविध मैदानावर गाड्या ठेवण्यासाठी पोलिसांनी व्यवस्था केली आहे.

05/04/2020 14:00:22

पुण्यातील कोरोना बाधित मृत्यूचा आकडा पाचवर पोहोचला..आज सकाळी औंध रुग्णालयात एका 69 वर्षीय महिलेचा मृत्यू झाला. पित्ताशयाचा त्रास होत असल्यामुळे या महिलेला गुलटेकडी येथील अडव्हेंटिस्ट हॉस्पिटलमध्ये 30 मार्च रोजी ऍडमिट करण्यात आले होते. त्याच रात्री तिचा अहवाल कोरोना पॉझिटिव्ह आला. परंतु या रुग्णालयात उपचार न करता तिला औंध येथील शासकीय रुग्णालयात दाखल करण्यात आले.आज सकाळी उपचार सुरू असताना तिचा मृत्यू झाला.

05/04/2020 13:22:08

पालघर : वलसाड जिल्ह्यातून सुटणार्‍या खलाशांना उंबरगाव समुद्र किनारी आणलं, गेल्या चोवीस तासापासून मच्छीमार समुद्रात अडकले होते,
उंबरगाव येथील शासकीय व आरोग्य विभागाच्या पथक कार्यरत असून तपासणी सुरू,

एकूण 22 बोट मधील काही बोटीतील कामगार उतरण्यास सुरुवात,

सर्वांचं मेडिकल चेकअप करून त्यांना त्यांच्या घरी सोडण्यात येणार असल्याची माहिती

05/04/2020 13:17:35

इंदुरीकर महाराजांचा पंतप्रधान नरेंद्र मोदींच्या लाईट बंदच्या आवाहनाला पाठिंबा, पंतप्रधान आणि मुख्यमंत्री यांच्या सुचनांचे पालन करा, घराबाहेर पडू नका, गर्दीची ठिकाणं टाळा, इंदुरीकरांचं जनतेला आवाहन

05/04/2020 13:15:12

नागपुरात 6 दिवसात पाच वेगवेगळ्या बार आणि दारूची दुकानं फोडली, शनिवारी रात्री 2 बार फोडून चोरट्यांकडून हजारो रुपयांची दारू लंपास

05/04/2020 12:45:26

औरंगाबाद : औरंगाबादमध्ये आज 5 जण कोरोना पॉझिटिव्ह, 7 वर्षाच्या मुलीचा समावेश, औरंगाबाद घाटी रुग्णालयांमध्ये दोन मिनी घाटी रुग्णालयांमध्ये दोन आणि एका मुलीवर खाजगी रुग्णालयात उपचार , जिल्हा शल्यचिकित्सक व्ही एल कुलकर्णी यांची माहिती

05/04/2020 12:32:28

ऑस्ट्रेलिया वैज्ञानिक यांनी 48 तासात कोरोनाचा व्हायरस नष्ट होणार अस एक अँटी पेरासाईट ड्रग आहे असा दावा केला आहे. मात्र या ड्रगचं टेस्टिंग हे लॅबमध्ये झालेलं आहे आणि कोरोना व्हायरस ग्रसीत असलेल्या मानवी शरीरात झाले नाही. त्यामुळे हे आधी बघावं लागेल की मानवी शरीरात हे अँटी पॅरासाईट ड्रग कसं काम करतं, अशी प्रतिक्रिया डॉ तात्याराव लहाने यांनी दिली आहे.

05/04/2020 10:25:45

कोरोना व्हायसरमुळे पुण्यात आतापर्यंत तिघांचा मृत्यू झाला. दोन दिवसांपूर्वी एका 60 वर्षीय महिलेला मयत अवस्थेत ससून रुग्णालयात आणले होते. या महिलेच्या घशातील द्राव तपासणीसाठी पाठवण्यात आले होते. हा अहवाल कोरोना पॉझिटिव्ह असल्याचे निष्पन्न झाले. त्यामुळे मागील काही दिवसात या महिलेच्या संपर्कात कोण कोण आले त्या सर्वांचा शोध घेतला जात आहे.

05/04/2020 09:42:55

बुलडाण्यात अजून 3 नवे रुग्ण 'पॉझिटिव्ह' आढळले.

बुलडाण्यात कोरोना बाधितांची संख्या झाली आठ झाली असून यातील एकाचा मृत्यू झाला आहे. त्यातील

तीन पॉझिटिव्ह नवीन रुग्ण मरकजचे आहेत.

05/04/2020 09:58:34

वाडा तालुक्यायील मांगाठाने येथील आशुमी या केमिकल कंपनीला पहाटे 6 वाजेच्या दरम्यान अचानक भीषण आग लागली,,भिवंडी निजामपूर महानगर पालिकेच्या दोन अग्नीशमन दलाच्या गाड्या घटनास्थळी दाखल होऊन आग आटोक्यात आणली असली तरी कंपनीच मोठ नुकसान झालं आहे,सध्या कुलिंगच काम सुरू आहे

05/04/2020 09:48:43

मुंबईतील कोळीवाडा वरळी भागात सध्या कोरोनाचे रुग्ण आढळून आल्याने अख्खा परिसर सील करण्यात आला आहे. अशा परिस्थितीत त्याच भागात राहणारे बीडचे शिवसेनेचे माजी मंत्री जयदत्त क्षीरसागर हे बीडमध्ये शनिवारी सायंकाळच्या सुमारास दाखल झाले होते. त्यांना क्वारंटाइन करण्याची मागणी राष्ट्रवादी काँग्रेसच्या नगरसेवकांनी केल्यानंतर आरोग्य विभागाने तपासणी करून त्यांना होम क्वारंटाइन होण्याचे आदेश दिले आहेत

05/04/2020 09:25:39

पंढरपूर : चैत्री एकादशीची पूजा भाजप आमदार व मंदिर समिती सदस्य सुरजितसिंह ठाकूर यांनी केल्याच्या विरोधात राष्ट्रवादीने केली तक्रार

05/04/2020 08:44:19

डॉ बाबासाहेब आंबेडकर यांची जयंती निमित्त घरगुती सजावट स्पर्धेचं आयोजन करण्यात आलंय. घरच्या घरी जी व्यक्ती उत्तम जयंती साजरी करेल त्यास अकरा हजार रुपयांचं पारितोषिक दिलं जाणार आहे. कोरोनाच्या पार्श्वभूमीवर अनुयायांनी घरात बसूनच जयंती साजरी करावी, यासाठी या स्पर्धेचे आयोजन करण्यात आलंय. वंचित बहुजन आघाडीचे नेते राहुल ओव्हाळ यांची ही संकल्पना आहे. घरच्या सजावटीचा फोटो हा 9325804436 या व्हाट्सऍप वर सेंड करायचा आहे. त्यातून विजेत्यांची निवड केली जाणार आहे.

05/04/2020 09:40:45

मुंबईतील कोळीवाडा वरळी भागात सध्या कोरोनाचे रुग्ण आढळून आल्याने संपूर्ण परिसर सील करण्यात आला आहे. अशा परिस्थितीत त्याच भागात राहणारे बीडचे शिवसेनेचे माजी मंत्री जयदत्त क्षीरसागर हे बीडमध्ये शनिवारी सायंकाळच्या सुमारास दाखल झाले होते. त्यांना क्वारंटाइन करण्याची मागणी राष्ट्रवादी काँग्रेसच्या नगरसेवकांनी केल्यानंतर आरोग्य विभागाने तपासणी करून त्यांना होम क्वारंटाइन होण्याचे आदेश दिले आहेत.

05/04/2020 08:44:45

औरंगाबाद देशी दारूचे दुकान फोडले. संग्रामनगर उड्डाणपुलाजवलील देशी दारूचं दुकान फोडले.शटर उचकटून पळवली दारू.

05/04/2020 07:19:43

डहाणू तलासरी भागातील जवळपास 700 मच्छीमार समुद्रात अडकल्याची भीती
,
समुद्रात मच्छीमारीसाठी गेलेले मच्छीमार गुजरात मधील उंबरगाव येथे उतरणार होते, मात्र गुजरात प्रशासना कडून नकार दिल्याने ते महाराष्ट्र गुजरात सीमेवरील नारगोल येथे अडकल्याची भीती

05/04/2020 07:17:05

.अफवा, प्रक्षोभक आणि आक्षेपार्ह संदेश सोशल मीडियावर व्हायरल केल्यास फौजदारी गुन्हे दाखल होणार.
, पिंपरी चिंचवड पोलिसांकडून व्हाट्सऍप ग्रुप ऍडमीनसह सदस्यावर कारवाईला सुरुवात

05/04/2020 07:16:13

इस्लामपूर मधील सौदे अरेबियाहुन परतलेल्या पहिल्या 4 कोरोना बाधित रुग्णाची पहिली चाचणी निगेटिव्ह,

आज पुन्हा एकदा या 4 जणांचे रिपोर्ट घेतले जाणार,

जर आजचेही रिपोर्ट निगेटिव्ह आले तर या 4 जणांना डिस्चार्ज मिळणार,

याशिवाय इस्लामपूर मधील होम क्वारंनटाइन मधील 10 जणांचे रिपोर्टही निगेटिव्ह,

या 7 दिवसात एकही कोरोना पॉझिटिव्ह रुग्ण आढळला नसल्याने जिल्ह्यासाठी मोठा दिलासा