LIVE UPDATES | शिवसेनेचे नाराज खासदार संजय जाधव मुख्यमंत्र्यांना भेटणार
MPSC मार्फत घेण्यात येणाऱ्या सर्वच परीक्षा पुढे ढकलण्याचा राज्य शासनाचा निर्णय विनायक मेटे यांच्यामुळे मराठा आरक्षणावर बालंट ओढवलं असतं: काँग्रेस प्रवक्ते सचिन सावंत यांचा आरोप घरच्यांनी दबाव आणला म्हणून बलात्काराची तक्रार दाखल केली, हा दावा मान्य होऊ शकत नाही : हायकोर्ट रत्नागिरीत काम करण्यास डॉक्टर वैद्यकीय अधिकारी इच्छुकच नाहीत, राज्य सरकारची हायकोर्टात माहिती पुण्यातील कोविड केअर सेंटरच्या उद्घाटनाची घाई, काम अपूर्ण असताना मुख्यमंत्र्यांच्या हस्ते उद्घाटन कोरोना व्हायरससह इतर महत्वाच्या घडामोडी या लाईव्ह ब्लॉगमध्ये...
एबीपी माझा वेब टीम
Last Updated:
27 Aug 2020 08:53 PM
एका ट्रकमध्ये गुटखा वाहतूक होत असल्याची माहिती अंबाजोगाई शहर पोलीसाना मिळाली.. शहरातील भगवान बाबा चौक परिसरामध्ये ही ट्रक थांबवली. यावेळी ट्रकमध्ये मोठ्या प्रमाणात गुटखा आढळून आला. यावेळी ट्रकमध्ये तीस लाख रुपयांचा गुटखा आढळून आला. चालकाला ताब्यात घेत ट्रकसह 50 लाखाचा मुद्देमाल जप्त करण्यात आलाय
गणपती विसर्जन करते वेळी गुहागर तालुक्यात दोन जण बुडाल्याने या विसर्जनाला गालबोट लागले आहे.
गुहागर तालुक्यातील बोऱ्याजेटीवर आज सायंकाळी चारच्या दरम्यान गणपती विसर्जनासाठी गर्दी जमली होती.यावेळी या जेटीवर गणपती विसर्जन करताना वैभव देवळे व अनिकेत हळये असे दोघेजण दुर्दैवी रित्या बुडाले.
स्थानिकांच्या मदतीने यांचा शोध सुरु आहे मात्र गणपती विसर्जन करताना हे दोघं बुडाल्याने सर्वत्र हळहळ व्यक्त केली जात आहे.
गुहागर तालुक्यातील बोऱ्याजेटीवर आज सायंकाळी चारच्या दरम्यान गणपती विसर्जनासाठी गर्दी जमली होती.यावेळी या जेटीवर गणपती विसर्जन करताना वैभव देवळे व अनिकेत हळये असे दोघेजण दुर्दैवी रित्या बुडाले.
स्थानिकांच्या मदतीने यांचा शोध सुरु आहे मात्र गणपती विसर्जन करताना हे दोघं बुडाल्याने सर्वत्र हळहळ व्यक्त केली जात आहे.
विधानमंडळाच्या अधिवेशनाकरीता मुख्यमंत्र्यांसह मंत्री परिषदेतील सर्व मंत्री, राज्यमंत्री, विरोधी पक्ष नेते व त्यांच्या सोबतचे स्वीय सहायक यांना कोरोना चाचणी बंधनकारक.
परभणीचे पालकमंत्री आणि राष्ट्रवादी काँग्रेसचे नेते-मंत्री नवाब मलिक 'वर्षा' निवासस्थानी दाखल. राष्ट्रवादी काँग्रेसकडून गळचेपी होत असल्याचा परभणीचे शिवसेना खासदार संजय जाधव यांचा आरोप.
नागपूर महापालिकेचे मावळते आयुक्त तुकाराम मुंढे यांच्या समर्थनार्थ आज आम आदमी पक्षाच्या कार्यकर्त्यांनी संविधान चौकावर आंदोलन केले.
शिवसेनेचे नाराज खासदार संजय जाधव मुख्यमंत्री उद्धव ठाकरे यांना भेटण्याकरता वर्षा निवास्थानी पोहचले
शिवसेनेचे नाराज खासदार संजय जाधव 4.30 वाजता मुख्यमंत्र्यांच्या भेटीला वर्षा बंगल्यावर दाखल होणार आहेत
देशभरात मोहरमचा जुलूस काढण्यासाठी परवानगीची मागणी करणाऱ्या याचिकेवर सुनावणी करण्यास सुप्रीम कोर्टाचा नकार, संपूर्ण देशात लागू होणारा कोणताही आदेश देऊ शकत नाही, असं सुप्रीम कोर्टाने म्हटलं. शिया धर्मगुरु कल्बे जव्वाद यांच्या वतीने याचिका दाखल, याचिकाकर्त्यांनी किमान लखनौमध्ये जुलूस काढण्याची परवानगी मागितली होती. यावर सुप्रीम कोर्टाने याचिकाकर्त्यांना अलाहाबाद उच्च न्यायालयात जाण्यास सांगितलं.
आम्ही लोकल सुरु करण्यास कधीही तयार, राज्य सरकारने हिरवा कंदिल दिल्यास मुंबईत लोकल धावणार, मध्य रेल्वेचे डीआरएम शलभ गोयल यांची माहिती
औरंगाबाद जिल्ह्यातील 214 रुग्णांचे अहवाल सकाळी पॉझिटिव्ह आले. त्यामुळे कोरोनाबधित रुग्णांची एकूणसंख्या 21973 एवढी झाली आहे. त्यापैकी 16713 बरे झाले तर 659 जणांचा मृत्यू झाल्याने सध्या 4601 जणांवर उपचार सुरु .
धुळे : जिल्ह्यात बुधवारी दिवसभरात 6 कोरोना बाधीत रुग्णांचा मृत्यू झालाय. तर दिवसभरात 192 कोरोनाच्या नव्या रुग्णांची नोंद झालीय. बुधवारी दिवसभरात 167 रुग्णांना डिस्चार्ज देण्यात आलाय. जिल्ह्यात आतापर्यंत 227 कोरोनाबाधित रुग्णांचा मृत्यू झालाय . धुळे जिल्ह्यातील कोरोना बाधितांची संख्या 7 हजार 670 वर पोहचलीय. जिल्ह्यात आतापर्यंत 5 हजार 757 रुग्ण कोरोनातून बरे होऊन घरी परतले आहेत. तर सध्या 1 हजार 686 रुग्ण रुग्णालयात दाखल आहेत.
पालघर : तारापूर औद्योगिक वसाहतीमधील गंगोत्री हॉटेल समोरच्या मोकळ्या मैदाना लगतच्या झाडीत चार दिवसांपासून बेपत्ता असलेल्या युवकाचा मृतदेह आढळून आल्याने बोईसरमध्ये परिसरात खळबळ उडाली आहे. शिवरत्न रॉय (18) असे मयत युवकाचे नाव आहे. नुकताच तो इयत्ता 10 वी ची परीक्षा उत्तीर्ण झाला होता.
शनिवार (ता.22) राञी 9 वाजताच्या सुमारास अवध नगरमधील रोशन गँरेज गल्लीतल्या राहत्या घरात मोबाइलमध्ये गेम खेळत होता. त्यावेळी त्याला त्याच्या मिञाने बाहेर बोलावल्या नंतर शिवम मोबाइल घरी ठेऊन घराबाहेर गेला होता.तेव्हापासून तो घरी परतला नव्हता. याप्रकरणी बोईसर एमआयडीसी पोलीस स्टेशनमध्ये मंगळवारी उशीरा हरवल्याची दाखल करण्यात आली होती.बुधवारी सायंकाळी सात वाजताच्या सुमारास तारापूर औद्योगिक वसाहती मधील गंगोञी हॉटेल समोरच्या मोकळ्या मैदाना लगतच्या झाडीत शिवमचा मृतदेह आढळून आला. त्यामुळे बोईसर परिसरात खळबळ उडाली असून सर्व पालकांमध्ये भीतीचे वातावरण आहे.
शनिवार (ता.22) राञी 9 वाजताच्या सुमारास अवध नगरमधील रोशन गँरेज गल्लीतल्या राहत्या घरात मोबाइलमध्ये गेम खेळत होता. त्यावेळी त्याला त्याच्या मिञाने बाहेर बोलावल्या नंतर शिवम मोबाइल घरी ठेऊन घराबाहेर गेला होता.तेव्हापासून तो घरी परतला नव्हता. याप्रकरणी बोईसर एमआयडीसी पोलीस स्टेशनमध्ये मंगळवारी उशीरा हरवल्याची दाखल करण्यात आली होती.बुधवारी सायंकाळी सात वाजताच्या सुमारास तारापूर औद्योगिक वसाहती मधील गंगोञी हॉटेल समोरच्या मोकळ्या मैदाना लगतच्या झाडीत शिवमचा मृतदेह आढळून आला. त्यामुळे बोईसर परिसरात खळबळ उडाली असून सर्व पालकांमध्ये भीतीचे वातावरण आहे.
नांदेडच्या लोहा तालुक्यातील माळाकोळी परिसरात भूगर्भातून आवाज, नागरिकांमध्ये भीतीचे वातावरण
सार्वजनिक वाहतूक आणि मालवाहतूक वार्षिक कर भरणाऱ्या वाहनांना दि.१ एप्रिल ते ३० सप्टेंबर २०२० या कालावधीत वाहन करमाफीचा निर्णय
परिवहन मंत्री अनिल परब यांची माहिती
परिवहन मंत्री अनिल परब यांची माहिती
कोविड परिस्थितीमुळे महाराष्ट्र लोकसेवा आयोगाच्या सर्व परीक्षा पुढे ढकलण्याचा निर्णय घेण्यात आला आहे, अशी माहिती मुख्य सचिवांनी आज मंत्रिमंडळ बैठकीत दिली.
राज्य सरकारचा घर खरेदी करणाऱ्यांना मोठा दिलासा. राज्य मंत्रीमंडळात मुद्रांक शुल्क (स्टॅम्प ड्युटी) कमी करण्याचा निर्णय. 31 डिसेंबरपर्यंत तात्पुरत्या स्वरूपात 5 टक्क्यांहून 2 टक्क्यांपर्यंत मुद्रांक शुल्क करणार कमी. तर 1 जानेवारीपासून 31 मार्चपर्यंत 3 टक्के मुद्रांक शुल्क आकारले जाणार. रियल इस्टेट मार्केटला चालना देण्याचा सरकारचा प्रयत्न.
नागपूर महापालिका आयुक्त तुकाराम मुंढे यांची बदली सदस्य सचिव, महाराष्ट्र जीवन प्राधिकरण, मुंबई येथे करण्यात आली आहे. तर ए.बी. मिसाळ यांची बदली विभागीय आयुक्त, कोकण विभाग येथे करण्यात आली आहे. लोकेश चंद्र यांची नियुक्ती प्रधान सचिव, जलसंपदा विभाग येथे करण्यात आली आहे. एस.एम देशपांडे यांची नियुक्ती प्रधान सचिव (प्र.सु. व र.व का.) या पदावर केली आहे.
मराठा आरक्षणाच्या आजच्या सुनावणीत विनायक मेटे यांच्यावतीने 102 व्या घटना दुरुस्तीला आव्हान देणारी याचिका दाखल करण्यात आली होती. मात्र, ही याचिका ऐकून घेण्यास सुप्रीम कोर्टाचा नकार दिला. राष्ट्रीय मागासवर्गीय आयोगाला 102 व्या घटना दुरुस्तीनुसार संविधानिक दर्जा मिळाला. प्रकरण घटनात्मक खंडपीठाकडे जावं यासाठी हा मुद्दा उपस्थित करण्यात आला होता. पण त्यामुळे राज्य मागासवर्गीय आयोगाच्या अधिकारावर प्रश्नचिन्ह निर्माण होण्याची शक्यता होती. मराठा आरक्षणाबाबत निर्णय देताना हायकोर्टाने राज्य मागासवर्गीय आयोगाचा अधिकार मान्य केला होता. सुप्रीम कोर्टाने हे प्रकरण आम्ही ऐकणार नाही असं सांगितल्याने विनायक मेटे यांना कोर्टाचा झटका.
उद्धव सरकार पण मोदींच्या पावलावर पाऊल ठेवायला लागलं आहे; ई-पास वरुन वंचितचे प्रमुख प्रकाश आंबेडकर यांची महाविकास आघाडी सरकारवर टीका.
पती-पत्नी घरी एकत्र राहू शकतात पण स्कुटरवर एकत्र बसू शकत नाहीत. अनोळखी लोकांसोबत प्रवास करायला मुभा दिलीय तर मग एका परिवाराला एकत्र जायला बंदी का? उद्धव सरकार पण मोदींच्या पावलावर पाऊल ठेवायला लागलं आहे. लोकांच्या वैयक्तिक गोष्टींवर निर्बंध आणणं बंद करा. कोविडचं नाटक बंद करून खऱ्या प्रश्नांकडे सरकारने लक्ष द्यावे. सरकारी कर्मचाऱ्यांचे पगार, शेतकऱ्यांचे प्रश्न आणि राज्यात सध्या उधभवलेल्या पूर परिस्थितीकडे गंभीर्याने लक्ष द्यावे अन्यथा मोठं संकट राज्यावर येईल.
धुळे : कोरोनाच्या पार्श्वभूमीवर विद्यार्थ्यांचे शुल्क माफ करावे,यासह इतर मागण्यांसाठी अखिल भारतीय विद्यार्थी परिषदेच्या कार्यकर्त्यांनी पालकमंत्री अब्दुल सत्तार यांच्याशी चर्चा करण्याची मागणी केली होती. मात्र पालकमंत्री अब्दुल सत्तार यांनी भेट नाकारल्यानं संतप्त आंदोलनकर्त्यांनी जिल्हाधिकारी कार्यालयाबाहेर पालकमंत्र्यांचं वाहन अडविलं. यावेळी पोलिसांनी बळाचा वापर करत आंदोलकर्त्यांना पालकमंत्र्यांच्या वाहनासमोरून हटवून वाहनाचा रस्ता मोकळा केला .
मराठा आरक्षणाची पुढील सुनावणी आता 28 ऑगस्ट रोजी होणार
मराठी आरक्षणाची आजची सुनावणी संपली, पुढील सुनावणी 28 ऑगस्ट रोजी होणार
मराठा आरक्षण मोठ्या खंडपीठाकडे का जावं यावर मुकुल रोहतगी यांचा युक्तिवाद - मुंबई हायकोर्टाने आपल्या पाचशे पानांपेक्षा अधिक निकालात हे आरक्षण 50 टक्क्यांहून पुढे जाणारं आरक्षण वैध ठरवलं आहे. अनेक राज्यांमध्ये 50 टक्‍क्‍यांपेक्षा अधिक आरक्षण असतानाही केंद्र सरकारने दहा टक्के आरक्षणाचा कायदा केला ना. 5 ऑगस्ट 2020 रोजी आर्थिक आरक्षणाचं प्रकरण घटनात्मक खंडपीठाकडे गेलं आहे. 50 टक्क्यांची मर्यादा घटनात्मक तरतूद केंद्राने ओलांडली आहे. इंद्रा सहानी प्रकरणात नऊ न्यायमूर्तींच्या खंडपीठाने निर्णय दिला होता. त्यामुळे या संदर्भातले प्रश्न चर्चा करण्यासाठी त्यापेक्षा मोठं खंडपीठ हवं, मराठा आरक्षणाची ही केस घटनात्मक प्रश्नांनी भरलेली आहे, असं राज्य सरकारच्या वतीने मुकुल रोहतगी कोर्टात सांगितलं.
मराठा आरक्षण : वकील नरसिंह यांचा युक्तिवाद - 50 टक्क्यांची मर्यादा वारंवार उल्लेखित होत आहे. पण याला कुठल्या तत्त्वाचा आधार आहे? ते केवळ बॅलन्स म्हणून सांगितलं गेलं. पण अनेक सामाजिक, आर्थिक प्रश्न नव्याने निर्माण होत आहेत. त्यामुळे त्याची फेररचना होण्याची गरज आहे.
मराठा आरक्षणाच्या सुनावणीला सुप्रीम कोर्टात सुरुवात झाली आहे. मराठा आरक्षण प्रकरण मोठ्या खंडपीठाकडे जाणार की नाही तसंच सुनावणी व्हर्च्युअल की प्रत्यक्ष यावर आज सुनावणी होणार.
मराठा आरक्षणाच्या बाजूने कपिल सिब्बल यांचा युक्तिवाद - कुठल्या जातींना आरक्षण द्यायला हवं याची यादी केंद्राकडे राज्याकडून जाते. जर राज्य एखाद्या घटनात्मक मार्गाने नव्या जातींना आरक्षण देत असेल तर त्याला अवैध का ठरवलं जातं हा विरोधाभास आहे.
सनी देओल, तबू, ऐश्वर्या, दिव्या भारती, दिनो मोरिया, करीना-करिष्मा, जॉन अब्राहम, आफताब शिवदासानी, अमिषा या कलाकारांचे एकेकाळचे स्टार मॅनेजर जतीन राजगुरू यांचं कर्करोगाने निधन.
मराठा आरक्षणाच्या बाजून कपिल सिब्बल यांचा युक्तिवाद - हे प्रकरण 11 न्यायमूर्तींच्या खंडपीठाकडे जायला हवं. इंद्रा साहनी प्रकरणात 1931 च्या जनगणनेचा आधार घेतला होता. महाराष्ट्रात 85 टक्के लोकसंख्या ही मागास प्रवर्गातील आहे. त्यामुळे इंद्रा साहनी प्रकरणाचा अडथळा अधिक आरक्षण देण्यासाठी येत नाही. वेगवेगळ्या राज्यातले कायदे जिथे आरक्षण 60 टक्क्यांपर्यंत पोहोचलं आहे ते पण लक्षात घेतले पाहिजेत.
सोलापूर - सोलापूरात माकपच्या वतीने हजारो वीज बिलांची होळी,
जिल्हाधिकारी कार्यलयासमोर पेटवला बिलांचा ढिगारा,
माकपचे माजी आमदार नरसय्या आडम यांच्या नेतृत्वाखाली आंदोलन,
पोलिसांचा फौजफाटा तैनात, महिला कार्यकर्त्यांची देखील उपस्थिती
जिल्हाधिकारी कार्यलयासमोर पेटवला बिलांचा ढिगारा,
माकपचे माजी आमदार नरसय्या आडम यांच्या नेतृत्वाखाली आंदोलन,
पोलिसांचा फौजफाटा तैनात, महिला कार्यकर्त्यांची देखील उपस्थिती
50 टक्क्यांची मर्यादा ओलांडण्यासाठी काही अपवाद असतील असं इंद्रा साहनी प्रकरणात म्हटलं होतं.
मराठा आरक्षणाच्या आमच्या केसमध्ये एका निवृत्त न्यायमूर्तींच्या अध्यक्षतेखाली अहवाल दिला आहे, त्याच्या आधारे हा निर्णय झाला. केंद्र सरकारचं आणि महाराष्ट्र सरकारची प्रकरण हे एकमेकात गुंतलेली आहे. त्यामुळे हे प्रकरण मोठ्या खंडपीठाकडे जाण्याची गरज आहे, असं मुकुल रोहतगी यांनी कोर्टात सांगितलं.
मराठा आरक्षणाच्या आमच्या केसमध्ये एका निवृत्त न्यायमूर्तींच्या अध्यक्षतेखाली अहवाल दिला आहे, त्याच्या आधारे हा निर्णय झाला. केंद्र सरकारचं आणि महाराष्ट्र सरकारची प्रकरण हे एकमेकात गुंतलेली आहे. त्यामुळे हे प्रकरण मोठ्या खंडपीठाकडे जाण्याची गरज आहे, असं मुकुल रोहतगी यांनी कोर्टात सांगितलं.
नागपूर - मनपा आयुक्त तुकाराम मुंढेंनंतर महापालिकेतील आणखी 10 अधिकारी आणि कर्मचारी कोरोना बाधित झाल्याचे समोर आले आहे.
आज कोरोना बाधित आलेल्या 10 जणांमध्ये मनपाच्या वैद्यकीय अधिकाऱ्यांचाही समावेश,
शिवाय क्रीडा विभागातील काही अधिकारी ही कोरोना संक्रमित,
त्यामुळे कोरोना संक्रमणाने आता मनपाला विळख्यात घेतले की काय अशी शंका निर्माण झाली आहे.
आज कोरोना बाधित आलेल्या 10 जणांमध्ये मनपाच्या वैद्यकीय अधिकाऱ्यांचाही समावेश,
शिवाय क्रीडा विभागातील काही अधिकारी ही कोरोना संक्रमित,
त्यामुळे कोरोना संक्रमणाने आता मनपाला विळख्यात घेतले की काय अशी शंका निर्माण झाली आहे.
महाड - महाड इमारत दुर्घटनेत मध्ये 15 मृत आणि दोन जिवंत व्यक्तींना बाहेर काढण्यात प्रशासनाला यश,
शेवटच्या महिलेचा मृतदेह बाहेर काढल्यानंतर एनडीआरएफ आणि व्हाईट आर्मीच्या वतीने रेस्क्यू ऑपरेशन थांबवण्यात आलं ,
इमारत दुर्घटनेत जबाबदार असणाऱ्या व्यक्तींवर कायदेशीर कारवाई व्हावी यासाठी जिल्हा प्रशासन पाठपुरावा करणार,
रायगडच्या जिल्हाधिकारी निधी चौधरी यांची माहिती
शेवटच्या महिलेचा मृतदेह बाहेर काढल्यानंतर एनडीआरएफ आणि व्हाईट आर्मीच्या वतीने रेस्क्यू ऑपरेशन थांबवण्यात आलं ,
इमारत दुर्घटनेत जबाबदार असणाऱ्या व्यक्तींवर कायदेशीर कारवाई व्हावी यासाठी जिल्हा प्रशासन पाठपुरावा करणार,
रायगडच्या जिल्हाधिकारी निधी चौधरी यांची माहिती
मुख्यमंत्री उद्धव ठाकरे ठाण्यात येणार असल्यानं तातडीनं ठाण्यातले खड्डे बुजवण्यात आले होते. याच पार्श्वभूमीवर उद्धव ठाकरेंनी सहज डोंबिवलीचाही फेरफटका मारावा, किमान त्यामुळे तरी कल्याण शीळ मार्गावरचे खड्डे बुजवले जातील, असं ट्विट राजू पाटील यांनी केलं होतं. त्यांना खासदार श्रीकांत शिंदे यांनीही प्रत्युत्तर दिलंय. ट्विटरवर मागणी आणि ट्विटरवरच फॉलोअप करणाऱ्या आमदारांनी ट्विटरच्या बाहेर येऊन सहज स्वतःच्या मतदारसंघात एक फेरफटका मारावा, जेणेकरून आपल्या मतदारसंघात कुठेकुठे खड्डे भरणीची कामं सुरू आहेत, ते त्यांना कळेल, असा टोला खासदार शिंदेंनी लगावलाय. शिवाय कल्याण शीळ मार्गावर अनेक ठिकाणी पेव्हर ब्लॉक टाकून खड्डे बुजवण्याचं काम सुरू असल्याची माहिती त्यांनी दिली आहे.
औरंगाबाद जिल्ह्यातील 123 रुग्णांचे अहवाल सकाळी पॉझिटिव्ह आले. त्यामुळे कोरोनाबाधित रुग्णांची एकूण संख्या 21515 एवढी झाली आहे. त्यापैकी 16440 बरे झाले तर 645 जणांचा मृत्यू झाल्याने सध्या 4430 जणांवर उपचार सुरू .
जगभरात कोरोनाचा मोठ्या प्रमाणात फैलाव झाल्यानंतर उद्योगधंदे बंद पडले. त्यामुळे दुबई आणि अन्य आखाती देशात लाखो भारतीय अडकून पडले. मिशन वंदे भारत सुरू होऊनही महाराष्ट्रात विमानं कमी असल्यानं महाराष्ट्रात राहणाऱ्यांची मोठी अडचण झाली. यातून मार्ग काढण्यासाठी ब्लॉगर असलेल्या शुभांगी साका यांनी फेसबुकच्या आणि व्हॉट्सऍपच्या माध्यमातून 'वंदे भारत - मिशन महाराष्ट्र' मोहीम राबवली. मे, जून, जुलै अशा तीन महिन्यात महाराष्ट्रातल्या हजारो लोकांना त्यांनी परत पाठवलं, यासाठी महाराष्ट्राचे मंत्री, अधिकारी यांच्याशी त्यांनी संपर्क साधला आणि आपल्या नागरिकांना घरवापसीची संधी उपलब्ध करून दिली. या काळातली सगळी धावपळ, सगळ्या घडामोडी शुभांगी यांनी आता गणपतीच्या देखाव्याच्या माध्यमातून समोर आणल्या आहेत
नागपूर- अतिरिक्त पोलीस आयुक्त डॉ निलेश भरणे कोरोना पॉझिटिव्ह आल्यानंतर आजपासून 31 ऑगस्टपर्यंत पोलीस आयुक्त कार्यालय सामान्य जनतेसाठी बंद ठेवले जाणार आहे. आज संपूर्ण कार्यालय सॅनिटाईज केल्यानंतर सामान्य जनतेसाठी 31 ऑगस्ट पर्यंत कार्यालय बंद ठेवले जाणार. विशेष म्हणजे कालच मनपा आयुक्त तुकाराम मुंढे हे ही कोरोना बाधित आढळले होते, त्यानंतर अतिरिक्त पोलीस आयुक्त कोरोना बाधित आढळल्याने नागपूरात दोन वरिष्ठ अधिकारी कोरोना बाधित झाले आहे. काल नागपुरात 1071 लोकं कोरोना बाधित आढळले होते, तर 52 जणांचा मृत्यू झाला होता.
Corona Update | राज्यात आज 10 हजार 425 रुग्णांची नोंद, पुणे मनपा परिसरात सर्वाधिक 1228 रुग्णांची नोंद, आज 12 हजार 300 रुग्ण कोरोनामुक्त, तर आजपर्यंत 5 लाख 14 हजार 790 रुग्णांची कोरोनावर मात, आज 329 रुग्णांचा मृत्यू
Corona Update | राज्यात आज 10 हजार 425 रुग्णांची नोंद, पुणे मनपा परिसरात सर्वाधिक 1228 रुग्णांची नोंद, आज 12 हजार 300 रुग्ण कोरोनामुक्त, तर आजपर्यंत 5 लाख 14 हजार 790 रुग्णांची कोरोनावर मात, आज 329 रुग्णांचा मृत्यू
उपमुख्यमंत्री अजित पवार यांनी आज मुख्यमंत्री उद्धव ठाकरे यांच्या 'वर्षा' निवासस्थानी भेट देऊन श्रीगणरायांचं दर्शन घेतलं
विधानसभा अधिवेशन 7 आणि 8 सप्टेंबर 2020 , कामकाज सल्लागार समितीचा निर्णय,
प्रेक्षक आणि विद्यार्थी गॅलरीत देखील शारीरिक अंतराचे नियम पाळून मा सदस्यांची आसन व्यवस्था,
अधिवेशनाअगोदर म्हणजे 6 तारखेस सर्व सदस्यांची अँटिजेंन चाचणी,
प्रत्येक सदस्यांना कोरोनापासून सुरक्षितता म्हणून सुरक्षा किट देणार,
सदस्यांच्या पीएना आतमध्ये प्रवेश मिळणार नाही मात्र त्यांची स्वतंत्र व्यवस्था,
वाहनचालकांना देखील बसण्याची तसेच त्यांच्या नाश्ता, चहापाणी स्वतंत्र व्यवस्था,
इतरही आजार असलेल्या सदस्यांना त्यांच्या त्यांच्या पक्ष गट नेत्यांकडून काळजी घेण्याची सूचना देणार,
अतारांकित प्रश्न, पुरवणी मागण्या, विनियोजन विधेयके घेणार
प्रेक्षक आणि विद्यार्थी गॅलरीत देखील शारीरिक अंतराचे नियम पाळून मा सदस्यांची आसन व्यवस्था,
अधिवेशनाअगोदर म्हणजे 6 तारखेस सर्व सदस्यांची अँटिजेंन चाचणी,
प्रत्येक सदस्यांना कोरोनापासून सुरक्षितता म्हणून सुरक्षा किट देणार,
सदस्यांच्या पीएना आतमध्ये प्रवेश मिळणार नाही मात्र त्यांची स्वतंत्र व्यवस्था,
वाहनचालकांना देखील बसण्याची तसेच त्यांच्या नाश्ता, चहापाणी स्वतंत्र व्यवस्था,
इतरही आजार असलेल्या सदस्यांना त्यांच्या त्यांच्या पक्ष गट नेत्यांकडून काळजी घेण्याची सूचना देणार,
अतारांकित प्रश्न, पुरवणी मागण्या, विनियोजन विधेयके घेणार
शिर्डी लोकसभा मतदार संघाचे खासदार कोरोना पॉझिटिव्ह...
शिवसेना खासदार सदाशिव लोखंडे याना कोरोना ची लागण...
खासदारांसह पत्नी व डॉक्टर मुलगा व अंगरक्षक सुद्धा कोरोना पॉझिटिव्ह...
श्रीरामपूर मध्ये केली कोरोना चाचणी...
खासदार पुढील उपचारासाठी मुंबईला रवाना....
शिवसेना खासदार सदाशिव लोखंडे याना कोरोना ची लागण...
खासदारांसह पत्नी व डॉक्टर मुलगा व अंगरक्षक सुद्धा कोरोना पॉझिटिव्ह...
श्रीरामपूर मध्ये केली कोरोना चाचणी...
खासदार पुढील उपचारासाठी मुंबईला रवाना....
बुलढाणा मतदारसंघात तीन टर्म शिवसेनेचे आमदार राहिलेले विजयराज शिंदे यांनी आज आपल्या समर्थकांसह माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांच्या उपस्थितीत भाजपात प्रवेश घेतला. यावेळी माजी मंत्री संजय कुटे, जिल्हा अध्यक्ष आकाश फुंडकर, आमदार श्वेता महाले, योगेंद्र गाडे उपस्थित होते.
अंबाजोगाई शहरांमध्ये कोरोना रुग्णांना पुरवले जाणारे अन्न हे निकृष्ट दर्जाचे असल्याचे समोर आले आहे अक्षय मुंदडा यांनी एसआरटी रुग्णालयाच्या परिसरात असणाऱ्या एका कोव्हिडं सेंटरला भेट देऊन त्या ठिकाणच्या जेवनाची पाहणी केली.. रुग्णांना देण्यात येणाऱ्या पोळ्या कच्च्या किंवा वाळलेल्या असतात वरण पातळ असते तर भाजीला कोणतीही चव नसते जेवणा सोबत दिल्या जाणाऱ्या भातासाठी जो तांदूळ वापरला जातो तो सुद्धा कमी दर्जाचा असल्याचे पाहायला मिळाले.
कोरोना पॉझिटिव्ह रुग्णाची हॉस्पिटलच्या तिसऱ्या मजल्यावरुन उडी मारली. रुग्णाचा उपचारादरम्यान शासकीय रुग्णालयात मृत्यू झाला. अहमदनगर शहरातील सुरभी हॉस्पिटलमध्ये पहाटे हा प्रकार घडला. या रुग्णाने उडी का मारली याचं कारण अद्याप स्पष्ट झालेलं नाही. तोफखाना पोलीस पुढील तपास करत आहेत.
कोल्हापूर जिल्हा शिवसेना मणगुत्ती गावात छत्रपती शिवाजी महाराजांचा पुतळा त्वरित बसवावा मागणीसाठी दांडी यात्रा काढणार असल्याने कर्नाटक पोलिसांनी मणगुत्ती गावाच्या प्रवेशद्वारावर मोठा बंदोबस्त ठेवला आहे. मणगुत्ती गावात जाणाऱ्यांची चौकशी करून सोडले जात आहे. महाराष्ट्र पासिंगची वाहने पोलीस अडवत असून त्यांना पुढे सोडले जात नाही.शिवसेना कवळेकट्टी ते मणगुत्ती दांडी मार्च काढणार असल्याने कवळेकट्टी येथेही पोलीस बंदोबस्त ठेवण्यात आला आहे.गावातील व्यक्ती सोडून अन्य व्यक्तींना गावात जाण्यास परवानगी दिली जात नाही.
महाराष्ट्र पोलिस हे देशात सर्वोच्च आहेत आणि हेच दाखवण्याचा प्रयत्न नाशिकच्या हिरावाडी परिसरातील एंडाईत कुटुंबाने केला असून गणपती बाप्पाला त्यांनी महाराष्ट्र पोलिसांची सुंदर अशी आरास केलीय. यामध्ये त्यांनी पोलिसांना प्रशिक्षण देणाऱ्या महाराष्ट्र पोलिस अकॅडमी पासून ते पोलिसांचे विविध विभाग, त्यांची कामे यासोबतच मुंबईच्या तुफान पावसात उभा असलेला पोलिस, मुख्यमंत्रयांसमोर संचलन करणारे पोलिस हे सर्व फोटो कटिंग पासून तयार केले असून यासाठी त्यांनी आठ दिवसांची मेहनत घेतलीय. कोरोना विषाणूला पळवून लावण्यासाठी त्यांनी बनवलेली कलाकृती विशेष लक्ष वेधून घेत असून यामाध्यमातून कोरोना योध्यांना त्यांनी अनोखी सलामी दिली आहे.
भिवंडी परिमंडळ 2 मध्ये आतापर्यंत 173 पोलिस अधिकारी व कर्मचारी कोरोनाच्या आजाराने बाधित झाले आहेत. शांतीनगर पोलिस स्टेशनच्या वरिष्ठ पोलिस निरीक्षक ममता डिसुझा या कोरोनावर मात करून पुन्हा कर्तव्यावर हजर झाल्या या दरम्यान पोलिस ठाण्यात त्यांचे पुष्पगुच्छ देऊन व फुलांच्या पाकळ्या उधळून त्यांचे स्वागत करण्यात आले आत्तापर्यंत 173 पोलिस अधीकरी व कर्मचारी कोरोना पोजिटिव्ह आले असून त्यापैकी 111 जणांनी कोरोनावर मात केला आहे.
औरंगाबाद : जिल्ह्यातील 100 रुग्णांचे अहवाल सकाळी पॉझिटिव्ह आले. त्यामुळे कोरोनाबाधित रुग्णांची एकूण संख्या 21171 एवढी झाली आहे. त्यापैकी 16153 बरे झाले तर 638 जणांचा मृत्यु झाल्याने सध्या 4380 जणांवर उपचार सुरु आहेत.
पुणे : आज गौरींचं आगमन होतंय. पुण्यातील फुलांचं मार्केट गजबजून गेलंय. गेल्या काही दिवसांपासून पुण्यातील फुलांचे दर खूप वाढले होते. झेंडूचे कालपर्यंत दर 300 रुपये किलो पर्यंत होते. आज परराज्यातून मालाची मोठ्या प्रमाणात आवक झाल्याने आज फुलांचे दर थोडे कमी झाले आहेत. आज झेंडूची फुलं 100 रुपये किलो पर्यंत आहेत. तर शेवंतीचीच्या फुलांचे दरही 100 ते 150 रुपयांपर्यंत आहेत. आज फुलांची जास्त आवक झाल्याने ग्राहकांनाही थोडा दिलासा मिळाला आहे.
कोल्हापुरातून शिवसैनिक कर्नाटकातील मनगुत्ती गावाकडे रवाना, मनगुत्ती गावात छत्रपती शिवाजी महाराज यांचा पुतळा न बसवल्याने आंदोलन, 15 दिवसात पुतळा बसवण्याचं कर्नाटक सरकारने दिलेलं आश्वासन पूर्ण न झाल्याने शिवसेना आक्रमक
शिवसेनेचे खासदार संजय मंडलिक यांच्यासह कुटुंबातील तिघांना कोरोनाची लागण, जिल्ह्यातील लोकप्रतिनिधी भोवतीचा कोरोनाचा विळखा आणखी घट्ट, तीन आमदारांनानंतर आता एका खासदारांचा अहवाल पॉझिटिव्ह, खासदार संजय मंडलिक आणि कुटुंबातील सदस्यांची प्रकृती स्थिर
नागपूरचे महापालिका आयुक्त तुकाराम मुंढे यांना कोरोनाची लागण झाली आहे. त्यांनी स्वत: ट्विटरद्वारे ही माहिती दिली. माझा कोरोना चाचणी अहवाल पॉझिटिव्ह आला आहे. मला कोणतीही लक्षणं नाहीत, पण नियमानुसार मी स्वत:ला आयसोलेट केलं आहे. मी विनंती करतो की, मागील 14 दिवसात माझ्या संपर्कात आलेल्यांनी चाचणी करावी. नागपूरमधील कोरोना परिस्थिती हाताळण्यासाठी मी घरातूनच काम करत आहे. आपल्याला जिंकायचं आहे, असं तुकाराम मुंढे यांनी ट्वीटमध्ये लिहिलं आहे.
बीड : जिल्ह्यात काल दिवस भरात कोरोनाचे आणखी 85 रुग्ण वाढले आहेत. यात सर्वाधिक 20 रुग्ण बीड शहरातील आहेत. जिल्ह्यातील एकूण कोरोनाबाधित रुग्णांची संख्या 4 हजार 77 वर पोहचली आहे. आजपर्यंत 104 रुग्णांचा मृत्यू झाला असून 2131 रुग्ण कोरोनामुक्त झाले आहेत. आता 1842 रुग्णांवर उपचार सुरु आहेत.
जिल्हा प्रशासनाची माहिती आतापर्यंत आठ जणांना बाहेर काढले असून सात जण जखमी तर एक मृत.
मुंबई लोकल सुरू करण्यासाठी आणि ई पास बंद करण्यासाठी इतरांप्रमाणे घाई करणार नाही : मुख्यमंत्री
सोनिया गांधी काँग्रेसच्या हंगामी अध्यक्षपदावर कायम राहणार! काँग्रेस कार्यकारिणीत दिवसभरात घमासान चर्चा, राहुल गांधीच्या कथित नाराजी नाट्यावर अखेर पडदा
मुंबई लोकल सुरू करण्यासाठी आणि ई पास बंद करण्यासाठी इतरांप्रमाणे घाई करणार नाही : मुख्यमंत्री
डोंबिवली पूर्वेला टिळकनगर शाळेच्या समोर ऐनापुरे इमारत नावाची ही दुमजली इमारत होती. जवळपास 50 वर्ष जुन्या असलेल्या या इमारतीत मागील 5-6 वर्षांपासून कुणीही राहत नव्हतं. तसंच ही इमारत पुनर्विकासासाठीही गेली होती. मात्र लॉकडाऊनमुळे हे काम रखडलं आणि आज ही इमारत कोसळली. यामुळे आजूबाजूच्या रहिवाशांमध्ये काही काळ भीतीचं वातावरण निर्माण झालं होतं.
1 सप्टेंबरपासून मेट्रोची सेवा टप्प्याटप्प्यानं सुरू करण्याचा केंद्राचा विचार. 1 सप्टेंबरपासून अनलॉकचा पुढचा टप्पा सुरू होतोय. अनलॉक 4 साठी केंद्र सरकारच्या गाइडलाइन्स लवकरच जारी होण्याची शक्यता. त्यात आतापर्यंत बंद असलेल्या मेट्रो सेवेला काही प्रमाणात हिरवा कंदील मिळण्याची शक्यता. दिल्लीचे मुख्यमंत्री अरविंद केजरीवाल यांनीही केंद्र सरकारकडे तशा पद्धतीची मागणी केली होती.
संभाजी बिडी विकणाऱ्या दुकानदाराला उठाबशा काढायला लावल्या. संभाजी ब्रिगेडच्या कार्यकर्त्यांना पाच हजार घेऊन मिटवण्याची दुकानदाराची भाषा. संतप्त झालेल्या संभाजी ब्रिगेडच्या कार्यकर्त्यांनी कानशिलात लावून उठाबशा काढायला लावल्या.
विठ्ठल मंदिर आंदोलनाबाबत जिल्हाधिकारी मिलिंद शंभरकर यांनी आज बोलावलेल्या बैठकीवर विश्व वारकरी सेना व वंचित बहुजन आघाडीने बहिष्कार टाकला असून आता चर्चा फक्त मुख्यमंत्री ठाकरे यांचेशी करणार मरे 31 ऑगस्टला मंदिर प्रवेशाचे आंदोलन करणारच अशी ताठर भूमिका आंदोलकांनी घेतल्याने प्रशासनासमोरच्या अडचणीत वाढ झाली आहे . आज पंढरपूर येथे विश्व वारकरी सेनेचे राष्ट्रीय अध्यक्ष अरुण महाराज बुरघाटे व वंचित चे प्रवक्ते आनंद चंदनशिवे यांनी ही घोषणा केली . वंचितांचे नेते प्रकाश आंबेडकर यांच्या नेतृत्वाखाली 1 लाख वारकरी 31 ऑगस्ट रोजी मंदिर प्रवेश करणार असून येणाऱ्या वारकऱ्यांची मठ खुले करून सुविधा देण्याचे पत्र प्रशासनाला देण्यात आले आहे . वारकरी संप्रदाय व वंचित च्या या आक्रमक पवित्र्यामुळे राज्य सरकारला मंदिर खुले करण्या संदर्भात तातडीने भूमिका जाहीर करावी लागणार असून अन्यथा संघर्ष अटळ बनणार आहे .
नाशिकच्या निफाड तालुक्यात वावर असणाऱ्या बिबट्या अखेर जेरबंद झालाय. निफाड तालुक्यातील नारायण टेंभे या गावी गेल्या काही दिवसांपासून बिबट्याची दहशत बघायला मिळत होती, गावकऱ्यांच्या मागणीनुसार या परिसरातील श्रीनिवास गवळी यांच्या शेतात बिबट्याला पकडण्यासाठी येवला वनविभागाच्या पथकाकडून पिंजरा लावण्यात आला होता आणि अखेर काल रात्री या पिंजऱ्यात बिबट्या अडकलाय. हा बिबट्या नर असून त्याचे वय अंदाजे चार वर्षे आहे, सध्या त्याला निफाड रोपवाटिका इथे ठेवण्यात आले असून पशुवैद्यकीय अधिकाऱ्यांमार्फत आरोग्य तपासणी होताच पिंजऱ्यातून बिबट्याला मुक्त करण्यात येणार आहे. दरम्यान बिबट्या जेरबंद होताच गावकऱ्यांनी सूटकेचा निश्वास सोडलाय.
सोनिया गांधी यांना पत्र लिहिणाऱ्या 23 नेत्यांवर राहुल गांधी नाराज असल्याची माहिती, इच्छा नसतानाही सोनिया गांधी यांनी हंगामी अध्यक्षपद स्वीकारलं, त्या रुग्णालयात असताना प्रश्न उपस्थित करणं किती योग्य? काँग्रेस कार्यकारिणीच्या बैठकीत राहुल गांधी यांचे सवाल
चित्रपट तिकिटांवरचा जीएसटी 12 ते 18 टक्क्यांपर्यंत कमी; रेस्टॉरंट्समध्ये लागणाऱ्या शल्कात 5 टक्क्यांनी जीएसटी कमी, दैनंदिन वापराच्या अनेक वस्तूंंवरील जीएसटीच्या स्लॅबमध्ये कपात
नागपूर : जिल्हा परिषद मुख्यालय एक आठवडा बंद ठेवले जाणार आहे. जिल्हा परिषद मुख्यालय कोरोनाचा नवा 'हॉट स्पॉट' बनण्याच्या मार्गावर आहे. त्यामुळे कोरोनाचा प्रकोप वेळीच नियंत्रणात आणण्यासाठी आवश्यक उपाययोजना म्हणून आता जिल्हा परिषद प्रशासनाने मुख्यालयची इमारत एक आठवड्यासाठी लॉकडाऊन करण्याचा निर्णय घेतला आहे. 24 ऑगस्टपासून 30 ऑगस्टपर्यंत म्हणजेच एका आठवड्यासाठी जिल्हा परिषद मुख्यालय बंद ठेवले जाणार आहे. गेल्या काही दिवसात जिल्हा परिषद मुख्यालयामध्येच 18 अधिकारी आणि कर्मचारी कोरोना बाधित आढळून आले आहेत. याशिवाय काहींच्या कुटुंबातील व्यक्तीनाही कोरोनाने विळख्यात घेतले आहे. अनेक विभागांमध्ये तर आता बाधितांची साखळी तयार होताना दिसून येत आहे. त्यामुळे हा लॉकडाऊनचा निर्णय घेण्यात आल्याचे सांगण्यात येतेय. दरम्यान, जिल्हा परिषदेसह जवळच्या विभागीय आयुक्त कार्यालयात शासनाने परवानगी दिल्या पेक्षा जास्त कर्मचाऱ्यांना बोलावले जात आहे. त्यामुळे या कार्यालयामध्ये सोसिएल डिस्टन्सिंगच्या नियमांचे पालन होऊ शकत नाहीये. परिणामी जिल्हा परिषद आणि जवळच्या विभागीय आयुक्त कार्यालयात कोरोना बाधितांची संख्या वाढत आहे.
नागपूर : जिल्हा परिषद मुख्यालय एक आठवडा बंद ठेवले जाणार आहे. जिल्हा परिषद मुख्यालय कोरोनाचा नवा 'हॉट स्पॉट' बनण्याच्या मार्गावर आहे. त्यामुळे कोरोनाचा प्रकोप वेळीच नियंत्रणात आणण्यासाठी आवश्यक उपाययोजना म्हणून आता जिल्हा परिषद प्रशासनाने मुख्यालयची इमारत एक आठवड्यासाठी लॉकडाऊन करण्याचा निर्णय घेतला आहे. 24 ऑगस्टपासून 30 ऑगस्टपर्यंत म्हणजेच एका आठवड्यासाठी जिल्हा परिषद मुख्यालय बंद ठेवले जाणार आहे. गेल्या काही दिवसात जिल्हा परिषद मुख्यालयामध्येच 18 अधिकारी आणि कर्मचारी कोरोना बाधित आढळून आले आहेत. याशिवाय काहींच्या कुटुंबातील व्यक्तीनाही कोरोनाने विळख्यात घेतले आहे. अनेक विभागांमध्ये तर आता बाधितांची साखळी तयार होताना दिसून येत आहे. त्यामुळे हा लॉकडाऊनचा निर्णय घेण्यात आल्याचे सांगण्यात येतेय. दरम्यान, जिल्हा परिषदेसह जवळच्या विभागीय आयुक्त कार्यालयात शासनाने परवानगी दिल्या पेक्षा जास्त कर्मचाऱ्यांना बोलावले जात आहे. त्यामुळे या कार्यालयामध्ये सोसिएल डिस्टन्सिंगच्या नियमांचे पालन होऊ शकत नाहीये. परिणामी जिल्हा परिषद आणि जवळच्या विभागीय आयुक्त कार्यालयात कोरोना बाधितांची संख्या वाढत आहे.
गणेशमूर्तीचे विसर्जन करण्यासाठी गेलेले दोघेजण बुडाल्याची घटना रत्नागिरीत घडली आहे. फणसोप टाकळे येथे काजळी नदीच्या पात्रात उतरलेले हे दोघेजण बेपत्ता झाल्याने गणेश विसर्जन सोहळ्याला गालबोट लागले. रविवारी संध्याकाळी साडेसातच्या सुमारास ही घटना घडली. रात्री उशिरापर्यंत त्यांचा शोध लागला नव्हता. सत्यवान उर्फ बाबय पिलणकर वय 48 वर्षे, विशाल पिलणकर वय 28 वर्षे अशी या दोघांची नावं आहेत. ही घटना समजल्यानंतर पोलिसांनी घटनास्थळी धाव घेतली. दरम्यान दोघे बेपत्ता झाल्याची नोंद शहर पोलीस स्थानकात करण्यात आली आहे.
सोनिया गांधी यांना पत्र लिहिलेल्या 23 नेत्यांची भूमिका - राहुल गांधी यांना मुळीच विरोध नाही, जो कोणी अध्यक्ष असेल तो पूर्णवेळ असावा, त्याने लोकांना भेटावे, कोणताही इश्यू असेल तर त्या अध्यक्षासोबत चर्चा करत येऊ शकेल, पक्ष संघटनेला वेळ द्यावा,राहुल गांधी यांनी राजीनामा मागे घेतला तर चांगली गोष्ट, आता हंगामी अध्यक्ष आहे त्याऐवजी पूर्ण वेळ अध्यक्ष असावा, सोनिया गांधी यांनी ती जबाबदारी स्वीकारली तरी पाठिंबा, राहुल गांधी यांनी स्वीकारली तरी पाठिंबा
कल्याण पश्चिमेच्या दत्त आळी परिसरात दत्ताचं मंदिर असून बाजूलाच हा भलामोठा वटवृक्ष होता. तर वृक्षाच्या दुसऱ्या बाजूला तीन रहिवासी इमारती आहेत. काल रात्रीच्या सुमारास अचानकपणे हा वटवृक्ष मुळासकट उन्मळून पडला. मात्र तो इमारतींवर न पडता दत्ताच्या मंदिरावर पडला. त्यामुळे मोठा अनर्थ टळला. त्यामुळे रहिवाशांचा जीव वाचवण्यासाठी अक्षरशः दत्तानेच हे संकट आपल्या अंगावर घेतल्याची भावना इथले रहिवासी व्यक्त करतायत. आता याच वृक्षाचं पुन्हा एकदा रोपण करण्याचा रहिवाशांचा प्रयत्न असून त्यासाठी तज्ज्ञांनी मार्गदर्शन करण्याचं आवाहन रहिवाशांनी केलंय.
बुलढाणा : मोताळा तालुक्यातील पलढग धरण ओहरफ्लो झालं आहे. मोताळा तालुक्यातील पलढग धरण ओहरफ्लो झालं असून त्या धरणाच्या सांडाव्यावरुन पाणी वाहायला लागले आहे, हे दृश्य पाहण्यासाठी परिसरातील नागरिक गर्दी करीत आहे, मोताळा तालुक्यातील कोथळी, तरोडा, शिरवा, जयपुर व शेंबा या गावातील असंख्य शेतकऱ्यांच्या शेतातील विहिरीतिल पाण्याच्या पाताळीत वाढ झाली आहे त्यामुके शेतातील सोयाबीन, कपाशी, मका या पिकाना फायदा होणार आहे तसेच पुढील रब्बी पिकाना चांगलाच फायदा होणार असल्याचे चित्र स्प्ष्ट आहे.
वाशिम : मालेगाव च्या शिवराज गणेश मंडळाच्या वतीने रक्तदान शिबिर आयोजित करण्यात आलं होतं. वाशीम जिल्ह्यातील मालेगाव येथील शिवराज गणेश मंडळाचे वतीने दरवर्षी विविध सामाजिक उपक्रम राबवित गणेशोत्सवासह सामाजिक संदेश देण्याचं काम करत असते यावर्षीही शिवराज गणेश मंडळाचे वतीने कोरोनाच्या पार्श्वभूमीवर राज्यातील रक्त पेढ्यांमध्ये असणारी रक्ताची कमतरता पाहता गणेशमूर्तीची स्थापनेचे दुसऱ्या दिवशी भव्य रक्तदान शिबिराचे आयोजन करण्यात आले होते. यावेळी शंभरच्या वर युवकांनी रक्तदान केले अनोखा गणेशोत्सव साजरा केला.
कर्नाटक महाराष्ट्र सीमेवरील कोगनोळी येथील आंतरराज्य तपासणी नाका आजपासून बंद होणार असून महाराष्ट्र आणि अन्य राज्यातून आता पास विना कर्नाटकात प्रवेश करता येणार आहे. पुणे बंगळुरु महामार्गावर कोगनोळी येथे 22 मार्चपासून तपासणी नाका सुरु करण्यात आला होता. ई पास असल्याशिवाय अन्य राज्यातून येणाऱ्यांना कर्नाटकात प्रवेश दिला जात नव्हता .पण केंद्र सरकारने जाहीर केलेल्या अनलॉक नियमावली नुसार कर्नाटकने आंतरराज्य वाहतुकीवरील निर्बंध उठवण्याचा निर्णय घेतला आहे.त्यामुळे कोगनोळी आणि मुरगुड रोडवरील तपासणी नाके आजपासून बंद केले जाणार आहेत.तपासणी नाके हटवण्याचा आदेश पोलीस आणि तालुका प्रशासनाला प्राप्त झाला आहे.त्यामुळे आता महाराष्ट्रातून कर्नाटकात आता कोणत्याही परवानगी अथवा पासविना प्रवेश करणे शक्य झाले आहे.
कर्नाटक महाराष्ट्र सीमेवरील कोगनोळी येथील आंतरराज्य तपासणी नाका आजपासून बंद होणार असून महाराष्ट्र आणि अन्य राज्यातून आता पास विना कर्नाटकात प्रवेश करता येणार आहे. पुणे बंगळुरु महामार्गावर कोगनोळी येथे 22 मार्चपासून तपासणी नाका सुरु करण्यात आला होता. ई पास असल्याशिवाय अन्य राज्यातून येणाऱ्यांना कर्नाटकात प्रवेश दिला जात नव्हता .पण केंद्र सरकारने जाहीर केलेल्या अनलॉक नियमावली नुसार कर्नाटकने आंतरराज्य वाहतुकीवरील निर्बंध उठवण्याचा निर्णय घेतला आहे.त्यामुळे कोगनोळी आणि मुरगुड रोडवरील तपासणी नाके आजपासून बंद केले जाणार आहेत.तपासणी नाके हटवण्याचा आदेश पोलीस आणि तालुका प्रशासनाला प्राप्त झाला आहे.त्यामुळे आता महाराष्ट्रातून कर्नाटकात आता कोणत्याही परवानगी अथवा पासविना प्रवेश करणे शक्य झाले आहे.
बुलढाण्यात माकडांच्या हल्ल्यात शेतकऱ्याचा मृत्यू झाल्याची घटना घडली आहे. शेतात पाहणी करण्यासाठी गेलेल्या संजय खेट्टे या शेतकऱ्यावर माकडांनी केला. माकडांच्या हल्ल्यात खेट्टे यांच्या मणक्याला जबर दुखापत झाली. त्यामुळे त्यांना अकोला येथील एका खाजगी रुग्णालयात दाखल करण्यात आलं होतं. मात्र काल शस्त्रक्रिया झाल्यानंतर काही तासातच त्यांचा मृत्यू झाला.
बुलढाण्यात माकडांच्या हल्ल्यात शेतकऱ्याचा मृत्यू झाल्याची घटना घडली आहे. शेतात पाहणी करण्यासाठी गेलेल्या संजय खेट्टे या शेतकऱ्यावर माकडांनी केला. माकडांच्या हल्ल्यात खेट्टे यांच्या मणक्याला जबर दुखापत झाली. त्यामुळे त्यांना अकोला येथील एका खाजगी रुग्णालयात दाखल करण्यात आलं होतं. मात्र काल शस्त्रक्रिया झाल्यानंतर काही तासातच त्यांचा मृत्यू झाला.
कोल्हापुरात नाश्ता सेंटरवर दगडफेक, मध्यरात्रीची घटना, नाश्त्याचे पैसे मागितल्याच्या कारणावरुनन टोळक्याचे कृत्य, शहरातील शाहूपुरी दुसऱ्या गल्लीतील प्रकार, आजूबाजूच्या घरावरही दगडफेक करत दहशत माजवण्याचा प्रयत्न
देश-विदेश आणि भारतातील विविध राज्यातून आणलेल्या तीनशेहून अधिक गणेशमूर्तीची अमरावतीत एका गणेशभक्ताने राहत्या घरातच स्थापना केली आहे. तब्बल 301 गणेशमूर्तीची स्थापना आपल्या राहत्या घरातच करुन खंडेलवाल गणेशभक्त परिवाराने नवा विक्रम करण्याचा प्रयत्न केला आहे. सुनिता खंडेलवाल आणि राजेश खंडेलवाल असे या गणेशभक्त दाम्पत्याचे नाव आहे. या सर्व गणेशमूर्तीमध्ये दरवर्षी वाढ होते. मूर्ती ठेवण्यासाठी त्यांच्या घरात एक स्वतंत्र खोली आहे. शिवाय वर्षभर घरातील एका खोलीत गणेशमूर्ती ठेवण्यात येऊन पूजा-अर्चा करण्यात येते. खंडेलवाल दाम्पत्याची गणेशभक्ती बघून त्यांच्या परिवारातील सदस्यांनी आणि सहकारी स्नेही मंडळंनीही खंडेलवाल दाम्पत्याला गणेशमूर्ती भेट दिल्या आहेत. त्यामुळे गणेश मूर्तीच्या संग्रहात दरवर्षी वाढ होत आहे. ही वाढ होत आता तब्बल 301 च्या वरती गणेशमूर्तींचा संग्रह खंडेलवाल यांच्याकडे झाला आहे. हा परिवार दरवर्षी आपल्या घरी एका नवीन देखाव्याची निर्मिती करतात.
रायगड जिल्ह्यातील रोहा येथील अल्पवयीन मुलीवर झालेल्या सामूहिक बलात्कार प्रकरणी राज्याचे गृहमंत्री अनिल देशमुख आज कुटुंबियांची भेट घेणार आहेत. याप्रकरणी आतापर्यंत सहा आरोपींना अटक करण्यात आली असून हा खटला फास्ट ट्रॅक कोर्टात चालवावा आणि आरोपींना लवकरात लवकर फाशीची शिक्षा द्यावी, अशी मागणी करण्यात येत आहे.
अहमदनगर जिल्ह्यातील 11 टीएमसी क्षमता असलेलं भंडारदरा धरण ओव्हरफ्लो झाल्यानंतर, आता निळवंडे धरणात ही 90 टक्के पाणीसाठा झाला आहे. पाण्याची पातळी कायम ठेवत निळवंडे धरणातून प्रवरा नदी पात्रात 7 हजार क्यूसेक वेगाने विसर्ग सुरु करण्यात आला आहे. सुरुवातीच्या काळात पावसाने पाठ फिरवल्यानंतर धरण यावर्षी भरणार का असा प्रश्न निर्माण झाला होता. मात्र गेल्या काही दिवसात झालेल्या मुसळधार पावसाने भंडारदरा आणि निळवंडे दोन्ही धरण ओव्हरफ्लो झाली असून प्रवरा नदी पात्रात विसर्ग सुरु करण्यात आला. नदी पात्रात विसर्ग सुरु झाल्याने उत्तर नगर जिल्ह्यातील सात तालुक्यातील बळीराजा सुखावला असून ओव्हर फ्लोचं पाणी जायकवडीच्या जलाशयात जाणार असल्याने त्या धरणाच्या पाण्यात सुद्धा वाढ होणार आहे.
अहमदनगर जिल्ह्यातील 11 टीएमसी क्षमता असलेलं भंडारदरा धरण ओव्हरफ्लो झाल्यानंतर आता निळवंडे धरणात ही 90 टक्के पाणीसाठा झाला असून पाण्याची पातळी कायम ठेवत निळवंडे धरणातून प्रवरा नदी पात्रात 7 हजार क्यूसेक वेगानं विसर्ग सुरु करण्यात आला आहे. सुरुवातीच्या काळात पावसानं पाठ फिरवल्या नंतर धरण यावर्षी भरणार का असा प्रश्न निर्माण झाला होता. मात्र गेल्या काही दिवसांत झालेल्या मुसळधार पावसाने भंडारदरा आणि निळवंडे दोन्ही धरण ओव्हरफ्लो झाली असून प्रवरा नदी पात्रात विसर्ग सुरु करण्यात आला आहे. नदी पात्रात विसर्ग सुरु झाल्याने उत्तर नगर जिल्ह्यातील 7 तालुक्यातील बळीराजा सुखावला असून ओव्हर फ्लो झालेलं पाणी जयकवडीच्या जलाशयात जाणार असल्यानं त्या धरणाच्या पाण्यात सुद्धा वाढ होणार आहे.
धुळे : जिल्ह्यात कोरोनाचा प्रादुर्भाव दिवसेंदिवस अधिक वाढत आहेत . धुळे शहर , धुळे तालुक्यात कोरोनाचा सर्वाधिक प्रादुर्भाव आहे . कोरोनाचा गावात प्रादुर्भाव टाळण्यासाठी नेर ग्रामपंचायत तसेच ग्रामस्थांच्या सहकार्याने 24 ऑगस्ट ते सोमवार 31 ऑगस्टपर्यंत आठ दिवस संपूर्ण लॉकडाऊन जाहीर करण्यात आला आहे. यापूर्वी 12 ते 16 ऑगस्ट असे पाच दिवस नेर गांव बंद ठेवण्यात आलं होतं. अवघ्या आठ दिवसाच्या कालावधीत नेर गावात पुन्हा लॉकडाऊन करण्याची वेळ आली आहे. धुळे - सुरत मार्गावरील नेर हे गांव पंचक्रोशीतील गावांसाठी मोठी बाजारपेठ असलेलं गांव आहे. आठ दिवसाच्या लॉकडाऊन मुळे गावातील बाजारपेठेच्या अर्थव्यवस्थेवर मोठा परिणाम होणार आहे.
रायगड : जिल्ह्यातील रोहा येथील अल्पवयीन मुलीवर झालेल्या सामूहिक बलात्कार प्रकरणी आज राज्याचे गृहमंत्री अनिल देशमुख कुटुंबियांची भेट घेणार आहेत. याप्रकरणी आतापर्यंत 6 आरोपींना अटक करण्यात आली असून हा खटला फास्टट्रक कोर्टात चालवावा आणि आरोपींना लवकरात लवकर फाशीची शिक्षा द्यावी अशी मागणी करण्यात येत आहे.
पुढची घोषणा होईपर्यंत ई पास बंधनकारक राहणार आहे; मुख्यमंत्री उद्धव ठाकरे यांच्यासोबत गृहमंत्र्यांची चर्चा.
पुण्यातील कोरोनाची परिस्थिती पाहता मुंबईनंतर आता पुण्यातही जम्बो कोव्हीड सेंटर उभारण्यात आले आहे. पुण्यातील पहिले जम्बो हॉस्पिटलचं उद्घाटन मुख्यमंत्री उद्धव ठाकरे यांच्या हस्ते ऑनलाइन होणार आहे. तर पुण्यात उपमुख्यमंत्री आणि पुण्याचे पालकमंत्री अजित पवार उपस्थित असणार आहे. केल्या काही दिवसांपासून जम्बो हॉस्पिटल बाबत आरोप प्रत्यारोप होत असताना आज हे उद्घाटन होत आहे. यासोबतच महापौर मुरलीधर मोहोळ, शहरातील लोकप्रतिनिधी आणि अधिकाऱ्यांची उपस्थिती आहे.
राज्यभरात दीड दिवसांच्या बाप्पाला भावपूर्ण निरोप; कोरोना संसर्गामुळे गणेशभक्तांच्या आनंदावर विरर्जण
काँग्रेसचे 11 आमदार उपोषणाला बसणार, काँग्रेसचे जालन्याचे आमदार गोरंट्याल यांची माहिती, महाविकास आघाडी सरकारमधील 11 आमदार नाराज, निधी वाटपा बाबत दुजाभाव करत असल्याचा आरोप, राज्यातील पक्षश्रेष्ठींशी चर्चा केली असून मुख्यमंत्र्यांशीही बोलणं झालंय. मात्र अद्याप काही न्याय मिळाला नसल्याची भावना गोरंट्याल यांनी व्यक्त केली असून लवकर सोनिया गांधींचीही भेट घेणार असल्याचं गोरंट्याल यांनी म्हटलंय.
राहुल गांधी यांनी जबाबदारी घेतली पाहिजे; फक्त पक्षासाठी नाही तर देशासाठी त्यांची गरज आहे : महसूल मंत्री बाळासाहेब थोरात
पुण्यात महापालिकेने गणेश विसर्जनसाठी कचरा गाड्या वापरून हिंदू धर्माचा अपमान केल्याचा अखिल भारतीय ब्राम्हण महासंघ.
कोरोनामुळे तासगावच्या दीड दिवसाच्या गणपतीचे विसर्जन साध्या पद्धतीने पार पडले. तसेच ऐतिहासिक रथोत्सव सोहळा देखील यावेळी रद्द करण्यात आला होता. यंदाचे सोहळ्याचे हे 241 वर्ष होते. 241 वर्षात तीनवेळा विविध कारणांनी संस्थानचा रथोत्सव रद्द करण्यात आला आहे. कोरोनामुळे यंदा रथा ऐवजी मोटारीचा वापर करून दीड दिवसाच्या गणपतीचे विसर्जन करण्यात आले.
पुण्यातील COEP महाविद्यालय मैदानावर तयार करण्यात आलेलं जम्बो हॉस्पिटल उद्घाटन आज दुपारी चार वाजता, उपमुख्यमंत्री अजित पवार त्याठिकाणी उपस्थित असतील आणि मुख्यमंत्री उद्धव ठाकरे हे ऑनलाइन या जम्बो हॉस्पिटलचे उद्घाटन करतील
नागपुरात कोरोना बाधितांची संख्या तीव्रतेने वाढत असून आता होम आयसोलेशन म्हणजेच घरीच ठेवल्या जाणाऱ्या रुग्णांची संख्या ही झपाट्याने वाढली आहे. अशा रुग्णांना आणि त्यांच्या कुटुंबियांना कोणताही त्रास होऊ नये. त्यांना आवश्यक मार्गदर्शन मिळावे यासाठी नागपूर पोलीस, महापालिका आणि काही स्वयंसेवी संस्थांनी मिळून एक संयुक्त नियंत्रण कक्ष उभारला आहे. महापालिकेच्या इमारतीतून चालणाऱ्या या कंट्रोल रूम मधून २४ तास कोरोना बाधित रुग्णांना आणि त्यांच्या कुटुंबियांना मदत पुरविली जात आहे. होम आयसोलेशनमध्ये असलेल्या रुग्णांची काळजी त्यांच्या कुटुंबीयांनी कशी घ्यावी... काय खबरदारी घ्यावी... अचानक त्यांना रुग्णालयात दाखल करण्याची वेळ आल्यास मदत कशी मिळवावी... खाजगी रुग्णालयात कोरोना बाधित रुग्णांना बेड मिळत नसेल तर काय करावं... खाजगी रुग्णालय उपचारासाठी जास्त शुल्क आकारत असतील तर काय करावं.... अशा सर्व समस्यांसाठी हे नियंत्रण कक्ष काम करतंय... या नियंत्रण कक्षात महापालिकेच्या आरोग्य विभागाच्या अधिकाऱ्यांसह पोलीस विभागातील अधिकारी ही २४ तास उपलब्ध असून अनेक स्वयंसेवी संस्थांना ही या नियंत्रण कक्षाशी जोडण्यात आले आहे.... त्यामुळे कोरोना महामारी संदर्भात कोणतीही अडचण आल्यास नागपूरकरांनी ०७१२- २५४५४७३ या क्रमांकावर संपर्क साधावे आणि मदत मिळवावी असे आवाहन नागपूर पोलिसांनी केले आहे.
कोठारे एंड कोठारे व्हिजनची नवी मालिका दख्खनचा राजा ज्योतिबा या नव्या मालिकेचं कोल्हापूर चित्रनगरीत होणार चित्रिकरण. आज झालं भूमिपूजन. महेश कोठारे, आदिनाथ, उर्मिला आदी होते उवस्थित.
माहिती प्रसारण मंत्रालयाने चित्रिकरणाची नियमावली जाहीर केली आहे. त्यात चित्रिकरण स्थळी किमान ६ फूट अंतर ठेवावं लागणार आहे. सर्व मंडळींनी सदैव मास्क परिधान करणं सक्तीचं आहे. केवळ कॅमेऱ्यासमोरच्या कलाकारांना मास्क काढायची मुभा असेल. हेअर ड्रेसर, मेकअप आर्टिस्ट यांनी पीपीई किट सक्तीचं असणार आहे. याशिवाय इतर सॅनिटायझिंग करणं.. सॅनिटायझर वापरणे.. गर्दी होऊ न देणे.. सोशल डिस्टन्सिग पाळणे हे नियम आहेतच.
देशात आतापर्यंत 30 लाखांहून अधिक लोकांना कोरोनाची लागण, गेल्या 24 तासात 70 हजार नवीन कोरोनाबाधित
पालघर जिल्ह्यातील डहाणू तलासरी तालुक्यातील गाव पुन्हा भूकंपाने हादरली. दुपारी 11.39 वाजताच्या दरम्यान धुंदलवाडी,आंबोली,ओसारविरा, कासा भागात भूकंपाचा धक्का जाणवला.
काल केंद्रीय गृह सचिव अजय भल्ला यांच्या व्हायरल झालेल्या पत्राची दखल महाराष्ट्राच्या गृहखात्याने घेतलीय, लवकरच मुख्यमंत्री आणि उपमुख्यमंत्र्यांशी चर्चा करुन योग्य तो निर्णय लवकरात लवकर घेऊ, असं गृहमंत्री अनिल देशमुख यांनी म्हटलंय.
बीड- सौताडा ग्रामस्थांनी रामेश्वर दरा व धबधबा परिसरात पर्यटकांना व इतर भाविकांना बंदी घातलेली आहे. मात्र वनपरिक्षेत्र विभागाच्या काही कर्मचार्‍यांमुळे काही हौसे तरुण फिरताना दिसत आहेत. अशाच एका तरुणाचा सौताडा तलावाच्या खालील हौदात पोहताना दुर्दैवी मृत्यू झाल्याची घटना घडली आहे.
कोरोनाचा प्रसार होऊ नये म्हणून ग्रामस्थांनी धबधबा व रामेश्वर दरा पर्यटकांना बंदी घातली आहे. मात्र काही हौसे तरुण जामखेडहुन भुरेवाडी रस्त्याने वनविभागाच्या हद्दीत येतात. असेच जामखेड येथील चार तरुण येथे आले होते. हौदात पोहताना विनोद चंद्रकांत असगे 21 या तरुणाचा दुर्दैवी मृत्यू झाला.
सांगली - ज्येष्ठ स्वातंत्र्यसैनिक जयरामजी कुष्टे यांचे 104 व्या वर्षी निधन,
सांगली जेल फोड घटनेतील कुष्टे होते अखेरचे साक्षीदार,
कै. आण्णासाहेब पत्रावळे, वसंतदादा पाटील , नामदेवराव कराडकर यांच्या बरोबर स्वातंत्र्य लढ्यात घेतला होता सहभाग
सांगली जेल फोड घटनेतील कुष्टे होते अखेरचे साक्षीदार,
कै. आण्णासाहेब पत्रावळे, वसंतदादा पाटील , नामदेवराव कराडकर यांच्या बरोबर स्वातंत्र्य लढ्यात घेतला होता सहभाग
नागपूर-
गेल्या काही दिवसात झालेल्या दमदार पावसामुळे जिल्ह्यातील तोतलाडोह आणि नवेगाव खैरी या दोन धरणांमध्ये पाणीसाठा वाढला आहे...
सावधगिरी म्हणून नवेगाव खैरी धरणाचे सर्व 16 दार काल रात्री पासून 0.30 मीटर ने उघडले असून त्यातून 550 क्यूसेक एवढा पाण्याचा विसर्ग होतंय.
गेल्या काही दिवसात झालेल्या दमदार पावसामुळे जिल्ह्यातील तोतलाडोह आणि नवेगाव खैरी या दोन धरणांमध्ये पाणीसाठा वाढला आहे...
सावधगिरी म्हणून नवेगाव खैरी धरणाचे सर्व 16 दार काल रात्री पासून 0.30 मीटर ने उघडले असून त्यातून 550 क्यूसेक एवढा पाण्याचा विसर्ग होतंय.
औरंगाबाद जिल्ह्यातील 157 रुग्णांचे अहवाल सकाळी पॉझिटिव्ह आले. त्यामुळे कोरोनाबधित रुग्णांची एकूण संख्या 20596 एवढी झाली आहे. त्यापैकी 15363 बरे झाले तर 629 जणांचा मृत्यू झाल्याने सध्या 4604 जणांवर उपचार सुरु .
राज्यात महाबीजनेच मार्केट मधलं सर्वात हलकं बियाणं घेतलं आणि त्याला ज्यादा दराने विक्री केल्याचा गंभीर आरोप राज्यमंत्री बच्चू कडू यांनी केला आहे. अमरावती जिल्ह्यातील चांदूरबाजार तालुक्यात अनेक शेतकऱ्यांच्या सोयाबीन पिकाला रोग आल्याने शेतकरी सोयाबीनच्या पिकात जनावरे सोडत आहे. नुकसान झालेल्या पिकाची पाहणी करण्यासाठी आलेले राज्यमंत्री बच्चू कडू आले असता तेव्हा त्यांनी हे गंभीर आरोप केले. जे बियाणे कंपनीचे मालक आहे त्यांना चोपल्या शिवाय हे बंद होणार नाही, असा इशाराही बच्चू कडूंनी दिला आहे.
अवघ्या नऊ महिन्यांच्या चिमुकल्यांची हत्या करून महिलांच्या गळ्यातील दागिन्यांची जबरी चोरी. बार्शीतील वांगरवाडी गावातील धक्कादायक घटना. भर दुपारी घटना घडल्याने गावात खळबळ, घटनास्थळ पाहणी करण्यासाठी अपर पोलीस अधीक्षक गावात. अज्ञात चोरा विरुद्ध बार्शी तालुका पोलीस ठाण्यात भांदवि कलम 394,302,452 नुसार गुन्हा दाखल. सार्थक तुपे वय. 9 महिने याचा चार्जरच्या वायरने गळा आवळल्याने मृत्यू झाल्याची फिर्यादीत नोंद, मुलाची आई आश्विनी तुपे ही देखील जखमी. अवघ्या 12 हजार रुपयांच्या दागिन्यांची चोरीसाठी घेतला चिमुकल्याचा जीव.
मुंबई : सीबीआय अधिकार्‍यांकडून सुशांत रहात असलेल्या अपार्टमेंटची पाहणी करण्यात येत आहे. काही अधिकाऱ्यांनी शेवटच्या फ्लॅट वरील गच्चीवर जाऊन देखील संपूर्ण परिसराची
पाहणी केली. सुशांत रहात असलेल्या खोलीत फॉरेन्सिक लॅब डॉक्टर्स पोहोचले. खिडकीच्या काचा आणि पडदे खुले करून पाहणीला तपासणीला सुरुवात करण्यात आली आहे.
पाहणी केली. सुशांत रहात असलेल्या खोलीत फॉरेन्सिक लॅब डॉक्टर्स पोहोचले. खिडकीच्या काचा आणि पडदे खुले करून पाहणीला तपासणीला सुरुवात करण्यात आली आहे.
औरंगाबाद : घाटी हॉस्पिटलचे निवासी डॉक्टर संपावर, 3 महिन्यापासून वेतन न मिळाल्याने डॉक्टर संपावर
एकूण 390 डॉक्टर आहेत, त्यापैकी 160 कोविड मध्ये काम करत आहेत, ते काम करणार, उर्वरित डॉक्टर आज पासून संपावर,
पगार मिळेपर्यंत कामावर परतणार नाही, असा इशारा
एकूण 390 डॉक्टर आहेत, त्यापैकी 160 कोविड मध्ये काम करत आहेत, ते काम करणार, उर्वरित डॉक्टर आज पासून संपावर,
पगार मिळेपर्यंत कामावर परतणार नाही, असा इशारा
बॉलिवूड स्टार सुशांतसिंग राजपूत यांच्या मृत्यूप्रकरणाचा आढावा घेऊन त्याचे वैद्यकीय-कायदेशीर मत देण्याची विनंती सीबीआयने एम्स, नवी दिल्लीच्या फॉरेन्सिक विभागाला केली आहे. या प्रकरणाचा अभ्यास करण्यासाठी आणि त्याचा तपास अन्वेषण यंत्रणेला सादर करण्यासाठी डॉ सुधीर गुप्ता यांच्या अध्यक्षतेखाली एम्सने फॉरेन्सिक तज्ज्ञांचे वैद्यकीय मंडळ गठित केले आहे.सीबीआय फॉरेन्सिक टीमला त्यांच्या विश्लेषणासाठी आवश्यक वैद्यकीय नोंदी देईल ज्याच्या आधारे टीम प्रकरणातील वैद्यकीय निष्कर्षांच्या संदर्भात दुखापतीच्या पॅटर्नचे विश्लेषण करेल.
देशात गेल्या २४ तासांत कोरोनाबाधितांची संख्या ६९ हजार ८७८ ने वाढली तर मृतांचा आकडा ९४५ ने वाढला
गेल्या २४ तासात ६३ हजार ६३१ रुग्ण बरे झाले तर ५ हजार ३०२ लोकांना कोरोनाची लागण झाली.
देशातील कोरोनाबाधितांचा एकूण आकडा २९ लाख ७५ हजार ७०२,
त्यापैकी एकूण २२ लाख २२ हजार ५७८ रुग्ण बरे झाले आहेत.
देशाचा रिकव्हरी रेट ७४.६९ टक्के,
सध्या कोरोनाची लागण असलेले रुग्ण ६ लाख ९७ हजार ३३०,
देशात एकूण मृतांची संख्या ५५ हजार ७९४,
काल २१ ऑगस्टपर्यंत देशात ३ कोटी ४४ लाख ९१ हजार ०७३ कोविड चाचण्या झाल्या आहेत.
काल देशात १० लाख २३ हजार ८३६ चाचण्या झाल्या.
१ ऑगस्ट रोजी १६ लाख ९५ हजार ९८८ कोरोनाबाधित होते.
आज २२ तारखेला २९ लाख ७५ हजार ७०१,
म्हणजे गेल्या २२ दिवसात कोरोनाबाधितांची संख्या १२ लाख ७९ हजार ७१३ ने वाढली तर मृतांची संख्या १९ हजार २८३ ने वाढली
गेल्या २४ तासात ६३ हजार ६३१ रुग्ण बरे झाले तर ५ हजार ३०२ लोकांना कोरोनाची लागण झाली.
देशातील कोरोनाबाधितांचा एकूण आकडा २९ लाख ७५ हजार ७०२,
त्यापैकी एकूण २२ लाख २२ हजार ५७८ रुग्ण बरे झाले आहेत.
देशाचा रिकव्हरी रेट ७४.६९ टक्के,
सध्या कोरोनाची लागण असलेले रुग्ण ६ लाख ९७ हजार ३३०,
देशात एकूण मृतांची संख्या ५५ हजार ७९४,
काल २१ ऑगस्टपर्यंत देशात ३ कोटी ४४ लाख ९१ हजार ०७३ कोविड चाचण्या झाल्या आहेत.
काल देशात १० लाख २३ हजार ८३६ चाचण्या झाल्या.
१ ऑगस्ट रोजी १६ लाख ९५ हजार ९८८ कोरोनाबाधित होते.
आज २२ तारखेला २९ लाख ७५ हजार ७०१,
म्हणजे गेल्या २२ दिवसात कोरोनाबाधितांची संख्या १२ लाख ७९ हजार ७१३ ने वाढली तर मृतांची संख्या १९ हजार २८३ ने वाढली
औरंगाबाद जिल्ह्यातील 146 रुग्णांचे अहवाल सकाळी पॉझिटिव्ह आले. त्यामुळे कोरोनाबधित रुग्णांची एकूण संख्या 20190 एवढी झाली आहे. त्यापैकी 15152 बरे झाले तर 622 जणांचा मृत्यू झाल्याने सध्या 4416 जणांवर उपचार सुरु .
पुणे : आज गणेश चतुर्थी, घराघरात गणरायांचे आगमन होणार. गणरायाच्या आगमनाची घराघराला आणि प्रतीक मंडळांना असलेली प्रतीक्षा आज संपुष्टात आली.. पुण्याच्या श्रीमंत दगडूशेठ हलवाई गणपती मंदिरात ही सकाळपासून बाप्पाच्या आगमनाची तयारी सुरु आहे.. भक्तमंडळी गणरायाच्या आगमनाच्या तयारीत असताना इकडे पोलीस दलही सुरक्षिततेच्या दृष्टिकोनातून मंदिराच्या परिसराची छाननी करत आहेत. यासाठी बॉम्बशोधक आणि नाशक पथकही तैनात करण्यात आले. या पथकातील एक श्वान मंदिराच्या संपूर्ण परिसरात पाहणी करत आहे. दरम्यान आज सकाळी जेव्हा हे पथक श्रीमंत दगडूशेठ हलवाई गणपतीच्या मंदिरात आले तेव्हा हे श्वान गणपती बाप्पा समोर नतमस्तक झाले.
मुंबई : कोरोना व्हायरसचा प्रादुर्भाव वाढू नये यासाठी लालबागचा राजा सार्वजनिक गणेशोत्सव मंडळाने आपली 86 वर्षांची परंपरा खंडीत करून यंदा 87व्या वर्षी आरोग्यउत्सव साजरा करण्याचा निर्णय घेतला होता. या आरोग्यउत्सवाची 3 ऑगस्ट रोजी शरद पवार यांच्या हस्ते उद्घाटन करून सुरुवात झाली होती. आज सकाळी या आरोग्यउत्सवात दीपप्रज्वलन करून रक्तदान शिबिराला सुरुवात झाली आहे. यासाठी बाळासाहेब ठाकरे रक्तपेढी, के.ई. एम रुग्णालय रक्तपेढी, महात्मा गांधी रक्तपेढी ने आपला सहभाग नोंदवला आहे. यावेळी मंडळाचे मानद सचिव सुधीर साळवी, मंडळाचे अध्यक्ष बाळासाहेब कांबळे, खजिनदार मंगेश साळवी उपस्थित होते. लाल बागच्या राजा सार्वजनिक गणेशोत्सव मंडळाने आयोजित केलेल्या प्लाझ्मा दान शिबिरात आत्तापर्यंत 125 लोकांनी प्लाझ्मा दान केलं आहे. अशाच प्रकारे चांगला प्रतिसाद रक्तदान शिबिराला देखील मिळेल असा विश्वास मंडळाकडून व्यक्त करण्यात येतं आहे.
आज गणेशाचं आगमन राज्यभर होत असताना दुसरीकडे मात्र राज्यातील मंदिर अजूनही बंद आहेत. 17 मार्चपासून शिर्डीच साईमंदिर बंद असल्याने दररोज 8 ते 10 कोटींचे नुकसान होत असून अर्थ कारण ठप्प पडलंय. एकीकडे अनलॉकची प्रक्रिया सुरु असताना मंदिर बंद का असा सवाल साई संस्थानचे माजी विश्वस्त सचिन तांबे यांनी केलाय. जैन समाजाने कोर्टात धाव घेत जैनमंदिर 2 दिवस खुली ठेवण्याचा निर्णय घेतल्यानंतर आता साई मंदिरांसह राज्यातील मंदिर सुरु करण्याची मागणी सचिन तांबे यांनी केली असून सरकारने मागणी मान्य न केल्यास आम्हालाही कोर्टात धाव घ्यावी लागेल असं स्पष्ट मत एबीपी माझाशी बोलताना व्यक्त केलं आहे.
सिंधुदुर्ग : जिल्ह्यात मोठ्या उत्साहात आणि आनंदात गणेश चतुर्थी साजरी केली जात आहे. कोरोनाच्या सावटाखाली जिल्ह्यातील घरोघरी साजरा होणाऱ्या महाउत्सवाची पूर्ण तयारी झाली आहे. सकाळपासून गणेशाच्या आगमनाची तयारी केली जात आहे. त्यामुळे संपूर्ण जिल्ह्यात उत्साहाचं वातावरण निर्माण झाले आहे. गणेशोत्सव हा कोकणातील सर्वात मोठा सण असला तरी कोरोनाचे सावट लक्षात घेऊन गणेश उत्सव साध्या पद्धतीने साजरा केला जात आहे. बाजारपेठेत गर्दी टाळावी, गणेश आगमनाच्या व विसर्जनाच्या वेळी मिरवणूका काढू नये, गणेशोत्सव कमीतकमी दिवसात साजरा करावा अशी विनंती प्रशासनाकडून करण्यात आली. सकाळपासून अत्यंत साधेपणाने जिल्ह्यातील अनेक ठिकाणी गणेश मूर्ती घरोघरी आणल्या जातात आहेत. काही ठिकाणी पारंपरिक पद्धतीने डोक्यावरून तर काही ठिकाणी होड्यातुन आपल्या लाडक्या गणरायाचे आगमन घरोघरी केलं जातं आहे.
मुदत संपलेल्या 81 ग्रामपंचायतीवर अखेर प्रशासकांची नेमणूक..
मुदत संपलेल्या ग्रामपंचायतीवर प्रशासक नेमण्याचे अध्यादेश राज्याच्या ग्रामविकास विभागाने काढला होता. संबंधीत आदेशाची अंमलबजावणी जिल्हा परिषदेचे सीईओ अजित कुंभार यांनी केली असून बीड जिल्ह्यातील 81 ग्रामपंचायतीवर त्यांनी सरकारी कर्मचार्‍यांची प्रशासक म्हणून नेमणूक केली आहे.
मुदत संपलेल्या ग्रामपंचायतीवर प्रशासक नेमण्याचे अध्यादेश राज्याच्या ग्रामविकास विभागाने काढला होता. संबंधीत आदेशाची अंमलबजावणी जिल्हा परिषदेचे सीईओ अजित कुंभार यांनी केली असून बीड जिल्ह्यातील 81 ग्रामपंचायतीवर त्यांनी सरकारी कर्मचार्‍यांची प्रशासक म्हणून नेमणूक केली आहे.
पार्श्वभूमी
MPSC मार्फत घेण्यात येणाऱ्या सर्वच परीक्षा पुढे ढकलण्याचा राज्य शासनाचा निर्णय
मुंबई : महाराष्ट्र लोकसेवा आयोगामार्फत (MPSC) घेण्यात येणाऱ्या सर्वच परीक्षा पुढे ढकलण्याचा निर्णय राज्य शासनाने घेतला आहे. कोरोना महामारीमुळे अनेक विद्यार्थींना परीक्षा पुढे ढकलण्याची मागणी करण्यात आली होती. या मागणीनंतर सत्ताधारी पक्षातील नेत्यांनी देखील हा विषय लावून धरला होता.
कोरोनामुळे निर्माण झालेला धोका, मर्यादित दळणवळण, विद्यार्थ्यांचे या काळात अभ्यासात झालेले नुकसान या सर्वांचा विचार करून एमपीएससी मार्फत येत्या 20 सप्टेंबर रोजी घेण्यात येणारी परीक्षा पुढे ढकलण्यात यावी, अशी मागणी केली जात होती.
मुंबई : महाराष्ट्र लोकसेवा आयोगामार्फत (MPSC) घेण्यात येणाऱ्या सर्वच परीक्षा पुढे ढकलण्याचा निर्णय राज्य शासनाने घेतला आहे. कोरोना महामारीमुळे अनेक विद्यार्थींना परीक्षा पुढे ढकलण्याची मागणी करण्यात आली होती. या मागणीनंतर सत्ताधारी पक्षातील नेत्यांनी देखील हा विषय लावून धरला होता.
कोरोनामुळे निर्माण झालेला धोका, मर्यादित दळणवळण, विद्यार्थ्यांचे या काळात अभ्यासात झालेले नुकसान या सर्वांचा विचार करून एमपीएससी मार्फत येत्या 20 सप्टेंबर रोजी घेण्यात येणारी परीक्षा पुढे ढकलण्यात यावी, अशी मागणी केली जात होती.
रत्नागिरीत काम करण्यास डॉक्टर वैद्यकीय अधिकारी इच्छुकच नाहीत, राज्य सरकारची हायकोर्टात माहिती
राज्यात कोरोना रुग्णाची संख्या वाढत असताना रत्नागिरीत काम करण्यास वैद्यकीय अधिकारी, डॉक्टर इच्छुकच नाहीत अशी कबूली राज्य सरकारनं हायकोर्टात दिली आहे. जिल्ह्यातील शासकीय रुग्णालयातील डॉक्टर व कर्मचाऱ्यांवर कामाचा अतिरिक्त ताण येऊ नये यासाठी रिक्त पदं भरण्यास शासन प्रयत्नशील आहे. परंतु उमेदवार याकडे पाठ फिरवत असल्याची माहिती राज्य सरकारनं मुंबई उच्च न्यायालयात दिली आहे.
पुण्यातील कोविड केअर सेंटरच्या उद्घाटनाची घाई, काम अपूर्ण असताना मुख्यमंत्र्यांच्या हस्ते उद्घाटन
पुणे : पुण्यातील बहुचर्चित जम्बो कोविड केअर सेंटरचं उद्घाटन रविवारी (23 ऑगस्ट) मुख्यमंत्री उद्धव ठाकरे आणि उपमुख्यमंत्री अजित पवार यांच्या हस्ते करण्यात आले. परंतु या कोविड केअर सेंटरचे काम अजूनही पूर्ण झाले नसल्याचे समोर आले आहे. त्यामुळे काम पुर्ण न झालेल्या जम्बो कोविड केअर सेंटरचे उद्घाटन करण्याची घाई मुख्यमंत्री आणि उपमुख्यमंत्र्यांनी का केली असा प्रश्न विचारला जातोय.
- - - - - - - - - Advertisement - - - - - - - - -