LIVE UPDATES | लोणावळ्यात सात दिवसांचा लॉकडाऊन घेण्यासाठी प्रस्ताव
- ऐश्वर्या राय बच्चनसह मुलगी आराध्या नानावटी रुग्णालयात भरती- नवी मुंबईत डॉक्टर असल्याचे सांगून रूममध्ये प्रवेश करीत कोरोना सेंटरमध्ये बलात्कार-मुदत संपलेल्या ग्रामपंचायतींवर पालकमंत्र्यांच्या सल्ल्याने प्रशासक, खंडपीठाची राज्य शासनास नोटिस- कोरोना निगेटिव्ह विक्रेत्याकडूनच वाण-सामान खरेदी करा : औरंगाबाद मनपा- कोविड संसर्गाचा कल समजून घेण्यासाठी मुंबईत पालिकेकडून सेरो सर्वेक्षण सुरूकोरोना व्हायरस, लॉकडाऊन आणि सर्व महत्वाचे अपडेट आणि घडामोडींचा आढावा या लाईव्ह ब्लॉगमध्ये...
एबीपी माझा वेब टीम Last Updated: 18 Jul 2020 08:30 PM
पार्श्वभूमी
कोरोना व्हायरससह इतर महत्वाच्या घडामोडीचं अपडेट या लाईव्ह ब्लॉगमध्ये...बिग बी अमिताभ बच्चन, अभिनेते अभिषेक यांच्यानंतर आता ऐश्वर्या राय बच्चन आणि त्यांची मुलगी आराध्याला देखील नानावटी रुग्णालयात उपचारासाठी दाखल करण्यात आले...More
कोरोना व्हायरससह इतर महत्वाच्या घडामोडीचं अपडेट या लाईव्ह ब्लॉगमध्ये...बिग बी अमिताभ बच्चन, अभिनेते अभिषेक यांच्यानंतर आता ऐश्वर्या राय बच्चन आणि त्यांची मुलगी आराध्याला देखील नानावटी रुग्णालयात उपचारासाठी दाखल करण्यात आले आहे. या चौघांना ही कोरोना ची लागण झाली होती. मात्र, ऐश्वर्या आणि आराध्याला लक्षणे नसल्याने घरीच होम क्वॉरंटाईन करण्यात आले होते. मात्र, आज ऐश्वर्याला ताप आणि घशात त्रास होऊ लागला तेव्हा त्यांना संध्याकाळी नानावटी रुग्णालयात उपचारासाठी दाखल करण्यात आले आहे. मात्र, त्यांची तब्येत स्थिर असल्याची माहिती मिळते आहे.आतापर्यंत 99 डॉक्टरांचा कोरोनाने मृत्यू तर 1302 संक्रमित; IMA कडून रेड अलर्ट जारीकोरोना संकटकाळात आघाडीवर लढणाऱ्या डॉक्टरांपैकी आतापर्यंत 99 डॉक्टरांचा मृत्यू कोरोनामुळे झाल्याची धक्कादायक माहिती डॉक्टरांची संघटना इंडियन मेडिकल असोसिएशनने दिली आहे. तर आतापर्यंत 1302 डॉक्टरांना कोरोना विषाणूची बाधा झाली आहे. विशेष म्हणजे सर्वसामान्य नागरिकांपेक्षा डॉक्टरांचा मृत्युदर जास्त आहे. या सर्व पार्श्वभूमीवर इंडियन मेडिकल असोसिएशनने देशातील सर्व सदस्य डॉक्टरांसाठी रेड अलर्ट जारी केला आहे.
पुण्यातील येरवडा कारागृहात पळालेल्या एका आरोपीच्या वाकड पोलिसांनी मुसक्या आवळल्या आहेत. सनी पिंटो असं त्याचं नाव आहे. तात्पुरत्या कारागृहातुन 15 जुलैच्या रात्री इतर सहकाऱ्यांसोबत त्याने पळ काढला होता. तिथून तो पिंपरी चिंचवड शहरातील बोट क्लब परिसरात लपून बसला होता. खबऱ्याने दिलेल्या बातमीच्या आधारे वाकड पोलिसांनी सापळा रचत त्याच्या मुसक्या आवळल्या.
गडचिरोलीत नक्षल विरोधी सुरक्षा दलात तब्बल 72 जणांचे कोरोना अहवाल पॉझिटिव्ह. एकूण 204 CRPF-SRP जवानांना संसर्ग, आतापर्यंत 1200 हुन अधिक जवान झालेत जिल्ह्यात दाखल, जिल्हा पोलीस आणि CRPF ने संयुक्तपणे उभारली आहे विलगीकरण सुविधा, जिल्ह्यातील एकूण कोरोना बाधितांची संख्या देखील वाढतीच.
ठाणे महानगरपालिका पंधरा खाजगी कोविड-19 च्या रुग्णालयांना नोटीस बजावणार आहे. या सर्व रुग्णालयांची मिळून 27 लाख रुपयांची 196 रुग्णांची देयके अवाजवी असल्याचे मुख्य लेखापाल यांच्या तपासणीमध्ये आढळून आले आहे. या देयकां संदर्भात रुग्णालयांकडून खुलासा मागविण्यात आला आहे. त्या खुलाशाची शहानिशा करून जर ही देयके वाढीव असल्याचे लक्षात आले तर अधिकचे आकारलेले पैसे त्या रुग्णांना परत करण्याचे आदेश महापालिका देणार आहे. Covid-19 च्या रुग्णांकडून अव्वाच्या सव्वा देयके आकारण्याच्या अनेक तक्रारी आल्यानंतर ठाणे महानगरपालिका आयुक्तांनी मुख्य लेखापाल यांची निवड करून त्यांच्याकडून या रुग्णालयांनी आकारलेल्या देयकांची तपासणी करण्याचे आदेश दिले होते.
लोणावळ्यात सात दिवसांचा लॉकडाऊन घेण्यासाठी प्रस्ताव देण्यात आलाय. नगरपरिषदेचे मुख्याधिकारी रवी पवार यांनी दिली. प्रांतांकडे दिलेला हा प्रस्ताव मंजूर केला जाणार आहे. त्यानुसार सोमवारच्या मध्यरात्रीपासून हा लॉकडाऊन सुरु होईल. मुंबईतील अनेकांचे लोणावळ्यात फार्म हाऊस, बंगलो आहेत. इथं आलेले तीन मुंबईकर पॉझिटिव्ह आढळले आहेत. त्यातच गेल्या दोन दिवसात 8 रुग्णांना कोरोनाची लागण झाली आहे. कोरोनाची ही साखळी तातडीने तोडण्यासाठी लॉकडाऊनचा हा प्रस्ताव देण्यात आलाय.
पिंपरी चिंचवडमधील खाजगी डॉक्टर शासकीय सेवेत रुजू व्हायला तयार झालेत. पण आम्हाला आयसीयूचा अनुभव नाही, त्यामुळे आम्ही आयसीयूमध्ये काम करू शकत नाही. अशी पळवाट डॉक्टरांनी शोधलीय. महापालिकेने शंभर खाजगी डॉक्टरांना कारणे दाखवा नोटीस धाडल्याची बातमी एबीपी माझाने दाखवली होती. त्यानंतर डॉक्टरांच्या सर्व संघटनांनी महापालिकेत धाव घेतली. प्रशासन कारवाई करेल या भीतीने ते भाजप आमदार महेश लांडगे यांना सोबतीला घेऊन आले. सर्व संघटनेत मिळून दोन हजारांहून अधिक डॉक्टर आहेत. या सर्व डॉक्टरांना रुग्णांची सेवा द्यायची आहे, त्यासाठी 32 प्रभागात उभारण्यात येणाऱ्या कोविड केअर सेंटरमध्ये आम्ही रुजू ही होऊ. पण आयसीयूचा अनुभव नाही, त्यामुळे आम्ही आयसीयू मध्ये काम करू शकत नाही. अशी पळवाट त्यांनी शोधली आहे.
कोल्हापूर जिल्ह्यात बाहेरून येणार्यांना दोन आठवडे प्रवेशबंदी, ई पास दिले जाणार नाहीत, जिल्हाधिकारी दौलत देसाई यांचे आदेश
औरंगाबाद शहरात जीवनावश्यक वस्तू अँटीजन टेस्ट करणं अनिवार्य करण्यात आलं आहे. त्या शिवाय उद्या दुकान उघडता येणार नाहीत. फळ , भाजी, मास, अंडी विकता येणार नाहीत त्यामुळे विक्रेत्यांनी अँटीजन टेस्ट करण्यासाठी आणि कोरोना निगेटिव्ह असल्याचे प्रमाणपत्र घेण्यासाठी नागरिकांनी गर्दी केली आहे . महानगरपालिका आयुक्त तथा प्रशासक आस्तिक कुमार पांडेय यांनी शहरातील नागरिकांचे आरोग्य लक्षात घेता अत्यंत महत्वाचा निर्णय घेतला आहे. औरंगाबाद शहरात कोरोनाचा वाढता प्रादुर्भाव लक्षात घेता लावलेली संचारबंदी उद्या संपते आहे.त्यामुळे परवा पासून नागरिक जीवनावश्यक वस्तू खरेदी करण्यासाठी बाहेर पडू शकतात आणि त्यामुळे कोरोनाचा प्रादुर्भाव वाढू शकतो त्यामुळे 18 तारखेला जीवनावश्यक बाबी विक्री करणाऱ्या जसे फळ, भाजी, किराणा,अंडी , मास आदी विक्रेत्यांची ,व्यापाऱ्यांची कोरोना अँटीजन स्टेट घेतली जाणार आहे.जे विक्रेते या टेस्ट मध्ये निगेटिव्ह येतील त्यांना महापालिका प्रमाणपत्र देणार आहे. त्यासाठी 18 तारखेला दुपारी 2 वाजता शहरातील वेगवेगळ्या भागात कॅम्प लावले जाणार आहेत.ज्या विक्रेत्याकडे असे कोरोना निगेटिव्ह प्रमाणपत्र असेल अश्याच व्यक्तीकडून नागरिकांनी कारेदी करण्याचं आवाहन आयुक्तांनी केले आहे .
शिवसेनेचे मंत्री शंकरराव गडाख क्वारंटाईन,
मंत्र्यांची पत्नी कोरोना पाॅझिटिव्ह
,
मंत्र्यांनीही केली तातडीनं कोरोना चाचणी
मंत्र्यांची पत्नी कोरोना पाॅझिटिव्ह
,
मंत्र्यांनीही केली तातडीनं कोरोना चाचणी
बेळगाव जिल्ह्यातील प्रसिद्ध गोकाकचा धबधबा पावसामुळे प्रवाहित झाला आहे. सध्या गोकाक इथे लॉकडाऊन असल्यामुळे पर्यटकांना धबधबा पाहायला जाता येत नाही.
व्हॉइस ओव्हर-गोकाकचा धबधबा हा घटप्रभा नदीवर असून पावसाळ्यात हा धबधबा पर्यटकांचे आकर्षण ठरलेला असतो. 171 फूट उंचीवरून हा धबधबा खाली कोसळतो. घटप्रभा नदीच्या क्षेत्रात सध्या पाऊस चांगला झाल्यामुळे धबधब्याला चांगले पाणी आले आहे. त्यामुळे धबधबा पूर्ण प्रवाहित झाला आहे. धबधब्याचे पाणी खाली पडताना उडणारे पाण्याचे तुषार दीड किलोमीटर दूरपर्यंत जातात. धबधब्याच्या खाली विद्युत निर्मिती केंद्र देखील आहे. तेथील झुलता पूल देखील पर्यटकांचे आकर्षण आहे. झुलत्या पुलावरुन जाताना पर्यटकांना वेगळा रोमांचक अनुभव मिळतो.
व्हॉइस ओव्हर-गोकाकचा धबधबा हा घटप्रभा नदीवर असून पावसाळ्यात हा धबधबा पर्यटकांचे आकर्षण ठरलेला असतो. 171 फूट उंचीवरून हा धबधबा खाली कोसळतो. घटप्रभा नदीच्या क्षेत्रात सध्या पाऊस चांगला झाल्यामुळे धबधब्याला चांगले पाणी आले आहे. त्यामुळे धबधबा पूर्ण प्रवाहित झाला आहे. धबधब्याचे पाणी खाली पडताना उडणारे पाण्याचे तुषार दीड किलोमीटर दूरपर्यंत जातात. धबधब्याच्या खाली विद्युत निर्मिती केंद्र देखील आहे. तेथील झुलता पूल देखील पर्यटकांचे आकर्षण आहे. झुलत्या पुलावरुन जाताना पर्यटकांना वेगळा रोमांचक अनुभव मिळतो.
देशातील विद्यार्थ्यांच्या हितासाठी युवासेनेने यूजीसीच्या अंतिम वर्षाच्या परीक्षा घेण्याच्या निर्णया विरोधात सर्वोच्च न्यायालयात रिट याचिका दाखल केली आहे.
देशातील विद्यार्थ्यांच्या हितासाठी युवासेनेने यूजीसीच्या अंतिम वर्षाच्या परीक्षा घेण्याच्या निर्णया विरोधात सर्वोच्च न्यायालयात रिट याचिका दाखल केली आहे.
देशातील विद्यार्थ्यांच्या हितासाठी युवासेनेने यूजीसीच्या अंतिम वर्षाच्या परीक्षा घेण्याच्या निर्णया विरोधात सर्वोच्च न्यायालयात रिट याचिका दाखल केली आहे.
अंतिम वर्षाच्या परीक्षा घेण्याच्या यूजीसीच्या निर्णयाविरोधात युवासेनेने सर्वोच्च न्यायालयात रिट याचिका दाखल केली आहे.
अंतिम वर्षाच्या परीक्षा घेण्याच्या यूजीसीच्या निर्णयाविरोधात युवासेनेने सर्वोच्च न्यायालयात रिट याचिका दाखल केली आहे.
औरंगाबाद : एसटी मंडळाने 2019 च्या सरळ सेवा भरतीतील चालक तथा वाहकांची सेवा तात्पुरत्या काळासाठी स्थगित करण्याचे आदेश दिले आहे. राज्यातील जवळपास साडेचार हजार जणांच्या नोकरी कोरोनाच्या काळात जाण्याची शक्यता आहे. कोरोनाच्या प्रादुर्भावामुळे बस सेवा बंद असल्याने आर्थिक अडचणीत सापडल्यामुळे हा निर्णय घेण्यात आल्याचं सांगितलं जात आहे. 2019 सरळ सेवा भरती अंतर्गत चालक तथा वाहक, सहाय्यक, लिपिक-टंकलेखक, राज्य संवर्ग अधिकारी आणि अनुकंपा तत्वावरिल विविध पदावर प्रशिक्षण घेत असलेल्या प्रशिक्षणार्थीचं देखील प्रशिक्षण थांबण्याचे आदेश दिले आहेत.
राम जन्मभूमी तीर्थक्षेत्र ट्रस्टची आज अयोध्येत बैठक होणार आहे. राम मंदिराच्या भूमिपूजनाची तारीख आज घोषित होऊ शकते. आज दुपारी तीन वाजता अयोध्येतल्या सर्किट हाऊसवर ही बैठक होणार आहे. गेल्या अनेक दिवसांपासून चर्चा आहे की पंतप्रधान मोदी भूमिपूजनासाठी स्वतः उपस्थित राहू शकतात.
आईला कोरोना झाल्याचं कळताच मुलाने आत्महत्या केल्याची घटना नाशिकच्या रोकडोबा वाडीत घडला आहे. समाज कल्याण कार्यालयातील कोविड केअर सेंटरमध्ये या महिलेवर उपचार सुरु होते. परंतु आईला कोरोना झाल्याचा धक्का सहन न झाल्याने 23 वर्षीय मुलाने राहत्या घरात गळफास घेऊन आयुष्य संपवलं.
उपनगर पोलिसांकडून
अधिक तपास सुरू
उपनगर पोलिसांकडून
अधिक तपास सुरू
पंढरपूर : मंगळवेढा सब जेलमध्ये एक पोलीस अधिकाऱ्यासह 28 कैद्यांची रॅपिड अँटिजेन टेस्ट पॉझिटिव्ह आल्याने खळबळ उडाली आहे. प्रशासनाने त्यांना इतरत्र हलवले. सब जेलमधील पोलीस गार्डलाही कोरोनाची लागण झाली आहे.
कोल्हापूर जिल्ह्यात गेल्या 24 तासात 310 कोरोना रुग्ण, तर 4 जणांचा मृत्यू,
इचलकरंजी शहरात नवे 90 रुग्ण, गांधीनगर पंचक्रोशी 100 च्या वर,
जिल्ह्यातील लॉकडाऊन संदर्भात आज नियम आणि अटी स्पष्ट होणार,
जिल्ह्यात एकूण 1938 रुग्ण, त्यापैकी 971 जणांना डिस्चार्ज, 924 जणांवर उपचार,
आतापर्यंत जिल्ह्यात कोरोनामुळे 43 जणांचा झाला मृत्यू,
इचलकरंजी शहरात नवे 90 रुग्ण, गांधीनगर पंचक्रोशी 100 च्या वर,
जिल्ह्यातील लॉकडाऊन संदर्भात आज नियम आणि अटी स्पष्ट होणार,
जिल्ह्यात एकूण 1938 रुग्ण, त्यापैकी 971 जणांना डिस्चार्ज, 924 जणांवर उपचार,
आतापर्यंत जिल्ह्यात कोरोनामुळे 43 जणांचा झाला मृत्यू,
रत्नागिरी जिल्ह्यातल्या लांजा तालुक्यातील कुरुंग या गावी झालेली 1 लाख 35 हजारांच्या चोरीचा छडा लांजा पोलिसांनी अवघ्या 24 तासात लावला. 60 वर्षीय लक्ष्मी विश्वासराव या शेतात गेल्या असता त्यांच्या घरी सोन्याच्या बांगड्या आणि काही रोख रक्कम चोरीला गेली होती. याबाबतची तक्रार दाखल होताच पोलिसांनी वेगाने तपास करत शेजारीच राहणाऱ्या व्यक्तीला अटक केली. शिवाय, त्याच्याकडील सर्व मुद्देमाल देखील हस्तगत केला.
अजनी पोलीस स्टेशन अंतर्गत झंजाळ लेआऊट, अभयनगर परिसरात एका पडक्या घरात एका तरुणीचा मृतदेह आढळला आहे. तिची हत्या करून मृतदेह तिथे टाकल्याची शंका. पोलिसांनी काही तरुणांना ताब्यात घेतले असून विचारपूस सुरू आहे.
कोल्हापुरात पुन्हा लॉकडाऊन. सोमवारपासून सात दिवसांचा लॉकडाऊन. पालकमंत्री सतेज पाटील यांची घोषणा. सर्व नागरिकांनी या लॉकडाऊनमध्ये प्रशासनाला सहकार्य करण्याचं आवाहन. औषध आणि दूध पुरवठा यांनाच केवळ सवलत दिली जाईल. इतर सर्व सेवा शंभर टक्के बंद.
30 तारखेपासून लोकलमध्ये प्रवास करायचा असेल तर क्यूआर कोड असलेल्या पास बंधनकारक आहे.
राज्य सरकारने परिपत्रक काढले असून इलेक्ट्रॉनिक क्यूआर कोड पास बंधनकारक आहे.
ई पास कसा मिळवता येईल याची प्रोसिजर राज्य सरकारने जाहीर केली आहे.
राज्य सरकारने परिपत्रक काढले असून इलेक्ट्रॉनिक क्यूआर कोड पास बंधनकारक आहे.
ई पास कसा मिळवता येईल याची प्रोसिजर राज्य सरकारने जाहीर केली आहे.
कोरोना पॉझिटिव्ह अमिताभ बच्चन आणि अभिषेक बच्चन नंतर ऐश्वर्या राय बच्चन हिलाही नानावटी रुग्णालयात भरती करण्यात आले आहे.
कोरोना संसर्ग टाळण्यासाठी महाराष्ट्रातील पदवी परीक्षा रद्द करण्याचा निर्णय राज्य सरकारने घेतल्यानंतर केंद्रीय ग्रहमंत्रालाय व विद्यापीठ अनुदान आयोगाचे उपाध्यक्ष भूषण पटवर्धन यांनी परीक्षा घेण्याबाबत आग्रह धरला असून कोरोना संसर्ग टाळण्यासाठी पदवी परीक्षा रद्द झाल्याचं पाहिजेत या मागणीसाठी विद्यार्थी भारती संघटनेच्या राष्ट्रीय अध्यक्षा मंजिरी धुरी यांनी गुरुवारी सकाळपासून भिवंडी तालुक्यातील बापगाव येथील मैत्रकूल संस्थेच्या आश्रमात सुरु केले आहेत.
मुंबतील इमारत दुर्घटनेतील मृताची संख्या 9 वर. काल (16 जुलै) शहरातील फोर्ट परिसरात इमारत कोसळली होती.
नागपूरच्या कथित हनी ट्रॅप प्रकरणातील ऑडिओ क्लिप प्रकरणी विरोधी पक्ष नेते देवेंद्र फडणवीस यांनी पत्र लिहून चौकशीची मागणी केली होती. मात्र, त्या क्लिप मध्ये आवाज असलेला साहिल सय्यद भाजपचा कार्यकर्ता असून त्याचे चंद्रशेखर बावनकुळे यांच्यासह अनेक भाजप नेत्यांसोबत जवळचे संबंध असल्याचे दिसून येत आहे. त्यामुळे हे प्रकरण भाजचे अंतर्गत राजकारण असल्याचे दिसून येते, असे गृहमंत्री अनिल देशमुख म्हणाले.
साडेतीन महिन्यानंतर आज शिवसेनेचे सर्व खासदार एकत्र आले. नेत्याने आपल्या जिल्ह्यातील अडचणी ऐकून घ्याव्यात, असं प्रत्येक लोकप्रतिनिधीला वाटतं. आजच्या या बैठकीचा विरोधी पक्षनेत्यांच्या दिल्लीतील बैठकीशी सुतराम संबंध लावू नये. राज्यात सगळं आलबेल आहे. कोरोनाच्या प्रादूर्भावाचा आढावा घेण्यासाठी बैठक होती, महाराष्ट्रात आम्ही असेपर्यंत राजकीय प्रादुर्भाव होऊ देणार नाही. त्यासाठी आम्ही फवारणीचे पंप घेऊन फिरतोय.
विरोधी पक्षनेते देवेंद्र फडणवीस पंतप्रधान नरेद्र मोदी यांच्या भेटीला. साडेसहा वाजता होणार भेट. गृहमंत्री अमित शाह यांच्या पाठोपाठ फडणवीस मोदींच्याही भेटीला.
वसई-विरार शहर महानगरपालिकेच्या आयुक्तांनी घरची धुणी-भांडी आणि मच्छी साफ करायला लावल्याचा आरोप महापालिकेत काम करणाऱ्या योगिता जाधव या महिलेने केला होता. यावर मनसेचे ठाणे पालघर जिल्हाध्यक्ष अविनाश जाधव यांनी ही आवाज उठवला होता. या प्रकरणी आता पालिकेचे आयुक्त डी. गंगाधरण यांनी आपण त्या महिलेला घरची काम करण्यासाठी बोलावलं नव्हतच स्पष्टीकरण दिलं आहे. माझ्या घरात रेग्यूलर लोक काम करता आहेत. नवीन कर्मचारी घेतला नाही. योगिता सफाई कर्मचारी म्हणून रुजू झाली होती. तिला कोरन्टाईन सेंटर मध्ये काम करायला सांगितलं सध्या कोरन्टाईन सेंटर मध्ये स्टाफ ची कमतरता आहे. त्यामुळे तेथे गैरसोय होत आहे. त्यामुळेच मी पालिकेतील सफाई कर्मचा-यांना तेथे कामाला पाठवलं आहे. मात्र 30 टक्के लोक तेथे कामाला जायाला तयार नाहीत. त्यामुळेच काही कर्मचारी राजकिय पुढारी आणि कर्मचारी संघटनेच्या मदतीने दबाव टाकण्याच प्रयत्न करत असल्याच स्पष्टीकरण आयुक्तांनी दिलं आहे. योगिताने मुंबई उच्च न्यायालयात टाकलेल्या रिट पिटिशन मध्ये कोर्टाने ही पालिकेची बाजू ग्राह्य धरली होती. असं आयुक्तांनी सांगितलं आहे.
जालना जिल्ह्यातील जाफराबाद तालुक्यातल्या वरुड बुद्रुक येथील जवान सतीश पेहरे यांच्यावर आज शासकीय इतमामात अंतिम संस्कार करण्यात आले. यावेळी लाडक्या जवानाला अखेरचा निरोप देण्यासाठी मोठ्या संख्येने लोक उपस्थित होते. भारत चीन सीमेवरील लडाख येथे श्योक नदीवर बांधल्या जाणाऱ्या पुलाचे काम सुरु असताना अपघात होऊन ते शहीद झाले होते. काल संध्याकाळी औरंगबाद विमानतळावर त्यांचे पार्थिव आणण्यात आले, जे उशिरा रात्री त्यांच्या मूळ गावी नेण्यात आले. जिथे आज त्यांच्यावर अंतिम संस्कार करण्यात आले. यावेळी शहीद जवान अमर रहे. अशा घोषणा देत या वीर जवानाला अखेरचा निरोप देण्यात आला, 2014 साली लष्करात भरती झालेल्या 28 वर्षीय शहीद सतीश पेहरे यांच्या पश्चात पत्नी एक दीड वर्षाचा मुलगा ,आई वडील भाऊ असा परिवार आहे.
नाशिक शहरात कोरोंनाचा कहर सुरु आहे. गेल्या 24 तासांत शहरात 224 नवे रुग्ण दाखल झाले असून 7 जणांचा मृत्यू झाला आहे. आतपर्यंत शहरात 4 हजार 661`नागरिकांना कोरोनाची लागण झाली आहे. तर 188 मृत्यू झाले आहेत. 2 हजार 956 कोरोनामुक्त तर 1517 रुग्णांवर सध्या उपचार सुरु आहेत. शहरात औषध फवारणी होत नाही रुग्णांना रुग्णालयात दाखल करून घेतले जात नाही. आशा एक ना अनेक तक्रारी असताना सत्ताधारी भाजप आणि शिवसेनामध्ये आरोप प्रत्यारोपांच्या फैरी झडत आहेत. राज्य सरकारकडून केवळ 20 लाख रुपयांची मदत नाशिक महापालिकेला मिळाल्याचा दावा महापौर सतीश कुलकर्णी यांनी केला. महापालिकेत भाजपची सत्ता असल्यानं राज्य सरकार नाशिकवर अन्याय करत असल्याचा गंभीर आरोप महापौर सतीश कुलकर्णी यांनी केलाय. तर महापौरांचा अभ्यास कच्चा आहे सरकारकडून 1 कोटी 70 लाख रुपयांचा निधी राज्य सरकारकडून प्राप्त झालाय मात्र महापौरांना त्याची माहितीही नाही. आरोप करण्याआधी महापौरांनी अभ्यास करावा असा टोला शिवसेनेने लगावला आहे.
मुख्यमंत्री उद्धव ठाकरे यांनी शिवसेना खासदारांची बोलावली बैठक, वर्षा बंगल्यावर थोड्याच वेळात बैठक, कोरोना संकटामुळं तीन महिन्यांत एकही बैठक न झाल्यानं आज खासदारांशी चर्चा, कोरोना स्थितीचा घेतला जाणार आढावा, तसंच संघटनात्मक विषयही चर्चेला
कोरोनाच्या महामारीची राज्य सरकारने श्वेतपत्रिका काढावी अशी मागणी भाजपचे माजी खासदार अमर साबळे यांनी केलीये. मुख्यमंत्री उद्धव ठाकरे सध्या वर्क फ्रॉम होम आहेत, त्यामुळे त्यांना श्वेतपत्रिका काढण्यात कोणतीच अडचण नसावी. अशी खोचक टिका ही साबळे यांनी केली. कोरोना रुग्णांची संख्या, मृतांची आकडेवारी आणि प्रशासनाने कसा लढा दिला याचा ग्राउंड रिपोर्ट पुढं येणं गरजेचं आहे. त्यासाठी राज्यसरकारने श्वेतपत्रिका काढून ती जनतेसमोर आणावी अशी मागणी साबळे यांनी केली.
कोल्हापुरात दिवसेंदिवस कोरोना पॉझिटिव्ह रुग्णांमध्ये वाढच होत असल्याने चिंतेचे वातावरण निर्माण झालं आहे. मात्र दुसरीकडे एका दिलासा देणारा व्हिडिओ एबीपी माझाच्या हाती लागला आहे. कोल्हापुरातील छत्रपती प्रमिलाराजे रुग्णालयात दाखल केलेले कोरोना पॉझिटिव्ह रुग्ण भजन म्हणत स्वतःला चिंतामुक्त करताना पाहायला मिळत आहेत. यामध्ये अनेकजण वृद्ध नागरिक आहेत. या सर्व वृद्ध नागरिकांना तणावातून मुक्त करत आणि त्यांचे मनोबल वाढविण्यासाठी गांधीनगरच्या एका व्यापाऱ्याने भजन कीर्तनामध्ये त्यांना व्यस्त ठेवले आहे. ते सर्वजण आपापल्या खाटाशेजारी उभं राहून अगदी मंदिरात ज्या प्रमाणे भजन कीर्तन करतात त्याच पद्धतीने रुग्णालयात करत आहेत. शिवाय त्यांच्या चेहऱ्यावरचा तणाव सुद्धा त्यामुळे दूर झाल्याचे दिसून येत आहे. गांधीनगरमधील एका व्यापाऱ्याला कोरोनाची लागण झाली आहे. त्यांना येथील सीपीआर रुग्णालयात दाखल केले आहे. ज्या वॉर्ड मध्ये त्यांना दाखल केले आहे तिथे अनेक वृद्ध रुग्ण आहेत. तर काही रुग्ण तरुण आहेत जे मोबाईलवर वेळ घालवतात कुटुंबियांशी बोलत असतात. मात्र वृद्ध लोकांना कीर्तनाच्या माध्यमातून ते त्यांचे मनोबल वाढवत असून आपला आजार बरा होणारा आहे त्यामुळे कोणीही घाबरून जाऊ नका असेही ते सर्वांना सांगत आहेत.
सिंधुदुर्ग जिल्ह्यातून घाटमाथ्यावर जाण्यासाठी रहदारीचा महत्वाचा मार्ग असलेल्या आंबोलीत गेले चार ते पाच दिवस जिल्ह्यात पडत असलेल्या पावसामुळे आंबोली घाटात दरड कोसळली आहे. त्यामुळे एकेरी वाहतूक सूरु आहे. घटनेच्या ठिकाणी पोलिस दाखल झाले असून बॅरिकेट्स लावून एकेरी वाहतूक सुरु करण्यात आली आहे. पावसाळ्याच्या दिवसात दरवर्षी दरड कोसळण्याचे प्रकार आंबोली घाटात घडत असतात. घाट मार्गात काही ठिकाणी दरडीचा काही भाग रस्त्यावर कोसळला असून वाहतुकीस अडथळा निर्माण होत आहे. कोरोनाच्या पार्श्वभूमीवर यावर्षी आंबोलीतील वर्षा पर्यटन बंद असल्यामुळे आंबोली घाटात मोठ्या प्रमाणात वर्दळ नसली तरीही कोल्हापूर-बेळगावच्या दिशेने ये-जा करणाऱ्या वाहतूक करण्यासाठी घाट मार्गातील दरडीचा धोका निर्माण झाला आहे. त्यामुळे सार्वजनिक बांधकाम विभागाने त्वरित उपाययोजना करावी अशी मागणी वाहनधारकांमधून होत आहे.
सिंधुदुर्ग जिल्ह्यातून घाटमाथ्यावर जाण्यासाठी रहदारीचा महत्वाचा मार्ग असलेल्या आंबोलीत गेले चार ते पाच दिवस जिल्ह्यात पडत असलेल्या पावसामुळे आंबोली घाटात दरड कोसळली आहे. त्यामुळे एकेरी वाहतूक सूरु आहे. घटनेच्या ठिकाणी पोलिस दाखल झाले असून बॅरिकेट्स लावून एकेरी वाहतूक सुरु करण्यात आली आहे. पावसाळ्याच्या दिवसात दरवर्षी दरड कोसळण्याचे प्रकार आंबोली घाटात घडत असतात. घाट मार्गात काही ठिकाणी दरडीचा काही भाग रस्त्यावर कोसळला असून वाहतुकीस अडथळा निर्माण होत आहे. कोरोनाच्या पार्श्वभूमीवर यावर्षी आंबोलीतील वर्षा पर्यटन बंद असल्यामुळे आंबोली घाटात मोठ्या प्रमाणात वर्दळ नसली तरीही कोल्हापूर-बेळगावच्या दिशेने ये-जा करणाऱ्या वाहतूक करण्यासाठी घाट मार्गातील दरडीचा धोका निर्माण झाला आहे. त्यामुळे सार्वजनिक बांधकाम विभागाने त्वरित उपाययोजना करावी अशी मागणी वाहनधारकांमधून होत आहे.
मुदत संपत असलेल्या ग्रामपंचायतींवर राजकीय प्रशासक नेमणुकीला प्रकाश आंबेडकर यांनी केला विरोध, वंचित बहुजन आघाडीचे अध्यक्ष प्रकाश आंबेडकर यांनी घेतली राज्यपालांची भेट, राजकीय पक्षांनी दुकानदारी उघडल्याचे केले गंभीर आरोप
इयत्ता आठवीच्या मराठीच्या पुस्तकात शिक्षण मंडळाने घोडचूक केल्याचा आरोप ब्राह्मण महासंघाने केला आहे. भगतसिंह, राजगुरु यांच्यासह फाशीवर गेलेल्या तिसऱ्या क्रांतिकाराच्या नावात चूक असून सुखदेव यांच्याऐवजी कुर्बान हुसेन नावाचा उल्लेख करण्यात आला आहे. हा क्रांतिकारकांचा अपमान असल्याचं ब्राह्मण महासंघाचे प्रमुख आनंद दवे यांनी केला आहे.
कर्तव्य बजावून परत येताना अपघात झाल्याने जवान शहीद झाल्याची घटना घडली आहे. सोलापूर जिल्ह्यातील बार्शीतील वाघाचीवाडी येथील भास्कर वाघ असे शहीद झालेल्या जवानाचे नाव आहे. लेह येथून कारगिलकडे परतत असताना त्यांच्या वाहनाला अपघात झाल्याची माहिती त्यांच्या नातेवाईकांनी दिली. मात्र, कर्तव्यावर असताना ही घटना घडल्याने त्यांना शहीद दर्जा देण्यात आला. त्यामुळे आज त्यांच्यावर त्यांच्या मूळगावी शासकीय इतमामात अंत्यसंस्कार करण्यात आले. भास्कर सोमनाथ वाघ हे गेल्या 20 वर्षांपासून भारतीय सैन्यसेवेत होते. मंगळवारी (14 जुलै) जवान भास्कर सोमनाथ वाघ हे कर्तव्य बजावून घराकडे निघाले होते. त्यांच्या वाहनाला कारगील परिसरात अपघात झाल्याने त्यांचा दुर्दैवी मृत्यू झाला. सध्या, मुलांच्या शिक्षणासाठी त्यांची पत्नी, दोन मुली आणि एक मुलगा असं कुटुंब सध्या पुण्यात राहत होते. तर, आई-वडील मूळ गावीच आहेत. सुट्टी घेऊन आल्यावर ते गावाकडेच येत. गावातील मित्र परिवार आणि गावकऱ्यांसोबत त्यांचा जिव्हाळा होता. त्यांच्या पश्चात दोन मुली,एक मुलगा,पत्नी आणि आई-वडील आहेत.
दरम्यान शहीद जवान भास्कर जाधव यांना सोलापूर ग्रामीण पोलिसांनी शासकीय इमामात मानवंदना दिली. त्यांच्या वडिलांनी त्यांना भडाग्नी दिला आणि साश्रू नयनांनी वाघाचीवाडी ग्रामस्थांनी आपल्या वीर पुत्राला शेवटचा निरोप दिला. सोलापूर जिल्ह्यातील नजीकच्या काळातील देशासाठी हौतात्म्य पत्करणारी ही दुसरी घटना आहे. भास्कर वाघ यांच्या जाण्याने संपूर्ण बार्शी तालुक्यात शोकाकुल वातावरण आहे.
दरम्यान शहीद जवान भास्कर जाधव यांना सोलापूर ग्रामीण पोलिसांनी शासकीय इमामात मानवंदना दिली. त्यांच्या वडिलांनी त्यांना भडाग्नी दिला आणि साश्रू नयनांनी वाघाचीवाडी ग्रामस्थांनी आपल्या वीर पुत्राला शेवटचा निरोप दिला. सोलापूर जिल्ह्यातील नजीकच्या काळातील देशासाठी हौतात्म्य पत्करणारी ही दुसरी घटना आहे. भास्कर वाघ यांच्या जाण्याने संपूर्ण बार्शी तालुक्यात शोकाकुल वातावरण आहे.
विधानसभेचे विरोधी पक्षनेते देवेंद्र फडणवीस दिल्लीत पोहोचले आहेत. हर्षवर्धन पाटील, विनय कोरे, धनंजय महाडिक, रणजीतसिंह निंबाळकर हेदेखील त्यांच्यासोबत आहेत. साखरेच्या प्रश्नावर बैठक असल्याचं सांगितलं जातं आहे. कृषीमंत्री तोमर आणि अन्नपुरवठा मंत्री पासवान यांच्या भेट घेणार आहेत. यासोबत देवेंद्र फडणवीस अमित शहा यांची भेट घेणार का याचीही उत्सुकता आहे.
औरंगाबाद कोरोनाची लागण झालेल्या रुग्णाची संख्या 10 हजारांच्या जवळ, जिल्ह्यात आज सकाळी 88 रुग्णांचे अहवाल पॉझिटिव्ह आले. =आतापर्यंत 9832 कोरोनाबाधित आढळले आहेत, त्यापैकी 5636 बरे झाले, 377 जणांचा मृत्यू झाला. तर 3819 जणांवर उपचार सुरु आहेत.
आपली मुंबई स्वच्छ आणि सुंदर राहावी म्हणून मुंबई महापालिका नेहमीच सुशोभीकरणाच्या प्रयोग करत असते. अशाचप्रकारे घाटकोपरमध्ये पूर्व द्रुतगती मार्गाच्या खाली छेडानगर जंक्शनजवळ असलेला सब वे मुंबई महापालिका एन विभागातर्फे अतिशय आकर्षक आणि रंगीबेरंगी केला आहे. हा सब वे स्वच्छ करुन त्याच्या भिंती आणि खांब आकर्षक रंगांनी रंगवले आहेत. या रंगावर लहान मुलांचा सांभाळ, आरोग्य संवर्धन, निसर्ग संवर्धन याबाबत जनजागृती करणारी चित्रे रेखाटली आली आहेत. या रंगीबेरंगी चित्रांना या सब वे मध्ये केलेल्या रंगीबेरंगी विद्युत रोषणाईने आणखी नेत्रदीपक केले आहे. या विद्युत रोषणाईचा त्रास चालकांना होऊ नये म्हणून त्या विशेष अंतरावर आणि उंचीवर बसवून सुरक्षित करण्यात आल्या आहेत. घाटकोपरसह, मुंबई किंवा बाहेरुन आलेल्या नागरिकांनाही रात्री हा सब वे आकर्षित करुन काही वेळ खिळवून ठेवतो आहे. तसंच या प्रयोगामुळे हा सब वे आता स्वच्छ तर आहेच त्याचबरोबर तो सुरक्षित आणि एक आकर्षणाचा विषयही झाला आहे.
आपली मुंबई स्वच्छ आणि सुंदर राहावी म्हणून मुंबई महापालिका नेहमीच सुशोभीकरणाच्या प्रयोग करत असते. अशाचप्रकारे घाटकोपरमध्ये पूर्व द्रुतगती मार्गाच्या खाली छेडानगर जंक्शनजवळ असलेला सब वे मुंबई महापालिका एन विभागातर्फे अतिशय आकर्षक आणि रंगीबेरंगी केला आहे. हा सब वे स्वच्छ करुन त्याच्या भिंती आणि खांब आकर्षक रंगांनी रंगवले आहेत. या रंगावर लहान मुलांचा सांभाळ, आरोग्य संवर्धन, निसर्ग संवर्धन याबाबत जनजागृती करणारी चित्रे रेखाटली आली आहेत. या रंगीबेरंगी चित्रांना या सब वे मध्ये केलेल्या रंगीबेरंगी विद्युत रोषणाईने आणखी नेत्रदीपक केले आहे. या विद्युत रोषणाईचा त्रास चालकांना होऊ नये म्हणून त्या विशेष अंतरावर आणि उंचीवर बसवून सुरक्षित करण्यात आल्या आहेत. घाटकोपरसह, मुंबई किंवा बाहेरुन आलेल्या नागरिकांनाही रात्री हा सब वे आकर्षित करुन काही वेळ खिळवून ठेवतो आहे. तसंच या प्रयोगामुळे हा सब वे आता स्वच्छ तर आहेच त्याचबरोबर तो सुरक्षित आणि एक आकर्षणाचा विषयही झाला आहे.
पुणे जिल्ह्यात काल दिवसभरात 2132 नवीन कोरोना रुग्णांची नोंद, तर काल एका दिवसात 38 कोरोना बाधितांचा मृत्यू , पुणे जिल्ह्यात एकूण मृतांची संख्या 1214 वर, पुणे जिल्ह्यातील कोरोना रुग्णांची संख्या 44968 तर आतापर्यंत एकूण 28921 डिस्चार्ज
सोलापूर : सोलापूर शहरात काल 153 रुग्णांचे अहवाल कोरोना पॉझिटिव्ह तर चौघांचा मृत्यू, आतापर्यंत शहरातील 3537 जण कोरोना बाधित तर 314 रुग्णांनी गमावला आहे जीव, काल दिवसभरात 68 रुग्णांना डिस्चार्ज तर आतापर्यंत 1976 रुग्ण बरे होऊन परतले, उर्वरित 1247 रुग्णांवर उपचार सुरू, ग्रामीण सोलापुरातील 59 रुग्णांचे अहवाल पॉझिटिव्ह, आतापर्यंत ग्रामीण भागातील 1172 जण कोरोना बाधित तर 41 जणांचा कोरोनामुळे मृत्यू, दिवसभरात 39 रुग्णांना डिस्चार्ज, त्यामुळे आतापर्यंत 459 रुग्ण बरे, उर्वरित 672 रुग्णांवर उपचार सुरू
सोरतापवाडी गावामधे एकही कोरोना पॉझिटीव्ह रुग्ण नसताना गावाचा समावेश कंटेनमेंट झोनमधे करण्यात आलाय . मुंबईहुन लोणी काळभोर या गावाला परत येण्यासाठी ई पास मिळावा यासाठी एका दांपत्याने शेजारच्या सोरतापवाडी या गावातील पत्ता दिला. लोणी काळभोरला पोहचताच हे दांपत्य कोरोना पॉझिटीव्ह आढळलं . मात्र त्यांनी पत्ता सोरतापवाडीचा दिल्याने प्रशासनाने सोरतापवाडीला कंटेनमेंट झोन घोषित केलंय. लोणी काळभोर हे कंटेनमेंट झोनमधे असल्यानं या गावातील पत्त्यावर ई पास मिळत नव्हता म्हणून या दांपत्याने शेजारच्या सोरतापवाडीचा पत्ता दिला होता.
कोविडचा धोका पाहता अधिक पोलिसांची गरज आहे, म्हणून सचिन वाझे आणि इतर आरोपी पोलिसांची सेवेत पुन्हा नियुक्त केली, ख्वाजा युनुसच्या आईनं हायकोर्टात दाखल केलेल्या याचिकेवर राज्य सरकारचं उत्तर, तसेच पोलीस आयुक्तांनी कुठल्याही प्रकारे कोर्टाच्या आदेशांचा अवमान केला नसल्याची भूमिका, पोलीस आयुक्त आणि प्रधान गृह सचिवांविरोधात कोर्टाचा अवमान केल्याबद्दल कारवाईचीही याचिकेत मागणी
आज मुंबईतील मालाड आणि फोर्ट इमारत दुघटनेच्या पार्श्वभूमीवर गृह निर्माण मंत्री जितेंद्र आव्हाड यांनी 21 जुलैला सर्व संबंधीत अधिकाऱ्यांची बैठक बोलावली आहे. या आधी मुंबईतील 16 हजार धोकादायक इमारतींची माहिती प्राप्त करण्याचे आदेश अधिकाऱ्यांना दिले आहेत. 21 जुलैच्या बैठकीत प्रलंबित प्रकरणांवर तोडगा काढण्यासाठी घेणार धोरणात्मक निर्णय.
औरंगाबाद जिल्ह्यात आज 300 कोरोनाबाधित रुग्णांची वाढ. जिल्ह्यातीत एकूण कोरोनाबाधित रुग्णांची संख्या 9744 वर. आजपर्यंत 5636 कोरोनाबाधित रुग्ण बरे होऊन घरी परतले. आजपर्यंत एकूण 377 जणांचा मृत्यू झाल्याने एकूण 3731 कोरोनाबाधित रुग्णांवर उपचार सुरू. आज 137 जणांना (मनपा 107, ग्रामीण 30) सुटी देण्यात आली.
मराठा आरक्षणाबाबत न्यायालयीन कामकाजाच्या अनुषंगाने मुख्यमंत्री उद्धव ठाकरे यांनी आज वर्षा निवासस्थानी झालेल्या बैठकीत आढावा घेतला. यावेळी मंत्रिमंडळ उपसमितीचे अध्यक्ष अशोक चव्हाण यांनी या संदर्भात माहिती दिली. बैठकीस सदस्य मंत्री सर्वश्री. एकनाथ शिंदे, दिलीप वळसे पाटील तसेच महाअधिवक्ता आशुतोष कुंभकोणी, मुख्य सचिव संजय कुमार, विधि विभागाचे प्रधान सचिव राजेश लढ्ढा, सचिव राजेंद्र भागवत यांची उपस्थिती होती.
वैद्यकीय अभ्यासक्रमाच्या पदव्युत्तर प्रवेश प्रक्रियेत मराठा आरक्षण स्थगित करण्यास सर्वोच्च न्यायालयाने नकार दिला असून 27 जुलै पासून न्यायालयात दररोज अंतिम सुनावणी सुरु होणार आहे. राज्य शासनाच्या वकिलांनी प्रभावी बाजू मांडून विद्यार्थ्यांना दिलासा दिला आहे. सर्वोच्च न्यायालयात पुढील सुनावणीमध्ये शासनाची बाजू अशीच भक्कमपणे मांडण्यासंदर्भात या बैठकीत मुख्यमंत्र्यांनी सूचना केल्या.
वैद्यकीय अभ्यासक्रमाच्या पदव्युत्तर प्रवेश प्रक्रियेत मराठा आरक्षण स्थगित करण्यास सर्वोच्च न्यायालयाने नकार दिला असून 27 जुलै पासून न्यायालयात दररोज अंतिम सुनावणी सुरु होणार आहे. राज्य शासनाच्या वकिलांनी प्रभावी बाजू मांडून विद्यार्थ्यांना दिलासा दिला आहे. सर्वोच्च न्यायालयात पुढील सुनावणीमध्ये शासनाची बाजू अशीच भक्कमपणे मांडण्यासंदर्भात या बैठकीत मुख्यमंत्र्यांनी सूचना केल्या.
Corona Update | राज्यात कोरोनाचा कहर सुरुच, आज दिवसभरात 8641 कोरोनाबाधित रुग्णांची नोंद, दिलासादायक बाब 5527 रुग्ण कोरोनामुक्त, तर 266 रुग्णांचा मृत्यू
मुंबईत फोर्ट परिसरातील भानुशाली इमारतीचा मोठा भाग कोसळला. मुख्यमंत्री उद्धव ठाकरे थोड्याच वेळात घटनास्थळी भेट देणार.
शहरी नक्षलवाद आणि भीमा कोरेगाव प्रकरणातील आरोपीला कोरोनाची लागण, जेष्ठ कवी आणि विचारवंत वरवरा राव यांची कोविड 19 चाचणी सकारात्मक, तळोजा जेलमध्ये तब्येत खराब झाल्यानं दोन दिवसांपूर्वी जेजे रूग्णालयात हलवलं
तहसीलदार मॅडमना कोरोना झाल्याची खोटी बातमी सोशल मीडियात व्हायरल केले प्रकरणी एकावर पंढरपूर मध्ये पोलिसांनी केला गुन्हा दाखल
राजस्थान हायकोर्टात सचिन पायलट यांच्यासह समर्थक आमदारांची परीक्षा, पायलट यांच्यासह त्यांच्या गटातील आमदारांच्या याचिकेवर थोड्याच वेळात सुनावणी केली जाणार आहे. विधानसभा अध्यक्षांद्वारे सचिन पायलट यांच्यासह 19 आमदारांना पाठवण्यात आलेल्या नोटिस संदर्भात हायकोर्टात सुनावणी होणार आहे.
सुशांत सिंह राजपूतची कथित गर्लफ्रेंड आणि अभिनेत्री रिया चक्रवर्तीने सोशल मीडियावर पोस्ट करत तिला येणाऱ्या धमक्यांबाबत माहिती दिली आहे. रियाने आपल्या पोस्टमधून रेप आणि जीवेमारण्याची धमकी देण्यात येत असल्याचं सांगितलं आहे. ही धमकी mannu_raaut नावाच्या अकाउंटवरून देण्यात येत असल्याचंही रियाने पोस्टमधून सांगितलं आहे.
बीड जिल्ह्यातील कोरोना रुग्णांची संख्या दिवसेंदिवस वाढत आहे. गुरुवारी सकाळी आलेल्या रिपोर्टमध्ये तब्बल 15 जण पॉझिटिव्ह आढळून आल्याने जिल्हा पुन्हा एकदा हादरून गेला आहे. यातील गेवराईचा एक रुग्ण औरंगाबाद येथे उपचारादरम्यान पॉझिटिव्ह आढळून आला आहे.कालपर्यंत बीड जिल्ह्याची रुग्णसंख्या 262 होती. आज त्यात 15 जणांची भर पडली असून आता एकूण रुग्णसंख्या 277 झाली आहे. त्यात 12 जण मृत झाले आहेत.मृतांची संख्या 9 आहे तर 143 कोरोनामुक्त होऊन घरी परतले आहेत. आता अॅक्टिव्ह रुग्णांची संख्या 122 आहे.
लॉकडाऊन दरम्यान वकिलांनाही रेल्वेनं प्रवासाची सवलत देण्याची मागणी करणारी याचिका मुंबई उच्च न्यायालयानं फेटाळली आहे. वकिलांचा अत्यावश्यक सेवेत समावेश होत नाही, असं हायकोर्टानं सांगितलं आहे.
मुंबईतील प्रसिद्ध राणीची बाग लवकरच खुली होण्याची शक्यता आहे. कारण राणीची बाग खुली करण्यात यावी याबाबतचा प्रस्ताव राज्यसरकारला दिला असल्याची माहिती महापौर किशोरी पेडणेकर यांनी दिली आहे. सध्या मिशन बिगेन अगेन अंतर्गत मुंबई पूर्वपदावर आणण्यासाठी प्रयत्न सुरु आहेत. या पार्श्वभूमीवर मुंबईतली प्रसिद्ध राणीची बाग सूरू करण्यात यावी अशी मागणी मुंबईकरांकडून येतं होती. त्यामुळे अधिकाऱ्यांशी बैठक घेऊन याबाबत चर्चा करण्यात आली आहे. आणि त्यानंतर एक प्रस्ताव तयार करून तो राज्यसरकारला पाठवण्यात आल्याचं महापौर किशोरी पेडणेकर यांनी म्हंटल आहे. या निर्णयाचा फायदा मुंबई महापालिकेला उत्पन्न मिळवून देणारा आहे. आठवड्यातील इतर दिवशी जवळपास 4 ते 5 हजार पर्यटक भेट देत असतात. सुट्ट्यांच्या दिवशी हा आकडा जवळपास 10 हजारांपर्यंत जातो असं देखील महापौरांनी म्हंटल आहे.
मुंबईतील प्रसिद्ध राणीची बाग लवकरच खुली होण्याची शक्यता आहे. कारण राणीची बाग खुली करण्यात यावी याबाबतचा प्रस्ताव राज्य सरकारला दिला असल्याची माहिती महापौर किशोरी पेडणेकर यांनी दिली आहे. सध्या मिशन बिगेन अगेन अंतर्गत मुंबई पूर्वपदावर आणण्यासाठी प्रयत्न सुरु आहेत. या पार्श्वभूमीवर मुंबईतली प्रसिद्ध राणीची बाग सूरू करण्यात यावी अशी मागणी मुंबईकरांकडून येतं होती. त्यामुळे अधिकाऱ्यांशी बैठक घेऊन याबाबत चर्चा करण्यात आली आहे. आणि त्यानंतर एक प्रस्ताव तयार करुन तो राज्यसरकारला पाठवण्यात आल्याचं महापौर किशोरी पेडणेकर यांनी म्हटलं आहे. या निर्णयाचा फायदा मुंबई महापालिकेला उत्पन्न मिळवून देणारा आहे. आठवड्यातील इतर दिवशी जवळपास 4 ते 5 हजार पर्यटक भेट देत असतात. सुट्ट्यांच्या दिवशी हा आकडा जवळपास 10 हजारांपर्यंत जातो असंही महापौरांनी म्हटलं आहे.
अकोला : जिल्ह्यात कोरोनाचे 12 नवे रूग्ण आढळलेत आहेत. जिल्ह्यातील कोरोना रूग्णांचा आकडा 1955 वर पोहोचला आहे. आतापर्यंत 98 रूग्णांचा कोरोनामूळे मृत्यू झाला असून 1637 रूग्ण आतापर्यंत कोरोनामुक्त झाले आहेत. सध्या 220 रूग्णांवर उपचार सुरु आहेत.
रेल्वेच्या खासगीकरण विरोधात माकपच्यावतीने आज सोलापूरात निदर्शने करण्यात आली. यावेळी माजी आमदार नरसय्या आडम यांच्यासह माकपच्या 138 कार्यकर्त्यांना पोलिसांनी ताब्यात घेतलं आहे. सोलापूर रेल्वे स्थानकाच्या समोर हे आंदोलन करण्यात आलं. केंद्र सरकारने 109 रेल्वेमार्गावर 151 खाजगी रेल्वे गाड्या चालवण्यासाठी देशी-विदेशी खाजगी कंपन्यांना निमंत्रित केले आहे. यापूर्वीच सरकारने रेल्वे इंजिन व बोगीचे उत्पादन, इलेक्ट्रिकल आणि सिग्नल चे काम व मालवाहतूक मार्ग यामध्ये 100 टक्के परकीय गुंतवणुकीला मुभा दिली आहे. आता क व ड गटाच्या रिक्त असलेली 50 टक्के पदे रद्द करण्याचा व नवीन पदनिर्मिती वर प्रतिबंध करण्याचा निर्णय घेतला आहे. सरकार 400 रेल्वे स्टेशनचे जमिनीसह खाजगीकरण करणार आहे. मात्र रेल्वे खाते सरकार या देशातील करबुडव्या, दिवाळखोर नफेखोर भांडवलदारांना रेल्वेचे खाजगीकरण करून आंदण म्हणून देण्याचा घाट घातल्याचा आरोप माजी आमदार नरसय्या आडम यांनी यावेळी केला. माकपच्या सिटूच्यावतीने रेल्वेच्या खाजगीकरणाच्या विरोधात सार्वत्रिक देशव्यापी संपाची हाक देण्यात आली. त्याचाच भाग म्हणून सोलापूरात देखील आंदोलन करण्यात आले.
वन्यप्राण्यांच्या हल्ल्यात झालेल्या नुकसानीची भरपाई शेतकऱ्यांना मिळणे जानेवारी महिन्यापासून बंद झाली आहे. कोल्हापूर जिल्ह्यातील तीन कोटी निधी येणं बाकी आहे. तर राज्यातली आकडेवारीही 70 कोटीच्या घरात जाते. वनविभागाकडून या संदर्भात वेळोवेळी यासंदर्भात पत्रव्यवहार करण्यात आला. मात्र त्याला अजूनही प्रतिसाद मिळताना दिसत नाही. कोरोना संकट येण्याच्या आधीपासून हा निधी देणे बंद झाले आहे. वन्य प्राण्यांनी शेतीचे केलेले नुकसान, वन्यप्राण्यांच्या हल्ल्यात जखमी झालेल्या नागरिकांना मिळणारे नुकसान आणि प्राण्यांच्या हल्ल्यामध्ये मृत झालेल्या नागरिकांच्या कुटुंबियांना मिळणारी मदत पूर्णपणे बंद झाली आहे. त्यामुळे शेतकऱ्यांमध्ये याबाबत नाराजीचा सूर आहे.
सांगली महापालिकेच्यावतीने आपटा पोलीस चौकीजवळ बेघरासाठी चालवल्या जाणाऱ्या सावली बेघर निवारा केंद्रत 52 जण कोरोना पॉझिटिव्ह झाले आहेत. बेघर केंद्रातील एकूण 52 जणांचा अहवाल पॉझिटीव्ह आल्याने सांगलीकरांना मोठा हादरा बसला आहे. शहराच्या मध्यवर्ती आणि काँग्रेस भवन भागात हे केंद्र असल्याने या भागातील सर्व परिसर हा सील करण्यात आलाय. या निवारा केंद्राच्या परिसरात औषध फवारणी करण्यात आली असून हा कंटेंनमेंट झोन करण्यात आला आहे.
जालना : जिल्ह्यात कोरोनाच्या 80 रुग्णांची वाढ झाली असून जिल्ह्यात कोरोनाचा आकडा आता 1182 वर पोहोचला आहे. तर आजवर उपचारानंतर 715 जणांना डिस्चार्ज देण्यात आला आहे. आतापर्यंत कोरोनामुळे 49 जनांचा मृत्यू झाला आहे.
पुण्यातील येरवडा कारागृहातून मध्यरात्री पाच कैदी पळून गेले. कारागृहातील खिडकीचे गज कापून या कैद्यांनी पळ काढला. अजिंक्य कांबळे, गणेश चव्हाण, अक्षय चव्हाण, देवगन चव्हाण आणि सनी पिंटो अशी पळून गेलेल्या कैद्यांची नावे आहेत. कारागृहातील इमारतीच्या चौथ्या बिल्डींग मधील पाचव्या मजल्यावरील एका खोलीत या कैद्यांना ठेवण्यात आलं होतं. मध्यरात्रीच्या सुमारास या कैद्यांनी खिडकीचे गज कापले आणि पळ काढला. या कैद्यांमध्यव तिघेजण दौंड तालुक्यातील एक जण पुणे शहरातील आणि एक जण हवेली तालुक्यातील रहिवाशी आहेत. याप्रकरणी दौंड, वाकड, आणि हवेली पोलिस स्टेशनमध्ये गुन्हा दाखल करण्यात आला आहे.
पालघर : गडचिंचले झुंडबळी प्रकरणी 126 आरोपीं विरोधात दोन आरोपपत्र दाखल करण्यात आली आहेत. दोन साधू आणि वाहन चालक गडचिंचले तिहेरी हत्याकांड प्रकरणी डहाणूच्या न्यायालयात 126 आरोपीं विरोधात 4995 पानाचे दोषारोपपत्र तपास अधिकारी विजय पवार यांनी दाखल केले आहे. तर 5921 पानांचे दुसरे आरोपपत्र तपस अधिकारी इरफान शेख यांनी दाखल केले आहे. या प्रकरणी आता पर्यंत 165 जणांना अटक करण्यात आली होती. यामध्ये 11 अल्पवयीन बालकांचा समावेश होता.
रायगड जिल्ह्यात आजपासून बारा दिवसांच लॉकडाऊन लागू करण्याचे आदेश जिल्हाधिकाऱ्यांनी दिले आहेत. 15 जुलैच्या मध्यरात्रीपासून 26 जुलैपर्यंत लॉकडाऊन करण्यात आला आहे. गेल्या काही दिवसांत पेण, अलिबाग, रोहा, उरण तालुक्यात रुग्णांच्या संख्येत मोठी वाढ झाली आहे. जिल्ह्यात आतापर्यंत नऊ हजार कोरोनाबाधित रुग्ण आढळले आहेत. तर एकूण 219 रुग्णांचा मृत्यू झाला आहे.
पालकमंत्र्यांना प्रशासक नेमण्याचे अधिकार देण्याला उच्च खंडपीठात आव्हान, उद्या सुनावणी,
औरंगाबाद येथील मुंबई खंडपीठात पालकमंत्र्यांच्या सल्ल्यानुसार मुख्य कार्यकारी अधिकाऱ्यांकडे सत्ता सोपविण्याच्या जुलै 2020 रोजीच्या आदेशाला आव्हान,
याचिका सरपंच संसद महासंघ, राळेगणसिद्धी यांनी दाखल केली आहे. हा संघ अण्णा हजारे यांनी स्थापन केला आहे,
अण्णा हजारे यांचे अनुयायी असलेले प्रदेशाध्यक्ष नामदेवराव घुले यांच्यासह संगमनेर तालुक्यातील तीन सरपंच याचिकाकर्ते
औरंगाबाद येथील मुंबई खंडपीठात पालकमंत्र्यांच्या सल्ल्यानुसार मुख्य कार्यकारी अधिकाऱ्यांकडे सत्ता सोपविण्याच्या जुलै 2020 रोजीच्या आदेशाला आव्हान,
याचिका सरपंच संसद महासंघ, राळेगणसिद्धी यांनी दाखल केली आहे. हा संघ अण्णा हजारे यांनी स्थापन केला आहे,
अण्णा हजारे यांचे अनुयायी असलेले प्रदेशाध्यक्ष नामदेवराव घुले यांच्यासह संगमनेर तालुक्यातील तीन सरपंच याचिकाकर्ते
पुण्यात रात्रभरात 279 नवीन कोरोना रुग्णांची नोंद झाली असून पुण्यातील रुग्णांची संख्या 43 हजार 115 वर पोहोचली आहे. तर आत्तापर्यंत 1176 कोरोना बाधीतांचा मृत्यू झाला असून 27 हजार 700 रुग्ण उपचारानंतर कोरोनामुक्त होऊन घरी परतले आहेत.
महाराष्ट्राच्या पहिल्या महिला निवडणूक आयुक्त आणि आएएस अधिकारी नीला सत्यनारायण यांचं आज सकाळी COVID-19 मुळे निधन झालं. मुंबईच्या सेव्हन हिल्स रुग्णालयात उपचारादरम्यान प्राणज्योत मालवली.
महाराष्ट्राच्या पहिल्या महिला निवडणूक आयुक्त आणि आएएस अधिकारी नीला सत्यनारायण यांचं आज सकाळी COVID-19 मुळे निधन झालं. मुंबईच्या सेव्हन हिल्स रुग्णालयात उपचारादरम्यान प्राणज्योत मालवली.
कोल्हापूरमध्ये पुन्हा एकदा लॉकडाऊन करा, अशी मागणी माजी खासदार धनंजय महाडिक यांची कोल्हापूर जिल्हा प्रशासनाकडे केली आहे. मानवी जीव सर्वात अनमोल, आता परिस्थिती बिघडण्याची आणखी वाट न पाहता, जिल्हा प्रशासनाने कडक लॉक डाऊन जाहीर करावा, अशी मागणी भाजपचे राज्य कार्यकारणी सदस्य आणि माजी खासदार धनंजय महाडिक यांनी केलीय. कोल्हापूर जिल्ह्यात 1500 पेक्षा अधिक कोरोना पॉझिटिव्ह रुग्णसंख्या गेलीय. दिवसागणिक पेशंट वाढत आहेत. त्यामुळे कोल्हापूर जिल्ह्यात किमान 10 दिवस लॉक डाऊन पाळून, संसर्ग साखळी खंडित करणं आवश्यक आहे, अशी भूमिका महाडिक यांनी मांडली आहे.
अमरावती शहरातील जयस्तंभ चौक परिसरातील महात्मा गांधी मार्केटची तीन मजली इमारत आज सकाळी पहाटे तीनच्या सुमारास कोसळली असून यात दोन चौकीदार जखमी झाले आहेत. रात्री अमरावतीत तीन तास मुसळधार पाऊस पडला होता. या इमारतीमध्ये विजय इलेट्रॉनिक्स, भारत हॅन्डलम, दुर्गा साडी, सिरवानी फॅशन, प्रकाश टेक्स्टाईल्ससह १५ दुकानांचे नुकसान झाले आहे. सध्या महापालिकेची टीम घटनास्थळी पोहोचली असून ढिगारा हटवण्याचे काम सुरु आहे. विशेष म्हणजे ही इमारत 1966 ची असून या तीन मजली इमारतीला महापालिकेची कोणतीही नोटीस नव्हती. लॉकडाऊनमुळे ही इमारत तीन महिने बंद असल्याने ही इमारत कोसळली असावी, असा अंदाज व्यापाऱ्यांनी व्यक्त केला आहे. या तीन मजली इमारत कोसळल्याने व्यापाऱ्यांचं मोठ्या प्रमाणात लाखो रुपयांच नुकसान झालं आहे.
मुंबईच्या मरीन लाईन्स परिसरात मध्यरात्री एका तीन मजली इमारतीचा मोठा भाग कोसळला. श्रीहरी सेवा निवास असे या इमारतीचे नाव आहे. या इमारतीमध्ये काही दुकाने आणि कारखाने असून आजूबाजूला रहिवासी वस्ती आहे. सुदैवाने लॉकडाऊन असल्याने ही इमारत रिकामी होती. त्यातच इमारतीचा सुरुवातीला काही भाग कोसळला तेव्हा आजूबाजूचे रहिवासी घर सोडून बाहेर आले होते. यामुळे मोठी जीवितहानी टळली आहे. मात्र प्रशासनाच्या दुर्लक्षामुळे ही घटना घडल्याचा आरोप स्थानिकांनी केला आहेत.
औरंगाबाद जिल्यात 66 रुग्णांचे अहवाल आज सकाळी पॉझिटिव्ह आले आहेत. आतापर्यंत 9510 कोरोना बाधित आढळले आहेत, त्यापैकी 5499 बरे झाले आहेत. तर 370 जणांचा मृत्यू झाला आहे. तर 3641 जणांवर उपचार सुरु आहेत. अँटीजेन टेस्टमध्ये 14 जण पॉझिटिव्ह आढळले.
- मुख्यपृष्ठ
- बातम्या
- महाराष्ट्र
- LIVE UPDATES | लोणावळ्यात सात दिवसांचा लॉकडाऊन घेण्यासाठी प्रस्ताव