काँग्रेस कार्यकर्त्या रेश्मा पडेकनूर आणि एमआयएम नगरसेवक तौफिक शेख यांच्यामध्ये मागील काही वर्षांपासून वाद सुरु होता. लोकसभा निवडणुकीच्या दरम्यान रेश्मा यांनी तौफिक शेख यांच्याविरोधात विनयभंगाची तक्रार दिली होती. त्यानंतर काही दिवसांनी त्या बेपत्ता झाल्या.
VIDEO | हळदीला लग्नाच्याच मंडपात वादावरुन दोघांची निर्घृण हत्या | स्पेशल रिपोर्ट
विजयपूरजवळ असलेल्या कोलार गावात काल संध्याकाळी सात वाजता रेश्मा यांचा मृतदेह सापडला. पोलिसांनी मृतदेह ताब्यात घेतला असून विजयपूरमध्ये शवविच्छेदनसाठी आणण्यात आला आहे.
दरम्यान, रेश्मा पडनेकूर यांच्या हत्येप्रकरणी नगरसेवक तौफिक शेख यांच्यावर रात्री गुन्हा दाखल करण्यात आला. तौफिक शेख यांनी रेश्मा यांच्याकडून 13 लाख रुपये घेतले होते, पैसे परत करण्याच्या बहाण्याने रेश्मा यांना घरातून बाहेर नेऊन त्यांची हत्या केल्याचा आरोप रेश्मा यांचे पती बंदेनवाज पडनेकूर यांनी पोलिसात केला आहे. मात्र आरोपी तौफिक शेख सध्या परागंदा आहे.