पुणे : राज्यातील काँग्रेस पक्ष अंतर्गत वादामुळे किती पोखरला आहे, याचं आणखी एक उदाहरण पुण्यातून समोर आलं आहे. महापालिका निवडणुकीच्या पार्श्वभूमीवर काँग्रेस नेते सुरेश कलमाडी यांच्या समर्थनार्थ पोस्टर्स पुण्यात झळकत आहेत. 'कलमाडी को लाओ, काँग्रेस बचाओ' आणि 'तिकीट विकणाऱ्यांना हटवा, काँग्रेस वाचवा' अशी वाक्य या पोस्टरवर लिहिण्यात आली आहेत. मात्र ही पोस्टर कुणी लावली, हे अद्याप समजू शकलेलं नाही. दरम्यान, या पोस्टरबाजीमुळे काँग्रेसमधील गटबाजी पुन्हा एकदा चव्हाट्यावर आली आहे. मुंबई काँग्रेसमध्येही तिकीट वाटपावरुन मुंबईचे अध्यक्ष संजय निरुपम यांच्याविरोधात अनेक नेते समोर आले होते. काँग्रेसचे ज्येष्ठ नेते गुरुदास कामत, नारायण राणे यांनी संजय निरुपमांविरोधातील नाराजी जाहिरपणे बोलून दाखवली होती. तर काँग्रेसच्या अनेक कार्यकर्त्यांनी संजय निरुपम यांची एकाधिकारशाही असल्याचं सांगत पक्षाला रामराम ठोकला होता. संबंधित बातम्या :

संजय निरुपम-गुरुदास कामत कार्यकर्ते भिडले

मुंबई काँग्रेसमध्ये दुफळी, निरुपम विरुद्ध कामत वाद पुन्हा उफाळला

निवडणूक प्रक्रियेत सहभाग नको, गुरुदास कामत यांचा एसएमएस